طلب من اصحاب النوبيرا ...

[mh1982]

كل عام وانتم بخير ..
انا ان شاء الله نويت انى اشترى نوبيرا ..
وكنت عاوز اخد رأيكم ومشورتكم وخصوصا من اصحاب النوبيرا ...
ياريت عاوز تقييم شامل عن اداء العربيه ..
اشهر الاعطال او المشاكل .. وكيفيه التعامل معها ...
فكره عن اسعار قطع الغيار وعمرها الافتراضى ( ده اذا كان فى حاجه بتتغير بإستمرار ) :lol:
فكره عن تعامل مراكز الصيانه .. وخصوصا اذا كان فى حد ممكن يفدينى من المنصوره
اذا كان فيه عيوب صناعه فى العربيه :?
واخيرا انطباعك عن النوبيرا ؟؟
وشكرا ليكم مقدما

[zorooo1986]

اولا ياباشا احسن الاختيار العربية 1600 سى سى 106 حصان تابلو السيارة جلد والدركسيون جلد تكيف بور ازاز كهرباء وكاسيت ونظام الصوت الى فيها جميل العربية متورها شديد اوى بيبقى عاوز يجرى زى الفرس من اول لمسة العربية ثابتة جدا على الطريق لحد 180 كم (مجربتش بعد كدة الصراحة :lol: ) مفهاش اى مشاكل خالص وعمتا لا قدر الله حصل حاجة اى ميكانيكى يقدر يصلحها او حتى يمشهالك لحد متروح التوكيل لا يوجد شى يتغير باستمرار هوة زيت كل 10000كم وبوجيهات كل 20000 كم دة الى حصل معايا لحد دلواقتى التوكيل محترم وناس كويسة وبتفهم لا يوجد عيوب فى صناعة السيارة
والانطباع الشخص بجد انا بموت فيها ومش بتقولى لا على حاجة جرى شد حرق غرز مطبات كلة تمام
ولو فى اسئلة تانى انا تحت امرك يا باشا

[mh1982]

شكرا ليك يا استاذ zorooo1986 على ردك ...
على فكره انا معجب بلون عربيتك ... هى مش سماورى بردو ولا انا غلطان ؟؟
اصلى انا ناوى اجيبها اللون ده ان شاء الله :D :D
انت كده طمنتى من ناحيه العربيه اصلى سمعت عنها كلام بصراحه مضايقنى منها وعاوزك تقول رأيك فيه انت وباقى الاعضاء ...
سمعت ان صاجها ضعيف قوى :roll: .. وان الاكصدامات بتعاتها بتكون مش مرشوشه كويس ومن اقل حكه الدهان بيتشال :( .. كمان الناس بتقول انها واطيه ومش بتشيل وزن وبتحك فى المطبات :o ....
انا بصراحه مش هاممنى كلام الناس بس مضايقنى .. وانا شخصيا حابب العربيه ... بس كنت عاوز اسمع رأى حضرتك :lol: ....
وشكرا ليك مقدما انت وباقى الاعضاء
اه فيه حاجه انا نسيتها .. هو الانذار بتاعها بيطظبط ازاى ... يعنى تقفل صوته او تشغله منين ... اصلى انا شوفت مفتاحها وتقريبا هو زرايره لفتح وقفل السنتر بس مش للانذار .. ممكن حضرتك توضح لى النقطه دى ... معلش تعبتك

[zorooo1986]

اة يا باشا سماوى لون بجد جميل وشيك وبيظهر العربية الصاج مش هقولك قوى وبردو مش ضعيف يعنى ممكن تقول (6 او 7/10)
بس الاكصدمات قوية جدا والدهان متوسط بس يعنى مش اقل حكة تاثر فية لكن واطية دى انا مشفتهاش انا بحمل 5 او 6 انفار فيها والله مش بتحك والله محكتش الا لما ركبت 8 فى العربية معايا :twisted:

[zorooo1986]

والتكيف مش بياثر على سحب العربية الا بنسبة من (10:5%) وتلاجة بقى

[zorooo1986]

الانزار ياباشا هوة بيشتغل اتوماتك لما تقفل السنتر وبيزمر لما حد يفتح الباب من غير ما يفتح السنتر عن طريق الريموت او يفتح بالمفتاح مباشره
وعلى فكرة انا النهاردة شديت مع لانسر 1600 اتوماتك مش هقولك سبقتة بس بوز العربية لازق فى شنطة اللانسر يعنى فرق بسيط لصالحة

[Hassan]

احسن سعر لسيارة 1600 بهذا الحجم و الامكانبات
انصحك بالمانيوال و هى بالفعل ثابتة حتى سرعة 180كم
قطع الغيار معقولة نسبيا و متوافرة
كذلك بوجد منها مقطع استعمال الخارج ببور سعيد بكميات كبيرة (فى حالة الحاجة لصاج او كماليات لاقدر الله )
لا توجد لها اى مشاكل اطلاقا طالما الصيانة وتغير اللازم فى المواعيد المقررة ( سيارتى اول دفعة 2001و عاملة 68000كم)
فى النهاية امكانيات اعلى من ثمنها بكثير

[zorooo1986]

احسن سعر لسيارة 1600 بهذا الحجم و الامكانبات
انصحك بالمانيوال و هى بالفعل ثابتة حتى سرعة 180كم
قطع الغيار معقولة نسبيا و متوافرة
كذلك بوجد منها مقطع استعمال الخارج ببور سعيد بكميات كبيرة (فى حالة الحاجة لصاج او كماليات لاقدر الله )
لا توجد لها اى مشاكل اطلاقا طالما الصيانة وتغير اللازم فى المواعيد المقررة فى النهاية امكانيات اعلى من ثمنها بكثير

+10000000 مانيييييييييييييييييييوال

[mh1982]

متشكر جدا على الردود .... شكرا للاستاذ حسن وللاستاذ طارق وربنا يبارك لكم فى عربياتكم ..لكن انا لى بعض الاستفسارات ..
اولا ألين العربيه ازاى ... اعمل ايه علشان احافظ على الموتور ؟؟
انا مش اول مره اسوق ... انا كان معايا قبل كده عربيتين بس مش زيرو ..
ثانيا ماذا اتوقع اثناء التليين علشان ما اتخضش .. :shock: :shock:
هل اتوقع مثلا ان الفتيس يكون ناشف مثلا ؟؟ هتكون مانيوال ان شاء الله ... او ان الموتور صوته عالى .. او اى حاجه كده
معلش يا جماعه اخوكم ابيض فى موضوع التليين ده .. ومش عاوز اسأل اى حد من الناس اللى انا عارفهم علشان فيه ناس كتير بتحب تفتى ... انا قلت اسأل اعضاء المنتدى الكرام لما لهم من خبره وحب النصح والارشاد اللى انا ملاحظه عليهم ...
افيدونى افادكم الله :lol: :lol: :lol:

[Hassan]

لا توجد اى مشاكل عند التلين , ولكن تجنب القرص على النقلات و عدم تجاوز ال 3000 لفة RBM
فى اول 1000 كم
ملحوظة هامة فى هذة السيارة , الخامس يريح الموتور و هو اداة سحب فى نفس الوقت
مثال فى السفر عند التهدئة ل 60كم , لا توجد حاجة لانزال النقلة , يمكن السحب بالخامس عادى جدا بسهولة و نعومة شديدة

[Casio2000]

لا توجد اى مشاكل عند التلين , ولكن تجنب القرص على النقلات و عدم تجاوز ال 3000 لفة RBM
فى اول 1000 كم
ملحوظة هامة فى هذة السيارة , الخامس يريح الموتور و هو اداة سحب فى نفس الوقت
مثال فى السفر عند التهدئة ل 60كم , لا توجد حاجة لانزال النقلة , يمكن السحب بالخامس عادى جدا بسهولة و نعومة شديدة

الموضوع دا انا لاحظته برضه . على السريع الخامس بيجيب معاك عادي حتى لو هديت وو صلت ل 70 مثلا - مابحتاجش انزل للرابع.

[Hassan]

و على العكس ان نزلت للرابع السحب لن يكون بنفس نعومة وسلاسة الحامس !!!

[zorooo1986]

مثال فى السفر عند التهدئة ل 60كم , لا توجد حاجة لانزال النقلة , يمكن السحب بالخامس عادى جدا بسهولة و نعومة شديدة

اعتقد ان دة صعب اوى اول الخامس مبين 70و 80 لكن 60 اخر التالت يبقى انت لما تمشى على الخامس 60 يبقى اية لازمتة الرابع وبعدين فى التليين لازم تدى الغيار صح
الاول 20
التانى 40
التالت60
الرابع 70/80
الخامس مفتوح

[Hassan]

انا لااقول امشى على الخامس 60كم
لكن اقول فى حالة السريع عند التهدئة لسرعة 60 لا توجد الحاجة لانزال النقلة للسحب من جديد , لانة يمكن السحب بالخامس من جديد بنعومة
كل هذا طبعا بعد التلين

[zorooo1986]

ياباشا انا مقولتش حاجة كلامك منطقى بس بردو مرة على مرة دة بيضعف سحب الماتور