مشكلة غريبة جدااا فى العربية ارجو المساعدة ...........

[sokasoon]

• المشكلة يا جماعة غريبة وحصلت بعد تظبيط الزوايا والترصيص
  
  وهيا ان كل ما احود الدركسيون للشمال على الاخر اسمع صوت زى
  
  تزيق شوية وبحس انو زى تنفيس كده مش عارف ليه فهل ده بسبب ظبط الزوايا
  
  ولا ده شىء اخر وفيه ملحوظة وانا ماشى هادى بالعربية وشيلت رجلى من على البنزين
  
  ورجلى التانية على الدبرياج بلاقى العربية بتنط كده مش جامد بس بلاقيها بتتقدم
  
  مرة واحدة لقدام وترجع تانى عادى مش عارف ليه بخفية يعنى ماتحسهاش جامد

[hazem_khidr]

بالنسبه للصوت دا يا وليد دا يبقي صوت موتور الباور و دا عادي انك تسمعه تلاقيك مكنتش بتاخد بالك من ه قبل كده,
اما النطه اللي بتقول عليها دي ف دا ظبطه رجلك علي الدواسه اضبطها كويس في الغالب دا السبب

[sokasoon]

بالنسبه للصوت دا يا وليد دا يبقي صوت موتور الباور و دا عادي انك تسمعه تلاقيك مكنتش بتاخد بالك من ه قبل كده,

انا ماكنتش بلاحظ الصوت ده خاااالص وانا بركن امباح لقيت

الصوت ده لما بجيب الدركسيون شمال للخر اسمعو ارجع

الدركسيون سنة صغيرة تروح

اما النقطه اللي بتقول عليها دي ف دا ظبطه رجلك علي الدواسه اضبطها كويس في الغالب دا السبب

• بس يا حازم انا ببقا شايل رجلى من على دواسة البنزين وسايب رجلى
  
  الشمال على الدبرياج وسابتة بس مش للاخر يعنى نص الدواسة كده
  
  وبلاقى ان العربية بتشد مرة واحدة لقدام وترجع كده بطريقة غريبة
  
  وشكراااااااااا يا حاااااااااااااااااااازم جداااا لردك عليا
  
  جزاك الله خيرااااااااااااااااااااااا

[hazem_khidr]

انا ماكنتش بلاحظ الصوت ده خاااالص وانا بركن امباح لقيت

الصوت ده لما بجيب الدركسيون شمال للخر اسمعو ارجع

الدركسيون سنة صغيرة تروح

ممكن تكون بتبقي مشغل كسيت او مشغل التكييف و قافل الزجاج عليك ما بتسمعوش.

بس يا حازم انا ببقا شايل رجلى من على دواسة البنزين وسايب رجلى

الشمال على الدبرياج وسابتة بس مش للاخر يعنى نص الدواسة كده

وبلاقى ان العربية بتشد مرة واحدة لقدام وترجع كده بطريقة غريبة

دا لازم العربيه تنط علشان انت مش حاكم رجلك علي الدبرياج زي ما انا قايلك فوق جرب كده تكون رجلك تحت خالص العربيه مش حتعمل كده منك.
و بعدين في حاجه و انت رجلك في نص الدواسه يبقي كانك مش دايس خالص علشان الدبرياج بيفصل في معظم العربيات عند لربع او النص بالكتير.
جرب كده و قولي و يا سيدي لا شكر علي واجب يا لولو احنا اخوات

[Sherif Khalifa]

الصوت دا عادى بيظهر لما تجيب الدركسيون على الاخر

صوت حاجة بتنفس

[sokasoon]

الصوت دا عادى بيظهر لما تجيب الدركسيون على الاخر

صوت حاجة بتنفس

• بالظبط يا شريف صوت تنفيس بس انا كنت اول مرة الاحظو خالص
  
  الحمدلله ان مافيش مشكلة انا افتكرت الراجل اللى ظبطلى الزوايا عمل حاجة
  
  شكرااا يا شريف لمشاركتك

[Abdallah]

الصوت عادى بس اعتقد فى عربية كسر زيرو بيبقى غريب شوية!!!!
حركة الدبرياج طبيعية برضة والافضل متعملهاش تانى علشان متحرقش الاسطوانة بسرعة.

انا بقى عندى سؤالين كدة على الماشى, هو فى ضبط كهرباء فى اللانوس ؟؟؟؟
انا بسمع صوت ظغرطة او كركرة او ايا كان اسمه لما بنقل من نقلة الى اخرى والصوت دة كان فى الكورولا بيبقى كهرباء زيادة , هل فى اللانوس نفس الوضع وبتتظبط ازاى؟؟؟
تانى سؤال, هل طبيعى فى اللانوس ان دواسة الدبرياج تزيق؟؟؟؟

[memoo305]

ضبط كهرباء فى اللانوس

لا يوجد لأن العربية مافيهاش أسبراتير

بسمع صوت ظغرطة او كركرة او ايا كان اسمه لما بنقل من نقلة الى اخرى

حط بنزين92

[Adham]

مافيهاش اسبراتير !!!


إزاي ؟؟؟ أمال ازاي الكهرباء بتتوزع عالبوجيهات ؟؟؟ و الاشعال بيتضبط ازاي ؟؟؟؟

[Sherif Khalifa]

موبينة اليكترونى

[Adham]

ماشي ما هو اي عربية فيها موبينو الكتروني بس برضة فيها اسبراتير

امال اية اللي بيوزع الكهرباء من البوبينة عالبوجيهات

[Abdallah]

انا فعلا بستعمل بنزين 92 ومغير السيور كلها قريب .

[MMamdouh]

ماشي ما هو اي عربية فيها موبينو الكتروني بس برضة فيها اسبراتير

امال اية اللي بيوزع الكهرباء من البوبينة عالبوجيهات

كل عربية فيها بوبينة بس مش كل عربية فيها اسبيراتير

اللى بيوزع الشرارة فى اللانوس هو الكمبيوتر... بناء على اشارة من حساس الكرنك الكمبيوتر بيعرف الكرنك فى اى وضع و لما يجى قبل النقطة الميتة العليا بعشر درجات بيدى اشارة للبوبينة عشان تولد شرارة و بالتالى الكمبيوتر هو اللى بيعمل شغلة السبراتير... اكلام دة شرح مبسط جدا لكن فى الحقيقة بيبقى فيه عوامل كتير اوى بتاثر على توقيت الشرارة

طبعا دة بيوضح ان حساس الكرنك لو باظ العربية مش حتدور ابدا

MMamdouh

[Adham]

ماشي ما هو اي عربية فيها موبينو الكتروني بس برضة فيها اسبراتير

امال اية اللي بيوزع الكهرباء من البوبينة عالبوجيهات

كل عربية فيها بوبينة بس مش كل عربية فيها اسبيراتير

اللى بيوزع الشرارة فى اللانوس هو الكمبيوتر... بناء على اشارة من حساس الكرنك الكمبيوتر بيعرف الكرنك فى اى وضع و لما يجى قبل النقطة الميتة العليا بعشر درجات بيدى اشارة للبوبينة عشان تولد شرارة و بالتالى الكمبيوتر هو اللى بيعمل شغلة السبراتير... اكلام دة شرح مبسط جدا لكن فى الحقيقة بيبقى فيه عوامل كتير اوى بتاثر على توقيت الشرارة

طبعا دة بيوضح ان حساس الكرنك لو باظ العربية مش حتدور ابدا

MMamdouh

شكرا أستاذ ممدوح عالمعلومة

بس انا فية جزئية مش فاهمها

البينة حاتدي الاشعال في التوقيت المضبوط بناء على حساس الكرنك بس اية اللي حايودي الشرارة دي لغرفة الاحتراق المطلوبة

يعني اية اللي حايوجه الشرارة اللي خارجة من البوبينة للبستم اللي في شوط الكبس دوناً عن الباقين

[MMamdouh]

البوبينة بتاخد اشارة من الكمبيوتر عن طريق سلكين فى الفيشة بتاعتها و بناء على الاشارة اللى جايالها بتبعت شرارة الى بستمين فى نفس الوقت من خلال اسلاك البوجيهات... لو بصيت كويس على البوبينة حتلاقيها اكنها نصين فى بعض و الكمبيوتر بيشغل نص كل دورة يعنى الشرارة بتطلع لبستمين كل مرة

الموضوع دة هو السبب فى انك لو عكست اسلاك بوجيهات 1 و 4 العربية حتمشى عادى جدا و نفس الفكرة لو عكست 2 و 3... لاحظ ان 1 و 4 على نفس النص بتاع البوبينة و 2 و 3 على النص التانى اما لو خلطت اسلاك من كل نص العربية مش حتدور

واحد حيسالنى يا كابتن لطيف ليه بستمين فى نفس الوقت؟ اقولة دى اضافة عشان البيئة الهدف منها حرق اى كمية من البنزين لم تحترق فى شوط القدرة خلال شوط العادم... يعنى كل بستم بتحصل فيه شرارة خلال شوط القدرة و و شوط العادم فيما يعرف بنظام waist spark

MMamdouh