ازاي اختبر فتيس النوبيرا الاوتوماتيك

[mummy_47]

ازاي اختبر قوة اداء الفتيس الاوتوماتيك لعربيتي النوبيرا وكمان انا مش لاقيله مقياس للزيت كما هو معروف في السيارات الاوتوماتيك وقالولي انه ملوش مقياس وفيه واحد نزل تحتها وقال انه ملوش طبه كمان...فأنا هتجنن..مش عارف اتاكد ازي ومش عايز اصرف فلو كتير في اني اروح بنزينه واغير الزيت كله لان سعر الكيلو 24 ج(زيت موبيل) 10X كيلو= مبلغ وقدره غير المصنعية..هو اللي بيحصل كالاتي:
* اما الفتيس بيكون على الD بينقل عند 3000 RPM وبعدين الRPM ينزل تاني وبعدين يعلى لحد ال3000 ثم تنقل النقلة اللي بعدها نقل ناعم ومفيش نطره..وانا جربته لما بيكون سخن او بارد..
*لما اهدي والسرعة تقل اعتقد انه بينقل لنقله اقل لكن مش بحس بيها لكن احيانا مش كتير اما بهدي وبعدين ارجع ادوس بنزين احس بنطرة ..مش عارف ليه ..هي مش بتحصل كتير..لكن ده قلقاني جدا وخايف يكون الفتيس فيه حاجة. واظطر اغيره وانا لسيه شاري العربية وهي موديل 99
ممكن حد يطمني من اصحاب النوبيرا الاوتوماتيك..
في انتظار ردكم

[mummy_47]

ايه يا جماعة محدش رد علي ليه...انا قلقان جدا فعلا...ارجو النصيحة ..

[badblood]

اصل القيتيش الدايو عموما على كومبيوتر ممكن تروح التوكيل خلي يظبت الفتيس ع الكوبيوتر
انا لانوس اوتوماتيك سعاعات كتير يحصلي كده وسعات احسن ان الفيتيس ميه ميه خاحه في المطالع العاليه شويه
اولا حكايه المقياس فتيس الدايو اصلا امريكي او شبه النظام الامريكي اللي هو بيسموه فتيس مدفع
فعلا الدايو ملوش مقياس بس مقياسه موجود في اخر الفيتس حته فعلا شبه المدفع واللي قالك مفهوش مش بيفهم حاجه ياريت لو في اي استفسار انا تحت امرك .

[mummy_47]

اشكرك جدا على سرعة ردك ومعلوماتك القيمة..لكن المقياس اللي حضرتك قلت عليه (الحته اللي شبه المدفع) انا هدور عليه لكن بيتقاس بيها ازاي ولو ملقيتهاش يبقى ايه العمل...
وبالنسبة للتوكيل انا سامع ان اسعارهم نار فمفيش مكان ممكن يكشفلي على قوة ادء الفتيس يكون اسعاره كويسه...ومعنى انه يظبط الفتيس بالكمبيوتر ده شئ عادي وبسيط في الاوتوماتيك وسهل تظبيطه ولا يكون الفتيس باظ لا قدر الله.
انا كنت عايز اسال حضرتك ..ازاي اختبر قوة الفتيس في القيادة على الطريق..

وشكرا ليك مرة اخرى

[mummy_47]

انتم رحتم فين يا جماعة

[limo]

الفتيس الاتوماتيك ممكن تختبره بنفسك تشوفه بيأخر او بيقدم فى النقل -مدى استجابته للكيك داون
احسن مكان ممكن تختبر فيه الفتيس التوكيل بعد كده شوف بتوع تصليح الفتيس الاتوماتيك المشهورين

[mummy_47]

انا اختبرته في النقل لا بيقدم ولا بيأخر هو بينفل عند 3000 لفه بالظبط.. والكيك داون كويس جدا لما بكون في مطلع وادوس بنزين بتسقط نقلة لحد ما المطلع يخلص وبعدين يتقل على الغيار اللي بعد.
فين بتوع تصليح الفتيس الاوتوماتيك يا ليمو.

[mummy_47]

وكمان انه لسيه متصل بمركز خدمة دايو ابو رواش وقالولي انهم مبيتشغلوش في الاوتوماتيك الكوري او الخليجي والكمبيوتر عندهم مبيقراش العربية..فمش عارف اعمل ايه..انا اتعقدت..

[limo]

http://www.nilemotors.net/Forum/viewtopic.php?t=6934

راجع الينك ده فيه اماكن ناس بتشغل فى الاتوماتيك
كمان فى واحد اسمه بليه فى الحرفيين شغال فى الاتوماتك الميكانيكى بتاعى بيشكر فيه اوى
مركز ابو غالى شغال فى الاوتوماتيك

[mummy_47]

اشكرك جزيلا يا ليمو....انا استفدت كتير لكن عايز من BADBLOD يقولي ازاي استخدم المقياس اللي بيقول عليه لاني مش لاقيه اصلا

[osama]

الحق شوف عشان الاتوماتيك بتاع النوبيرا بيتلكك :shock:

[mummy_47]

حاضر يا اسامه....انا هروح بسرعة وربنا يستر

[ecybrarian]

يا عم الفتيس بتاعك زي الفل. ماتروحش لحد يشتغلك. بس موضوع تغير زيت الفتيس الأتوماتيك ده مالوش حل تاني. هتغيره يعني هتغيره sooner or later ومتحاولش تسترخص لاحسن الزيت ده روح الفتيس.
على فكرة انا اول ماركبت اتوماتيك جالي الهس الهس :-) وكنت متصور على طول ان الفتيس في حاجة غلط و..و...و لحد ما رجلي اتوعدت عليه وكله بعد كده تمام والحمد لله

[mummy_47]

طمنتني والله...اشكرك جدا...لكن ايه هو احسن زيت للفتيس عشان اغيره..وممكن اغيره في اي بنزينه ولا ايه...وفيه ناس بيقولولي زيت الفتيس مبيتغيرش عشان هو مش بيتحرق..ارجو النصيحة...وعلى فكرة انا لحد دلوقتي مش لاقي المقياس المدفع اللي قالي عليه بBADBLOOD خالص...

[ecybrarian]

زيت الفتيس الأتوماتيك بيسخن وبيعدي على دورة التبريد كمان. علشان كده خواصه بتتغير ولازم يتغير كله كل 20 الف كيلو متر (طبعا حسب ظروف التشغيل). المشكلة ان زيت الفتيس الأتوماتيك مش بيتغير في البنزينة (أو انا معرفش بنزينة بتغيره) لأن لتغير الزيت بيفكوا الصفايه فينزل الزيت كله. وبعدين بيغسلو الصفاية دي (مش بالمياه طبعا) وبعدين يركبوها تاني بجوان جديد (مهم جدا موضوع الجوان الجديد ده) وبيحطو سيليكون حراري حوالين الجوان ويربطوه بالمسامير كويس.

وبعدين يحطوا الزيت الجديد ويقيسوه بالمقياس (اكيد عندك مقياس). وبعدين يدوروا العربيه ويحركوها على D سنة ثم على R سنة كمان ويقيسوا الزيت تاني يمكن يحتاج سقسقة. وبس خلاص 8)

المقياس في العادة ممكن يكون فوق الفتيس. يعني في الحاجات إللي على الشمال في الكبوت (قدام عجلة القيادة). والمقياس برضو في العادة بيكون لفوق..زي مقياس زيت الموتور

اما عن أحسن زيت اتوماتيك؟؟!! انا مجربتش غير بتاع موبيل وبس