مشكلتى عداد البنزين

[hangour]

انا عندى نوبيرا
مشكلتى ياشباب إن عندى عادا البنزين مش مظبط مع كمية البنزين يعنى لما اكون باجرى بالعربية الاقى العداد ينزل اهدى يطلع تانى
وكمان يوصل لل e والاقى العربية لسه فيها 20 لتر
ممكن ياشباب حد يفيدنى فى المشكلة بتاعتى على العلم انى غيرت طرمبة البنزين بالكامل بواحدة صينى ولسه نفس المشكلة

[mohammedsaid]

عندى نفس البروبلم

[kimoo2002]

اضم صونى لصوتك عربيتى نوبيرا ونفس المشكلة بس انا غيرت الطرمبة بواحدة استيراد ونقس المشكلة امس كان العدا بتاع البنزين عندى فى النص بالبضبط ورحن امون العربية اخدن 40 لتر بنزين 92 كان عندى خبطة فالتنك والميكانيكى استعدلة عن طريق نفخ التانك بالهواء ومش عارف الحل اية مع العلم ان لما الطرمبة بتاعت البنزين وهية برة التانك نرفع العواة لتطلع للاخر ولما انزلها تنزل بردة ولما اخليها فى النص بردة بفرى كويس دة خارج تنك البنزيل انما جوة بتتعفرت

[hangour]

ايه ياكيمو واضح ان اللى نصب علينا أنا وانت شخص واحد لأن عندنا تقريبا نفس المشاكل
ولا هى العربية النوبيرا دى بنت كلب ولا ايه؟

[kimoo2002]

والله ياباشا انا من كتر الفك والربط بتاع الطرمبة بقيت افكها واركبها بنفسى وممكن اعملك فيها اى حاجة الى انى اصلحا ودة الى مزعلنى من نفسى عامل زى الدكتور الى فى ايدة المشرط وبيفتح ومشعارف يعالج فيقفل تانى

[kimoo2002]

الا من خبير يجيب يا شاب؟

[kimoo2002]

انا بجد زعلان حاسس ان فية خيار وفقوس فالمنتدى دة
لما موضوع مؤشر البنزين يفتح فى موضوع جديد واجد ان هناك ردود والاخ هنجور فتح الموضوع واشتكى من موضوع العوامة والمؤشر وانا كمان و الاستاذ محمد سيد ولا نجد ردرد يبقى فية حاجة مش مضبوطة

[samirayad]

حقولك رأيى على ماقسم


بالنسبه لموضوعك
بلاشك أنت محتاج لعمل ضبط لوضع العوامه مع وضع البنزين الحقيقى فى التنك
فمثلا حتفول التنك على الآخر وتطلع الطلمبه وتعمل ضبط لزراع العوامه
بحيث تكون مرفوعه على أقصى وضع رفع
وبكده معدل نزول العوامه حيكون متوائم مع أستهلاك البنزين
ويفضل أن تشرك كهربائى معاك فى عملية الضبط دى

[MMamdouh]

i have no idea... sorry

MMamdouh

[kimoo2002]

يا ممدوح بك من قال لااعلم فقد افتى والف الف شكر ليك
ا سمير لما التنك بيكون مليان العوانة بتطلع عادى بس المشكلى مش بتنزل او بتنزل بموجها يعنى المؤشر كان عندى على النص بالضبط روحت امون العربية احدت 40 لتر بالتمام والكمال والف شكر لمحاولة الحل

[samirayad]

لو المؤشر بيكون فعلا على الوضع الأقصى والتنك مليان
يبقى ال setting (الضبط ) مظبوط
وتوائم حركة العوامه مع العداد تمام
وبكده يببقى الخلل عندك فى كارتة المقاومات المطبوعه اللى راكبه على جانب الطلمبه ( اللى بنسميها حساس مؤشر البنزن )
وممكن تحاول تغيير الكارته دى بواحده جديده
لأن ممكن يكون نصها كمقاومه بتدخل مع مقاومة العداد والعوامه بتنزل لحد مستوى نصف التنك والنصف التانى مش شغال
ده رأى آخر

[samirayad]

انا بجد زعلان حاسس ان فية خيار وفقوس فالمنتدى دة

أحنا عاوزين نساعد
علشان الكلام اللى جوه الأقتباس ده

[kimoo2002]

والله متشكر يا بابا اصل انا اسمة احمد وليا الشرف بس اوعى تقول ان انا عايز اكبرك
وجرب اصل انا عندى رمبة بنزين تانية اخد منها البوردة بس يارب المشكلة تتحل
وبالنسبة لموضوع الاقتباس الى حضرتك بتعلق علية\
هة نفسة الاستاذ محمد سيد الى معانا فالمشكلة دى هوة الى فتح المشكلة فى موضوع جديد وتم الرد ببعض الاقتراحات والاراء من الاعضاء وشكرا على محاولة المساعدة يا ابو احمد

[samirayad]

واللة متشكر يا بابا اصل انا اسمة احمد وليا الشرف بس اوعى تقول ان انا عايز اكبرك
وجرب اصل انا عندى رمبة بنزين تانية اخد منها البوردة بس يارب المشكلة تتحل
وبالنسبة لموضوع الاقتباس الى حضرتك بتعلق علية\
هة نفسة الاستاذ محمد سيد الى معانا فالمشكلة دى هوة الى فتح المشكلة فى موضوع جديد وتم الرد ببعض الاقتراحات والاراء من الاعضاء وشكرا على محاولة المساعدة يا ابو احمد

كل دى غلطات املائيه
يا أحمد ياأبنى

[kimoo2002]

سورى يا ابى بس لو تشوف الحروف عندى ممسوحة وانا بدوس على الحرف بالبركةوبجد بعانى من الكي بورد