تليين السيارة

[bshndi]

السلام عليكم
سادتي الزملاء أرجو الإفادة في موضوع تليين السيارة ، فكما تعرفون إن سيارتي 2010 ولم تتعدي معي الإسبوع واريد ان أعرف أمشي بيها علي كام لحد ما تعدي فترة التليين وما أزودش علي كام ، وبالنسبة للتكييف ظروفه إيه أشغله ولا لأ .
تحياتي

[kimo-nubira]

اولا الف مبروك علي العربيه ربنا يديلك خيرها ويكفيك شرها

بالنسبه للسؤال : المعروف ان العربيه بتيجي اصلا متلينه بس من المفضل

انك تمشي 1000 كيلو من غير تكييف ومن غير ماتقرص علي الغيار

[kh_talaat]

اولا الف مبروك علي العربيه ربنا يديلك خيرها ويكفيك شرها

بالنسبه للسؤال : المعروف ان العربيه بتيجي اصلا متلينه بس من المفضل

انك تمشي 1000 كيلو من غير تكييف ومن غير ماتقرص علي الغيار

مظبوط الكلام

واحب اوضح برضه ان نقطة (من غير قرص على الغيار) معناها ان الrbm في كل غيار ميزدش عن 2500 لفه ودة لعدم اجهاد الموتور وهو لسه جديد عشان يعمر معاك

والف مبروك على العربية

[A.Saad]

مظبوط الكلام

واحب اوضح برضه ان نقطة (من غير قرص على الغيار) معناها ان الrbm في كل غيار ميزدش عن 2500 لفه ودة لعدم اجهاد الموتور وهو لسه جديد عشان يعمر معاك

والف مبروك على العربية

ابتعد عن الوقوف والطلوع المفاجئ والعنبف
ما تسحبش عربية بعربيتك
موضوع اللفات لحد كام
ارجع فيه افضل لكتالوج العربية لان فيه عربيات بتسمح حتى 3500 وفيه حتى 3000 لفة

[mohamed_abzo]

4 غيرات امشى زى مبيقول الكتاب
1 20
2 40
3 60
4 80
5 عيش بقى فى مشوار طويل مع القرص سنة سنة افتح العربية على الخامس

[MMamdouh]

استعمل العربية عادى... و زود عن 80 براحتك... شغل تكييفك و استمتع بيه

المهم متقرصش على العربية بشكل مفاجى او تجملها حمولة جامدة... اضغط على لمحرك بالتدريج لضمان التطبيع الامثل بين الشنابر و الشميز

لو رجعت تعمل بحث حتلاقى فيه ناس بتشى من ضعف سحب العربية و هى جديدة مقارنة بمثيلاتها الاقدم او اللى حالتها اقل حتى... الناس دى اللى كانت بتحسس فى فترة التليين و الشنابر طبعت على وضع الحمل الخفيف و تيجى ساعة الجد تهرب كبس

MMamdouh

[bshndi]

مش عارف أقول إيه والله أنا كان ممكن اتوه من غير الصحبة الطيبة دي ، أنا شاكر للجميع هاشغل التكييف علشان الجماعة عندنا ما بيستحملوش الحر :) علي ضمانه السيد / محمد ممدوح ، بالنسبة للغيارات أنا ماشي 20 - 40-60-80 وروحت بيها مشوار إسماعيلة علي هذا الأساس مع إن محسوبكم علي قده في السواقه بقالي 8 سنين ما ركبتش عربيه .
عاوز أضيف حاجة بالنسبة لعلو العربية أنا شايف إنها كويسه علي ارغم مما يقال أنها واطيه :) بس انا حاسس إنها طريه شوية ممكن ده يدل علي رداءة المساعدين ولا إيه ز

[A.Saad]

حط ايدك الاتنين على طرف الكبوت عند الزاوية
واضغط بيهم على الكبوت
بحيث انه ينزل
وشوف الارتداد بتاعه عامل ازاى
مرة واحدة يطلع لفوق وينزل مكانه يبقى المساعد جيد

لو فضل يتمرجح يبقى فيه حاجة
الاختبار ده يتعمل على الاربع مساعدين
وبص بالنظر على المساعد
هل فيه تسريب زيت عنده ولا لا

[MMamdouh]

بالنسبة للغيارات أنا ماشي 20 - 40-60-80 وروحت بيها مشوار إسماعيلة علي هذا الأساس

كدة اصلا يبقى فترة التليين خلصت... انت عامل كام الف دلوقتى؟؟

MMamdouh

[bshndi]

أنا مشيت بيها يا مستر ممدوح دلوقتي 750 كيلو ، ولكن أرجو التوضيح بالنسبة لعداد rpm ما هو الحد الأقصي المسموح بيه لأن في ناس بتقول 3500 وناس بتقول 2500 والله يا حضرات أنا محتار بس أنا شايف أن حل السرعات المحددة ده مريح جداً ، أما بالنسبة للسيد / أحمد بك سعد كلامه مضبوط المساعدين الأمامي نتيجة الإختبار إلي قال عليه تمام جداً ولكن الالمساعدين الخلفي ليست بنفس الجودة حاسس إنهم مايعيين كده أتصل بيهم في التوكيل وأحجز ميعاد ولا إيه العمل لإنني لم أجد تسرب زيت ولا حاجة أسفل السيارة (السيارة لم تحمل غيري أنا وزروجتي وآكثر حمل شلته في الشنطه لمسافة 9 كلم كان الخروف بتاع العربية )، ونظراً لما رأيته من معاملة مع السادة العاملين في التوكيل فإني أفترض السء في أي حاجة (أنا لسه سايب المفتاح في بتاع اعربية في الورقة (إلي مش نظيفة :) )إلي إستلمتها بيه وما إشترتش ميداليه ) ممكن يكونوا مركبين واحد قديم ولا نص كم .

[samirayad]

السلام عليكم
سادتي الزملاء أرجو الإفادة في موضوع تليين السيارة ، فكما تعرفون إن سيارتي 2010 ولم تتعدي معي الإسبوع واريد ان أعرف أمشي بيها علي كام لحد ما تعدي فترة التليين وما أزودش علي كام ، وبالنسبة للتكييف ظروفه إيه أشغله ولا لأ .
تحياتي

دوس هنا

وطبعا لايفوتنى المباركه على السياره
بارك الله لك فيها ....ووقاك شرورها

[MMamdouh]

أنا مشيت بيها يا مستر ممدوح دلوقتي 750 كيلو

كدة فترة التليين خلصت اساسا

، ولكن أرجو التوضيح بالنسبة لعداد rpm ما هو الحد الأقصي المسموح بيه لأن في ناس بتقول 3500 وناس بتقول 2500 والله يا حضرات أنا محتار بس أنا شايف أن حل السرعات المحددة ده مريح جداً

الموضوع يعتمد على نوع السواقة اللى انت بتتبعها

لو سواقة اقتصادية يبقى دايما خللى الRPM بين 2000 و 3000

لو عايز قيادة رياضية و اكبر قدرة من المحرك يبقى انقل عند 6500 RPM

ما بين الطريقة دى و دى صح برضة لكنها بتميل اكتر للناحية الرياضية عن الناحية الاقتصادية

MMamdouh

[bshndi]

Many many thanks to your professional advices
I will keep you posted with the rate of the gas consumption I ve started to notice it .
Regards

[iam_me_ahmed]

لو رجعت تعمل بحث حتلاقى فيه ناس بتشى من ضعف سحب العربية و هى جديدة مقارنة بمثيلاتها الاقدم او اللى حالتها اقل حتى... الناس دى اللى كانت بتحسس فى فترة التليين و الشنابر طبعت على وضع الحمل الخفيف و تيجى ساعة الجد تهرب كبس

mmamdouh

انا صاحب العربية اللي بيتحسس عليها اللي بيقول عنها الاستاذ
مش عاجباني كلمة بتحسس دي. لاني مش بحب التحسيس
وعموما انك تحسس علي العربية ده كلام المانيوال اللي بيفهم اكتر من اي حد(من 2000 ل 3000)
انا وانا بلين عربيتي مكنتش برفع عن 3000 وفعلا سحب العربية مكنش كويس
بس يا سيد ممدوح السحب الضعيف طلع سببه بلي عجل مش كويس
و الحمد لله المشكلة اتحلت بدون (قلة تحسيس)

[MMamdouh]

انا صاحب العربية اللي بيتحسس عليها اللي بيقول عنها الاستاذ
مش عاجباني كلمة بتحسس دي. لاني مش بحب التحسيس

براحتك... دى عربيتك و طريقة سواقتك ترجعلك

و بعدين انت زعلان قوى ليه؟؟... انا اصلا قولت ان فيه عربيات كتير حصل ليها الموضوع دة... اشمعنى انت اللى زعلت من دون باقى ملاك العربيات؟؟؟؟؟... و انا اصلا لم اختص بذكر عربيتك فى اى حاجة ولا ذكرت شخصك من قريب ولا من بعيد... مش فاهمك انت قافش على الحياه ليه؟؟؟

وعموما انك تحسس علي العربية ده كلام المانيوال اللي بيفهم اكتر من اي حد(من 2000 ل 3000)

تمت مناقشة الموضوع دة قبل كدة فى القسم التعليمى و قسم الورشة عدة مرات و سبق و جبت ادلة عملية على ان كلام المانيوال مش صح فى الحتة دى

و على فكرة القيادة بين 2000 و 3000 مش تحسيس.. دى قيادة اقتصادية... و ينصح بيها لما تحب توفر بنزين قدر الامكان

التحسيس هو انك متزودش عن 80 و متشغلش تكييف ولا تطلع مطالع و خلافة.. و طالما انت بتستشهد بالمانيوال... هاتلى الحتة اللى اتقال فيها انك متجريش فوق 80 او متشغلش التكييف او متطلعش مطلع فى فترة التليين... من الواضح انك مقريتش المانيوال اصلا

انا وانا بلين عربيتي مكنتش برفع عن 3000 وفعلا سحب العربية مكنش كويس

يعنى انا مش جايب حاجة من عندى

بس يا سيد ممدوح السحب الضعيف طلع سببه بلي عجل مش كويس

ازاى بلى عجل ياثر على سحب العربية؟؟

و الحمد لله المشكلة اتحلت بدون (قلة تحسيس)

معنى ان المشكلة اتحلت ان العربية رجعت طبيعية... ما هو زمن التسارع الحالى لعربيتك من صفر الى 100؟؟؟ و ما هى السرعة القصوى الحالية للعربية؟؟

MMamdouh