ضغط الإطارات الأمامى والخلفى فى النوبيرا

[samourai]

يا جماعه أنا متشكر جدا على كل الإجابات ديه بس أنا فى كام نقطه عاوز أوضحهم أول حاجه أن طبيعى وزن العربيه من الأمام بيكون أتقل من الخلف لوجود الموتور + الفتيس وده وزنه لايقل عن 750 كجم من أجمالى وزن العربيه حوالى 1200 كجم وبالتالى ممكن يكون فعلا الضغط للأطارات الأماميه أعلى ، تانى نقطه أنك لو بتحمل العربيه بأشخاص بالكامل بالإضافه لأوزن بالشنطه يبقى الأفضل برضه تزود الضغط للإطارات الخلفيه ، تالت نقطه الصيف والشتاء يعنى أنا شخصيا بفضل فى الصيف أن يكون الضغط أخف لتفادى أنفجار الأطار نتيجه للتمدد والعياذ بالله رابع نقطه : زيادة الضغط فى الأطار تسبب دب فى المطبات وسرعة تلف العفشه ، خامس نقطه : قلة الضغط فى الأطار تسبب سرعة تلف الأطارات وأسمحولى أترجم ملخص كل اللى اللى أحنا قولنها فى التالى:أولاً : لو السياره أستخدام شخصى فى الصيف : الأمامى 30 والخلفى 28 ، ثانياً: لو السياره أستخدام شخصى فى الشتاء يبقى الأمامى 32 والخلفى 30 ، ثالثاً: لو العربيه أستخدام عائلى فى الصيف يبقى الأمامى 30 والخلفى 30 ، رابعاً : لو العربيه أستخدام عائلى فى الشتاء يبقى الأمامى 32 والخلفى 32

[MMamdouh]

عمود البيانات اللى تحت المحرك ال dohc 1600
السطر اللى قبل الأخير فيه 32 psi ومقابل ليها الكاوتش 185/60/14 R.........وبعدين دول كاتبين برضه المقاس الأستاندرد للكاوتش كمان (185/60/R14 ).......والجنوط الصح 14 سواء حديد عادى أو جنوط اسبور .....من خلال خانة التطبيق APLICATION
تمام كده ...............

مهى كل المقاسات دى بتاعت اللانوس... و طبعا انت عارف ان اللانوس بتنزل بمكنة 1600 و الناس بتقع فى خطاء شائع لما تربط المكنة بالعربية... زى ما يجى واحد يقول "موتور النوبيرا"... طيب ما النوبيرا فيها 1500 و 1600 و 1800 و 2000... انهى واحد فيهم؟؟؟

صحيح فى مصر مفيش عير ال 1600 و شوية 1500 من برة بس لما تعمل بحث على قطعة من كتالوج احتمال كبير توصل لنتيجة غلط لو كان اساس البحث هو المكنة مش العربية نفسها

MMamdouh

[samirayad]

اصل النوبيرا عمرها ما نزلت بجنوط 13 ولا ينفع يركبوا عليها اصلا

طيب فين الكلام ده .....مع المحرك ال1600 المكتوب فى الجدول بتاعى ....دا واخد قبال الجنوط ال13 شرط تحت المحرك ال1600 ............

[MMamdouh]

طيب فين الكلام ده .....مع المحرك ال1600 المكتوب فى الجدول بتاعى ....دا واخد قبال الجنوط ال13 شرط تحت المحرك ال1600 ............

مش فاهم

MMamdouh

[samirayad]

يعنى تحت المحرك ال1.6 لتر (1600 سى سى ) فى العمود الأول من الجدول .....وحنقول ده المناظر للنوبيرا المصرى مثلا
فى العمود التالت بقه ......بتاع ال aplications .
قدام صفين الجنوط ال13 بنفس عمود التطبيقات .....بين أن الجنطين دول غير مستخدمين فى المحرك ده ....بدليل أن حط شرط ....قبالهم فى العمود بتاع المكنه ال1600

[ahmadg78]

طبعا معاحترامى لكل اللى قالوا رايهم و جابوا اثباتات لكن انا هامشى مع راى المهندس سمير لان بصراحه طول المنتدى شايف انه من اكتر الناس الفاهمين فعلا و المحترمين جدا فى ردودهم

[samirayad]

الله يخليك يا أستاذ : أحمد

وكلنا إخوان وبنكمل بعض

[Morieno]

بصراحه انا مش عارف اقول ايه ...... بس....
انا بقدر المهندس سمير جدا جدا جدا وبصدقه وانا مغمض
بس برضه اللى صنع العربيه ادرى بيها وماكنش هيخسر حاجه لو قال حطوا فيها 32 ولا 52 حتى

واللزق فى المرفقات ....... نفسى بجد الاقى حل

[ATTACH]6614[/ATTACH]

[samirayad]

انا بقدر المهندس سمير جدا جدا جدا وبصدقه وانا مغمض

الله يخليك ياباشا
وأشكرك لزوقك

وصدقنى أنا حتى لو صودف وقلت حاجه وطلعت مش واثق فيها أوى
وعرفت الصح بعد كده

لا أتروى فى أن أستدرك وأعترف بالحق
هو فيه حد بيعرف كل حاجه ؟
واللى يقولك أنه بيعرف كل حاجه
قوله أيه .....قوله أنت !!!!!!!!!!!!!
ههههههههههه

[alexcdx]

هكذا نجعل الموضوع أكثر تعقيدا ولكن الموتور ثقيل فعلا !

[samcar]

بصراحه انا مش عارف اقول ايه ...... بس....
انا بقدر المهندس سمير جدا جدا جدا وبصدقه وانا مغمض
بس برضه اللى صنع العربيه ادرى بيها وماكنش هيخسر حاجه لو قال حطوا فيها 32 ولا 52 حتى

واللزق فى المرفقات ....... نفسى بجد الاقى حل

[ATTACH]6614[/ATTACH]

الكلام الملزوق بيقول ان الضغط عند الجو البارد لاطارات مقاس 14 ما تكلمش عن مقاسات تانية- كتالوج النوبيرا العربى اللى مازل مع اخر انتاج 2009 بيقول 30 لحمولة 3 اشخاص امامى وخلفى و34 لحموله كامله امامى وخلفى.
انا جربت حكاية 32 ولما كنت راكب ومعايا الحموله الكامله - كنت حاطق لانى حسيت انى ماشى بقباب مش عربيه - هبد ورزع مع اقل مطب- رجعت ل 34 اتعدلت العربيه - الكاوتش اللى راكب هو الكورى اللى جاى مع العربيه - ما عرفش بصراحه ال 30 وال 28 افتكسها التوكيل منين ؟

[SBkr]

كلام مش مظبوط ....والصح كله على 32

الحقيقة دة كل العالم وكل صانعي الإطارات بيذكروة بغض النظر عن حرارة الأجواء وكل المحاذير لدينا بهذا الخصوص انا في الشتاء بيكون علي 31 او 32 وفي الصيف 30 مع ملاحظة انني اسافر علي طريق صحراوي في عز الحر وفعلا حرارة الإطارات بترتفع جدا لكن برضة مبقلش عن 30 للأمام والخلف - عندي علي باب السائق بادج السيارة وهي نوبيرا بريميوم خليجي مكتوب 30 بار للأمام والخلف مع العلم ان الجنوط 15 بوصة

[zocor742]

طيب انا عندى امامى 30 وخلفى 28 مكتوب فى بادج البيانات اللى فى باب السائق
انا عربيتى وارد كوريا يعنى التوكيل ملهوش علاقة بالموضوع دة (براءة)
انا احترت الصراحة ومريح نفسى وبظبط على 30 كلة وسايبها على الله

[KoDaK_Gti]

يا جماعه من فضلكم كنت عاوز أعرف ضغط الأطارات الصحيح الأمامى والخلفى علما بأن السياره أستخدام شخصى بدون تحميل أنا سمعت أن الأمامى المفروض 30 والخلفى 28

طيب انا عندى امامى 30 وخلفى 28 مكتوب فى بادج البيانات اللى فى باب السائق

عندى فى القايم 30 امامى - 28 خلفى وماشى عليهم بقالى سنتين الحمد لله

[AhmadSanosy]

Untitled.jpg