ترشيح من جوان وش تاكيهات النوبيرا

[M.Al-Hefnawy]

أرجو الإفادة

معايا نوبيرا 2005 وبلاقي رشح من جوان وش التاكيهات ولما روحت للميكانيكي قالي الجوان عاوز يتغير غيرت بتاع النوبيرا 2 مرة ورجع يرشح تاني والمرة التانية قالي أجيب بتاع النوبيرا 1 وبردو رجع يرشح وكل مرة يشد على الوش شوية لكن الترشيح زي ما هو، أكتر مكان أو الوحيد اللي فيه رشح من الناحية اليمين من تحت جنب الموبينه.

[samirayad]

لو مكنتش غيرت جوان غطاء التاكيهات الأصلى وأتربط صح
يبقى حاول تدور على الجوان الأصلى
طيب لو كان الشغل اللى أتعمل مع جوان أصلى .....يبقى أيه الحل
حتضطر تغير غطاء التاكيهات نفسه
لأن غطاء التاكيهات فى النوبيرا مصنوع من الفيبر المقوى ...وممكن يكون مقفع عندك من أثر السخونه مثلا
ومش حينفع معاه أى جوان .....ولازم يتغير

[MMamdouh]

متخليش حد يشتغلك و يقولك هات جوان نوبيرا 1 مش 2 او 3 و الهجس دة لان النوبيرا 1 و 2 فيها نفس المكنة

دور على الجوان التخين

MMamdouh

[Sherif Khalifa]

فى جوان بى 20 جم و دا مش بيكمل 2000 كم و جربتة مرتين
و فى جوان بى 45 جم و دا عايش معايا بقالة فترة كبيرة جدا

هات الجوان الاغلى و استعمل سيليكون للعزل و الربط يكون بالطريقة الصحيحة

[Sherif Khalifa]

دور على الجوان التخين

mmamdouh

انا كنت فاكر كدة برضة بس جوان التكيهات للنوبيرا مش زى الانوس
مفهوش تخين و رفيع كلة نفس التخانة

[MMamdouh]

يعنى ابو 45 نفس شكل ابو 20؟؟ طيب تفرق ازاى بين ابو 20 و ابو45... غير طبعا كلام البياع؟؟

MMamdouh

[Sherif Khalifa]

يعنى ابو 45 نفس شكل ابو 20؟؟ طيب تفرق ازاى بين ابو 20 و ابو45... غير طبعا كلام البياع؟؟

mmamdouh

فعلا الفرق من البياع علشان كدة تجيب من حد مضمون
و الكلام دا عن تجربة فى 4 جوانات 3 بى 20 و واحد بى 45
و التركيب كان بمعرفة نفس الميكانيكى فى 2 من الجوانات الى بى 20 جم

[samirayad]

يعنى ابو 45 نفس شكل ابو 20؟؟ طيب تفرق ازاى بين ابو 20 و ابو45... غير طبعا كلام البياع؟؟

MMamdouh

donn`t neglect quality difference

[Sherif Khalifa]

معلش نسيت اقول ان الى بى 45 جم محطوط فى كيس بلاستك و عليك ستيكر gm بس الكيس مش مقياس طبعا
ساعت ما جبتة كان مفتوح اصلا بس فعلا حسيت بالفرق

[M.Al-Hefnawy]

هو فعلاً يا جماعة اللي كنت بجيبه كان بـ 20 جنيه عشان كده أنا هادور على الأصلي وأجيبه.

متشكر جداً لإفادتكم جميعاً وكل سنة وأنتم طيبين.

[ahmedelwan]

هو فعلاً يا جماعة اللي كنت بجيبه كان بـ 20 جنيه عشان كده أنا هادور على الأصلي وأجيبه.

متشكر جداً لإفادتكم جميعاً وكل سنة وأنتم طيبين.

انا فعلا كان عندي نفس المشكله دي وجبت الجوان التخين من شارع دمشق من نافع او في ف جسر السويس واحد اسمه الشرقاوي و دلوقتي بقالي 7000 كيلو الحمد لله مفيش مشاكل

الاول مكنش بيكمل وبيغرق الموتور ..

شكرااااااا

[kimo-nubira]

انا كمان عندي نفس المشكله وغيرت الجوان من خمس ايام بالظبط

وجبت الاصلي من عند ابو الحسن ب 65 جنيه ادعولي بقي يطلع المره ديه كويس

[medomezo]

الجوان التخين بدون اى عازل (سليكو ن او جملكه) لان السخونه مع سماكه الجوان بيطبع ويمنع اى تسرب للزيت

[Sherif Khalifa]

يا جماعة النوبيرا مفهاش جوان تخين و جوان رفيع

هوا جوان سمك واحد
بس بيختلف من اصلى لمضروب
الاصلى 60 جم من عند ابو الحسن و مغلف بكيس علية استيكر gm 10000 كم و سليم لحد الان
المضروب مش محطوط فى اى حاجة و بى 20 جم و مش بيكمل 2000 كم

[waleed_home]

طيب انا اشتريت النهاردةجوان عادى ب 10 جنيه من عند المنير وقال لى ان هو ده الموجود فى السوق بس لسة ما ركبتوش بس كنت عاوز اعرف هل احط عليه سليكون حرارى او جملكة ولا اركبه ذى ما هو بدون اضافات ؟