تفريغ مياه الرادياتير فى الانوس ؟؟ ازاى؟

[asemx1]

ازيكم يا شباب المنتدى انا بقالى كتير على المنتدى الجامد دا بس دى اول مشاركه ليا معلش
انا عايز اعرف ازاى افرغ ميه الرادياتير فى الانوس ؟
هوا فى مثلا طبه زى بقيه العربيات تحت الرادياتير وكدا اول ما افكها تنزل ميه الرداياتير كلها ولا اعمل ايه ؟
ياريت حد يرد بسرعه على سؤالى ؟
وشكرا ....,

[elwad_crazy]

انت هتفك الخرطوم اليمين اللى على الريداتير هتلاقى المياه نازله
وافتح القربه وانفخ فيها :d

بس ده اللى اعرفه

[asemx1]

ماشى بس برضو مش هينزل كل كل الميه الى موجوده
انا عايز حاجه تنزلها كلها كلها حتى الى جوا الماتور علشان لو فى صدا او اى حاجه ينزل لانى ناوى انا الى اغسل الدوره دى بنفسى

[MMamdouh]

فية طبة على الخزان الفبر بتاع الجنب البارد... حتلاقيها تحت الخرطوم اللى خارج من الرادياتير

MMamdouh

[asemx1]

لا بجد انا محتار اعدت ادور على الطبه دى ساعتين ومش لاقيها ياريت تقولى فين دى بالتفصيل الممل فين الخزان البارد الفبر واى خرطوم خارج لان فى خراطيم كتير اوى :)

[Michael_Lanos]

هو المفروض الوواحد يغسل الردياتير كل قد ايه
انا عامل 79000 وعمرى ما غسلته، مع العلم انى بستعمل ميه خضراء

[samirayad]

وأنت فاتح الكبوت وواقف أمامه
حيبقى على يمينك الجانب بتوع حوض الردياتير البارد
فى نصفه بالضبط خرطوم الميه البارد اللى رايح لطلمبة الميه
تحت الخرطوم ده ....على الحوض الفيبر .....حتلاقى الجزره أو الطبه
لما تحلها الميه كلها حتنزل معاك
الجزره أو الطبه ....هى القطعه رقم ( 11 ) على الرسم التالى .....فى حالة العربيه أم فتيس عادى أو أوتوماتيك

[samirayad]

هو المفروض الوواحد يغسل الردياتير كل قد ايه
انا عامل 79000 وعمرى ما غسلته، مع العلم انى بستعمل ميه خضراء

فى الكتالوج اللى أنا مستلمه مع العربيه
بيقولك المفروض تغير الميه كل 40 ألف أو سنتين
عموما المفروض أنك تفكر فى تغيير الميه اللى عندك
وطالما القربه مفيش جواها صدأ ....وبتستعمل ماء أخضر بصفه دوريه
فيكفيك فقط أنزال الماء الموجود بدورة التبريد ووضع ماء أخضر آخر بديل

[asemx1]

طيب انا عندى صدا رغم انى بحط ميه خضرا بس مره حطيت مره كدا ميه عاديه وحصل الصدا دا بعدها
افرغها كدا وازاى اغسل الدوره اجيب ميه مقطره واحطها واشغل واسيبها شويه تغسل وافرغ واحط ميه خضرا بعدها ولا رايك ايه يا بشمهندس يا كبير :))

[samirayad]

اجيب ميه مقطره واحطها واشغل واسيبها شويه تغسل وافرغ واحط ميه خضرا بعدها

أنت قلت على الحل بنفسك
توكل على الله

[asemx1]

ياباشا انا فكيتها ومفيش اى حاجه نزلت ينفع كدا يعنى :))
اعمل ايه بقى دى مش بتاعت الميه دى بتربط بين السربنتيه بتاعت التكيف والرادياتير مش الميه خالص
على العموم انا هفك الخرطوم الى طالع من المكنه وامرى لله اشطه مرسى على المساعده

[samirayad]

على العموم انا هفك الخرطوم الى طالع من المكنه وامرى لله اشطه مرسى على المساعده

طالما الجزره دى مش موجوده عندك .....حل الخرطوم اللى فوقها
علشان مستواه أوطى من اللى طالع من المكنه
علشان تنزل معظم مية الردياتير
بمعنى أصح أختار أوطى نقطه فى دورة الميه ....وحل القفيز عندها

[asemx1]

ايوه فى طبه زى الى فى الرسم بس فكيتها كلها ومافيش حاجه نزلت دى حاجه بتربط حاجه تانيه ملهاش دعوه بالميه بص فى الرسم كويس هتلاقى مجرى ليها

[MMamdouh]

انت فتحت غطا القربة قبل ما تشيل الجزرة ولا لا؟؟

MMamdouh

[samirayad]

ايوه فى طبه زى الى فى الرسم بس فكيتها كلها ومافيش حاجه نزلت دى حاجه بتربط حاجه تانيه ملهاش دعوه بالميه بص فى الرسم كويس هتلاقى مجرى ليها

أمال أنا محول الرسم بدون مأاقرأ اللى فيه
أاقرأ أنت اللى فى الرسم على القطعه 11
أسمها drain cock
يعنى جزره أو طبة أنزال ....وطالما طبة أنزال ....وعلى الردياتير
تبقى معموله لأيه .............!!!!!!!!!!!!!!!!!!!
لتفريغ مية الردياتير طبعا