إعـــــــلان

**hossam_elwani** · 18-08-2009, 10:26 PM

انا فى رأى روح اكثر من مركز خدمة بعيد عن التوكيل وخد الاراء منهم ولو اضطريت الى تغير الفتيس فى المستقبل القريب جيبه استعمال حيعمل فى حدود 3000 جنيه تقريبا

**Hany A Fattah** · 18-08-2009, 10:49 PM

ازاى بعد تغيير لزيت الفتيس ممكن مايشتغلش تانى !!!!
طبعا كلام مش مقنع وبعدين صيانه للفتيس ب 6000 جنيه ؟ امال الفتيس بكام ؟؟؟؟
استاذى انا من رأيى يروح اى مكان تانى غير التوكيل ويغير الزيت ولو لاقدر الله ما اشتغلش وده طبع كلام مش مقنع
يشترى واحد استيراد انا لسه شايفه فى الحرفيين ب 1400 جنيه وده كلام البياع يعنى ساعه الشراء يبقى فيه كلام تانى

لكن كلمة امشى بيه لحد مايبوظ كانك بتقول لواحد انت عندك القلب ومش هاعلجك الا لما قلبك يقف خالص :b4_592:

**samirayad** · 19-08-2009, 02:01 AM

خليه يكشف على الزيت لو لقاه لونه مسود
يبقى الفتيس بالسلامه

**WalidAdel** · 19-08-2009, 02:03 AM

العربيه دي ياستاذ مودي زي ماتقول بتاعتي و انا اللي بروح التوكيل معاها و طبعا صحبي موجود لان التوكيل طومانباي خمس دقايق مشي من بيتي
بنعمل صيانه في التوكيل علطول و مافيش حد جاب سيره ان الزيت عايز يتغير ولا الفلتر و بعدين المفروض دا من ضمن الصيانه يعني اومال انا بارووح لييييييه التوكيل
دا في مره دافعين 3400 صيانه مقصين علي شدادات موتور و شويه حركات كده

المهم انا بردوا كلام الراجل مش عاجبني خالص الفتيس في التوكيل شكله غالي جدا لانه العمره بتاعته ب 6500 بالمصنعيه 5000 مشتريات و 1500 مصنعيه و ضريبه و شغل يومين فيييييه
حاسسني انه هايخترع فتيس جديد اصلا
و بعدين حتة اني لو غيرت الزيت و الفلتر مش هايشتغل دي بردوا مش مريحاني حتي انا قولتلوا ايه اللي هايحصل الفتيس هايحس ان في زيت جديد دخله فامش هايردي يشتغل الراجل ضحك و قالي لا طبعا بس لما تيجي تنقل مش هاتمشي العربيه كانك جايبه علي n
الفتي دي جامده اوي يعني كنت عايز اقولوا انتي شايفني راكن الفيل بره ولا ايييييييييه

هو كده كده الكلام مش مقنع فانا مستني بس حد من عمالقة الدايو يقولي اعمل ايه اغير زيييت و فلتر عادي و لا ارووووح لحد بيفهم شويه
كان في واحد في مصر القديمه تحت الكوبري اللي بيطلع علي الكورنيش المعادي اسمه اشرف و شغال في التوكيل في ابورواش انا روحتله كذا مره في التوكيل حد يعرفه ولا في حد احسن منه
ياريت بس الاستاذ MMamdouh ييجي يشارك معانا و يقولي اعمل ايه في العربيه دي

**WalidAdel** · 19-08-2009, 02:06 AM

المشاركة الأصلية كتبت بواسطة samirayad مشاهدة المشاركة

خليه يكشف على الزيت لو لقاه لونه مسود
يبقى الفتيس بالسلامه

ليييييه الفتيس بالسلامه هو حد عمله حاجه دا الواد اصلا مش بيحرق خالص علي العربيه ولا النقلات

**hossam_elwani** · 19-08-2009, 02:17 AM

مش عايزك تاخد كلام التوكيل على انه مسلم بيه مفيش غيره

**samirayad** · 19-08-2009, 02:30 AM

المشاركة الأصلية كتبت بواسطة walidadel مشاهدة المشاركة

ليييييه الفتيس بالسلامه هو حد عمله حاجه دا الواد اصلا مش بيحرق خالص علي العربيه ولا النقلات

أاقولك ياباشا ليه بالسلامه
زيت الفتيس لونه أيه .....أحمر
لما يسود .....يبقى الكلاتشات أتحرقت نتيجه للتفويت
وده بيخللى الزيت لونه يسود ....بسبب التفويت والسخونه العاليه الناتجه عن الأحتكاكات الشديده نتيجة عدم الترابط الجيد لأوجه التعشيق الخاصه بالكلاتشات
ومعروف أن الحراره الشديده بتعمل تكسير حرارى للزيت
وبالتالى لونه يسود

**WalidAdel** · 19-08-2009, 03:27 AM

المشاركة الأصلية كتبت بواسطة samirayad مشاهدة المشاركة

أاقولك ياباشا ليه بالسلامه
زيت الفتيس لونه أيه .....أحمر
لما يسود .....يبقى الكلاتشات أتحرقت نتيجه للتفويت
وده بيخللى الزيت لونه يسود ....بسبب التفويت والسخونه العاليه الناتجه عن الأحتكاكات الشديده نتيجة عدم الترابط الجيد لأوجه التعشيق الخاصه بالكلاتشات
ومعروف أن الحراره الشديده بتعمل تكسير حرارى للزيت
وبالتالى لونه يسود

تصدق كلام مقنع بس معني ايه التفويت دا علشان ابقي واضح مع حضرتك

اصل اللي انا فهمته ان العيب كده من سواقة العربيه مش من العربيه نفسها و انا اشك ان في عيب في السواقه لان اللي بيسوق العربيه دي صحبي و امه و اخته و صحب ان اي واحد فيهم يعمل حاجه غلط لاني عارفهم كويس و عارف طريقة سواقتهم ولا انا فهمت كلمة التفويت دي غلط

**samirayad** · 19-08-2009, 05:02 PM

تصدق كلام مقنع

طيب الحمد لله ...أن بقه فيه سبيل للأقناع

بس معني ايه التفويت دا علشان ابقي واضح مع حضرتك

أى فتيس أوتوماتيك بيبقى جواه مجموعة كلاتشات بتعمل بنظرية التعشيق الهيدروليكى من خلال ضخ الزيت من الpressure line
الخارج من طلمبة زيت الفتيس الى الفلف بودى ومن خلال السولونويد المعين (لمرحلة تعشيق معينه )
بيتم توجيه الزيت لتعشيق الكلاتش ده
بيتكون من أيه الكلاتش
مجموعه من الأقراص الأحتكاكيه ( أقراص صلبه زى أوجه الديسك والفلام مثلا فى الفتيس المانيول )
(وأقراص متيله ....عليها تيل زى بتاع الفرامل بتاع مواتير الكهرباء الكبيره .....أو زى تيل أسطوانة الدبرياش العادى )
لما بيحصل تفويت نتيجة هبوط ضغط الزيت مثلا على بستم تعشيق الكلاتش المعين
الوجه الصلب بيفرك الوجه المتيل ويحرقه ولونه يسود وتتولد سخونه عاليه جدا بسبب الفرك ده ويتحرق الزيت
يعنى الأوجه الأحتاكيه باظت .....يعنى حصل المراد وحصل التفويت
يبقى الفتيس ...........كل سنه وأنت طيب
لأن تكلفة تغيير الكلاتشات والسيلات بتبقى عاليه جدا

**WalidAdel** · 20-08-2009, 03:06 AM

المشاركة الأصلية كتبت بواسطة samirayad مشاهدة المشاركة

طيب الحمد لله ...أن بقه فيه سبيل للأقناع
أى فتيس أوتوماتيك بيبقى جواه مجموعة كلاتشات بتعمل بنظرية التعشيق الهيدروليكى من خلال ضخ الزيت من الpressure line
الخارج من طلمبة زيت الفتيس الى الفلف بودى ومن خلال السولونويد المعين (لمرحلة تعشيق معينه )
بيتم توجيه الزيت لتعشيق الكلاتش ده
بيتكون من أيه الكلاتش
مجموعه من الأقراص الأحتكاكيه ( أقراص صلبه زى أوجه الديسك والفلام مثلا فى الفتيس المانيول )
(وأقراص متيله ....عليها تيل زى بتاع الفرامل بتاع مواتير الكهرباء الكبيره .....أو زى تيل أسطوانة الدبرياش العادى )
لما بيحصل تفويت نتيجة هبوط ضغط الزيت مثلا على بستم تعشيق الكلاتش المعين
الوجه الصلب بيفرك الوجه المتيل ويحرقه ولونه يسود وتتولد سخونه عاليه جدا بسبب الفرك ده ويتحرق الزيت
يعنى الأوجه الأحتاكيه باظت .....يعنى حصل المراد وحصل التفويت
يبقى الفتيس ...........كل سنه وأنت طيب
لأن تكلفة تغيير الكلاتشات والسيلات بتبقى عاليه جدا

كلام جميل جدا ياباشمهندس والله
بس السؤال بقي دلوقتي ماشي الزيت اسود و خلاص و الفتيس كل سنه و انت طيب
اولا
هل بقي اغيرله زيت ولا امشي زي ماقالوا في التوكيل لحد مايقف خالص
ثانيا
هل اللي حصل ده عمر افتراضي للفتيس ولا سوق استخدام من صحبي (اشك) ولا هو فعلا عييييب و الراجل قال بدل مايغيره في الضمان او حتي يقولي داعيب تصنيع اقوله الفتيس باظ و سيبه و ماتجيش جنبه و اهو فتيس لازم يتصلح في الضمان و انا حورت علي صاحب العربيه و يولع هو و الفتيس و العربيه اصلا

معلش الاسئله كتيييير بس انا مضايق دانا عمال اقوله حس و مس في الفتيس دا علشان هو بيتلكك اصلا قوم لما احنا بنحس و نمس فييييييه باظ بردوا

**samirayad** · 20-08-2009, 02:38 PM

هل بقي اغيرله زيت ولا امشي زي ماقالوا في التوكيل لحد مايقف خالص

دى ترجعلك ......
بس طبعا لازم حتغير الزيت ....
دا لو كان الفتيس لسه محمل وشغال ....والكلاتشات لسه فيها الرمق
والعربيه بتسحب وماشى الحال .....ولو عاوز رأيى ...غيرله الزيت وشوف نظام الفلتر
أصل برضه تكاليف تغيير الكلاتشات عاليه
طالما ناوى تبقى تغير بفتيس تانى .....ومممكن تعمل مقارنه بين تكلفة الأصلاح وشراء فتيس أستعمال

هل اللي حصل ده عمر افتراضي للفتيس ولا سوق استخدام من صحبي (اشك) ولا هو فعلا عييييب

هو مش سوء أستخدام ولاحاجه ...لأن من كلامك الراجل بيستعمل الفتيس بسلاسه ...لا فيه نظام أمركه ولا ديالوله
المشكله فقط فى عدم الألتزام بمتابعة قياس منسوب الزيت مثلا
أو الأهتمام بدورة تبريد الزيت ....وقد يكون هناك أهمال فى ميعاد تغيير الزيت مثلا ...(على فكره ده بشكل عام )
صاحبك بقه أهمل حاجه من دول غالبا

**WalidAdel** · 20-08-2009, 04:09 PM

الفتيس شغال كويس و الحمد لله و السحب كويس بردوا مافيش اختلاف هو كان بس المشكله في الصوت اللي بيطلع في النقله الاولي دي زي ماتكون بحه و حكه صوتها مش ظريف

هل بقي لو غيرت الزيت ممكن الفتيس مايشتغلش زي مالتوكيل بيقول ولا دي فتيه منهم

و بعدين زي ماقولت لحضرتك احنا بنعمل الصيانات في التوكيل حتي اخر مره في صيانة ال 40 الف دفعنا حوالي 3400 جنيه تغيير مقصات و صيانه و كده و بعدين هو مش المفروض طالما انا ملتزم بالصيانه بتعة العربيه في مواعدها هما يبقيوا يبصوا علي زيت الفتيس و الفلاتر و كده و لا لازم انا اقولهم
اصل انا كنت قولت لصاحبي خالي الصيانات في التوكيل علشان الفتيس و كده و بلاش نروح لميكانيكي و يفتي في الفتيس ولا حاجه التوكيل بيشوف و لو في حاجه بيعملها اضمن من اي ميكانيكي تاني

**samirayad** · 20-08-2009, 04:21 PM

و لا لازم انا اقولهم

لازم تقولهم .....
أنا عربيتى مانيوال وقربت أطلع من الضمان ...وعمرهم مابصوا على زيت الفتيس المانيوال
التوكيلات دايما مابيبصوش لمصلحة العميل
مصلحتهم بس هى بيت القصيد .....يعنى دى اللى تهمهم
ولو عاوز رأيى للمره التانيه ....غير الزيت وظبط المقاس صح (يمكن ربنا يسهل ) والأمور تبقى تمام فى كل النقلات وأطمن على سربنتينة تبريد الزيت وشوف نظام الفلتر

Comment

إعـــــــلان

.

مشكلة في فتيس نوبيرا اوتوماتيك

مشكلة في فتيس نوبيرا اوتوماتيك

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment