اشترى نوبيرا

[zocor742]

بص ياباشا شكلك كدة بتشوف استعمال يبقى حاول تلاقى حاجة مواصفات اوروبى بس تكون خالصة ومفكوك حظرها فيها اوبشن زيادة وهتحس انك مبسوط من اخيارها لانك هتكون معاك موديل كمالياتة اعلى كمان من المصرى بس هما الاتنين زى بعض الفرق هو الزيادة فى الاوبشن فقط لاغير غير كدة العربيتين متفرقهومش من بعض

[khalid9411]

اوسع - اقوي - افخم - اثبت
بس لو اللانوس الى معاك مريحاك خلاص بس طالما انت فكرت يبقى اكيد فى حاجه مش عجباك فى اللانوس ولا ايه
؟

لا والله العربيه معايا2006 كامله 30000 كيلو عاملاهم لسه ممتازة ومريحانى خالص ومش باخل عليها بشئ زى ما بتدينى باديها وزيادة كنت عايز اوسع بس عندى 3 اولاد والمدام

[samirayad]

لا والله العربيه معايا2006 كامله 30000 كيلو عاملاهم لسه ممتازة ومريحانى خالص ومش باخل عليها بشئ زى ما بتدينى باديها وزيادة كنت عايز اوسع بس عندى 3 اولاد والمدام

بمواصفات عربيتك دى .....لا أنصحك بتغييرها بحاجه أستيراد .......ولو فكرت فى التغيير فى يوم من الأيام ......يبقى زيرو أن شاء الله ....أصل اللى تعرفه أحسن من اللى متعرفوش ......وبالذات فى أى عربيه حرقت بنزين

[Badrawy]

لا والله العربيه معايا2006 كامله 30000 كيلو عاملاهم لسه ممتازة ومريحانى خالص ومش باخل عليها بشئ زى ما بتدينى باديها وزيادة كنت عايز اوسع بس عندى 3 اولاد والمدام

ربنا يخليلك اولادك ولو لسه صغيرين خليك فى اللانوس ولما يكبرو فكر فى التغيير
انما لو العمليه زنقه فعلا يبقى اتكل على الله وفكر فى النوبيرا عربية ممتازه وصلي استخاره برضو والي فيه خير ليك ربنا حيحصل ان شاء الله

[zocor742]

على فكرة ياهندسة انا قولت استيراد لما عرفت ان الاستاذ خالد عايز يجيب مستعمل
انما لو بيفكر فى زيرو طبعا افضل لان دلوقتى عشان تجيب عربية اوروبى لازم تكون تالت يد ليها عشان خلاص محدش هيعرف يجيب العربيات دى زى الاول ..وبجد ياهندسة الاول كان فية عربيات فى الجمرك تشوفها تقول ممشتش 1000 كيلو
انا عربيتى موديل 97 تشوفها تقول مش اقل من 2005 قبل توابع التعليم

[samirayad]

على فكرة ياهندسة انا قولت استيراد لما عرفت ان الاستاذ خالد عايز يجيب مستعمل

وفعلا ....لا أقصد التعليق على كلامك .....والا كنت أقتبسته وعلقت عليه ....ولكن الهدف هو أسداء النصح لأخونا : خالد .....لأن عربيته 2006 وعامله كيلومترات بسيطه ....

وبجد ياهندسة الاول كان فية عربيات فى الجمرك تشوفها تقول ممشتش 1000 كيلو

ياباشا أنا كان معايا أوبل فكترا منطقه حره وعشت فى بور سعيد 14 سنه ....ودخلت الساحات كلها بتاعة العربيات فى باب عشرين وعارف النظام كويس .....فعلا فيه عربيات كويسه .....بس فيه برضه اللى التجار بيروقها بره الأول قبل شحنها على السفن وأحضارها للجمرك ببورسعيد .....ودى معلومه من بق تاجر معرفه أيام وجودى فى بور سعيد

انا عربيتى موديل 97 تشوفها تقول مش اقل من 2005 قبل توابع التعليم

ربنا يباركلك فيها ....والأستيراد برضه حظوظ زى ما أنت عارف ....علشان كده لازم الى يكون بيشترى أستيراد يكون مدقدق برضه ......لأنك متعرفش أتعمل فيها أيه بره ....قبل ماتيجى مصر....

[khalid9411]

انا اخد بنصيحة الاستاذ سمير اشكركم الشكر الجزيل بس بامانة شديدة العربيات ده ممتازة وحمالة اسيه اوى اوى وانا باحب العربيات ده الانوس والنوبيرا علشانكم انت يا احبائى ربنا يخليكم لينا كلنا يارب

[samirayad]

ربنا يباركلك فيها يا خالد باشا .........ويهيىء لك الخير ....وثق تماما .....بأنك ستأخذ رزقك فى الميعاد الذى يحدده الله سبحانه وتعالى......يقول الله سبحانه وتعالى فى سورة الرحمن ( كل يوم هو فى شأن ) صدق الله العظيم

[khalid9411]

صدق الله العظيم وبلغ رسوله الكريم الحمد لله تعالى على كل شئ نحن فى نعمة كبيرة الله يبارك فى صحتكم