نصيحتي لكل الي معاهم لانوس محدش يعدي ال 140

[blockman]

نصيحتي لكل الي معاهم لانوس محدش يعدي ال 140 اللهم اما بلغت اللهم اما فشهد
انا جبت بالعربية 180 علي طريق مصر اسكندرية وفي حاجات في الموتور باظت بس الحمدلله ربنا ستر انها عطلت بعد ما وصلت ميدان لبنان مش في الصحراوي وقطرناها لحد الميكانيكي يا جماعة انا كنت فاكر العربية دي حاجة طلعت ولا الهوا مسدتش خالص انا يدوبك جبت ال180 ماكنتش ماشي عليها هي ثانية واحدة

[faron525]

طب هي عربية حضرتك موديل كام ؟؟

[Eslam.Elrefaey]

طب هي عربية حضرتك موديل كام ؟؟

[kero25]

بس انا بجيب بيها ال 180 والحمد لله زى الفل هى ممكن كانت فى حاجة عندك على وشك انها تبوظ بس لما قرصت عليها باظت بسرعة ده الارجح

[ahmad--ezzat]

بس انا بجيب بيها ال 180 والحمد لله زى الفل هى ممكن كانت فى حاجة عندك على وشك انها تبوظ بس لما قرصت عليها باظت بسرعة ده الارجح

اة فعلا...

اكيد حاجة زى كدة...بس خد بالك الانوس خفيفه

[elwad_crazy]

انا جبت بيها مره 170 كوعه الميه اللى جنب سير الكاتينه
ضرب
والحمدلله قدر اخف من قدر
فبلاش تجري الفرق بين اللى ماشى 120 و180 حجر شيشه :d

[Eng.Sameh]

انا جبت بيها مره 170 كوعه الميه اللى جنب سير الكاتينه
ضرب
والحمدلله قدر اخف من قدر
فبلاش تجري الفرق بين اللى ماشى 120 و180 حجر شيشه :d

قصدك يعني اللي بيشرب شيشة نفسه قصير فمش هيجيب اكتر من 120 ؟؟

[SOBKY]

انا جبت بيها مره 170 كوعه الميه اللى جنب سير الكاتينه
ضرب
والحمدلله قدر اخف من قدر
فبلاش تجري الفرق بين اللى ماشى 120 و180 حجر شيشه :d

هو طبعا حضرتك قصدك الفرق بينهم وقت شرب حجر شيشة ... صح ؟؟
بس ما حددتش الشيشة ايه ...؟؟؟
لانه لو معسل هايبقى فرق وقت بسيط ... لكن لو تفاحة ممكن ساعة.
انا طبعا باهزر معاك يا مان ...
بس عامة الطرق في مصر ماتساعدش على اكتر من 120 - 130 كحد اقصى.
وطالما الواحد مش واثق في الطريق او العربية فالافضل انه ما يخاطرش و يجري .
ربنا يسترها علينا و على عربياتنا .... ااااميييين يا رب

[samirayad]

تشغيل أى معده هندسيه عند سرعات عاليه وحرجه.....بتقترب من أقصى سرعات تصميميه لها بيعتبر تدمير للمعده مع العمر الأفتراضى .....لأن ده ( أى الأصرار المستمر لتشغيل المعده على تلك السرعات الحرجه ) بيوصل المعده لظاهره هندسيه أسمها الرنين resonance ......ودى عباره عن توافق وصول ذبذبة التشغيل لقطعه معينه من المعده ....الى الذبذبه اللى ممكن يحدث عندها أنهيار لتلك القطعه .....................

- وأكثر القطع الهندسيه فى السيارات اللى ممكن أن يحدث لها أنهيار مع الأصرار المستمر للعمل عند السرعات الحرجه .....هى أجزاء العفشه بالذات .........

_ علشان كده أنا رأيى من رأى أخونا اللى قال .....

فبلاش تجري الفرق بين اللى ماشى 120 و180 حجر شيشه

والصراحه الكلام كله عين العقل ......وهو يقصد (أى زميلنا الفاضل ) أنك لو عملت مشوار بسرعه 180 ونفس المشوار بسرعة 120 .......حتلاقى الفرق فى الوقت بين الزمنين .....يادوب يعادل أنك تاخد حجر شيشه على قهوه ( يعنى بتاع 10 دقايق ) فهل الواحد يجازف بحياته ويعمل أبو على من أجل توفير مده زمنيه تعادل كرسى معسل فى الوقت ........والعربيه بمكنتها عباره عن حتة حديده وجماد لايفهم ولا تعقل........... أنما أنا أعقل ......والسواقه وفنها ......مش بس دواسة البنزين .....

_ والنبى (ص) قالنا ..................أعقلها وتوكل .........(ص).....اللهم أهدى كل سواق متهور

[JAM]

تشغيل أى معده هندسيه عند سرعات عاليه وحرجه.....بتقترب من أقصى سرعات تصميميه لها بيعتبر تدمير للمعده مع العمر الأفتراضى .....لأن ده ( أى الأصرار المستمر لتشغيل المعده على تلك السرعات الحرجه ) بيوصل المعده لظاهره هندسيه أسمها الرنين resonance ......ودى عباره عن توافق وصول ذبذبة التشغيل لقطعه معينه من المعده ....الى الذبذبه اللى ممكن يحدث عندها أنهيار لتلك القطعه .....................

- وأكثر القطع الهندسيه فى السيارات اللى ممكن أن يحدث لها أنهيار مع الأصرار المستمر للعمل عند السرعات الحرجه .....هى أجزاء العفشه بالذات .........

_ علشان كده أنا رأيى من رأى أخونا اللى قال .....

والصراحه الكلام كله عين العقل ......وهو يقصد (أى زميلنا الفاضل ) أنك لو عملت مشوار بسرعه 180 ونفس المشوار بسرعة 120 .......حتلاقى الفرق فى الوقت بين الزمنين .....يادوب يعادل أنك تاخد حجر شيشه على قهوه ( يعنى بتاع 10 دقايق ) فهل الواحد يجازف بحياته ويعمل أبو على من أجل توفير مده زمنيه تعادل كرسى معسل فى الوقت ........والعربيه بمكنتها عباره عن حتة حديده وجماد لايفهم ولا تعقل........... أنما أنا أعقل ......والسواقه وفنها ......مش بس دواسة البنزين .....

_ والنبى (ص) قالنا ..................أعقلها وتوكل .........(ص).....اللهم أهدى كل سواق متهور :_alshmokh22[1]:

تسلم يا بشمهندس سمير... سيادتك بردك العلمى والعملى بتخلى لا مجال للإفتكسات وكل وحد يقول كلمة من عنده
وفعلآ الفرق ما بين ال 120 وال 180 حجر شيشة

[Samir Elshahawy]

طبعا انا ضد الجري و بالسرعة دي لأني وجدت فعلا أنها مش مستاهلة و مافيش سبب منطقي للجري , خاصة بعد ماكنت راجع مرة من الغردقة (خليج مكادي - 485 كم) الي القاهرة و كنت بالليل و الطريق و العربية مساعديني و شديت ووصلت بالسرعة الي 170 كم/ساعة و مع ذلك كل اللي وفرته 15 دقيقة !!!!!

طبعا لومت نفسي لأني جريت و عرضت نفسي للخطر علي الفاضي

[Morieno]

انا شايف اساسا ان حضرتك كاتب فى البروفيل لانوس2000
ولو قسنا دا بطريقه السواقه دى يبقى العربيه بتجرى بقالها 9 سنين وداخله على 10 اه
يعنى كتر خيرها لما تمشى معاك على 100-110
ولا عمر الاستهلاك دا مالهوش حساب؟؟؟؟؟؟؟؟؟؟؟؟؟؟؟؟؟؟؟؟

[elwad_crazy]

انا قصدي زي بشمهندس سمير قال
ان الفرق بين اللى ماشى 180 و 120 اكنه قعد شرب خجر او شاى على القهوه

انا شايف اساسا ان حضرتك كاتب فى البروفيل لانوس2000
ولو قسنا دا بطريقه السواقه دى يبقى العربيه بتجرى بقالها 9 سنين وداخله على 10 اه
يعنى كتر خيرها لما تمشى معاك على 100-110
ولا عمر الاستهلاك دا مالهوش حساب؟؟؟؟؟؟؟؟

ياباشا انا مش فاهم قصد بالظبط
بس لو قصدك ان العربيه بقالها 10 سنين ماشيه
معني كده انه ميمنعش انها تجيب سرعتها القصوي

انا برضو عربيتى موديل 2000 والحمدلله طالما محافظ عليها مبتقرصش عليها
واي حاجه تحس بيها تجري على تشوف فيها ايه

لازم تعيش معاك انا الحمدلله بجيب بيها 180 مستريح
بس ده لما احب اجري بيها شويه على طريق سفر
انما اخري بجري 130 جميل اوى

[Mohamed.Fawzy]

نصيحتي لكل الي معاهم لانوس محدش يعدي ال 140 اللهم اما بلغت اللهم اما فشهد
انا جبت بالعربية 180 علي طريق مصر اسكندرية وفي حاجات في الموتور باظت بس الحمدلله ربنا ستر انها عطلت بعد ما وصلت ميدان لبنان مش في الصحراوي وقطرناها لحد الميكانيكي يا جماعة انا كنت فاكر العربية دي حاجة طلعت ولا الهوا مسدتش خالص انا يدوبك جبت ال180 ماكنتش ماشي عليها هي ثانية واحدة

ماينفعش تعمم و مش مقياس ابدا

انا جبت بعربيتى السرعه دى و اكتر منها و كنت مشغل التكييف كمان على طريق السخنه فى اكثر من سفريه و الحمد لله مفيش اى مشكله بالعكس اداء العربيه بقه احسن

المشكله فى عربتك انت تحديدا.

الموضوع ليه ابعاد كتير ( عربيتك موديل كام - بتعملها الصيانات الدوريه ولا لأ - كنت المالك الأول ولا لأ - هل عملت عمره للموتور قبل كده - بتحط زيت نوعه ايه - بتغير فلاتر نوعها ايه )

ولو قعدنا نعند مش هنخلص فيه مليون سبب ممكن يسبب المشكله اللى حصلت لحضرتك

[Morieno]

ياباشا انا مش فاهم قصد بالظبط
بس لو قصدك ان العربيه بقالها 10 سنين ماشيه
معني كده انه ميمنعش انها تجيب سرعتها القصوي

انا برضو عربيتى موديل 2000 والحمدلله طالما محافظ عليها مبتقرصش عليها
واي حاجه تحس بيها تجري على تشوف فيها ايه

دا عشان انت مهتم بعربيتك ومحافظ عليها لكن صوابع ايديك مش زى بعضيها

ودمتم زى الفل