سمكري ولا بوهيجي

[abo_lamar]

اولا انا بأشكر القائمين على هذا المنتدى الرائع والمفيد

ثانيا : النهاردة وانا ماشي بعربيتي الانوس اللي لسه جايبها من شهر وفرحان بيها واحد سواق مكروباص الله يخرب بيته مال عليا عشان يعدي من مدخل مايعديش الا عربية واحدة عشان يسابق واحد صاحبه , المهم البيه راح سايبلي تذكار في جنب العربية انا مش عارف الصورة واضحة ولا لأ .. بس عايز ارف حتحتاج لبوهيجي بس ولا لازم سمكري كمان وتقريبا ممكن تتكلف كام ... واسف للأطالة عليكوا ... وشكرا .

[samirayad]

بعد ماتردها على البارد ........حاول معاها بالبولش والكمباوند الأول .......لأن الحكه مش باينه برضه ....جابت فللر البويه الأصليه معاها ولا لا وبقت على الصاج .....وممكن يكون لون من بتاع الميكروباص .....وحيروح معاك على طول بالنظافه والبولش ......لو الموضوع ده مجبش نتيجه ......حتسخدم قلم الدوكو المعبأ ببويه من نفس اللون بتاعك ..............والحمد لله على كل حال

[waleedrahmy]

بعد ماتردها على البارد ........حاول معاها بالبولش والكمباوند الأول .......لأن الحكه مش باينه برضه ....جابت فللر البويه الأصليه معاها ولا لا وبقت على الصاج .....وممكن يكون لون من بتاع الميكروباص .....وحيروح معاك على طول بالنظافه والبولش ......لو الموضوع ده مجبش نتيجه ......حتسخدم قلم الدوكو المعبأ ببويه من نفس اللون بتاعك ..............والحمد لله على كل حال

+1+1+1

[khalid9411]

+11111111111

[Akram]

سيبها شوية , دي علامة انك بتمشي في مصر :)
و علشان الصورة مش واضحة , لو في اعوجاج في الصاج يبقى لازم سمكري و شكلها مش هتعدي 50 ج ,
و بعد السمكري هيبان هل محتاجة لبويجي يعمل الرفرف كله و لا ممكن بولش زي ما سمير قال ,
و لو هتحتاج بويجي فمش هتكلف اكتر من 100 ج ,
و متضايقش نفسك لازم كل فترة هتلاقي حاجات بتحصل زي دي , قدر الله و ما شاء فعل .

[abo_lamar]

الف شكر يا اغلى الاصحاب على الردود وربنا يسهل واعملها وتكون بسيطة

[alaasaid]

السلام عليكم و رحمة الله و بركاتة ,

الحمد الله انك بخير و ربنا يستر , ان شاء الله لما تصلح العربية يا ريت توضح لنا التكاليف و عملت التصليح عند مين .

[elmashboh]

احمد ربنا ده سهله جدا الميكروباص شكلو كان ابيض لانو سايب بوهيه على عربيتك دى بتتشال ببولش كريم تلميع عند اى بهيجى وردها على البارد مترشش عند اى سنكرى نظيف ؟