دايو ليجانزا ولا نوبيرا ؟؟ ولييييييييه؟!

[sharpsword]

عايز من الرجاله تقيم لليجانزا و النوبيرا و ايهم افضل
و مميزات و عيوب
شكرا

[ahmedsrs]

اليجانزا مرسيدس الدايو بس مش منتنشرة فى مصر يعنى عاوزة واحد غاويها .
النوبيرا منتشرة

[Badrawy]

الليجانزا افضل من كل حاجه الا الانتشار والسوق وقطع الغيار

ودي مش اسباب سهله بالعكس دي مهمه جدا والدليل ان النوبيرا منتشره اكتر بكتير

[waleedrahmy]

عايز من الرجاله تقيم لليجانزا و النوبيرا

ليجانزا

و مميزات و عيوب

قطع الغيار المنتشرة لصالح النوبيرا

[mahfouz1983]

انا في رائي الشخصي النوبيرا نظرآ لتوافر قطع الغيار بسهوله وسهولة بيع العربيه علي عكس الليجنزا صعبه في بيعها وقطع غيرها غير متوفرة

[moudy88]

لو عايز عربيه فخمه وركوبه وش هامك اعادة بيع ولا قطع غيار
هات الليجانزا

[hossam_elwani]

انا شايف اليجانزا شكلها قبيح

[sharpsword]

شوية ردود جامده و سريعه
ده انا عملت المشاركه بالليل و نمت
و قومت الصبح لقيت كل ده!!!
الله ينور و شكرااا جدا

[totaman]

انا لو منك اجيب الليجانزا عربية تحفة
وفعلا لو مش هتغير يبقى خليك فيها
لكن النوبيرا منتشرة وكله راكبها مع ان الانتشار ده فى صالح النوبيرا مش حاجة وحشة
كفاية انك هتكون مميز
وابقى طمنا عملت ايه؟؟؟

[حماده المصري]

من خلال تجربه الاتنين

في فرق قوي جدا لصالح الليجانزا ك عربيه 2000 سي يس اوتوماتك افضل من النوبيرا سواء مانيوال او اوتوماتيك

كذالك الليجانزا افضل حاجه شايفها ميزه فيها انها عريضه جدا لذا معظم المطبات والنقر الصغيره مش هتحس بيها اساسا ده غير الرساوه والثبات الافضل من النوبيرا بمليون مره

اما قطع الغيار نوبيرا طبعا تتفوق

نيجي بقى للقصه الكبيره انك تشتري ليجانزا تبقى حلوه ومش متهانه جامد معظمها هتلاقيها رشه ف تاخد بالك الك تشتري عربيه نضيفه او مش محتاجه مصاريف كتير

[FASTER]

ليجانزاااااا طبعا بدون تفكييييييييييييير وبعدين المقارنة مش عادلة لصالح النوبيرا لأن دي فئة ودي فئة تانية خالص

[samourai]

من وجهة نظرى النوبيرا للأسباب التاليه:موديلات الليجانزا كلها قديمه ومعظمها 99 إلى 2001 وقليل جدا 2002 و 2003و2004 ،الوسع فى الصالون الليجانزا أوسع حاجه بسيطه جدا مش محسوسه أما الشنطه تقريبا واحده ،الكماليات مفيش حاجه زياده لليجانزا عن النوبيرا غير كرسى كهرباء للسائق فى بعض الموديلات + كاسيت سى دى وده مش قاضيه لأنه رخص دلوقتى وملوش تمن،أستهلاك البنزين الليجانزا أعلى بكتير من النوبيرا لأنها 2000 سى سىقطع غيار الليجانزا غاليه وغير منتشره خصوصا فى الأكسوارا الخارجيه زى الأكصدام صعب قوى تلاقيه أستيراد بعكس النوبيرا واللانوس،الشكل من وجهة نظرلى شكل النوبيرا 2 أفضل من الليجانزا 100 مره خصوصاً من الخلف وخصوصا الأسود والنبيتى،نيجى بقى للضربه القاضيه وهى الضريبه ، ضريبة النوبيرا زيها زى ضريبة اللانوس والشاهين على الرغم من أنك راكب نوبيرا عربيه فارهه عكس ضريبة الليجانزا الـ 2000 سى سى بعيد عنك نــــــــــــــــار،أعادة البيع الرى سيل النوبيرا بايعه جدا بس قول يا بيع تلاقى ميت واحد عاوز يشترى عكس الليجانزا التقيله جدا فى بيعها،لذلك النوبيرا تكسب بسهوله والبتوفيق أبقى طمنى عنك

[hazoma_nubira]

من وجهة نظرى النوبيرا للأسباب التاليه:موديلات الليجانزا كلها قديمه ومعظمها 99 إلى 2001 وقليل جدا 2002 و 2003و2004 ،الوسع فى الصالون الليجانزا أوسع حاجه بسيطه جدا مش محسوسه أما الشنطه تقريبا واحده ،الكماليات مفيش حاجه زياده لليجانزا عن النوبيرا غير كرسى كهرباء للسائق فى بعض الموديلات + كاسيت سى دى وده مش قاضيه لأنه رخص دلوقتى وملوش تمن،أستهلاك البنزين الليجانزا أعلى بكتير من النوبيرا لأنها 2000 سى سىقطع غيار الليجانزا غاليه وغير منتشره خصوصا فى الأكسوارا الخارجيه زى الأكصدام صعب قوى تلاقيه أستيراد بعكس النوبيرا واللانوس،الشكل من وجهة نظرلى شكل النوبيرا 2 أفضل من الليجانزا 100 مره خصوصاً من الخلف وخصوصا الأسود والنبيتى،نيجى بقى للضربه القاضيه وهى الضريبه ، ضريبة النوبيرا زيها زى ضريبة اللانوس والشاهين على الرغم من أنك راكب نوبيرا عربيه فارهه عكس ضريبة الليجانزا الـ 2000 سى سى بعيد عنك نــــــــــــــــار،أعادة البيع الرى سيل النوبيرا بايعه جدا بس قول يا بيع تلاقى ميت واحد عاوز يشترى عكس الليجانزا التقيله جدا فى بيعها،لذلك النوبيرا تكسب بسهوله والبتوفيق أبقى طمنى عنك