مساعده فى النيو سيراتو

[m_s_h_a]

معنديش وقت المفروض احدد النهارده سيراتو ولاالنترا النيو سيراتو مركبتهاش بس شكلها احلى مليون مره من الالنترا بس عايز مساعدتكم السريعه النيو سيراتو بتسخن من تحت نتيجة عدم وجود عازل للحراره والكونسول والقصه دى اما العفشه ميهمنيش لانها طالما ناشفه هتتحمل الاوزان والتوكيل وفر كل قطع الغيار ولا لسه انا واحد قريبي قعد 6 شهور مستنى فلتر زيت كيا كرنفال
علما انى هشترى المانيوال lx من الطارق باوفر برايس 1000 وبقالى شهرين محتار

[dr_abooody]

السيراتو شكل حلو مش اكتر و الالنترا لا تقل عنها بل احسن منها كمان في العفشة الماكفيرسون الامامي و الخلفي

[yramadan]

لا تنسى الأستخارة وربنا يوفقك للأختيار الصحيح

انا معايا النترا 2009 بصراحة العربية ممتازة ويمكن انا فضلتها على النيو سيراتو لأنها مجربة من كذا سنة مش من 4 او 5 شهور يعنى تقريبا محدش لسه جلب بيها 20000 كيلو

فقلت العب فى المضمون واذا اثبتت نفسها بعد سنة ولا سنتين ممكن ابيع الألنترا وابقى اجيبها خاصة ان Resell value بتاعة الألنترا كويسة

وفى الأخر ديه وجهات نظر

[m_s_h_a]

بس الالنترا شكل قدم خلاص والسيراتو شكل جديد وجميل لكن بصراحه المضمون الداخلى هو الفيصل علشان كده هستنى رد السيراتويه

[ehababdelwhab]

ازيك يا باشا

بص انا معايا نيو سيراتو من شهر 4 و ماشي بيها 19000 كيلو
العربية فوق الممتازة
و علشان متلفش و تاخد قرار بسرعه افتح اللينك دا هتلاقي مقارنة بين السيراتو و الالنترا

http://www.nilemotors.net/Nile/81095-a.html

سلام

[m_s_h_a]

اشكرك يا باشا امال ايه موضوع القنصل وسخونه تحت الكرسى والكلام ده؟

[ehababdelwhab]

والله انا ماختش بالي من الكلام دا غير من المنتدي بس انا في الطبيعي محستش بحاجة مع اني سافرت بالعربية الساحل مرتين و اسيوط 3 مرات

[yramadan]

ديه مشكلة مشهورة وأغلب الناس بتشتكى منها وأحد وملائى المقربين لسه شاريها قال لى عن هذه المشكلة

[M.ABDEEN]

السيراتو كشكل وثبات وتوكيل
الالنترا شكلها خلاص هيتغيير لكن عفشة انعم وتوكيلها مقولكش

[Ahmed.TV]

يا جماعة المشكلة مش مشكلة عزل حرارى او الكلام ده , لان ممكن اتنازل عنه حتى لو العربية بحس بدفئ فيها لان كل العربيات مع الجو فى الدول العربية لازم تكون دافية فى اى مكان فيها عشان عوامل الجو
ولكن المشكلة الكبرى فى التصفيح من تحت , هو بقا هنا المشكلة لان شوارع مصر اشهر من النار على العلم فلو اخدت خبطة من تحت هيبقا ازى الحال
لو اصحاب النيو سيراتو عندهم معلومة اكيدة عن موضوع التصفيح ده ياريت يقولولنا هل الكلام ده صح ولا غلط

[ldsaklf]

خليك في السيراتو الالنترا كتير اشتكو منها ولو اني مش معب خالص بالسيراتو ال lx

[m_s_h_a]

يا جماعة المشكلة مش مشكلة عزل حرارى او الكلام ده , لان ممكن اتنازل عنه حتى لو العربية بحس بدفئ فيها لان كل العربيات مع الجو فى الدول العربية لازم تكون دافية فى اى مكان فيها عشان عوامل الجو
ولكن المشكلة الكبرى فى التصفيح من تحت , هو بقا هنا المشكلة لان شوارع مصر اشهر من النار على العلم فلو اخدت خبطة من تحت هيبقا ازى الحال
لو اصحاب النيو سيراتو عندهم معلومة اكيدة عن موضوع التصفيح ده ياريت يقولولنا هل الكلام ده صح ولا غلط

ايه التصفيح دى كمان اول مره اسمع الكلام ده دى انا حجزت خلاصصصصصصصصصصصصصص