فتيس الانوس

[ahmedaliaeg]

السلام عليكم
انا عندى ونه فى الفتيس غيرت طقم الدبرياش
ونفس المشكله موجوده المكنيكى قلى انه لو الونه بتروح لما بتشيل
رجليك من على الدبرياشيبقى بليه الدبرياش بس انه لسه مغيرها معملتش حاجه
انا عايز اعرف اغيره كله استراد؟ وهو الاستراد بكام
ولا التصليح احسن

[ahmedfawzy14]

غيره طبعا
وخده على تجربة اسبوع من الحرفين

انا كنت شفته فى بورسعيد ب 700 جنيه

ممكن فى القاهرة يبقى اغلى شوية

[samirayad]

ونفس المشكله موجوده المكنيكى قلى انه لو الونه بتروح لما بتشيل
رجليك من على الدبرياشيبقى بليه الدبرياش

طيب كده كلام الميكانيكى صح ........قولنا أمتى بقه الونه بتحصل معاك يابشمهندس ......لأنها ممكن تكون مشكله بسيطه برضه لاتستدعى تغيير الفتيس مثلا .......زى بلية عمود الدريك بس .....هى اللى عاوزه تتغير مثلا ...........يعنى ممكن يكون عيب بسيط برضه .........وهل بتستعمل زيت 90 ولا 140

[mmahermf]

احتمال كبير تكون بلية الدرك زي ما قال المهندس/سمير لأن الموضوع ده كان معايا في عربيتي القديمة (فيات 125) واتحل بتغيير بلية الدرك.
في واحد مشهور جدا في شبرا اسمه صليب وهو بتاع فتيس بس متخصص يعنى وأشهر من نار على علم اسأل عليه أي حد معرفة ساكن في شبرا حيدلك عليه.

[waleedrahmy]

ابحث عن السبب الاول جيدا ومدخلش نفسك في تغيير فتيس مرة واحدة

[Akram]

زي ما الناس بتقول , شوف السبب ايه الأول قبل ما تدخل في قصة تغيير ,
و يا ريت متستناش و تشوف واحد متخصص في الفتيس مش أي حد ,
و ممكن تقولنا انت مكانك فين علشان الناس تقدر تساعدك اكتر.

[A.samy]

المكنيكى قلى انه لو الونه بتروح لما بتشيل
رجليك من على الدبرياشيبقى بليه الدبرياش

انا عندى نفس صوت الونة دة بسمعة لما تكون العربية لسة باردة وبدورها ولما بدوس دبرياج للاخر الصوت بيروح
لاكن لما العربية بتسخن مبسمعش الصوت دة يبقى الصوت دة من اية البلية بردة