صوت الزغطة فى النقلة الثالثة فى الاتوماتيك راح

[shesho]

السلام عليكم ورحمة اللة وبركاتة
كل عام وانتم بخير بمناسبة شهر رمضان المعظم

كنت سالت حضراتكم عن صوت زغطة فى النقلة الثالثة فى عربيتى النوبيرا اتوماتيك 2001 - وكانت الاجابة من ميكانيكى شغال فى الاوتو -قالى ان الصوت هياخذ وقت ويروح ( لانى كنت وزدت 3 ك زيت ) المهم ظهر قبل وبعد ما زودت الزيت وقعد فترة طويلة بسمع الصوت وبعدين منذ فترة ليست بالقصيرة لقيت الصوت راح ياترى هل المشكلة اتحلت ولا في اية بالظبط واسف على الاطالة

[samirayad]

طيب أنا عاوز أسألك سؤال قبل ما أأقول رأيى
هل فيه تلوث حصل على الفتيس من بره
من عند المقاس أو من طبة التنفيس أو التهويه عن كرتيرة الفتيس وباين قدامك تلوث زيت بتراب وخلافه على جسم الفتيس من بره
بعد مازودت ال3 كيلو زيت دول............
وأعتقد أن أن شاء الله المشكله دى أتحلت
والزيت كان قليل قبل ماتزود ....وكان بيبقى فيه هواء فى خط ضغط الطلمبه .....ونفس الوضع بعد مازودت زيت بكميه كبيره
ولما المقاس أنظبط ....راحت المشكله بتاعة زغطة التعشيق دى مثلا ....لأن خط الضغط كان بيبقى فيه هواء

[mummy_47]

بالنسبة لي ، انا كنت بحس بالزغطة دي احيانا يعني لما تبقى ماشي عادي بالعربية والعربية تجيب الاول وليسه هتجيب التاني وتروح فجأة مهدي شوية وبعدين تمشي تاني عادي يعني العربية بتكون مجهزة الغيار الثاني او الثالث وانت تبرجلها فجأة وتغير رايك فالزغطة بتحصل في هذه المواقف لان الكمبيوتر بتاع الفتيس مفروض بيرجع نقله لما العربية تهدي فلما حصلتله البرجلة عمل النقلة لقدام وبعدين رجع ورا ...ده حسب فهمي المتواضع ويمكن اكون غلطان...لكن هي مبتحصلش غير في المواقف دي فقط...