التكييف ضعيف جدا

[leeamra99]

السلام عليكم يا احلى منتدى
انا لسه شاحن التكييف بس المشكلة انه ضعيف جدا لدرجة انه مش بيسقع و العربيه على السلانسيه لازم اجرى بالعربيه علشان احس بيه وبيبقى ضعيف فالراجل الى شحنه قالى الكمبرسور ضعيف فهل فعلا الكمبرسور ولا ممكن يكون فلتر التكييف ولو الكمبرسور فهل لازم يتغير وسعره كام ولا ممكن يتصلح وكام التكلفه تقريبا و شكرا للجميع

[ahmedhilmy]

ضعف التكييف ده صبح و ليل و لا بالنهار بس؟
لانه بصراحة بالنهار بيبقي ضعيف فعلا لكن لو بيتحسن باليل يبقي ان شاء الله مفيسش مشاكل و بعدين مفيش حاجة اسمها الكمبيروسر ضعيف علطول كده الموضوع ده محتاج راي كذا واحد لانه مكلف

[Michael_Lanos]

اعانى من نفس المشكله

[GADALLA]

أعانى من نفس المشكله فى الدايو أسبيرو وياريت لو حد يعرف بتاع تكييف كويس قريب من حلوان يدلنا عليه وله الأجر والثواب

[Dr Ahmed]

لو للتكييف فلترلازم تتأكد قبل أى خطوة أنه نضيف من الأتربة لأنه فعلا بيضعف التكييف لو مليان تراب
ثانيا تكون كهربة الكمبرسور سليمة ووصلة"الشوك" اللى بتعلى الموتور علشان يدى الكمبرسور تكون شغالة
وأخيرا حالة الكمبرسور نفسه ونوعية الفريون

[samirayad]

لازم اجرى بالعربيه علشان احس بيه وبيبقى

ممكن يكون ردياتير المكنه أو مكثف التكييف مسدودين شويه من حول زعانف التبريد الخارجيه ....وعاوزين تسليك خارجى ونظافه بخرطوم مياه خارجى مع نفخ هواء بضاغط من الخارج بهدف التسليك
وده ممكن تعرفه من الشكل العام لزعانف التبريد الخارجيه (ردياتير أو مكثف ).....
وبرضه حتكون حرارة المكنه عاليه شويه
وممكن برضه أنسداد الفلتر ( لو عربيه نوبيرا ) أو ضعف الكمبروسور يكونوا من ضمن الأسباب
ياريت برضه تكون متأكد من سرعة المروحه الداخليه بتاعة التكييف وشغلها .....ولو أننى أعتقد أنها شغاله كويس .....لأن العيب مرتبط بسرعة العربيه
وقد يكون العيب أيضا بسبب خلل فى بلف الأكسبنشن اللى جنب المبخر

[A.Saad]

البيكانتو نفس الوضع

[Michael_Lanos]

انا رحت من كام يوم الراجل قالى انه محتاج يتزود شويه بس، وبالفعل زوده واخد حوالى 40 جنيه
بس للاسف مستوى التكييف ارتفع من 10% الى 40% فقط ....

[ahmedhilmy]

يا جماعة التكييفات بالنهار فعلا ضعيفة

[Michael_Lanos]

يا جماعة التكييفات بالنهار فعلا ضعيفة

انا معاك يا باشا، بس السنه اللى فاتت التكييف كان اقوى اكثر من الضغف .....

[swimmer25]

البيكانتو نفس الوضع

انا مش عارف ردي بالنسبة للبيكانتو هيكون نفس الكلام او لا
بس انا عربيتي بردو وهي جديدة كان التكييف ضعيف جدا
انت عامل كام الف ؟
انا اول مرة رحت التوكيل المفروض انهم بصوا عليه ولو كان محتاج زيادة بيزودوه
فحضرتك الاول تعمل كده

وبعدين انا ملقتش تغيير كبير ولكن مع استخدام السيارة بيبقي فيه تحسن كل مرة عن اللي قبلها

فاعتقد والله اعلم ان الجديد بيبقي مكونات التكييف بتاعته بتليين في الاول ولو كلامي صح ياريت حد ياكد عليه
فحضرتك محتاج تشغل بس التكييف كتير بعد ما تعمل صيانة التوكيل وان شاء الله يتحسن مع الوقت وشغله بالليل بردو عشان يكون الحمل عليه اقل

[kareembelal]

انا سمعت من واحد بتاع تكييف انه اثناء شحن الفريون بتكون العبوه في وضع معين لان بها ضغط هواء

وبالتالي لو كان الشحن بطريقه خاطئه فالشحن بيكون اكتره هواء مش فريون

وبالتالي التبريد بيكون اقل بكتير مع انه لو تم قياس الفريون هايكون مظبوط مع انه في الحقيقه فيه نسبه عاليه هواء

يا ريت تسأل علي الموضوع ده وتشحن عند حد مضمون

والله اعلم

اما حكاية الفلتر دي اعتقد انها بتأثر علي قوة اندفاع الهواء من المروحة للسياره مش البروده

واللانوس ما فيهاش فلتر