حسبى الله ونعم الوكيل

[omar1978]

السلام عليكم يا جماعة
انت اتخدعت يا رجاله ومش عايزكو تتخدعوا زيى
من شهرين تقريبا اشتريت جركن زيت بيقولوا انه كويس اوى اسمه ( اس جيه )
ب 52 جنيه من بنزينة تعاون ورحت لبتاع الزيت علشان يغير زيت الراجل خد الجركن ودخل المحل والصبى بدأ يفضى الزيت بتاع العربية وانا واقف زى الباشا
المهم غيرت الزيت واتبقى نص كيلو والنهالرده رحت لواحد تانى اغير زيت قام بص على الزيت الى باقى فى الجركن وقالى الزيت ده مش (اس جيه) وحلف بالله انه مش هو وورانى الفرق . عرفت ان بتاع الزيت الاول فعلا دخل المحل وبدل الزيت الـ (اس جيه) بزيت عادى وواجهته بكده واعترف ان الصبى هو اللى عمل كده ومشاه خلاص. وحسبى الله ونعم الوكيل
سؤال ( هل الزيت العادى ده له تأثير على الموتور ولا لأ؟؟)
وهل يمكن تدارك الموقف ؟؟؟؟ وشكرا

[morabet79]

غير الزيت وريح دماغك

[ahmedhilmy]

ان شاء الله ميكنش حصل حاجة غير الزيت و الفلتر و ان شاء الله يكون خير

[faron525]

هي حصلت للدرجة ده ايه اللي جري للناس نصب وطمع وجشع حسبي الله ونعم الوكيل

[zocor742]

الغش وصل لكل حاجة خلاص فى البلد دى

انا فى محل بتاع تغيير زيت بيبيع بيبيع موبيل واسو فقط اصحابى بيحظرونى منة
وبيأكدولى انة بيغش فى الجراكن بالحقن بيسحب الزيت ويملا الجركن تانى زيت مضروب او اكس باير بالحقن
وطبعا بالحقنة الى بتستخدم للحيوانات (اسف للتعبير) عشان بتكون سميكة فاهتسحب وتضخ بسهولة

ومتأكدين وبصمين على الكلام دة بس هو مفيش جهة بتقوم بالتفتيش
زى المأكولات بتفتش وراها وزارة الصحة ولما بتتمسك حاجة غيلار مطابقة بتتعمل قضية خش تجارى
فأعتقد ان دة بردو غش تجارى بردو فين بقى الجهة المختصة بالموضوع دة تفتش وتاخد عينات وتطلع مطابقة او غير مطابقة
ولا الموضوع فية كوسة وطبيخ بردو

[A.Saad]

على فكرة اكتر غش فى المحلات
تانى حاجة
ضاحب المحل اكيد عارف امال الصبى هيودى الزيت فين بعد كدة الا لو كان هوة عارف او بسيب له المحل ويغيب

[megosoft]

انا بس عايز اعرف- ايه هو الزيت العادي ده- لإن سعر 52 جنيه للجركن يعتبر تقريبا أرخص حاجه- يعني مش زيت غالي - إلا إذا كان حط ليك في الجركن زيت مستعمل- وده ح يبان على طول وانت واقف. !!!!ــ

[Badrawy]

يعنى ايه زيت عادي؟

[omar1978]

اولا شكرا على ردودكم وتفاعلكم
بالنسبه للزيت العادى اللى انا اقصده هو الزيت السايب اللى فى المحلات تقريبا زيت تعاون ب 29 جنيه
المشكله مش فى سعر الزيت المشكله فى الحركه نفسها والغش الى وصل لكل حاجه فى حياتنا

[محمد بلال]

حسبى الله ونعم الوكيل
معلش يا باشا على فكرة زيت التعاون اس جيه زيت نطيف

[shok]

جشع
انا بعمل حاجة يارييت تعملوها
انا بستخدم موبيل 1 بجيبة من بنزينة موبيل
لو حتجيب شل تبقى تجيبة من بنزينة شل
وتاخد الجركن فى ايدك وتغيرة قدامك وتغير الفلتر وتدى الصنيعى 5 جنية وتريح دماغك

[د.محمود صلاح]

طريقة جديدة للغش ,, ربنا يعوض عليك ,, امشي بيه الف ولا الفين وغيره وامرك لله

[mahmoudysf]

انا بغير زيت شيل بغيرة من بنزية شيل اضمن حاجة والراجل بيغير قدام عينى

[engoss1990]

اعتقد انك تجيب موبيل فلاش هينضفلك دايرة التزيت حلو و تغير زيت في البنزينة و الفلتر و نوع الزيت mobile xhb او mobile 1

[m_waheed]

يا جماعة لازم نتفق ان معظم الصنايعي كلهم عاوزين يشتغلوا الواحد
عشان كده مش ينفع نخلي مبدا حسم الظن هو السائد في تعاملنا مع الصنايعية ( لازم عينك تبققي في وسط راسك زي ما بيقولوا .

تاني حاجة اوقات بيمنعنا الخجل او الحياء واحنا بنتعامل مع الصانيعي يعني مثلا ممكن لما الواد لاصبي دخل جوه الورشة المفروض تقولوا انت رايج فين يا بنتي هات الجركن هنا
اوقات تانية تلاقي الاسطي نفسه يوقولك يا بيه لو وراك حاجة روح اعملبها وتعالي بعد ساعة او روح اتغدي وتعالي وهنا مرة تانية تحرج وتمشي والله اعلم هيحصل ايه من وراك
عشان كده لازم يبقي وشك مكشوف وانت بتتعامل مع الصنايعية

ابقي اكملكم باقي النصايح الذهبية في التعامل مع الصنايعية