صوت صفارة طالع من الطنابير

[Busquets]

مساء الخير

انا لسه مغير طنابير و تيل فى التوكيل ماكملتش 3 اسابيع

و انهارده و انا ماشى فى صوت صفارة عجيبة طالعه من العجل

مش عارف ايه سببها الصوت عامل زى صوت العرسه كدا و بيزيد مع السرعة و بيسكت مع وقوف العربية

هل التيل ممكن يكون قارص على الطنابير ولا فى حاجة تانية

لو حد يعرف ايه سبب الصوت ارجو انه يفيدنى

شكراً

[samirayad]

جس الجنوط الأماميه وشوف حرارتها كده كويسه ومش سخنه بعد ماتعمل مشوار.......لو كانت سخنه بدرجه ملحوظه يبقى فيه مستر عجله أو الأثنين مابيرجعش كويس ومخللى التيل ملمس للطنابير .......طيب لو الحراره كويسه وعاديه زى الفردتين اللى وراء مثلا ........يبقى صاجة وقايه بتاعة أحد الفرد أو الأثنين مثلا ملمسين الطنابير من الخلف وعاوزه تتبعد شويه عن الطنابير
.....واللى فى الصوره ده شكل صاجه الوقايه اللى بتكون وراء الطنابير الأماميه للفرامل الأماميه................

[Busquets]

الف شكر

طيب دى اوديها لـ اى ميكناكى يعملها ولا اوديها التوكيل ولا مش مستاهله توكيل

اصلى بخاف حد يلعب فيها يخربها ولا دى حاجة بسيطة

[samirayad]

هى حاجه بسيطه لو كانت الصاجه بمفك وحتتعدل شويه بعيد عن الطنبوره ...........ولو فيه ميكانيكى كويس تعرفه ........أستشيره برضه وأعمل برضه بينك وبين نفسك أختبار الحراره بتاع الجنوط ............وممكن لو تقدر ( حتشوف الصاجه لو كانت ملمسه الطنابير بنفسك ) ........بس حتحتاج تحل الفرد ( فرده فرده ).............أو أستعين بالميكانيكى للكشف على الصاجه وخلاص

[Busquets]

شكرا يا بشمهندس

[samirayad]

أرجو من الله لك التوفيق..........