Tweet
السادة الأفاضل
كما ذكر قبل ذلك عن صعوبة تنظيف الموكيت في أرضيةالسيارة وكمية التراب الموجودة فيه والتي تؤثر علي نظافة ورائحة العربية ، أفادنا أحد الأصدقاء في المنتدي إننا ممكن نعملها جلد ونحط فوقها دواسات عادية وتبقي كده أسهل في النظافه .
شفت واحد في مصر الجديدة إسمه دوس دخلت وسألت الأموره إلي هناك بتعملوا الحوار ده بكام قالت إحنا بنعملوا ب750 بس علشانك هانعملهولك بـ 700 والشنطه كادوا بس إنت هاتجيب السيروتوكس (مادة شبه الخشب الأبلكاش إلي بتتحط في الشنطة فوق الإستبن علشان إلي بتيجي مع العربية معرضة للكسر بسهولة من الشداد ) قولتلها ميرسي كتير جاي لك بكره وطرت .
نزلت الإسماعيلية آخر الإسبوع سألت ولقيت واحد معرفه دلني علي صنايعي صغير في منطقة إسمها أبو عطوه روحت له ورفعت المقاسات بتاعة العربية علشان نعمل فرش للأرضية وكسوه للشنطه من جوه قالي الطلبات الآتيه
1-4.50 متر جلد كسوة أرضية - سعر المتر الكويس يبدأ من 25 جندي ( ملاحظة بيكون عليه زي وبره من جوه علشان يمسك في الموكيت ) بلاش إلي عليه الملالي علشان ما يبقاش كوستر ولا ميكروباص في عليه أشكال
2- متر جلد برواز سكاي عادي 15 جنيه أو 20 مش فاكر
3- علبه كله أسباني أو يوغسلافي كبيرها 20 جنيه
طبعاً روحت الورشه وبدأ المعلم الساعة 2.30 إتفقت معاه علي مصنيعه 70 جنيه ( طلبه هو ومن غير ما فاصل وافقت كده الموضوع كله ما إتكلفش 250 جنيه بالإكراميات بالبنزين رايح جاي) فك الكراسي كلها وطلعها بره العربية ، وسرفل الجلد بعد تقطيعه وطبعه ولزقه في بعضه وفك العتب وبيته تحته وكمان الكونسول بتاع فرامل اليد ، صحيح نسيت أقول إني بصيت علي الفبر إلي تحت الحزام بعد ما فكه لقيته مكتوب عليه دايو لانوس :) - خلي بالك من أي حد وهو بيفك الفبر - .
بعد ما خلص وإتأكدت أن كل شيء تمام قام بتكسيح الجلد علي بعضه بواسطة كاويات حديد يسخنها ويلزقه مع بعضه بعيد عن فرش العربية الأصلي .
خلصنا وركب الكراسي (إتأكد أنه ربط الكراسي كويس لإنه بعد ما خلص لقيت كرسي بيلق رجعت تاني بعد ما روحت خليته يعيد عليهم وإشتريت بيبه 12 خلتها معايا علشان الموضوع ده ) ، خلص شغل الساعة 6 وشوية .
طبعاً روقته هو وصاحيه إلي شغال معاه وكان مبسوط آخر حاجة لو حد عنده وقت ومش عاوز يدفع الـ 700 جنيه ممكن يروح له الإسماعيلية مش بعيده :) .
تحياتي
كما ذكر قبل ذلك عن صعوبة تنظيف الموكيت في أرضيةالسيارة وكمية التراب الموجودة فيه والتي تؤثر علي نظافة ورائحة العربية ، أفادنا أحد الأصدقاء في المنتدي إننا ممكن نعملها جلد ونحط فوقها دواسات عادية وتبقي كده أسهل في النظافه .
شفت واحد في مصر الجديدة إسمه دوس دخلت وسألت الأموره إلي هناك بتعملوا الحوار ده بكام قالت إحنا بنعملوا ب750 بس علشانك هانعملهولك بـ 700 والشنطه كادوا بس إنت هاتجيب السيروتوكس (مادة شبه الخشب الأبلكاش إلي بتتحط في الشنطة فوق الإستبن علشان إلي بتيجي مع العربية معرضة للكسر بسهولة من الشداد ) قولتلها ميرسي كتير جاي لك بكره وطرت .
نزلت الإسماعيلية آخر الإسبوع سألت ولقيت واحد معرفه دلني علي صنايعي صغير في منطقة إسمها أبو عطوه روحت له ورفعت المقاسات بتاعة العربية علشان نعمل فرش للأرضية وكسوه للشنطه من جوه قالي الطلبات الآتيه
1-4.50 متر جلد كسوة أرضية - سعر المتر الكويس يبدأ من 25 جندي ( ملاحظة بيكون عليه زي وبره من جوه علشان يمسك في الموكيت ) بلاش إلي عليه الملالي علشان ما يبقاش كوستر ولا ميكروباص في عليه أشكال
2- متر جلد برواز سكاي عادي 15 جنيه أو 20 مش فاكر
3- علبه كله أسباني أو يوغسلافي كبيرها 20 جنيه
طبعاً روحت الورشه وبدأ المعلم الساعة 2.30 إتفقت معاه علي مصنيعه 70 جنيه ( طلبه هو ومن غير ما فاصل وافقت كده الموضوع كله ما إتكلفش 250 جنيه بالإكراميات بالبنزين رايح جاي) فك الكراسي كلها وطلعها بره العربية ، وسرفل الجلد بعد تقطيعه وطبعه ولزقه في بعضه وفك العتب وبيته تحته وكمان الكونسول بتاع فرامل اليد ، صحيح نسيت أقول إني بصيت علي الفبر إلي تحت الحزام بعد ما فكه لقيته مكتوب عليه دايو لانوس :) - خلي بالك من أي حد وهو بيفك الفبر - .
بعد ما خلص وإتأكدت أن كل شيء تمام قام بتكسيح الجلد علي بعضه بواسطة كاويات حديد يسخنها ويلزقه مع بعضه بعيد عن فرش العربية الأصلي .
خلصنا وركب الكراسي (إتأكد أنه ربط الكراسي كويس لإنه بعد ما خلص لقيت كرسي بيلق رجعت تاني بعد ما روحت خليته يعيد عليهم وإشتريت بيبه 12 خلتها معايا علشان الموضوع ده ) ، خلص شغل الساعة 6 وشوية .
طبعاً روقته هو وصاحيه إلي شغال معاه وكان مبسوط آخر حاجة لو حد عنده وقت ومش عاوز يدفع الـ 700 جنيه ممكن يروح له الإسماعيلية مش بعيده :) .
تحياتي
Comment