Tweet
السلام عليكم ورحمة الله وبركاته
طبعاً بعد شكر عميق وكبير للسادة القائمين على المنتدى صراحة المنتدى رائع ومفيد جداً على الرغم إني مدخلتش غير منتدى الدايو لحد دلوقتي بس كفاية الرجالة الحلوة إلي أنا شوفتهم في المنتدى ونخص الأستاذ محمد ممدوح ربنا يبارك لنا في عمره ويزيدة ويمتعنا بيه كمان وكمان .
بصراحة أنا في منتهى السعادة إني إشتركت في المنتدى وان كنت زعلان شوية من بعض النقاط ولكن بما أنكم لسه في الأول ممكن نستحمل عشان خاطركوا بس .
المهم
أخوكوا طول عمره بيحب العربيات والجري وإن كنت جبان وغلبان لكن إدمان هعمل أيه
شئ أذكره وكنت صغير جداً يعني 8 سنين تقريباً لدرجة اني لا أذكر شئ عن الفترة إلي كنت فيها بهذا السن غير الموضوع ده وكان عند والدي عربية سيات 126 عارفنها الصغيرة أوي دية يمكن أنا غلطان في الموديل بس مش مهم وكنت قاعد على الكنبة إلي ورا وقولتله يا بابا ما تجري من العربيات وتطلع منهم هما ماشيين بطئ أوي ليه كده والراجل محبش يكسفني وجري وأخدله كام غرزة كده على الماشي وكنت في منتهى السعادة على العموم على الرغم من كده وعلى الرغم من اني عشت عمري أعشق السيارات إلا اني لا أعرف شئ عنها إلا موديلاتها وشكلها من الخارج فقط ولا أعرف شئ عن الداخل .
المهم الوالد عمره ما علمني السواقة ولا فكر يقعدني حتى أدام الدريكسيون ألعب بيه شوية للعلم الوالد شديد المحافظة جداً على حاجته مش عايز أقولكوا يمكن متصدقوش .
بعد السيات الوالد جاب 28 وبعدها جاب لانوس أول ما نزلت سنة 99 وأذكر ان تمنها كان أقل من 40 ألف حاجة بسيطة وكنت في منتهى السعادة ولكن لم يخطر أبداً في بالي إني ممكن أركب العربية أبداً في يوم من الأيام .
العربية حالياً عامله 66 ألف كيلو متر ومبتتصلحش غير في التوكيل لدرجة اني مرة شوفت الفواتير الي الوالد شايلها في درج التابلوة لقيت مكتوب فيها غسيل كامل تخيلوا أبويا ما بيغسلش العربية غير في التوكيل على فكرة أنا مكنتش هصدق المعلومة دية لو أبويا نفسه قالهالي بس أنا شوفت الفواتير بعنيا فمضطر أصدق ... وبيركنها من يوم ما جابها في جراج تابع للمحافظة لازم تبات فيه وإلا لا ينام طوال الليل حتى يطمئن إنها دخلته بالسلامة ويبعد عن البيت حوالي محطة أتوبيس مع إن في جراجات كتير جنب البيت .
الوالد من النوع ... يعني مثلاً : متتحركش بالعربية قبل ما موشر الحرارة يعدي أول شرطة متزودش داخل القاهرة عن 80 كيلو متر تحت أي ظرف حتى لو ماشي على كوبري أكتوبر الساعة واحدة بالليل يوم شتا وسط الأسبوع متفكرش إنك تفتح الكبوت لأن مفيش حاجة تستدعي ذلك والنقلات تكون كالآتي الاول عشان يحرك العربية بس والتاني لحد 35 والرابع 50 والخامس 70 وممكن الوالد يفضل على الخامس حتى لو بطئ ويطلع تاني منه لكن ما بنزلش غيار أبداً إلا إذا كانت العربية خلاص هتوقف منه والتكييف ميشتغلش في الشتا ولا في الصيف إلا إذا كنت على وشك إنك تفطس أو مسافر وميشتغلش إلا بعد ما تجري وتجيب أخرك وحاجات تانية كتير بس ده إلي فاكره دلوقتي .
المهم بعد ما اتخرجت واشتغلت وبدأ سن الوالد يكبر ربنا يبارك في عمره بدأ يستتقل مشوار الجراج ويشعر انه كتير فبدأ يفكر في حل طبعاً مش إني أركب العربية ولكن يجيبلي عربية أقضي بيها مشواير البيت ووالدتي وأخواتي ويريح هوه والعربية , طيب مفيش مانع فبدأت أتعلم السواقة طبعاً تجربة فاشلة لأني إكتشفت إن السواقة سهلة جداً متستهلش كل الفلوس إلي أنا دفعتها ديه وبالفعل تعلمتها بسرعة وبدأ والدي يأخذني في أماكن بعيدة تخيلوا عشان أسوق شويا كان بياخدني أكتوبر وبعد ما تأكد اني بعرف أسوق بدأ يبحث لي عن سيارة 127 وبعد العثور على سيارة وسداد ثمنها رجعناها بعدها بيوم حيث تبين إننا كانت تاكسي وبعدها واحدة كمان ودية رجعت أسرع من الأولى بعد ما بقيت أركنها كل 10 متر عشان انزل اجيب حته وقعت منها .
بدأ الوالد تحت ضغط عدم وجود ضمير عشان يلاقي عربية كويسة تستاهل يدفع فيها فلوس يفكر انه يركبني اللانوس مش عارف أخذ القرار ده ازاي أنا كنت في زهول المهم ركبت العربية والحمد لله .
بقالي 3 سنين تقريباً بسوقها وطبعاً بعد معارضة الوالد خروجي بيها أكثر من مرتين في الأسبوع وحروب عشان يسيبهالي شوية أستمتع بيها ..... بدأت المشاكل
أول خبطة كانت في الشنطة كنت بجيب مارش في شارع ضيق عشان أركن والدنيا كانت ضلمة المهم فوجئت إني دخلت في بلكونة أسمنتية من النوع إلي في الأدوار النص أرضية عارفينها جت بنقرة فوق اللوجو بتاع دايو في حتة وحشة أوي.
رجعت ورتهالوا متكلمش مشكور المهم اتسمكرت بس أي كلام واترشت بردة أي كلام عشان منرشش الشنطة كلها .
المرة التانية كنت ماشي على الكورنيش وكانت الحارة إلي أنا ماشي فيها سالكة والحارة على شمالي واقفة فأنا جبت التات وفتحت طبعاً طبقاً لتعليمات الوالد كنت تقريباً 60 وفوجئت بعربية طلعت من الحارة إلي جنبي ودخلت عليا وكانت 32 تقريباً فكانت أول مرة يحصل موقف زي ده فبغباء كسرت يميني بقوة روحت داخل في عربية نص نقل واقفة , الحمد لله الأضرار كانت الرفرف اليمين بس سمكرته ورشيته عند واحد نضيف المرة دية.
المرة التالتة كنت رايح معرض فورميولا بتاع العربيات قومت باخد ملف يمين روحت داخل بالعتب في الرصيف المرة ديه الخبطة كانت جامدة والوالد نفذ صبرة وثار ثورة عارمة وحقة أنا كنت غبي جداً في الحركة دية ومستعجل ولفيت الدريكسيون زيادة ومخدتش بالي المهم طيب روحت لنفس السمكري السابق قالي أنا هسحب العتب بس مش هيرجع 100 % وإلا لوكانت النسبة المستعدلة قليلة أوي هضطر أقطع وألحم ولكن قدر يسحبها ورجت بعد الرش إلى تقريباً 99% والحمد لله .
المرة الرابعة كنت راجع من زهراء المعادي وأخدت الدائري حتى المنيب شد مع لانسر 99 مع إحترامي الشديد وجبت بالعربية اليوم ده 170 وكانت أول مرة ولحقته عند نازلة المنيب ونزلت وأنا وراه خد يمينه روحت واخد شمال وبقى بينا حارة فيها تاكسي في الوسط راح جري من ادام التاكسي بقى في وشي حبيت أطلع أنصح منه وروحت واخد غرزة من يمين التاكسي وأجي جنبه أو ادامه أتزنقت بين التاكسي ومقطورة راكنه على اليمين روحت فرملت زحفت العربية ودخلت بجنبها في المقطورة المرة دية كانت شديدة فانوس يمين ورفرف يمين "أتقطع حتت" وباب يمين أتقلبت الشفة بتاعته على ورا وطلع من مكانه الحمد لله مفيش حاجة في الحوض بتاع العربية الجنب بس , روحت لسمكري تاني معرفة قالي هتشتري باب ورفرف استيراد وقد تم وتكلفت 1600 جنية تقريباً .
المرة الأخيرة طبعاً أنا من ساعت آخر مرة وانا بترعش لما بركب العربية كنت باخد U Turn ركزت مع يميني قامت العربية إلي لفت قبلي وقفت مرة واحدة روحت داخل فيها والصور توضح الخبطة .
روحت سمكرتها على البارد ولحمت الفانوس إلي إتشرخ من جوة ومستني إنها تترش بس البوهيجي بيقول إنه لازم يحميها بالنار قبل ما يمعجنها ويرشها فرن وإنه ممكن يحتاج يرش الرفرف كله يعني بعد ما ضغطت على السمكري عشان يعملهالي على البارد ييجي الدهان يضيع المجهود ده .
طبعاً أنا عمري ما فتحت الكبوت فمعرفش أي حاجة فيه بس بحاول أتعلم حالياً بس في السر طبعاً وبحاول إني أحوش مبلغ عشان أجيب عربية أعرف ألعب فيها وأفك وأربط وبصراحة المندى نفعني جامد وعرفني حاجات كتير مكنتش عارفها زي مثلاً :-
معلومة الرشاشات وإن كنت مش عارف هيا فين بس كانت فعلاً مفيدة لأن العيب ظاهر عندي وخصوصاً إني بجيب آخر الدواسة كتير .
موضوع الفرامل ده إلي غريب أوي أنا عمري ما أشتكيت من فرامل العربية بتمسك كويس الحمد لله بس العربية بتسحف جامد أظن لأنها خفيفة .
صوت الموتور فعلاً عالي جداً أنا سوقت لانسر 99 كنت مش عارف دارت ولا لأ من نعومة صوتها وكنت بعتمد على صاحبها إلي قاعد جنبي عشان يقولي أنها دارت أو لأ ما شاء الله .
العفشة زفت زفت زفت العربية ناشفة جداً وخشنة وبتتمرجح بيك عند كل نقرة وبلاعة وما أكثرهم .
العربية على الرغم من إنها 1500 بس سحبها ضعيف على فكرة ماتورها تعبان أوي ويا سلام لو كنت مشغل التكييف كأنك ساحب فرامل اليد بالضبط بدون مبالغة .
بس في حاجة صغيرة نفسي أسألكم عليها .
هو في حل لمشكلة صوت الأبواب إلي بترزع بصوت عالي حتى لو قفلتها بالراحة ده لو قفلت أصلاً ليه ما لهاش الصوت المكتوم بتاع باقي العربيات إلي في عمرها زي الأكسنت مثلاً أو الانسر مع الفارق على فكرة والله في عربيات أقدم منها وصوت أبوابها أنعم وأكتم وأحلى منها كتير .
انا رغاي أوي صح معلش بس ده أول تعارف ولازم كنت أرغي شوية سامحوني ومشكوريين .
طبعاً بعد شكر عميق وكبير للسادة القائمين على المنتدى صراحة المنتدى رائع ومفيد جداً على الرغم إني مدخلتش غير منتدى الدايو لحد دلوقتي بس كفاية الرجالة الحلوة إلي أنا شوفتهم في المنتدى ونخص الأستاذ محمد ممدوح ربنا يبارك لنا في عمره ويزيدة ويمتعنا بيه كمان وكمان .
بصراحة أنا في منتهى السعادة إني إشتركت في المنتدى وان كنت زعلان شوية من بعض النقاط ولكن بما أنكم لسه في الأول ممكن نستحمل عشان خاطركوا بس .
المهم
أخوكوا طول عمره بيحب العربيات والجري وإن كنت جبان وغلبان لكن إدمان هعمل أيه
شئ أذكره وكنت صغير جداً يعني 8 سنين تقريباً لدرجة اني لا أذكر شئ عن الفترة إلي كنت فيها بهذا السن غير الموضوع ده وكان عند والدي عربية سيات 126 عارفنها الصغيرة أوي دية يمكن أنا غلطان في الموديل بس مش مهم وكنت قاعد على الكنبة إلي ورا وقولتله يا بابا ما تجري من العربيات وتطلع منهم هما ماشيين بطئ أوي ليه كده والراجل محبش يكسفني وجري وأخدله كام غرزة كده على الماشي وكنت في منتهى السعادة على العموم على الرغم من كده وعلى الرغم من اني عشت عمري أعشق السيارات إلا اني لا أعرف شئ عنها إلا موديلاتها وشكلها من الخارج فقط ولا أعرف شئ عن الداخل .
المهم الوالد عمره ما علمني السواقة ولا فكر يقعدني حتى أدام الدريكسيون ألعب بيه شوية للعلم الوالد شديد المحافظة جداً على حاجته مش عايز أقولكوا يمكن متصدقوش .
بعد السيات الوالد جاب 28 وبعدها جاب لانوس أول ما نزلت سنة 99 وأذكر ان تمنها كان أقل من 40 ألف حاجة بسيطة وكنت في منتهى السعادة ولكن لم يخطر أبداً في بالي إني ممكن أركب العربية أبداً في يوم من الأيام .
العربية حالياً عامله 66 ألف كيلو متر ومبتتصلحش غير في التوكيل لدرجة اني مرة شوفت الفواتير الي الوالد شايلها في درج التابلوة لقيت مكتوب فيها غسيل كامل تخيلوا أبويا ما بيغسلش العربية غير في التوكيل على فكرة أنا مكنتش هصدق المعلومة دية لو أبويا نفسه قالهالي بس أنا شوفت الفواتير بعنيا فمضطر أصدق ... وبيركنها من يوم ما جابها في جراج تابع للمحافظة لازم تبات فيه وإلا لا ينام طوال الليل حتى يطمئن إنها دخلته بالسلامة ويبعد عن البيت حوالي محطة أتوبيس مع إن في جراجات كتير جنب البيت .
الوالد من النوع ... يعني مثلاً : متتحركش بالعربية قبل ما موشر الحرارة يعدي أول شرطة متزودش داخل القاهرة عن 80 كيلو متر تحت أي ظرف حتى لو ماشي على كوبري أكتوبر الساعة واحدة بالليل يوم شتا وسط الأسبوع متفكرش إنك تفتح الكبوت لأن مفيش حاجة تستدعي ذلك والنقلات تكون كالآتي الاول عشان يحرك العربية بس والتاني لحد 35 والرابع 50 والخامس 70 وممكن الوالد يفضل على الخامس حتى لو بطئ ويطلع تاني منه لكن ما بنزلش غيار أبداً إلا إذا كانت العربية خلاص هتوقف منه والتكييف ميشتغلش في الشتا ولا في الصيف إلا إذا كنت على وشك إنك تفطس أو مسافر وميشتغلش إلا بعد ما تجري وتجيب أخرك وحاجات تانية كتير بس ده إلي فاكره دلوقتي .
المهم بعد ما اتخرجت واشتغلت وبدأ سن الوالد يكبر ربنا يبارك في عمره بدأ يستتقل مشوار الجراج ويشعر انه كتير فبدأ يفكر في حل طبعاً مش إني أركب العربية ولكن يجيبلي عربية أقضي بيها مشواير البيت ووالدتي وأخواتي ويريح هوه والعربية , طيب مفيش مانع فبدأت أتعلم السواقة طبعاً تجربة فاشلة لأني إكتشفت إن السواقة سهلة جداً متستهلش كل الفلوس إلي أنا دفعتها ديه وبالفعل تعلمتها بسرعة وبدأ والدي يأخذني في أماكن بعيدة تخيلوا عشان أسوق شويا كان بياخدني أكتوبر وبعد ما تأكد اني بعرف أسوق بدأ يبحث لي عن سيارة 127 وبعد العثور على سيارة وسداد ثمنها رجعناها بعدها بيوم حيث تبين إننا كانت تاكسي وبعدها واحدة كمان ودية رجعت أسرع من الأولى بعد ما بقيت أركنها كل 10 متر عشان انزل اجيب حته وقعت منها .
بدأ الوالد تحت ضغط عدم وجود ضمير عشان يلاقي عربية كويسة تستاهل يدفع فيها فلوس يفكر انه يركبني اللانوس مش عارف أخذ القرار ده ازاي أنا كنت في زهول المهم ركبت العربية والحمد لله .
بقالي 3 سنين تقريباً بسوقها وطبعاً بعد معارضة الوالد خروجي بيها أكثر من مرتين في الأسبوع وحروب عشان يسيبهالي شوية أستمتع بيها ..... بدأت المشاكل
أول خبطة كانت في الشنطة كنت بجيب مارش في شارع ضيق عشان أركن والدنيا كانت ضلمة المهم فوجئت إني دخلت في بلكونة أسمنتية من النوع إلي في الأدوار النص أرضية عارفينها جت بنقرة فوق اللوجو بتاع دايو في حتة وحشة أوي.
رجعت ورتهالوا متكلمش مشكور المهم اتسمكرت بس أي كلام واترشت بردة أي كلام عشان منرشش الشنطة كلها .
المرة التانية كنت ماشي على الكورنيش وكانت الحارة إلي أنا ماشي فيها سالكة والحارة على شمالي واقفة فأنا جبت التات وفتحت طبعاً طبقاً لتعليمات الوالد كنت تقريباً 60 وفوجئت بعربية طلعت من الحارة إلي جنبي ودخلت عليا وكانت 32 تقريباً فكانت أول مرة يحصل موقف زي ده فبغباء كسرت يميني بقوة روحت داخل في عربية نص نقل واقفة , الحمد لله الأضرار كانت الرفرف اليمين بس سمكرته ورشيته عند واحد نضيف المرة دية.
المرة التالتة كنت رايح معرض فورميولا بتاع العربيات قومت باخد ملف يمين روحت داخل بالعتب في الرصيف المرة ديه الخبطة كانت جامدة والوالد نفذ صبرة وثار ثورة عارمة وحقة أنا كنت غبي جداً في الحركة دية ومستعجل ولفيت الدريكسيون زيادة ومخدتش بالي المهم طيب روحت لنفس السمكري السابق قالي أنا هسحب العتب بس مش هيرجع 100 % وإلا لوكانت النسبة المستعدلة قليلة أوي هضطر أقطع وألحم ولكن قدر يسحبها ورجت بعد الرش إلى تقريباً 99% والحمد لله .
المرة الرابعة كنت راجع من زهراء المعادي وأخدت الدائري حتى المنيب شد مع لانسر 99 مع إحترامي الشديد وجبت بالعربية اليوم ده 170 وكانت أول مرة ولحقته عند نازلة المنيب ونزلت وأنا وراه خد يمينه روحت واخد شمال وبقى بينا حارة فيها تاكسي في الوسط راح جري من ادام التاكسي بقى في وشي حبيت أطلع أنصح منه وروحت واخد غرزة من يمين التاكسي وأجي جنبه أو ادامه أتزنقت بين التاكسي ومقطورة راكنه على اليمين روحت فرملت زحفت العربية ودخلت بجنبها في المقطورة المرة دية كانت شديدة فانوس يمين ورفرف يمين "أتقطع حتت" وباب يمين أتقلبت الشفة بتاعته على ورا وطلع من مكانه الحمد لله مفيش حاجة في الحوض بتاع العربية الجنب بس , روحت لسمكري تاني معرفة قالي هتشتري باب ورفرف استيراد وقد تم وتكلفت 1600 جنية تقريباً .
المرة الأخيرة طبعاً أنا من ساعت آخر مرة وانا بترعش لما بركب العربية كنت باخد U Turn ركزت مع يميني قامت العربية إلي لفت قبلي وقفت مرة واحدة روحت داخل فيها والصور توضح الخبطة .
روحت سمكرتها على البارد ولحمت الفانوس إلي إتشرخ من جوة ومستني إنها تترش بس البوهيجي بيقول إنه لازم يحميها بالنار قبل ما يمعجنها ويرشها فرن وإنه ممكن يحتاج يرش الرفرف كله يعني بعد ما ضغطت على السمكري عشان يعملهالي على البارد ييجي الدهان يضيع المجهود ده .
طبعاً أنا عمري ما فتحت الكبوت فمعرفش أي حاجة فيه بس بحاول أتعلم حالياً بس في السر طبعاً وبحاول إني أحوش مبلغ عشان أجيب عربية أعرف ألعب فيها وأفك وأربط وبصراحة المندى نفعني جامد وعرفني حاجات كتير مكنتش عارفها زي مثلاً :-
معلومة الرشاشات وإن كنت مش عارف هيا فين بس كانت فعلاً مفيدة لأن العيب ظاهر عندي وخصوصاً إني بجيب آخر الدواسة كتير .
موضوع الفرامل ده إلي غريب أوي أنا عمري ما أشتكيت من فرامل العربية بتمسك كويس الحمد لله بس العربية بتسحف جامد أظن لأنها خفيفة .
صوت الموتور فعلاً عالي جداً أنا سوقت لانسر 99 كنت مش عارف دارت ولا لأ من نعومة صوتها وكنت بعتمد على صاحبها إلي قاعد جنبي عشان يقولي أنها دارت أو لأ ما شاء الله .
العفشة زفت زفت زفت العربية ناشفة جداً وخشنة وبتتمرجح بيك عند كل نقرة وبلاعة وما أكثرهم .
العربية على الرغم من إنها 1500 بس سحبها ضعيف على فكرة ماتورها تعبان أوي ويا سلام لو كنت مشغل التكييف كأنك ساحب فرامل اليد بالضبط بدون مبالغة .
بس في حاجة صغيرة نفسي أسألكم عليها .
هو في حل لمشكلة صوت الأبواب إلي بترزع بصوت عالي حتى لو قفلتها بالراحة ده لو قفلت أصلاً ليه ما لهاش الصوت المكتوم بتاع باقي العربيات إلي في عمرها زي الأكسنت مثلاً أو الانسر مع الفارق على فكرة والله في عربيات أقدم منها وصوت أبوابها أنعم وأكتم وأحلى منها كتير .
انا رغاي أوي صح معلش بس ده أول تعارف ولازم كنت أرغي شوية سامحوني ومشكوريين .
Comment