استفسار بشأن الكاوتش والجنوط سبور

[zocor742]

دة الطبيعى على فكرة مينفعش تاخد الانطباع على الكاوتش ساعة تركيبة امشى بية كام يوم
هتلقية طرى معاك وبقى مستجاب اكتر من اول ماركبتة وبقى انعم فى المناورة
على فكرة حصل معايا حاجة قريبة لكدة انى اول ماركبت الكاوتش حسيت انة ناشف اوى وكل ما بيمشى بيطرى معايا . فاهو دة الطبيعى بتاعة .ومتقلقش ال جى تى محترم واحسن من اللاسا دة بمراااحل

بس يا استاذ ممدوح اية رأيك فى التويو انا جربتة فى تيوتا كورولا اللى كان بينزل بيها ومكنش قد كدة اوى مش اللى هو جامد يعنى؟

[zocor742]

لو سمحت يا جماعة محتاج سيت النانجانج
عشان اجيب منة شكل الكاوتش وارفعة بس غلبت فى البحث عنة كل ما اقرب واوصلة يهرب منى
حد يمسكة ياجماعة

[MMamdouh]

بس يا استاذ ممدوح اية رأيك فى التويو انا جربتة فى تيوتا كورولا اللى كان بينزل بيها ومكنش قد كدة اوى مش اللى هو جامد يعنى؟

no idea...sorry

MMamdouh

[MMamdouh]

لو سمحت يا جماعة محتاج سيت النانجانج
عشان اجيب منة شكل الكاوتش وارفعة بس غلبت فى البحث عنة كل ما اقرب واوصلة يهرب منى
حد يمسكة ياجماعة

http://www.nankangtyres.com.au/

MMamdouh

[zocor742]

اشكرك استاذ محمد على السيت

[zocor742]

اعزائى الحلوين
لقيتلكم صورة الجنط واسم الموديل بتاعة
من باب العلم والمعرفة بالشىء


AS-1

اية رأيكم فى الفردة دى .استاذ ممدوح النقشة دى المفروض انها مخصصة لأية واية اكبر خصائصها
ونظام النقشة مع المياة والرملة والزحف وكدة طبعا بخصوص النقشة دى مش شرط نوع الكاوتش نفسة

[MMamdouh]

دة المكتوب على سايت tirerack عن الasymetric tires


Asymmetric Tread Patterns
An asymmetric pattern is designed to blend the requirements of dry grip and water dispersal/snow traction where the tread pattern changes across the face of the tire. An asymmetric tread pattern usually incorporates larger tread ribs/blocks on the outboard side to increase cornering stability on dry roads by offering greater contact area. This also helps to reduce tread squirm and heat buildup on the outside shoulder. The inboard side usually features smaller independent tread blocks to aid wet and/or winter traction when driving straight ahead. Tires featuring asymmetric tread patterns allow using multiple tire rotation patterns.

و طبعا معنى كدة ان الفردة دى ليها جنب خارجى و جنب داخلى لازمتاخد بالك منهم و انت بتركب الكاوتش على الجنط عشان العجلة متبقاش مقلوبة

MMamdouh

[zocor742]

شكرا للأفادة محمد بيك

[kareembelal]

فيه حاجتين:

1- انت ضابط ضغط الكاوتش على كام؟؟؟ لو اقل من 32 يبقى اللى بيحصل دة طبيعى

2- الكاوتش الجديد بيحتاج تليين... ايوة... تليين

الكاوتش لما بيتصنع بيتصب فى قوالب و بيتحط مواد زيتية على القالب عشان الفردة متلزقش فى الالب بعد ما تتصب... المواد دى بتفضل فى الفردة شوية و ممكن تديك احساس ان العجلة مش ماسكة نفسها زى الناس لحد ما تمشى بيها شوية بالتالى الحكم على اداء الاطار ميبقاش دلوقتى

tire tech information - breaking in your tires

mmamdouh

انا نبهت علي الصنايعي بضبط الضغط علي 32 وهو قاللي انه عمله كده

لكن ان شاء الله سأعيد التأكد من ذلك

وبالنسبة لموضوع التليين انا ما مشيتش بالكاوتش الا حوالي 50 كيلو فقط وربنا يسهل

لكن سؤال كمان واسف جدا علي الالحاح ده

انا قرأت الضغط علي الكاوتش ده حوالي 44 او 42 مش فاكر الحقيقه لكن الاقرب 44
فهل يجب الالتزام بذلك واللا هو علي حسب نوع العربيه واللا اماكن الاستعمال مثل برودة الجو مثلا

وهل 32 ده هو المناسب للأجواء المصرية ام نوع السيارة تحديدا ؟؟؟

[MMamdouh]

انا نبهت علي الصنايعي بضبط الضغط علي 32 وهو قاللي انه عمله كده

لكن ان شاء الله سأعيد التأكد من ذلك

ok

وبالنسبة لموضوع التليين انا ما مشيتش بالكاوتش الا حوالي 50 كيلو فقط وربنا يسهل

المهم خلليك حريص فى الفترة دى عشان زى ما قولتلك الكاوتش مش بكامل كفائتة حاليا فا متضغطش علية بقوة

لكن سؤال كمان واسف جدا علي الالحاح ده

يا باشا اسف على ايه؟... احنا هنا كلنا عشان نسال و نتعلم و نستفيد من بعض

انا قرأت الضغط علي الكاوتش ده حوالي 44 او 42 مش فاكر الحقيقه لكن الاقرب 44
فهل يجب الالتزام بذلك واللا هو علي حسب نوع العربيه واللا اماكن الاستعمال مثل برودة الجو مثلا

دة الضغط الاقصى اللى بتستحملة الفردة.... يعنى لو فضلت تملا الفردة هوا لحد الضغط ما بقى 44 مش حتفرقع... لكن اكتر من كدة تفرقع

بالتالى طالما انت بتنفخ العجل على قيمة اقل من كدة فا انت فى حدود الامان ولا خوف من انفجار الاطار طالما حالة الاطار جيدة

وهل 32 ده هو المناسب للأجواء المصرية ام نوع السيارة تحديدا ؟؟؟

32 هو الانسب للعربية حسب ما ذكر فى كتالوج السيارة

MMamdouh

[kareembelal]

الف شكر يا استاذ ممدوح علي ذوقك الجم وأخلاقك الرفيعة

بارك الله لك فيما رزقك به

وشكرا جزيلا لكل من أفاد وكل من حاول ولم يُوَفق

والتوقيع اشتمل علي صورة لسيارتي ودي الجنوط يا رب تعجبكوا وبصراحة ده اللي كان موجود وقتها

فعذرا ان كان زوقي وحش

[MMamdouh]

الله يخليك يا باشا... دة من ذوقك

و الجنوط شكلها حلو اوى ما شاء الله

MMamdouh

[ahmedezzat78]

الف ميروك

[nasroo]

امبارح سالت على كاوتش بريدجستون 14-185-60
بـ340 جنيه كاش و400 قسط

[mummy_47]

امبارح سالت على كاوتش بريدجستون 14-185-60
بـ340 جنيه كاش و400 قسط

معقول..انا سالت عليه قالي ب 520 كاش ومفيش قسط على ما اعتقد لكن كان مقاس 15-55-195

ممكن تاكدنا لنا المعلومة وسالت عليه عند اي موزع وهل هو بريدجستون الياباني بوتانزا ولا اندونيسي او ماليزي لان عندهم ماركات اخرى..

ولو ممكن اعرف سعر الهانكوك الكوري كام وفين توكيله..

مع خالص شكري