اركب فوجات ولا لا ... افيدونى

[A.Saad]

انا محتار
اركب الفوجات ولا لا
انا طريق شغلى فى القرية الذكية وخايف من الشبورة
بس انا مش بطلع بالعربية كل يوم
فيه اصحابى قالوا مفيدة وفيه ناس قالت ملهاش لازمة واخرها تبين قدامك 2 او 3 متر بس
محتار
حد يفدنى

[kind]

هيا حلوه وبتساعد مع النور الكبير وكمان لو انتا ماشى فى وسط البلد فى شوارع جانبيه مفيهاش نور مفيده عشان متشغلش العالى وتزعج اللى جاى فى وشك
وكويسه برده فى الشبوره مش وحشه بس متركبش الأصليه عشان غاليه ومعرضه ان هيا تتكسر لا قدر الله فى اى وقت
هات الاكسسوار وركبها فى التوكيل هيا للهيونداى فى حدود 100 او اكتر حاجه بسيطه ومفتاحها ب 50 الأصلى

وان شاء الله ملاك كيا يفيدوك أكتر

[NaderNabil]

يا أستاذ أحمد... انت لسه ماركبتهاش :)

ركب طبعاً بدون تردد...مفيد جداً أثناء المشي جوه البلد...و خصوصا لو الطريق إتجاهين...عشان ماتعميش اللي جاي في وشك...و هي فعلا مش هاتبين أكتر من 4 متر أمامك... و دي مسافة ممتازة نسبة للسرعة اللي هاتمشي بيها جوة البلد اللي مش هاتزيد عن 40كم/س

ده غير ان شكلها هايبقى حلو و هايعطي العربية شياكة من الامام...و حتى لو الصبح و مطفية لان لون عربيتك أزرق...

ركب يا راجل و مايهمكش...أي أوبشن زيادة و خصوصاً لو أصلي بيبقى متعة بتحببك في العربية أكتر

[nab!l]

ركب
ولو عاوز اضاءة شديدة ركب زينون فيهم من غير تفكير

[Hosam_Optrawy]

ركبهم

صدقنى مهمين اوى

انا شخصيا مابقدرش استغنى عنهم وباشغلهم على طول

اضائتهم كويسه مع النور الواطى

انما العالى دايما بيزعج اللى جاى فى وشك ( دانا حتى وانا مشغل الفوج مع الواطى اللى جاى فى وشى بيقعد يقوللى النور )

فلو عندك فوج هاتشغله مع الواطى وهاتبقى الاضاءه حلوه جدا

[a7mode]

انا مركب زينون

وبعد ما ركبت الفوجات خليتنى استغنى عن انى اشغل الزينون تمامممممآ بقيت ماشى بيهم علاطووووول لوحدهم من غير اى انوار تانيه رغم ان هما مش زينون هما لونهم اصفر عادى بس تحفه بجد

[M.Osman]

برضه الناس شايفة ان الفوج لايت مهم جوة البلد (دا بيعمي زي العالي يا ناس!) ... بصراحة مش مقتنع برضه:

http://www.nilemotors.net/Nile/3872077455-post67.html

[ahfares]

يا أستاذ أحمد... انت لسه ماركبتهاش :)

ركب طبعاً بدون تردد...مفيد جداً أثناء المشي جوه البلد...و خصوصا لو الطريق إتجاهين...عشان ماتعميش اللي جاي في وشك...و هي فعلا مش هاتبين أكتر من 4 متر أمامك... و دي مسافة ممتازة نسبة للسرعة اللي هاتمشي بيها جوة البلد اللي مش هاتزيد عن 40كم/س

ده غير ان شكلها هايبقى حلو و هايعطي العربية شياكة من الامام...و حتى لو الصبح و مطفية لان لون عربيتك أزرق...

ركب يا راجل و مايهمكش...أي أوبشن زيادة و خصوصاً لو أصلي بيبقى متعة بتحببك في العربية أكتر

++++++++++++1

[A.Saad]

الف شكر للجميع على الردود
انا بمشى بالنور الوسط ومحدش بيشتكى منه الحمد لله
ومنورش النور العالى الا لو الطريق قدامى فاضى ولو شكيت فى حاجة وعايز نور بشغله ثوانى واقفل
انا عايزها للشبورة ومشاكلها بس
فايه رايكم وانا مضطر اركب الاصلى علشان الضمان مع انه غالى

[Michael_Lanos]

الفوجات عندي فى لانوس تأثيرها ضعيف ... اخرها 3 متر امام العربيه
وبفكر اركب فوجات زينون ونشوف

بس عاوز اعرف نوع اللمض رقمها كام والتكلفه الاجماليه الاول

[YaSSerwIN]

فى ناس كتير بتقول ان ممكن يركبلها فوجات الفيرنا

[M.ABDEEN]

دووووووووس يا باشا وركب

[A.Saad]

الفوجات عندي فى لانوس تأثيرها ضعيف ... اخرها 3 متر امام العربيه
وبفكر اركب فوجات زينون ونشوف

بس عاوز اعرف نوع اللمض رقمها كام والتكلفه الاجماليه الاول

• التكلفة من 600 الى 700 جنيه
• مش عارف رقم اللمض

[NaderNabil]

التكلفة لو خارج التوكيل 450 جنية...
جميع القطع أصلية

[cuppo]

طيب لو فوج ل لانسر كريستاله و يكون مش ف\غالي قوي؟
يعمل كام ؟