استريت قربة مية وبردة كل مملاها الاقيها فاضية

[samirayad]

هل المفروض كنت اعمل ايدل ليرن؟؟

أيوه ....جرب الحته دى بقه ...وأبقى ألغى علبة البيئه

[akramlail]

سؤال انا بتعبك معايا اصلح الشكمان الاول اجيب واحد جديد قبل معمل حاجة ولا الحمة مؤقتا وانا محتار اوديها للى كان قاللى صباب انا حاسس انة فاهم وعرف من غير ميحل حاجة مجرد شاف التقطيعة من الشكمان

[akramlail]

وبالنسبة للزيت انا هغير زيت تقترح احط نوع اية كان فية اخوة هنا بيتكلمو على زيت مصرى مش فاكر اسمة وبيشكروا فية وسعرة معقول اظن التعاون مش عارف لو حضرتك تفدنى بية ------ وخالص تحياتى

[samirayad]

سؤال انا بتعبك معايا

أولا مفيش تعب ولا حاجه .....دا أنا بأفرح لما بفكر مع أى زميل

اصلح الشكمان الاول اجيب واحد جديد قبل معمل حاجة ولا الحمة مؤقتا

أعرضه على واحد بتاع شكمانات كويس الأول .....وخد رأيه ......وألغى العلبه بماسوره بنفس الطول بفلانشتين .....وحسب حالة الشكمان .....الوضع حيبان مع الراجل بتاع الشكمانات .....وخد معاك واحد صاحبك يكون شاطر وعارف الأمور دى كويس .....بحيث يبقى فيه تشاور بينكم ....وأقتناع برأى بتاع الشكمانات .....

وانا محتار اوديها للى كان قاللى صباب

هو مفيش حد عندك يا أستاذ : أكرم غير دول .......ربنا يسهل ونلاقى واحد من الزملاء يلك على حد كويس فى مكان أقامتك ( واعتقد من البروفايل .....أنك مقيم بالأسكندريه........ وبرضه كنت سمعت تقريبا منك كلمة دمياط قبل كده ...........فممكن تأكد مكان الأقامه للزملاء )

انا حاسس انة فاهم وعرف من غير ميحل حاجة مجرد شاف التقطيعة من الشكمان

يعنى أيه فاهم ....وكون أن قال تقطيعه من الشكمان ....سببها الصبابات أو الصباب يبقى فاهم ......طيب ماممكن تكون حاجه فى عملية التحكم ( عيب حساس مثلا ) وده حيبان معاك بالأسكانر ........أعمل الشكمان الأول .....لأنه برضه ممكن يكون ليه دخل كبير بالفيلم اللى عندك .....وهو اللى كتم المكنه وبوظ الجوان بتاع رأس السلندر وعمل خلوص بين الرأس والبلوك بعمل رد عكسى عليها ( خنقها كده بالبلدى ) والميه كانت بتروح للسبب ده برضه.يعنى ممكن يكون سبب كل المشاكل دى حالة الشكمان ........وتبص تلاقى كل حاجه أتحلت مع عمل شغل صح للشكمان ( طيب أنت رأيك أيه فى الواحد اللى بيبقى عنده أمساك ..............بزمتك مش بيبقى مخنوق وبيطلع فى الروح ومكتوم على نفسه ) هو كده الشكمان بالظبط .....دوره التنفيس عن المكنه وتفويقها............ههههههههههههه........سورى على التشبيه ......بس خللى بالك الفكره واحده فعلا ..........

[samirayad]

وبالنسبة للزيت انا هغير زيت تقترح احط نوع اية كان فية اخوة هنا بيتكلمو على زيت مصرى مش فاكر اسمة وبيشكروا فية وسعرة معقول اظن التعاون مش عارف لو حضرتك تفدنى بية ------ وخالص تحياتى

أستعمل زيت شيل الأصفر ...........فيه زملاء كتير شكروا فيه .....وانا ناوى أتحول اليه المره الجايه أن شاء الله

[akramlail]

انا حاليا فى دمياط والمفروض ارجع اسكندرية بس خايف اتحرك بيها لو فية حد من الاخوة من دمياط يدلنا على مكانيكى كويس ربنا يكرمكم جميعا----انا كنت غيرت علبة الشكمان اللى ورة والمفروض كمان اللى فى النص كذا واحد قاللى كدة بس لحمتها لحد ما الواحد يسترجع انفاسة وعايز اقولك انى سافرت بيها والعلبتين مخرومين والصوت بشع هل دة سبب فى اللى حاصل

[samirayad]

طيب ماتروح للميكانيكى ده ......وأسأله عن واحد بتاع شكمانات كويس فى دمياط ..........يطمنك على الشكمان كله .....وبعد ماتخلص الشكمان جرب العربيه فى مشوار بسيط (بين دمياط وكفر البطيخ ) مثلا ..........قبل ماتسافر بيها الى الأسكندريه

[akramlail]

كمان عارف كفر البطيخ انت بتحب الحضرى بقة ههههه---الشكمان مقدور علية مش مشكلة هغيرو عند اى حد انا عارف حالتة--المهم انى عملت ايدل ليرن وكان صوت التكيف طالع زى ميكون بينفس دة طبيعىوالهوا مش بارد هوا عادى؟؟ وكشفت على الزيت لقيت لونة اسود مش المفروض لو فى مية بتدخل علية يبقى لونة زى الطحينة؟؟تانى حاجة فى صوت تنفيس من عند البوابة او الرشاشات مش قادر احدد دة يبقى اية؟؟بالنسبة للاسكنر انا متعملتش معاة هوة بيحدد اية بالظبط يعنى بيعرفنى حالة الموتور اية عطلان فية وتكلفة الكشف كام

[akramlail]

كنت قريت هنا ان ممكن حساس الانجكشن يعمل نفس التاثير وتقطع على السلانسية؟؟

[akramlail]

حضرتك بتقوللى الغى علبة البيئة لية دى بيقولو انها غالية اوى!!!

[samirayad]

كمان عارف كفر البطيخ انت بتحب الحضرى بقة ههههه

أنا عشت فى بور سعيد 15 سنه وعارف الطريق ده كويس

وكان صوت التكيف طالع زى ميكون بينفس دة طبيعىوالهوا مش بارد هوا عادى؟؟

حتعوز تكشف على دورة التكييف وخليها بعدين

وكشفت على الزيت لقيت لونة اسود

ممكن يكون جزء من الكبس بيهرب للزيت زى مابيحصل مع الميه عندك........وقوللى على نوع الزيت والكيلوات اللى عملها علشان نتأكد برضه من حالة المكنه

مش المفروض لو فى مية بتدخل علية يبقى لونة زى الطحينة

نعم بس الوضع عند مختلف

تانى حاجة فى صوت تنفيس من عند البوابة او الرشاشات مش قادر احدد دة يبقى اية؟

هو ده اللى عامل البرجله اللى جايه من الشغل الأخير .......روح للميكانيكى برضه وخليه يراجع على شغله التعبان

اية؟؟بالنسبة للاسكنر انا متعملتش معاة هوة بيحدد اية بالظبط يعنى بيعرفنى حالة الموتور اية عطلان فية وتكلفة الكشف كام

الأسكانر بيحدد حالة عملية التحكم ووضع الحساسات ....وتقريبا فى حدود 30ج

كنت قريت هنا ان ممكن حساس الانجكشن يعمل نفس التاثير وتقطع على السلانسية؟؟

نعم وده أسمه حساس وضع الخانق .....اللى جنب بلف الأيدل ..........لوبايظ بيخللى الشكمان يقطع ويعمل تفتفه للعادم وممكن حاجات تانيه وده حيبان لما تنوى تعمل الأسكانر

حضرتك بتقوللى الغى علبة البيئة لية دى بيقولو انها غالية اوى!!!

أيوه الغيها .....وحتركب ماسوره مكانها ب100ج تقريبا .....وأبقى خللى معاك العلبه بتاعتك .....وأبقى بيعها بعدين ( تقريبا سمعت أنها بتتباع بحوالى 200 ج ).............أهم شىء دلوقتى تشوف الشكمان .....وموضوع جوان رأس السلندر ده ..........هما دول اللى عاوزين نركز عليهم دلوقتى ........وسيب المشاكل التانيه على جنب ....على مانطمن الأول على العربيه

[akramlail]

التكييف كان زى الفل قبل شغل الراجل دة!!!طب انت اية اللى خلاك مقتنع بموضوع جوان دة مع العلم ان المية لما رحتلة كنت مزودها من 3 ايام وكانت موجودة ولما رجعت من عندة بصيت بليل وانا طالع لقيتها فاضية يعنى مش كل مرة بتعمل كدة ----يعنى سؤالى جوان وش السلندر هوة دة اعراضة بالظبط مش حاجة تانية يعنى لية مشكتش فى الحساس دة

[samirayad]

طيب جاوبنى الأول على الجزئيه دى

وقوللى على نوع الزيت والكيلوات اللى عملها علشان نتأكد برضه من حالة المكنه

[akramlail]

الفترة الاخيرة مش انا اللى بحط الزيت دة والدى اللى بيحط وانا سالتة قاللى حط زيت موبيل الاسود معرفش دة اية والعدادعامل 1989 دة عداد الزيت اما العربية عاملة 203708 كيلو وكشفت تانى النهاردة لقيت القربة فاضية مفيهاش مية يبقى اية ؟؟اظن الجوان امال المية دى بتروح فين !! اروح للراجل اللى كشف دة وقاللى نص عمرة وخلية يعمل جوان وش السلندر بس ولا اعمل نص عمرة زى مبيقول ولو جوان بس تكلف كام ولو نص عمرة تكلف كام ؟؟اللى هتشور علية بية هتوكل على الله وانفذة مستنى الرد عشان اروح الساعة 12 ------ولك جزيل الشكر يا بشمهندس سمير

[samirayad]

يا باشا : طالما العربيه بتسحب كويس ......يبقى لانصف عمره ولاغيره ..............بعد ماتطمن على كل حاجه ظاهريه قدامك فى دايرة الميه .....وزى ماقولتلك عند دفاية التكييف .........يبقى الميه بتروح مع العادم ...........وحتغير الجوان بس ...........وبعدين ماتتصل بالسيد الوالد برضه وقوله على الموضوع ....لأن مفيش حاجه أسمها زيت موبيل الأسود ..........اللى أعرفه موبيل1 أو الxhp .........وقول للوالد برضه على التفاصيل دى .....لأن لو الزيت كان أسود جامد مع ملحوظة الميه يبقى فيه تفويت عادم للزيت والميه ......فحاول تظبط الأمور دى الأول ...........وأحكيله على كل الموضوع من أول مبدأناه ................وخد رأيه برضه ........