جميع فئات النيو سيراتو 2010 (وكيل-خليجي) ......مواصفات - صور - أسعار

[waelbaha]

بصراحه تقرير اكتر من رائع
المجهود اللي اتعمل فيه غايه في الروعه والاتقان
ووفر علينا وقت كبير جدا في اللف والدوران على الشركه والاجانسات علشان نعرف الفروق دي كلها والانواع دي كلها
مش لاقي كلمه اشكرك بيها احسن من جزاك الله خيرا

[waelbaha]

معلش نسيت اسالك ايه اخبار ال ebd هل موجود في العربية دي ولا مش موجود اصلا؟
وال abs موجود في عربيات التوكيل ولا الخليجي بس ولا ايه بالظبط
ارجو الافاده جزاك الله خيرا

[MohabSaeed]

شكرا على الموضوع الجميل الى وضحلنا فئات السيراتو الموجوده ......... بس بصراحه العمليه اخر لخبطه .!!!!

يعنى ايه انزل اجيب عربيه الاقى 20 فئه و 20 موديل !! و اقعد الف على الحاجات الى انا عاوزها !!!؟؟؟ و الاكره هنا كروم و هناك بلاستك بس فيها تكيف تاتش و هناك تاتش بس بجنط عادى و هنا بجنط عادى لكن فيها فتحه سقف و هناك ب abs لكن مفهاش ريموت ....... الموضوع عك بصراحه و حاسس ان فيه نصبايه كبيره من المستوردين .

شباب انا عاوز اعرف ايه الميزه فى العربيات الخليجى !!!!!

انا شايف ان الفئات الى منزلها التوكيل افضل فى الكماليات و تقريبا نفس السعر ..... المشكله الاساسيه فى التوكيل هى مده الانتظار , لكن ده مش عذر انى انزل اشترى عربيه فوق ال100 الف جنيه و بدون ضمان حقيقى ؟ و بكماليات مختلفه تبعا لكل معرض و كل مستورد و كل بلد . و لو حصل فيها مشكله احتاس انا بيها لانها من غير ضمان .. و حتى لو بضمان فهو ضمان وهمى !!!

عذرا لو سؤالى حيضايق حد بس انا عاوز افهم مميزات السيراتو الخليجى لانى مش مقتنع انها بالشكل ده افضل من سيارات التوكيل بأى شى بل العكس ؟

[islamnabil]

تسلم ايدك ياباشا
كمان في دلوقتي كيا فورتي من كوريا عند ناشيونال موتورز و اتعمل عنها موضوع هنا

[osama75]

هل من الطبيعى وجود كل هذه الفئات الملخبطة من النيوسيراتو ولا ده شيئ عادى

[Amr A.salam]

معلش نسيت اسالك ايه اخبار ال ebd هل موجود في العربية دي ولا مش موجود اصلا؟
وال abs موجود في عربيات التوكيل ولا الخليجي بس ولا ايه بالظبط
ارجو الافاده جزاك الله خيرا

والله يا باشا موضوع الebd أو electonic brakeforce distribution مش عارف أوصل فيه لمعلومة مؤكدة موثقة هل هو موجود أم لا

مش جايبين سيرته في الموقع بتاع كيا خالص بس فيه أعضاء أفاضل بيقولوا انه موجود

ياريت حد يجيبلنا دليل علشان نتكلم بقلب جامد

عموماً اللي أنا أعرفه انه نظام ملازم ومساعد للABS

موضوع ال ABS .....في الوكيل بيبدأ من أول فئة SX 116,000 وانت طالع

في الخليجي أول فئة فيها ABS ب117,000 دلوقتي

[Amr A.salam]

شكرا على الموضوع الجميل الى وضحلنا فئات السيراتو الموجوده ......... بس بصراحه العمليه اخر لخبطه .!!!!

يعنى ايه انزل اجيب عربيه الاقى 20 فئه و 20 موديل !! و اقعد الف على الحاجات الى انا عاوزها !!!؟؟؟ و الاكره هنا كروم و هناك بلاستك بس فيها تكيف تاتش و هناك تاتش بس بجنط عادى و هنا بجنط عادى لكن فيها فتحه سقف و هناك ب abs لكن مفهاش ريموت ....... الموضوع عك بصراحه و حاسس ان فيه نصبايه كبيره من المستوردين .

شباب انا عاوز اعرف ايه الميزه فى العربيات الخليجى !!!!!

انا شايف ان الفئات الى منزلها التوكيل افضل فى الكماليات و تقريبا نفس السعر ..... المشكله الاساسيه فى التوكيل هى مده الانتظار , لكن ده مش عذر انى انزل اشترى عربيه فوق ال100 الف جنيه و بدون ضمان حقيقى ؟ و بكماليات مختلفه تبعا لكل معرض و كل مستورد و كل بلد . و لو حصل فيها مشكله احتاس انا بيها لانها من غير ضمان .. و حتى لو بضمان فهو ضمان وهمى !!!

عذرا لو سؤالى حيضايق حد بس انا عاوز افهم مميزات السيراتو الخليجى لانى مش مقتنع انها بالشكل ده افضل من سيارات التوكيل بأى شى بل العكس ؟

الفكرة كلها Risk أو مخاطرة بموضوع الضمان في سبيل الاستلام الفوري

وفيه كلام كدة أن التكييف والدهان أحسن لكن مش أكيد

على العموم بالنسبالي أنا كنت مستعجل وما ينفعش أستنى

وبعدين أنا بعد لفة محترمة في السوق ...فصلت مواصفة على مزاجي وعلى قد فلوسي

طبعاً دلوقتي الموضوع اختلف وممكن الواحد يشتري وكيل بأوفر برايس لو مستعجل

[Amr A.salam]

هل من الطبيعى وجود كل هذه الفئات الملخبطة من النيوسيراتو ولا ده شيئ عادى

خد بال حضرتك أن الوكيل منزل 6 فئات فقط تبدأ من 97000 الى 126000

يعني رسمياً في مصر فيه 6 فئات فقط

انما فعلياً في السوق هتلاقي زيادة عليهم 5 سعودي و3 كويتي وعراقي وسوري وأردني و...................

[MohabSaeed]

الفكرة كلها Risk أو مخاطرة بموضوع الضمان في سبيل الاستلام الفوري

وفيه كلام كدة أن التكييف والدهان أحسن لكن مش أكيد

على العموم بالنسبالي أنا كنت مستعجل وما ينفعش أستنى

وبعدين أنا بعد لفة محترمة في السوق ...فصلت مواصفة على مزاجي وعلى قد فلوسي

طبعاً دلوقتي الموضوع اختلف وممكن الواحد يشتري وكيل بأوفر برايس لو مستعجل

شكرا ليك على التوضيح .

موضوع التكيف و الدهان ده بنسبه 99 % افتكاسه مصريه اصليه من مستوردى السيراتو و كل السيارات الخليجى عموما .... ماهو ازاى حيبيع عربيته و هى بدون ضمان حقيقى و بنفس السعر اذا ما اوهمش الناس انها كلها مميزات و احسن 100 مره من الى بتنزل فى التوكيل .

ازاى عربيه على نفس خط الانتاج و تنزل بجوده متفاوته ؟ و اساسا كيا من الشركات المحترمه فى العالم هل حتسمح بحاجه زى كده .. اكيد مستحيل .
كل الفكره ان كل وكيل فى كل بلد بيطلب مواصفات و كماليات محدده علاشان تناسب بلده و تكون منافسه لباقى السيارات من نفس الفئه ... و ده الى بيعمل الاختلاف فى المواصفات مابين كل بلد .

انا شايف " من وجهة نظرى المتواضعه " ان من اهم مميزات كيا فى مصر .. توكيل كيا و الضمان ال100,000 كيلو او ال5 سنوات . و ديه ميزه لا تغتفل ... خصوصا و ان اى عربيه معرضه ان يكون فيها عيوب صناعه ... و تكلفه تصليحها او تغيرها بتكون كبيره جدا فى حاله او اتعملت بره الضمان .

حتى انا عندى مثال للموضوع ده صديق ليا اشترى جيتا هاى لاين خليجى ... بسم الله ما شاء الله تحفه فى كل شى .
لكن من وقت ماجبها و كل شويه البطاريه تفضى لوحدها و العيب مش من البطاريه .... فى حاجه بتهرب كهربا فى العربيه .. حاول يدخلها التوكيل معرفش ! و حتى هو حاليا بفكر جديا انه يبيعها لان العربيه معقده و مش اى حد يشتغل فيها .

انا مش بحاول اقلقك ولا حاجه .. ربنا يباركلك فى عربيتك و تفضل مبسوط بيها دايما و ان شاء الله مافيش حاجه حتحصل .

بس الافضل ما اخاطرش فى حاجه مهمه زى الضمان و خصوصا لما يكون فى عربيه تمنها مرتفع نسبيا .

ممكن اكون من انصار المدرسه القديمه

انا لو حشترى اى عربيه .. ححجز بالتمن العادى و انتظر دورى و استلم بالسعر الرسمى ... و امشى حالى باى عربيه لحد ما استلم ... و ابقى وفرت الاوفر برايس " السبوبه الى المعارض بيطلعو بيها و ساهمت فى محاربه الجشع و الاستهبال " و جبت العربيه بالمواصفات المناسبه و الضمان و بسعر مناسب و ريحت دماغى .... لانى مش حشترى عربيه كل يوم .




* انا عاوز اعرف هل فى ناس معايا فى وجهة نظرى ولا الغالبيه بتفضل انها تدفع و تستلم بغض النظر عن الضمان و السعر الزياده بدون مبرر .

[ahmedmohelsayed]

فعلا تقرير أكثر من رائع
انت بتقريرك ده هاتوفر الوقت على اي حد بيفكر يشتري سيراتو
لانه هايفضل يدور ويفهم وممكن في الآخر برده يتخدع ويشتري حاجه وهو مش فاهم.
على فكره انا كنت بدور على تقري يوضح الفرق بين مواصفت الوكيل والخليجي وانت وفرتهولي
شكرا جزيلا يا باشا
وربنا يجزيك كل خير وينفعك كما تنفع الآخرين

[M_Nabil]

شكرا على التقرير الأكثر من رائع كنت لسه النهاردة بسئل على الخليجى ثانى فئة في الـ sx سعرها 118500 جنية بس الواحد بيعرف منين هيه سعودي ولا كويتي ولا غيره وايه الفرق لو كان فيه يعنى

[Amr A.salam]

شكرا على التقرير الأكثر من رائع كنت لسه النهاردة بسئل على الخليجى ثانى فئة في الـ sx سعرها 118500 جنية بس الواحد بيعرف منين هيه سعودي ولا كويتي ولا غيره وايه الفرق لو كان فيه يعنى

بص يا سيدي

بيبقى فيه بادج أبيض على الزجاج الخلفي (الزجاج المجاور لمن يجلس بخلف السائق وليس البربريز الخلفي )

بيبقى مكتوب عليه البلد اللي جاية منها العربية

يعني مثلاً :

Saudi Arabia-Jeddah
Saudi Arabia-Dammam
Kuwait-Kuwait
Syria-Tartoos
IRAQ-IRAQ

.....وهكذا

لو كان المعرض شايل البادج دة لأي سبب .....

هتفتح باب السائق هتلاقي على القايم بادج معدن مكتوب عليه (تطابق هذه السيارة المواصفات الخليجية السعودية) زي عربية الدكتور أحمد سامي في تقريره - الكلام دة للسعودي بس ...غير كدة بيبقى مكتوب حاجات بالكوري

يقال أن الكويتي أحسن الخليجي .....يليه السعودي

[omar91119]

تسلم الايا دى يابشا وتقرير اكتر من رائع
بس لو حد ياكد مشكله ان السراتو مش سبته وبتحدف والحجات الى الواحد يسمع عنها

تحياتى

[M_Nabil]

بص يا سيدي

بيبقى فيه بادج أبيض على الزجاج الخلفي (الزجاج المجاور لمن يجلس بخلف السائق وليس البربريز الخلفي )

بيبقى مكتوب عليه البلد اللي جاية منها العربية

يعني مثلاً :

Saudi arabia-jeddah
saudi arabia-dammam
kuwait-kuwait
syria-tartoos
iraq-iraq

.....وهكذا

لو كان المعرض شايل البادج دة لأي سبب .....

هتفتح باب السائق هتلاقي على القايم بادج معدن مكتوب عليه (تطابق هذه السيارة المواصفات الخليجية السعودية) زي عربية الدكتور أحمد سامي في تقريره - الكلام دة للسعودي بس ...غير كدة بيبقى مكتوب حاجات بالكوري

يقال أن الكويتي أحسن الخليجي .....يليه السعودي

تمام كدة شكرا أستاذ عمرو على الافادة

[amrsaad1]

موضوع رائع ومرجع ل كل فئات السراتو