حستلم ايه مع عربيتى

[bshndi]

الأستاذ مايكل تحية طيبة أنا عضو جديد علي هذا المنتدي
أسف علي الإزعاج ولكني أريد أن أسال حضرتك علي ما يتم إستلامه مع العربية الدايو الجديدة حيث إني حجزتها من عند منصور عاوز أعرف أخلي بالي من إيه معاهم

[MMamdouh]

http://www.nilemotors.net/Nile/31255-se.html

MMamdouh

[aly_hosny]

فى البدايه الف مبروك و ربنا يديك خيرها و يكفيك شرها
بالنسبه للحاجات اللى هتستلمها هى :
1- كرتونه الطاسات وتحتوى على 4 طاسات
2- شنطه العده و تحتوى على مفتاح العجل و مفك مزدوج عاده و صليبه
3- كتالوج العربيه
4- الكوريك
5- كتاب الضمان
6- ضمان الكاسيت و البطاريه
و دى كل حاجه هتستلمها اما الحاجات اللى هتشيك عليها هى :

1- لف حوالين العربيه للتأكد من خلوها من الخبطات و التجريحات
2- افتح الشنطه وشيك على الأستبن
3- افتح الكبوت و شيك على الحوض و المكنه
4- جرب التكييف و الكاسيت
5-بص على عداد الكيلومتر
بس يا سيدى والف مبروك وربنا يباركلك فيها :):):)

الكتالوج وكتاب الضمان هتستلمهم بعد الترخيص

[swimmer25]

ربنا يباركلك فيها ويرزقك خيرها

هتستلم كمان جواب المرور عشان الترخيص

ولو العربية كاملة جرب زراير الازاز الكهرباء وخلي بالك ان الاريال بيطلع كهرباء
واتاكد من وجود حلية علي الشكمان من ورا(في حالة الكاملة)
حاول تولع الانوار والفوجات(في حالة الكاملة) وتبص عليها
وتبص علي اي اخطاء في تابلوه السيارة (تجريحات مثلا عشان دي حاجة مبتتصلحش)

اول ما تطلع من المعرض مون علي طول عشان مبيكنش فيها غير بنزين قليل جدااااا