جنوط العربية

[ahmedhilmy]

يا جماعة بصراحة انا اتخنقت من موضوع الجنوط ده انا عند العربية كانت جنوطها تعبانة شوية فيها لوحة كانت العربة توصل 140 تحس انها هتتفكك من بعض و الكراسي هطير و شغلانة المهم رصصتها عند اتنين مختلفين و من الناس اللي الكل بيشكر فيهم الاتنين اجمعوا علي ان الجنوط تعبانة و غيرهم المهم انا مش بحب الجنوط الاسبور بحب العربية بشكلها كده بطاستها فقلت استني لغاية ملاقي طقم حديد يكون كويس و كتبت في البيع و الشرا ء طلب لغاية الاسبوع اللي فات كان في احد الاخوة عارض جنوطه للبيع كلمته و للامانة للمرة المليون الواحد مش بيتعلم ببلاش طبعا كعادتي و الثقة اللي الواحد بيحطها في الناس اخدت الجنوط بدون ما اكشف عليهم و اخدت كلامه ثقة انهم زي الفل و مفهمش الهوا و العربة ممشيتش عليهم المهم هو كان طالب 200 انا اديته 180طبعا السعر كويس و لكن مع شديد الاسف اللي مش كويس ان الارع جنوط طلع منهم اتنين اترموا في صندوق الزبالة و للامانة خدهم من بتاع الروبابكيا الواحد ب 10 جنيه لاني الراجل بتاع الترصيص حطهم علي الجهاز طلعوا الاتنين مش فيهم لوحات و بس لوحات و قففة و اقلام و كل اللي انت عيزه المهم ركب الاتنين الكويسين و استنضف اتنين من بتوعي ركبهم و الراجل للامانة كان بيجرب قبل ميركب العجلة و بعد ميركبها يطلعله الجهاز goodالمهم قلتله انطلق بقي كده و اخد رحتي قللي كده بقت الجنوط عندك تمام و مستني ييجي الوقت و المكان المناسب علشان اجري و كان و انا مروح من شوية علي الدائري و الصدمة الكبري اني نفس اللي كانت العربية بتعمله علي 140 بقت بتعمله بس علي 120 حاجة تقرف انا بجد اتخنقت من الموضوع ده اخ فاضل الواحد حط ثقته فيه يبعلك جنطين ب 180 ( مهي رسيت علي اتنين بس ) و العربية علي كده يا رتها اتعدلت دي سائت انا عارف اني طولت عليكم بس مش لاقي حد اطلع غيظي معاه الا اخواتي و حبايبي رجالةالدايوا ايه رايكم اعمل ايه و اسف للاطالة

[badblood]

لو عايز وجهة نظري مفيش احسن من الجديد في اي حاجة ايكش يكون مسمار
طيب راجع الكاوتش هل في عالي وواطي ولا سليم

[ahmedhilmy]

الكاوتش عامل معايا تقريبا عامل معاية 18000 و الراجل و هو بيركبه مراجع عليه و قيللي الحمد لله لسه زي الفل

[khalid9411]

كل جهاز ترصيص وله ترصيصه على السرعه المقررة فى ترصيصه شوف جهاز ترصيص بشاشه حديث مونوتر حديث وان شاء الله هيبقى تمام التمام جهاز الترصيص الحديث عن تجربه شخصيه

[lakany]

رصص ترصيص موتسيكل و ابقى ادعيلى

[waleedrahmy]

غير الجنوط التعبانة دي بجنوط جديدة بدل ما تدمر العفشة

[ahmedhilmy]

كل جهاز ترصيص وله ترصيصه على السرعه المقررة فى ترصيصه شوف جهاز ترصيص بشاشه حديث مونوتر حديث وان شاء الله هيبقى تمام التمام جهاز الترصيص الحديث عن تجربه شخصيه

في حد يا استاذ خالد كويس تعرفه تنصحنا بيه؟

[ahmedhilmy]

رصص ترصيص موتسيكل و ابقى ادعيلى

يعني ايه ترصيص موتوسيكل

[Sherif Khalifa]

اشترى جنطين استيراد و استلمهم على مكينة ترصيص منغير كويتش علشان تشوف فية رفة ولا لا
سعر الاستيراد 50 او 60 جم
سعر الجديد 250 جم

[ahmedhilmy]

اشترى جنطين استيراد و استلمهم على مكينة ترصيص منغير كويتش علشان تشوف فية رفة ولا لا
سعر الاستيراد 50 او 60 جم
سعر الجديد 250 جم

سالت قبل ما جبهم يا شريف لقيت الاستيراد الواحد بيعمله 80-90 فقلت خليك مع رجالة المنتدي بس خجت بمبة بس انا محملش الراجل الخطأ قد محمل نفسي كان المفروض اخدهم اجربهم بس برده مبقاش في حاجة اسمهاثقة

[badblood]

رصص ترصيص موتسيكل و ابقى ادعيلى

+10000000
لان في سرعات كتير

[badblood]

في مجطة بنزين موبيل في الدقي جمب مطعم طازة عنده جهاز الترصيص الموتوسيكل (اللي هو من غير ما تفك العجل)

[Sherif Khalifa]

لا انا لسة سائل الاسبوع الى فات عند واحد فى شارع العشرين بفيصل
بصراحة ارخص واحد شفتة فى الاستيراد

امام ورشة محمد عبدة بظبت

كان قال فى حدود 50 60 جم يعنى وقت الشراء اصلا ممكن يكون فى كلام تانى

[mahgary]

ممكن تجيب 2 استراد وفى واحد ترحله من ميدان المنيل حنب واحد اسمه صفوت

[ahmedhilmy]

ممكن تجيب 2 استراد وفى واحد ترحله من ميدان المنيل حنب واحد اسمه صفوت

عارفه صفوت ده بتاع الزوايا اللي في ميدان الروضة كنت رحتله قبل كده و في ناس قريبي سكنين في الشارع ده

[gdwl]

لا انا لسة سائل الاسبوع الى فات عند واحد فى شارع العشرين بفيصل
بصراحة ارخص واحد شفتة فى الاستيراد

امام ورشة محمد عبدة بظبت

كان قال فى حدود 50 60 جم يعنى وقت الشراء اصلا ممكن يكون فى كلام تانى

[/gdwl]

ما هو ده اللي سالت عنده يا شريف الاسبوع اللي فات لما كنت عند محمد اسمه البطل مش كده و قللي الطقم يعملوا 400 جنيه و لما تيجي هيبقي في كلام تاني محمد قللي الكلام التاني ده بالكتير 50 جنيه علشان كده قلتلك من 80-90 جنيه بلس ان محمد فال برده مش مضمونين