حادثة جامدة بالنوبيرا ارجوا المساعدة

[faron525]

واحد صحبي عمل حادثة بالنوبيرا اللي حصل ان عربية نص نقل خبطت عربيته من جهة اليمين بس الخبطة جمدة جدا دمرت الحوض لانها كانت مكان العجلة الامامية يمين . السؤال هل ينفع العرية تتصلح وترجع تاني زي ما كانت ولا ايه ؟ ولو ينفع تتعمل فين وبكام ؟ ولكم جزيل الشكر

[samirayad]

من ناحية تنفع تتصلح .....تنفع ......والتكاليف (حسب حجم الدمار ) ......بس شكلها كده مكلفه ......وكان الله فى عونه ....ويمكن ربنا فداه بموضوع زى ده .......الفلوس تتعوض .....أنما الأنسان لا يعوض .........!!!!!!!!!!!!!

[faron525]

كنت متأكد ان حضرتك اول واحد هيرد عليه زي ما عودتنا يا بشمهندس / سمير ربنا يخليك
يعني العربية لو اتصرف عليها ممكن ترجع تاني حتي لو الخبطة وصلت للشاسية ؟

[samirayad]

كنت متأكد ان حضرتك اول واحد هيرد عليه زي ما عودتنا يا بشمهندس / سمير ربنا يخليك

الله يخليك يا أخى

يعني العربية لو اتصرف عليها ممكن ترجع تاني حتي لو الخبطة وصلت للشاسية ؟

اللى حيحكم التصليح الصح ......وبالذات شغل الشاسيه ......كفاءة الصنايعى اللى حيعمل الشغل .......

[ibmtop]

اولا حمد الله علي سلامة صاحبك
ثانيا اي حاجة تنفع تتصلح ورجوعها زي الاول بيبقي علي حسب الصانيعي الي شغال
التصليح دة بيبقي في الحرفين
العربية بتبقي داخلة حتة حديد معجون في بعضة وتطلع زي ماكانت

[ahmedaliaeg]

قدر الله وما شاء فعل
حمد لله على السلامه العربيه تتعوض انما الانسان بيجيب العربيه

[shanodaa]

تتصلح بس اهم حاجه مين الصنايعي اللي ها يرجعها زي ما كانت

[faron525]

متشكر ليكم جدا يا جماعة علي الردود وارجوا اللي يعرف صنيعي متخصص يقولي
وتحياتي للجميع

[محمد أنور]

تتصلح يا باشا و ان شاء الله ترجع احسن من الاول

[محمد أنور]

انص حضرتك تدور على ناس متخصصين حوادث عشان العربية على وصف حضرتك ممكن تحتاج تغير نصف امامي ف لازم السمكري اللي هيعملها يبقى فاهم و مش اول مرة يغير نص .. و ربنا يعينك على تصليحها

[waleedrahmy]

كل حاجة ممكن اصلاحها بس التكلفة حاتبقي عالية عشان ترجع زي ما كانت

[ممدوح عباس]

شوف لو الفارق بين البيع على هذا الحال بخسارة شوية سوف تخسرها عند البيع مؤخرا وتوفير وقت الاصلاح والتعامل مع الصنايعية واسعار قطع الغيار و قد لا نضمن ابدا ان تعود جيدة فيمكنك تقدير الامور وحسابها من هذا المنطلق وربنا يعوض على صاحبك

[faron525]

طيب لو العربية اتباعت علي حالتها تعمل كام ؟؟؟؟؟؟
هي موديل 2001 وكانت رشة بره وفبريكة من الداخل بالكامل وصالونها بحالة جيدة جدا وموتورها رائع .

[محمد أنور]

في ناس متخصصين حوادث ممكن يفصلوها دلوقتي على حالتها .. اتصل بحد فيهم و خليه يشوفها (هتلاقي نمر تليفوناتهم في سوق السيارات بتاع اهرام الجمعة )

[mmahermf]

تتصلح إن شاء الله.. روح للدكتور/ محمد حلاوة الراجل ده معاه دكتوراه وشغال سمكرى في ورشة اخوه الحاج احمد حلاوة والمكان وحضرتك جاي من شارع ترعة الجبل وعديت تحت الكوبري عند محطة مترو الزيتون تقريبا هو جنب سور نادي المطرية مباشرة.

وربنا يوفق...