اضاءة الانوس

[meller]

السلام عليكوا,

عايز اغير المبات بتاعت الداية 2008 ومش عارف اي نوع كويس ممكن حد يقولي علي نوع كويس والسعر كام علشان انا بسافر كتير وهل لازم اغير الكتاوت ولا مش محتاج

[mohamed ismail]

انا مركب تونجسرام من زمان بس مش فاكر سعرها
لازم تركب كتاوت تقوية حفاظا علي دراع النور لان كده الامبير ها يعلي

[funy76]

أنا مركب Phillips Diamond Vision وبصراحة أحسن كتير من الي كانوا راكبين في العربية وبتحس بيهم بتأثير الزينون لأن لونهم أبيض .....ز ومش محتاج تركب كتاوت

[khalid9411]

جرب الاول كتاوت تقويه على اللمبات الاصليه التى عندك وجرب هتلاقى النور تمام ولو ما عجبكش ابقى ركب لمبات 90/120

[hussienamar]

عليك و على الكتاوت و اللمبات الصفراء الهالوجين

[khalid9411]

ايه هى اللمبات الصفراء الهوموجلبين ممكن توضح بالظبط شكلها وفائدتها واسعارها وعند مين ولك جزيل الشكر

[hussienamar]

انا روحت للكهربائى بتاعى فى مصر الجديدة جابلى اللمبات الهالوجين بجد على الطريق لما كنت راجع من اليكس من يومين النور زى ما يكون مركب زينون هما اللمبتين ب 80 جنية و اقريبا كان الامبير 300 او 280 مش فاكر الرقم بس دية اعلى حاجة

[meller]

شكرا علي كل الردود بس علشان اركب كتاوت تقوية انا عندي العلابية عامل 20000 وموديل 2008 انا سمعت كتير علي Phillips Diamond Vision وفية انواع كتير من philips زي كدة وعايز اعرف اسعارها وهل هي محتاجة كتاوت والا لا

[zocor742]

فعلا اضاءة الدايو الفابريكة فاشلة جدا
انا الكهربائى جبلى لمبتين المانى كان علبتهم ازرق بيرؤكبوا على كتاوت بس مش فاكر نوعهم بتشتغل عالى عشان عندى العالى لمبة والواطى بتاع التابلوة لمبة صغيرة
ووالصراحة اضائتهم جمدين احسن من العمى بتاع الاول قول كدة احسن ب80% واضائتهم يعنى بتميل على الابيض بس مش النصعان بتاع الهالوجين بس حلوين اوى فى السفر وبسافر بيهم على طول

[elwad_crazy]

عاوز اعرف حد بيبيع لمبات فيليبس دي يا جماعه

حد يوصفهولى مين بيبيعها

[BLACKVERNA]

ارابكوم

امام النادى الاهلى

[meller]

انا سالت في اسكندرية لقيت واحد عندة لمض Philips Rally 90\100 w وكان في واحد في المنتدي العام كاتب انه جربهم وكويسين جداا روحت للراجل ولقيت المبة ب 45 وقالي مش محتاجين كتاوت بيركبوا عادي خالص فاشاء الله هركبهم بعد ما اخلص حاجة في العربية وبعدين اقولكوا رايي

[abou_sama]

متنساش توافينا باخر الاخبار

[meller]

ان شاء الله اول ما هركبهم هصور العربية واقولكم رايئ اية فيهم