ممكن طريقة تغير خرطوم مية المساحات؟؟

[elrasy]

ممكن طريقة تغير خرطوم مية المساحات؟؟
هوة سهل تغيرة من الجهة اللى فى الكابوت لكن الجهة التانية اللى داخلة فى الرفرف مش واضحة ,ياريت حد يوضحهالى


ولكم خالص شكرى,,

[samirayad]

لكن الجهة التانية اللى داخلة فى الرفرف مش واضحة ,ياريت حد يوضحهالى

أنا حقولك على حسب مافهمت من الكتالوج
1- حتحل الفرده الشمال الأماميه
2 - وراء صاجة الوقايه بتاعة طنبورة الفرامل دى
حتلاقى تنك مية الغسيل وراكب عليه طلمبة الغسيل بتاعة المساحات
3- حتفصل الخرطوم من على زور الطلمبه
وكده حصل المراد
دى فكره بسيطه كده عن سؤالك
وبرضه حنشوف رأى الزملاء اللى أتعرضوا للموضوع ده على الطبيعه فى عربياتهم .....
لأن كان عندى فى العربيه الأولى ( التنك والطلمبه واضحين فى الغرفه ) ولسه لم أتعرض للموضوع ده على الطبيعه فى عربيتى الحاليه
فى الانوس والنوبيرا

التنك والطلمبه مش حيبانوا معاك ألا أما تحل الفرده الأماميه الشمال
لتسهيل الوصول الى الطرف التانى من الخرطوم اللى راكب على الطلمبه بتاعة الغسيل

[elrasy]

أنا حقولك على حسب مافهمت من الكتالوج
1- حتحل الفرده الشمال الأماميه
2 - وراء صاجة الوقايه بتاعة طنبورة الفرامل دى
حتلاقى تنك مية الغسيل وراكب عليه طلمبة الغسيل بتاعة المساحات
3- حتفصل الخرطوم من على زور الطلمبه
وكده حصل المراد
دى فكره بسيطه كده عن سؤالك
وبرضه حنشوف رأى الزملاء اللى أتعرضوا للموضوع ده على الطبيعه فى عربياتهم .....
لأن كان عندى فى العربيه الأولى ( التنك والطلمبه واضحين فى الغرفه ) ولسه لم أتعرض للموضوع ده على الطبيعه فى عربيتى الحاليه
فى الانوس والنوبيرا

التنك والطلمبه مش حيبانوا معاك ألا أما تحل الفرده الأماميه الشمال
لتسهيل الوصول الى الطرف التانى من الخرطوم اللى راكب على الطلمبه بتاعة الغسيل

انا بردة كنت حاسس ان الموضوع متعب شوية, ربنا يسهلها,,
خالص شكرى لاهتمامك

[samirayad]

أن شاء الله مفيش تعب ولا حاجه والموضوع بسيط
ودى صوره لتنك مية غسيل وراكب عليه طلمبتين غسيل
لأن ده لعربيه هاتش باك ( ليها دورة غسيل كمان على الأزاز الخلفى )
علشان كده التنك عليه طلمبتين
عندنا التنك راكب عليه طلمبه واحده فقط (الطلمبات هى رقم 3 ) والخرطوم بتاعنا هو رقم 8 .... ووصل بتخيلك الحرفين a مع بعض ( من عند الخرطوم ومن عند الطلمبه ) لأنه باعدهم عن بعض فى الرسم .....ورقم 6 ده غطاء زور القربه البلاستيك الأزرق تقريبا ( على ما أفتكر ) اللى بنحله من الحوض علشان نزود ميه الغسيل
شوف كده ....العمليه سهله
مجرد حليت الفرده ووصلت للتنك حتحل الخرطوم من على زور الطلمبه
وغير الخرطوم زى ما أنت عاوز

[elrasy]

أن شاء الله مفيش تعب ولا حاجه والموضوع بسيط
ودى صوره لتنك مية غسيل وراكب عليه طلمبتين غسيل
لأن ده لعربيه هاتش باك ( ليها دورة غسيل كمان على الأزاز الخلفى )
علشان كده التنك عليه طلمبتين
عندنا التنك راكب عليه طلمبه واحده فقط (الطلمبات هى رقم 3 ) والخرطوم بتاعنا هو رقم 8 .... ووصل بتخيلك الحرفين a مع بعض ( من عند الخرطوم ومن عند الطلمبه ) لأنه باعدهم عن بعض فى الرسم .....ورقم 6 ده غطاء زور القربه اللى بنحله من الحوض علشان نزود ميه الغسيل
شوف كده ....العمليه سهله
مجرد حليت الفرده ووصلت للتنك حتحل الخرطوم من على زور الطلمبه
وغير الخرطوم زى ما أنت عاوز

مفيش احسن من كدة توضيح

[samirayad]

بالتوفيق يا أستاذ : أحمد
ورمضان كريم

[elrasy]

ياترى الاقى الخرطوم دة فين ؟؟ ممكن فى التوفيقية ولا مكان تانى؟؟

[samirayad]

ممكن تحل القديم وتأخده معاك وتدور عند أى حد بتاع قطع غيار
وممكن تلاقيه فى الحرفين
وأعتقد تمنه مش حيعمل أكتر من 10 أو 15 ج على الأكثر

[elrasy]

ممكن تحل القديم وتأخده معاك وتدور عند أى حد بتاع قطع غيار
وممكن تلاقيه فى الحرفين
وأعتقد تمنه مش حيعمل أكتر من 10 أو 15 ج على الأكثر

والله انت بتحرجنى بذوقك واهتمامك,, خالص شكرى ليك ورمضان كريم

[samirayad]

الله يخليك
وكل عام وأنتم بخير

[msobhy]

أولا - لو الخرطوم القديم لسه موجود أوعى تشيله وده هام جدا (السبب فى الاخر)
ثانيا - علشان تقدر تغير الخرطوم لازم تفك العجلة وتفك الكارتيره الفبر اللى فوق العجله - لو ماشيته فوق الكارتيره من بره هايتدمر بعد 3 أو 4 أيام بالكتيييييييييييييير
ثالثا - نوع الخراطيم اللى موجوده رديء جدا وبتبوظ بسرعة وثمن الخرطوم 5 متر بخمسه جنية وللأسف لما أجد اى نوع اخر ممكن تجيبة وتلزق على الخرطوم أى سوليتب علشان يعمل دعم خاصة عند الانحناءات

فى حالة وجود الخرطوم القديم اربطه بخيط قوى واسحب الخرطوم علشان يحل محله الخيط - بعد كده اربط الخيط فى الخرطوم الجديد وأعكس العملية وبكده ولا هاتفك العجلة ولا الكارتيره والموضوع هايخد فى أيدك بالكتيييييييييييييييييييييييير 5 دقائق
الكلام كله عن تجربه

[A.Saad]

باشمهندس سمير سؤال
عربيتى مفيهاش مساحات خلفية
مع انها كانت بتنزل بيها
ينفع اركب رشاش مياة ومساحة خلفية

[samirayad]

مع انها كانت بتنزل بيها
ينفع اركب رشاش مياة ومساحة خلفية

طالما كانت بتنزل بيها يا أستاذ : أحمد
ببقى تنفع .....بس لو الموضوع حيعملك قلق فى تغيير القربه بتاعة الغسيل وغيره
من رأيى ملوش لازمه ....أهم حاجه قدام وخلاص

[elrasy]

فى حالة وجود الخرطوم القديم اربطه بخيط قوى واسحب الخرطوم علشان يحل محله الخيط - بعد كده اربط الخيط فى الخرطوم الجديد وأعكس العملية وبكده ولا هاتفك العجلة ولا الكارتيره والموضوع هايخد فى أيدك بالكتيييييييييييييييييييييييير 5 دقائق
الكلام كله عن تجربه

لآمش مفهومة دى

[A.Saad]

لآمش مفهومة دى:u_thin1[1]:

انا هقولك
هو عايز يمشى الخرطوم الجديد مكان القديم فى نفس المسار
قدامك طريقتين

الدفع

يعنى تزق الخرطوم فى المسار
تدى هتقابلك عقبات ان الخرطوم مساره مش مستقيم اكيد فيه تنايات او طلعات ونزلات لانه ماشى بطول العربية

الطريقة التانية الجذب

دى معناها
انك هتربط حبل فى الخرطوم القديم

هتشد الخرطوم القديم

كدة ايه اللى فى مسار الخرطوم

الحبل

نقوم جايبين الخرطوم الجديد ونربطه فى الحبل
ونسحب الحبل
يبقى كل ما الحبل يطلع لبرة
الخرطوم الجديد بيدخل مكانه فى المسار

بس خد بالك
ان العقد بتاعت الربط تكون محكمة ومتكنش كبيرة وكلكعة