دايو

[mostafa3000]

اية رايكو يا جماعة في الجولييت
لو حد عندة تقييم ممكن لو سمحتو

[ahmedhilmy]

اقتباس:
أرسل أصلا بواسطة EmBaWe

كنت بفكر اشتري العربية ديه وادامي واحده اليومين دول وملقتش اي معلومات عنها

كل معلومة عن اللانوس السيدان هى معلومة عن الجوليت لان الاتنين واحد

اقتباس:
فياريت تنصحوني بيها وتقولي لي ايه رايكم فيها ومشاكلها
راجع المواضيع اللى تناولت اللانوس السيدان

اقتباس:
واللي عنده خلفيه عنها ياريت يتكلم بوضوح
باختصار best value for money بس بشرط انك تشترى عربية مش متهانة بما اننا بنتكلم فى مستعمل

اقتباس:
هل قطع غيارها بتبوظ بسرعه , ولا بتعمر
دة يعتمد انت حتشترى ايه... حتجيب الاصلى او احسن من الاصلى حتعيش معاك... حتجيب صينى و شغل تحت السلم يبقى فرصة سعيدة

اقتباس:
والبنزين ايه نظامه
يقال ان استهلاكها اعلى من متوسط العربيات اللى فى فئتها... يمكن دة راجع لانها اتقل من العربيات دى بس حتى لو دة صح الفرق مش فادح يعنى... الفرق كلام فاضى.. المتوسط بتاع العربية 10 كيلو للتر جوة البلد

اقتباس:
وهل صاجها يستحمل ولا ايه
دة يعتمد انت ناوى تدخل فى ايه... اى عربية حتتخبط حتتضرر... و لوقارنت اللانوس بالعربيات اللى فى فئتها حتلاقيها امتن واحدة

اقتباس:
وهل الميكانيكيه بيفهموا فيها
الدايو بقت كتاب مفتوح

اقتباس:
وايه نظام سعر قطع غيارها ... ؟
رخيصة و فى كل حتة.. و يمكن دى اقوى ميزة فى العربية

اقتباس:
وكام سعرها مستعمل دلوقتي موديل 97 بالتقريب كده ... ؟
انسى الموديل... العريبية المستعملة بيحدد سعرها الحالة بتاعتها

اقتباس:
ياريت تقولوا كل المعلومات اللي عندكم
راجع الموضوع المثبت "كل ما يهمك عن الدايو" حتلاقى اطنان معلومات عن الدايو عموما و اللانوس حصوصا

MMamdouh
__________________



ده كان رد لاستاذنا محمد ممدوح في سؤال لاحد الاخوة عن العربية الجوليت