محتااااااااار,,,,,,,,, ابيع ولا مبيعش!!!!!!؟؟؟؟؟؟؟

[All_New_Cerato]

الفرق مش فى الاوتوماتيك والجنوط بس

ايرباج ( سمعت ان ال lx بقت من غير ايرباج خلاص )(لا المانوال اللي معايا من الدفعة القديمة اللي فيها air bag للسواق)

سى دى mp3 وطاره ملتى فنكشن

فوج لايت وجراب نظاره ونور قراءه

ديكور نيكل فى الصالون ( بيفرق اوى فى الشكل )

مسند يد وحامل اكواب

طى الكنبه الخلفيه







حلو اوى الجنط دا ماشاء الله

مفيش منه مقاس 15 ويكون أرخص من كدا شويه

مش عارف والله يا حوس في منه 15 ولا لا

و بالنسبة لبقيت الكماليات انا عارفها , بس هل تستاهل الخسارة اللي هاخسرها والفلوس اللي هاكمل عليها

ولا انفض ل اللي ب 109 و اجيب اللي ب 103 (هي هي ابشن المانوال بس اتوماتك و mp3)

[Hosam_Optrawy]

مش عارف والله يا حوس في منه 15 ولا لا

و بالنسبة لبقيت الكماليات انا عارفها , بس هل تستاهل الخسارة اللي هاخسرها والفلوس اللي هاكمل عليها

ولا انفض ل اللي ب 109 و اجيب اللي ب 103 (هي هي ابشن المانوال بس اتوماتك و mp3)

لو جبت ال Lx يبقى انت ماستفدتش غير بالاوتوماتيك بس وبرضه هاتخسر وهاتزود من معاك كتير ( الفرق بين ال Lx اوتوماتيك و Ex ستة الاف جنيه )

انا رأيى تشوف Ex كسر زيرو زى ما الاخوه قالولك

لان حرام تخسر حوالى 8 الاف زى مانت بتقول

يعنى تجيبلك مثلا 88 او 89 وتزود عليهم كمان 20 الف عشان تجيب Ex ب 109

[Ahmed_Gadalah]

بس متعة التحكم الكامل فى العربية هى الهدف اصلا من متعة السواقة
السواقة مش طارة و بس

+1
أنا كمان شايف كده

[bassemforever]

اولا فى زحمة القاهرة الاوتوماتك افضل
ثانيا الجنط الاصلى الى نازل مع العربية هيبقى مظبوط جدا عليها واكيد جودته اعلى وجنوط الاصلى للسيراتو شكلها حلو جدا
ثالثا فى راى شخصى انك حاول تجيب جنط 16 بلاش 17 هيبقى متعب فى الطرق المصرية الجميلة
رابعا الفرق بين ال اكس واي اكس مش اوتوماتيك بس عندك فرق شاسع فى الكاسيت ام بى ثرى بدل اوديو وكمان فى مكان لليو اس بى وفى فرق الفوجات و مسند الايد دة بيفرق فى الراحة قدام وورا وفى مكان للنظارة ونور قراة قدام وتحكم فى الكاست من الطارة ودة اوبشن حلو فى برضو طى الكنبة الخلفية انا بالنسبالى مش فارق دة و طبعا الجنط ال16 الاصلى وفى واحد صحابى بيفهم فى الجنوط كويس قالى الماركة بتاع جنوط السيراتو بلجيكي وميزتها انها بتستحمل عن الجنوط الموجودة فى السوق
فانت احسب الفرق بعد متحط تمن الجنط الى انت عايز تشتريه راى لو الفرق ميزدش عن 10 الاف اتكل على الله انا حستها تقريبا 5 للاوتو ماتيك و5 للجنوط والكاست وشكرا

[m_s_h_a]

الفرق انها اتوماتك و فيها جنوط 16 . انا بجد زهقت من المنوال و من لونها الفضي

ممكن تقولى ايه هى مشكلة اللون الفضى والمانيوال كمان خاصة انى حاجز مانيوال وفضى وانا مش بحب اسوق غير المانيوال وبالذات اللون الفضى لانه احلى لون فى العربيه؟

[Moe86]

هما الجنوط ال Enkei صناعة ايه ؟

[max_ziro]

متبعش و بارك الله فيما رزق
و استخير و ريح دماغك ..

[m_s_h_a]

ممكن تقولى ايه هى مشكلة اللون الفضى والمانيوال كمان خاصة انى حاجز مانيوال وفضى وانا مش بحب اسوق غير المانيوال وبالذات اللون الفضى لانه احلى لون فى العربيه؟

انا مستنى ردك

[Hosam_Optrawy]

انا مستنى ردك

هو بيقول انه زهق من سواقة المانيوال واللون الفضى مش عاجبه او مش مريحه

يعنى مش عشان مشكله لاقدر الله

حضرتك بتحب المانيوال واللون الفضى يبقى توكل على الله

[Beeso]

أنا رأي انك ذي مأل الشباب ياما تبيع عربيتك وتوقع حاجة كسر zero EX أو SX يبئة ظريف انما انك تبيع عربيتك وتجب جديد دي خسارة جامدة أوي بس في حاجة مهمة جداً متنسهش إن عربيتك ده بتاعتك من ال-zero وعرف تاريخها كلو انما elused بردو مش مضمون أوي مهما كان
خليك فعربتك وبقى ياسيدي غيرها كمان سنة ولا حاجة يكون سعر كل حاجة نزل كمان بردو ومتخسرش كتير
أرجو أكن أفدتك

[All_New_Cerato]

انا مستنى ردك

اسف عال التاخير بجد,

1- بالنسبة للون الفضي هو يعتبر اللون الوحيد اللي مبين كل تفاصيل و تصميم السيراتو من اي زاوية
ويعتبر اللون الاكثر انتشارا في اعلانتها, انا كنت محتار الاول مابينها و مابين الاسود بس الاسود كاتمها ومش مبين ملامحها كلها, اما بالنسبة للنبيتي فكان للاسف خارج تفكيري خالص بس لما بقيت اشوفها كتير قدامي باللون ده الصراحة عجبني جدا و مديها فخامة اكتر من السيلفر.

2- بالنسبة لاختياري للمانوال فدا مش حبا فيه بالعكس بس ده كان اجبار عشان كنت مرتبط بميزانية محددة(وماكنش نزل لسه ال LX الاوتوماتك كان ال EX يعني فرق 12 الف), وكان احسن ليا اني اجيب سيراتو منوال بدل الافيو والاكسنت الاوتوماتيك اللي كنت ناوي اشتري واحدة منهم وكنت محتار (بس كنت ميال للاكسنت طبعا)

يا جماعة المانوال من السيراتو حلو جدا ونقالتها ناعمة و سحبها تحفة بس للاسف مينفعش في البلد دي

[All_New_Cerato]

أنا رأي انك ذي مأل الشباب ياما تبيع عربيتك وتوقع حاجة كسر zero EX أو SX يبئة ظريف انما انك تبيع عربيتك وتجب جديد دي خسارة جامدة أوي بس في حاجة مهمة جداً متنسهش إن عربيتك ده بتاعتك من ال-zero وعرف تاريخها كلو انما elused بردو مش مضمون أوي مهما كان
خليك فعربتك وبقى ياسيدي غيرها كمان سنة ولا حاجة يكون سعر كل حاجة نزل كمان بردو ومتخسرش كتير
أرجو أكن أفدتك

والله يا Beeso لسا متردد

[m_s_h_a]

يا باشا الناس كلها بتشتكى من الجنط ال17 فحتى لو هتركب ركب 16 هيخلى العافشه احسن وانعم من ال17 وموضوع المانيوال احنا فى اسكندريه مبيتعبناش قوى لان الطرق مش زحمه وعموما استخير ربنا

[khaledmontero]

متهيألى لو هاتبيع وتخسر 8 الف جم وتجيب الاتوماتيك يبقى أحسن طبعا

[All_New_Cerato]

هما الجنوط ال Enkei صناعة ايه ؟

يابانيييييييي