إعـــــــلان

**samirayad** · 16-10-2009, 10:36 PM

أنتظر وجهة نظر الأسكانر
فأن لم يفيد فلن يضر
وأعمل الأسكانر
وقولنا أيه اللى حصل
ومن النتيجه
حنربط بينها وبين مشكلتك
وبكده حنعرف الكلام منطقى ولا لا

بوجيهات سلوك بوجيهات كويل فلتر بنزين مغيرهم من حوالى 3000ك غيار الزيت اللى فات

هو أنت تقصد بالكويل ده ...البوبينا
لو آه يبقى ممكن تكون نوعها مش أصلى مثلا
أو الرشاشات فيها حاجه برضه
ولو أن الميكانيكى الشاطر
ممكن يحدد عيب البوبينا بسهوله

ويمكن البوجيهات مرطبه ووحشه من الأول

**zocor742** · 17-10-2009, 12:01 AM

شكرا ياهندسة على الرد
الكويل دة الجزء اللى متصل بسلوك البوجيهات مش من عند البوجيهات لا الطرف التانى للسلك اللى منة بنشوف قوة الشرارة
ونرجع نشوف من عند البوجيهات ...اعتقد انها البوبينا
وانا لسة مغيرها وقلبت الدنيا عقبال ملقيت حاجة نظيفة كان ساعتها فى انواع صينى كتير مضروبة ووصينا ناس حبيبنا بتوع قطع غيار عشان يجيبوا نوع محترم .....لان ساعتها ياهندسة قريبا الاسكندرية كان نازلها صفقة صينى مضروب مكتوب عاليها صنع فى كوريا وعاليها ختم جى ام ووالله تجربها تلاقيها قاطعة بوجيهين وشغالة اتنين يا اما قاطعة واحد ومشغلة ثلاتة ودة عن تجربة كذا قطعة من عند اكتر من تاجر من نفس النوع والميكانيكى قالى انا مش هركب النوع دة حتى لو لقيت قطعة مش قاطعة ولا بوجية واصلا انا مكنتش مقتنع بيها ومشانى بواحدة احتياطى لح ما اتصل بيا قالى تعالى جبتلك واحدة كورى اصلى وركبناها فعلا فرق واضح عن النوع المضروب

وبردو هنعيد مراجعة قوة الشرارة عاليها من الاول ونشوف الكفائة بتاعتها ..... بس تفتكر سبب انها تخلى البوجيهات تهبب
وكدة كدة هنحتاج نغير البوجيهات بعد التخلص من الخطأ ومفتكرش انهم كانوا مرتبين عشان كنت انا وواحد صحبى معاة جولييت جبنا طقمين شمعة واحدة ngk اصلى مكتوب عاليها صنع خصيصا لمركبات تويوتا اليبانى وصحبى حتى اللحظة لم يشتكى من كفائتهم وسألتة عشان جة فى بالى انهم يكونوا فيهم حاجة قالى للأتمام ...... بس بردو دة ميمنعش الشك

بردو مع الاسكانر هيبان لو فية عيب رشاشات وهو دة اللى انا حاسس بية عشان الدوارة ساعات بتأخر
ساعتها يا هندسة ممكن نستعما منظف رشاشات ممكن تكون مسدودة من شوائب خصوصا انى مرتين سيبت البنزين لحد ما اللمبة نورت بس مش مشيت عاليها كتير حوالى 200 متر واعتقد كان لسة فى التنك حوالى 5لتر احتياطى مش كدة

ربنا يكرم وتكون المشكلة بأقل التكاليف ياريت ياهندسة تيجى على قد بوجيهات ولا رشاشات عايزة تتنظف
اية رأى حضرتك فى الكلام دة

**samirayad** · 17-10-2009, 12:11 AM

وبردو هنعيد مراجعة قوة الشرارة عاليها من الاول ونشوف الكفائة بتاعتها ..... بس تفتكر سبب انها تخلى البوجيهات تهبب

نعم قد تكون السبب

بس بردو دة ميمنعش الشك

صوابعك مش زى بعضها
ممكن تكون بوجيهاتك كانت مرطبه

بردو مع الاسكانر هيبان لو فية عيب رشاشات وهو دة اللى انا حاسس بية عشان الدوارة ساعات بتأخر

وارد رشاشات برضه

ساعتها يا هندسة ممكن نستعما منظف رشاشات ممكن تكون مسدودة من شوائب خصوصا انى مرتين سيبت البنزين لحد ما اللمبة نورت بس مش مشيت عاليها كتير حوالى 200 متر واعتقد كان لسة فى التنك حوالى 5لتر احتياطى مش كدة

نعم ممكن تستعمل منظف رشاشات

عموما الكشف حيبين كل حاجه
ونفكر معاك تانى لو حبيت

**zocor742** · 17-10-2009, 12:17 AM

شكرا ياهندسة
فى انتظار انى اروح للميكانيكى ونحطها على الاسكانر
وهقولكم على النتيجة ان شاء الله
وادعيلى ياهندسة تطلع حاجة بسيطة عشان اخوك عالية ضغط مادى من جميع النواحى
ربنا يكرم ان شاء الله

**samirayad** · 17-10-2009, 12:25 AM

ربنا يوفقك

**zocor742** · 18-10-2009, 01:00 AM

الحمد لله المشكلة اتحلت النهاردة
والمشكلة طلعت من الكويل( البوبينا )
بس العربية عملت حركة يا هندسة لذيذة اوى
كشفت عيبها بنفسها كنت نازل رايح مشوار مع الوالدة وبعدين اروح للميكانيكى
بدور العربية المارش شغال بس مش راضية تدور ابدا
قمت متصل بالميكانيكى جالى تحت البيت هو والمهندس بالاسكنر على اساس اخر اتفاق بينا
لما جة وشاف الوضع راح ماسك الكويل قالى هو دة السبب وفعلا كان قاطع خالص
اشترينا واحد جديد والعربية ولا كأن كان فيها شىء طلعت جربت على طريق السحب جميل وممتاز
عديت على الورشة حطيناها على الاسكانر بالمرة والقرايات طلعت تمام ومفيش تسجيل اعطال الحمد لله

دلوقتى ياهندسة البوجيهات اللى كانت مهببة متغيرتش
سألت المهندس قالى متغيرهمش انت لسة جايبهم وهما هينظفوا لوحدهم بدال مفيش مشاكل الحمد لله
اية رأيك ياهندسة اجيب طقم بوجيهات تانى ولا خلاص اكمل على الوضع الحالى
بصراحة انا شايف الموضوع خلاص اتظبت
محتاج رأيك بقى فى موضوع البوجيهات
وشكر

**samirayad** · 18-10-2009, 01:19 AM

سيبها ماشيه
طالما

بصراحة انا شايف الموضوع خلاص اتظبت

يمكن تغيرها تطلع مرطبه

واللى تعرفه أحسن من اللى متعرفوش
وتابع

**zocor742** · 18-10-2009, 01:22 AM

شكرا ياهندسة على تعبك معايا من انبارح
تقلت عليك شوية بس من عشمنا فيك
بس والله استفد منك من الموضوع دة بالزات انى اقدر احدد العيب جى من اية لو حصلت حاجة زى كدة لاقدر الله

**samirayad** · 18-10-2009, 01:24 AM

ربنا يخليك يا سامح
وألف مبروك

**zocor742** · 18-10-2009, 01:26 AM

الله يبارك فى حضرتك
انت الخير والبركة ياهندسة

**samirayad** · 18-10-2009, 01:36 AM

لح ما اتصل بيا قالى تعالى جبتلك واحدة كورى اصلى وركبناها فعلا فرق واضح عن النوع المضروب

أبقى خللى بالك من الميكانيكى ده
باين عليه مش تمام

**zocor742** · 18-10-2009, 01:43 AM

اة مش الميكانيكى دة اللى اكتشفناة ان الناس اللى مكلمنهم على كويل اصلى
هما اللى مش تمام عشان بردو بعتوا نوع صينى تانى شكل الاصلى بالظبت بنفس ختم الشركة ومكتوب عالية صنع فى كوريا
بس هو مضروب اصلا وروحنا عملنا مشكلة مع الناس اللى مفروض كانوا مصدر ثقة وعرفنا اللى فيها
وبردو حزر ولا تخون

**zocor742** · 18-10-2009, 01:54 AM

هندسة ربنا يخليك اخر سؤال بس
انا مع مشكلة البوبينا كن لما اكسر الطارة على الاخر كنت بحث ان المكنة هتبطل
ولما بشغل التكييف كان مشى العربية غلس شوية
تفتكر بردو البوبينا كانت مأثرة على كفائة العربية مع التكييف على اساس انة حمل زايد على المكنة
بس انا جربت موضوع كسرة الطارة وانا بركن وطالع من شوية اختفى
اية رأي حضرتك

**samirayad** · 19-10-2009, 08:15 PM

انا مع مشكلة البوبينا كن لما اكسر الطارة على الاخر كنت بحث ان المكنة هتبطل

شىء غريب فعلا
دا كده كان سحب العربيه تعبان جدا
لأن مع كسرك للطاره على الآخر طلمبة الباور بتبقى واخده حمل كبير من المكنه
يعنى البوبينا كانت بتخلص قبل ما تغيرها

تفتكر بردو البوبينا كانت مأثرة على كفائة العربية مع التكييف على اساس انة حمل زايد على المكنة

نعم ...بدون أدنى شك

إعـــــــلان

.

مساعدة : تقطيع فى السحب والبوجيهات طلعت مهببة!!

مساعدة : تقطيع فى السحب والبوجيهات طلعت مهببة!!

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment