إعـــــــلان

Collapse

.

,
See more
See less

يا ريت حد يساعدني بجد

Collapse
X
 
  • Filter
  • الوقت
  • Show
Clear All
new posts

  • يا ريت حد يساعدني بجد

    انا عندي كذا مشكلة في العربية و يجد زهقت من ان كل واحد يقعد يعمل فيها حاجات و يغير فيها حاجات و مابلاقيش فرق في الاخر
    زي ماهي يعني
    انا عربيتي دايو جوليت 99
    و هبدأ بعرض المشاكل و ان شاء الله الاقي الحل هنا

    1- الباور كان عندي تقيل جدا و ظبطت الاسكاترة و بقي طبيعي لمدة يومين و رجع تاني و بقي ساعات بيخف و ساعات بيتقل بس بيتقل اكتر ... و كمان لما بلف الدركسيون بسمع صوت طقطقة بحس انها جاية من تحت الدواسات .

    2- العربية مايلة شمال و طبعا لما بيكون معايا وزن الكاوتش الشمال بيحك في الرفرف عشان انا مركب جنوط بس انا متأكد ان مالهاش دعوة عشان الناحية التانية مابتعملش كدة .... غيرت علايات و زودت علايات و ظبطت السوست و كل حاجة و برضو لسة مايلة .

    3- عندي كانت العربية بتصفر لما بدورها و لما بمشي بيها و غيرت سير كايتنة و سير دينامو و جبتهم اصلي و ركبتهم الصوت راح بس بقي بيعمل لما بدور و لازم استني شوية عشان يروح مع العلم اني شديت علي السير 4 مرات عند 4 ميكانيكية مختلفين .

    4- في صوت حاجة بتحك او خشونة او زي مايكون حديد بيحك في بعضة بس بيروح لما بشغل التكيف ... لاكن في العادي الصوت دا موجود .

    يارت الاقي عندكوا حلول اكيدة يا رب و اخلص من وجع الدماغ دا ان شاء الله
    شكرا ليكوا

  • #2
    انا معيش دايو بس المشكله اللي هي بتاعة ان العربيه مايله لجنب من الامام صادفتني و اتحلت كالاتي:
    تغير بطاحه و المساعد كان طري جداً و جبت سوسته و بعد فتره مالت علي الجنب التاني فغيرت نفس الكلام في الناحية التانيه..
    اما الصوت اللي مع الدواره دا يا اما سير الدينامو لو غيرته ممكن و الله اعلم يكون بلي الدينامو فيه حاجه او تكون طرمبه الميه بتقفش لمل تكون بارده و بالتالي زحلقه اليبر عليه دي تعمل صوت زي الصفاره (صوت كوتش بيفرمل) ... دا رأيي و قابل للخطأ او الصواب.....
    يا رب اكون افدتك
    [URL="https://www......pay.com/?DZzeoFQ7r9yn1ZzFeeuW8A%3d%3d"][/URL]

    Comment


    • #3
      استدراك بسيط...
      ممكن برضه يكون بلي الكومبرسور او حاجه فيه تخليه يعمل صوت حك الحديد دا (زي سحه كده) و ممكن لو السبب الكمبريسور يكون هو السبب ايضا في صوت الصفاره اللي بتيجي مع الدواره الصبح..
      اصل طنبورة الكاتينه و الدينامو و طرمبه المياه و الكمبرسور بتدور مع بعض في مجموعه واحده بمجموعه نت السيور او سير واحد حسب التصميم الميكانيكي للسياره....
      يا رب يكون كلامي افاد حضرتك و لو بجزء بسيط
      [URL="https://www......pay.com/?DZzeoFQ7r9yn1ZzFeeuW8A%3d%3d"][/URL]

      Comment

      Working...
      X