سؤااال ضرورى اوى بخصوص ماكنية الباور

[Ahmed_Elkhateb]

يا جماعة انا خبط بالعربيه فى الرصيف الحمد جت سليمه المهم لقت الدركسيون تقل اوى مش عارف ايه اللى حصل روحت رايح على الميكنيكى قالى الزيت فضى بتاع المكنه وانت مشيت وهو فاضى والمكنه باظت المهم حطينا زيت جداد وغيرنا الخرطوم اللى اتخرم تحت ده بس فى صوت صفاره كده وركنت العربيه شويا بعد كام يوم ببص ملقتش ولا نقطة زيت فى الباور المهم روحت اشتريت زيت باور ومليت القربه بتاعة الباور ديه واشتغل تمام روحت نازل للميكانيكى قالى مكنة الباور لازم تتغير قلتلو بكام قالى فى استيراد بـ 250 وفى جديد بـ 500 جنيه اعمل ايييييييه انا مش عاااااارف
العربيه لانوس وان موديل 97 ارجوكو حد يرد عليا فى الموضوع ده اهارده علشان هرروحلو بكره بعد الصلاه
وشكرا جدا

[samirayad]

روحت اشتريت زيت باور ومليت القربه بتاعة الباور ديه واشتغل تمام

المهم الوضع دلوقتى عندك كويس ولا لا
هو ده الأساس فى الحكم على كفاءة طلمبة الباور
وعملية التوجيه نفسها

[Ahmed_Elkhateb]

بعد ما طيت زيت الباور وروحت للمكانيكى رجعت ببص بعدها بساعه لقيت الزيت فضى خالص تانى وانا مش عارف العيب فين وهتجنن

[samirayad]

طيب
راجع على كل خراطيم الباور ( خصوصا الخرطوم اللى على طرد الطلمبه )
الطلمبه واصل لها خطان
1- من التنك على سحب الطلمبه ( وده تخين نسبيا )
2- من الطلمبه الى علبة الدركسيون ( وده أرفع من السابق )
أمن كل القفزان وظبط مقاس الزيت وجرب
لو لقيت الزيت لسه بينقص ....بص برضه حوالين طنبورة الطلمبه من وراء الطنبوره .....يمكن يكون سيل الطلمبه بيجيب زيت
وبرضه خللى ميكانيكى يكشفلك على منطقة المواسير بتاعة علبة الدركسيون

[JAM]

طيب
راجع على كل خراطيم الباور ( خصوصا الخرطوم اللى على طرد الطلمبه )
الطلمبه واصل لها خطان
1- من التنك على سحب الطلمبه ( وده تخين نسبيا )
2- من الطلمبه الى علبة الدركسيون ( وده أرفع من السابق )
أمن كل القفزان وظبط مقاس الزيت وجرب
لو لقيت الزيت لسه بينقص ....بص برضه حوالين طنبورة الطلمبه من وراء الطنبوره .....يمكن يكون سيل الطلمبه بيجيب زيت
وبرضه خللى ميكانيكى يكشفلك على منطقة المواسير بتاعة علبة الدركسيون

+11111111111111

[MMamdouh]

هو الميكانيكى مش كشف عليها قبل كدة؟؟؟ هو مش عارف يحدد مكان العيب فين؟؟؟

التسريب لازم يتمنع الاول قبل ما تركب طلمبة جديدة او استيراد لانها حتتحرق برضة لو الزيت فضى

MMamdouh

[Ahmed_Elkhateb]

يا جماعه روحت تانى للميكانيكى انهارده ولاقى ان فى افيييز هو مش رابطو كويس
المشكله فى الصوت اللى طالع من ماكيير نة الباور طالع منها صوت صفاره كده الراجل قالى لازم المكنه تتغ

[samirayad]

لو تم ربط كل القفزان كويس
ومستوى الزيت مبينقصش فى التنك وفيه صوت من طلمبة الباور
بعد ماجربت وكل حاجه تمام
يبقى الطلمبه جرالها حاجه
وكده حتخش فى تغيير طلمبه
وبرضه أستشير ميكانيكى تانى
للتأكد من صدق رأى الميكانيكى الحالى

قالى الزيت فضى بتاع المكنه وانت مشيت وهو فاضى والمكنه باظت