طرمبة النزين وصوت زنة مرتفع

[bbrhoom]

السلام عليكم
عيد مبارك عليكم

اخوانى ليلة العيد دورت العربية وكانت غير طبيعية المهم مشيت بيها 200 متر ووقفت المهم نزلت ابص فى اية مش لاقيت حاجة غريبة بدور مش راضية تدور العربية رجعتها عند البيت وطبعاا الناس كلها معيدة تانى يوم اتصلت على الميكانيكى وسالتة انى مش سامع صوت الطلمبة فى بداية التدوير وسالت هل ليها فيوز

وغيرت الفيوز ودورت ودارت العربية بعد دقايق ضرب الفيوز غيرتة بقيمة اكبر شوية قلت يمكن يجيب نتيجة المهم اشتغلت العربية بس قلت اخد لفة اجرب كدة يمكن تعملها تانى

الملاحظات سمعت صوت زنة مستمر من الطلمبة ولما وقفت فكيت الكرسى والبلاستيكة وقلت اشوف
لاقيت سخونية فى الطلمبة والفيشة الخاصة بيها
قلقت جداااا

ومنتظر الرائ هى عيب الطلمبة ولا محتاجة تنظيف انا اعرف افكها واطلعها هل هو تنظيف ولا عيب فيها مع الشكر واية سبب ضرب الفيوز ماس منها ولا الحل مع الشكر

[samirayad]

للأسف ده عيب طلمبه
وسبب ضرب الفيوز الأولانى والسخونه هو أن العضو الدوار للطلمبه نفسها بيعمل حمل كهربى على موتور الطلمبه وبيقلل العزل الكهربى لملفات الموتور (علشان كده الطلمبه بتسخن )
على أساس أن موتور الطلمبه بياخد أمبير زياده عن المقنن من دايرة التوزيع الكهربيه بعلبة الفيوزات

ولو تمكنت من نظافة الفلتر السفلى للطلمبه والتجربه مره تانيه
على أساس عدم أجهاد الطلمبه فى عملية سحب البنزين حيكون أفضل قبل الشروع فى تغيير الطلمبه
لعل وعسى يأتى الله بالخير ولا تحتاج لتغيير الطلمبه

[elwad_crazy]

ومتعملش الحركه دي تانى

انك تحط فيوز اعلى من المطلوب
لان لما بتحصل اى مشكله بترجع لاضعف حاجه وهوه الفيوز ويحرقه
بدل مدخل نفسك فى حوارات وربنا يهدينا يارب

[bondjames]

فكها و جربها بزيت باور بس بعيد عن التنك ولو إطمنت ركبها وإن كان الأفضل إنك تغيرها - سخونة مع تنك بنزين ربك يستر

[esam_refaat]

ولو تمكنت من نظافة الفلتر السفلى للطلمبه ?
[ALIGN=CENTER][TABLE....="width:70%;"][CELL="filter:;"][ALIGN=center]ياريت لو حد يقول ازاى ننظفه لانى باستخدم بنزين 80 ويهمنى موضوع الفلاتر[/ALIGN][/CELL][/TABLE....][/ALIGN] ده