ارجو المساعدة بخصوص النيو سيراتو

[khaledlithy]

انا جبت النيو سيراتو 2010 والحمد لله وما شاء الله زى الفل بس كان عندى كذا سؤال كدا:
1- ازاى اعرف اذا كانت السيارة خليجى او توكيل مع العلم ان جاى معاها فى التابلوه كتاب ضمان خمس سنين - والتابلوه بتاعها لونين؟
2- اذا كانت خليجى حد يقوللى هل ليا الحق انى اعملها الصيانة الدورية (صيانة الالف مثلا) فى التوكيل وادفعلهم فلوس وهتكون كام؟
3- انا عامل بالعربية حوالى 700 كم - المهم انى بشم ريحة التيل من العجل وكمان ريحة العادم بس انا مقرصتش على الموتور وكمان مش بدوس فرامل جامد - انا مريح العربية جامد واخر حاجة مشيت عليها سرعة 80 كم وال rpm كان اخره على 2.5 , فى ناس قالولى التيل بيطبّع وريحة العادم هتروح بعد غيار الزيت
4- انا شغال بالفتيس الاوتوماتيك ولاحظت حاجة - لما بجيب ال r واسيب فرامل وادوس بنزين (بدوس قبل ما العربية تمشى لوحدها) بيحصل نتشة خفيفة قوى كده مش عارف ده عادى ولا ايه , ونفس الحال على ال d - بس لو سيبتها تمشى ثانية لوحدها وبعد كده انا دوست بيكون عادى - حد يجرب ويقوللى ده عادى ولا ايه؟

اسف للاطالة , بس ياريت اللى يعرف يفيدنى ميبخلش عليا

[Ahmed R08]

اعتقد مدام معاها كتيب الضمان 5 سنين يبقى وكيل مش خليجى

[Hosam_Optrawy]

اولا الف مبروك على العربيه وربنا يباركلك فيها

1 - مادام العربيه معاها كتيب ضمان 5 سنين يبقى أكيد وكيل

2 - الخليجى ممكن يعمل الصيانه فى التوكيل عادى جدا بس المصنعيه بتبقى أغلى شويه

3 - دى حاجات عاديه ماتقلقش نفسك بيها وبعد اول 1000 كم هاتروح

4 - المفروض تستنى بعد ماتجيب الغيار حوالى ثانيه او اقل على ما الغيار ييجى

ولو دوست بنزين بدرى او بسرعه بعد ما جبت النقله طبيعى انها تنتش ودا فى كل العربيات

[khaledlithy]

اولا الف مبروك على العربيه وربنا يباركلك فيها

1 - مادام العربيه معاها كتيب ضمان 5 سنين يبقى أكيد وكيل

2 - الخليجى ممكن يعمل الصيانه فى التوكيل عادى جدا بس المصنعيه بتبقى أغلى شويه

3 - دى حاجات عاديه ماتقلقش نفسك بيها وبعد اول 1000 كم هاتروح

4 - المفروض تستنى بعد ماتجيب الغيار حوالى ثانيه او اقل على ما الغيار ييجى

ولو دوست بنزين بدرى او بسرعه بعد ما جبت النقله طبيعى انها تنتش ودا فى كل العربيات

الله يبارك فيك يا باشا والف شكر على الرد السريع وربنا يخليك عشان ريحت قلبى بس معلش المعرض اللى اشتريت منه قاللى التابلوه لونين معناها خليجى وهوة قايللى مش هتلاقى التوكيل غير بالحجز والضمان ده جاى معاها من بره ؟

[khaledlithy]

اعتقد مدام معاها كتيب الضمان 5 سنين يبقى وكيل مش خليجى

شكرا على الرد وجزاك الله خيرا

[khaledlithy]

انا عايز كذا رد وياريت ميكونش اجتماع اراء وبس - يعنى اللى يعرف حاجة ياريت يقولهالى وله جزيل الشكر مع احترامى الشديد لكل اللى رد عليا وانا مش بكلامى ده اقصد التشكيك فى كلامه لا سمح الله ولكن للتأكد وبس

[Hosam_Optrawy]

الله يبارك فيك يا باشا والف شكر على الرد السريع وربنا يخليك عشان ريحت قلبى بس معلش المعرض اللى اشتريت منه قاللى التابلوه لونين معناها خليجى وهوة قايللى مش هتلاقى التوكيل غير بالحجز والضمان ده جاى معاها من بره ؟

طيب ممكن تقوللى

عربيتك انهى فئه Ex - Sx - Sx Sunroof - Sx Highline ؟

اشترتها بكام ؟

كمالياتها ايه ؟

ولو ممكن صوره لكتيب الضمان اللى معاك

وعموما برضه العربيات الخليجى بيبقى عليها ال لابل دا



تطابق هذه السياره جميع المواصفات القياسيه الخليجيه

[hany121]

انا جبت النيو سيراتو 2010 والحمد لله وما شاء الله زى الفل بس كان عندى كذا سؤال كدا:
1- ازاى اعرف اذا كانت السيارة خليجى او توكيل مع العلم ان جاى معاها فى التابلوه كتاب ضمان خمس سنين - والتابلوه بتاعها لونين؟
2- اذا كانت خليجى حد يقوللى هل ليا الحق انى اعملها الصيانة الدورية (صيانة الالف مثلا) فى التوكيل وادفعلهم فلوس وهتكون كام؟
3- انا عامل بالعربية حوالى 700 كم - المهم انى بشم ريحة التيل من العجل وكمان ريحة العادم بس انا مقرصتش على الموتور وكمان مش بدوس فرامل جامد - انا مريح العربية جامد واخر حاجة مشيت عليها سرعة 80 كم وال rpm كان اخره على 2.5 , فى ناس قالولى التيل بيطبّع وريحة العادم هتروح بعد غيار الزيت
4- انا شغال بالفتيس الاوتوماتيك ولاحظت حاجة - لما بجيب ال r واسيب فرامل وادوس بنزين (بدوس قبل ما العربية تمشى لوحدها) بيحصل نتشة خفيفة قوى كده مش عارف ده عادى ولا ايه , ونفس الحال على ال d - بس لو سيبتها تمشى ثانية لوحدها وبعد كده انا دوست بيكون عادى - حد يجرب ويقوللى ده عادى ولا ايه؟

اسف للاطالة , بس ياريت اللى يعرف يفيدنى ميبخلش عليا

علي حد علمي العربيه المفروض تتحرك بمجرد رفع رجلك من علي الفرامل لان انت اول ما بتدي الd وانت دايس فرامل بتحس ان العربيه عايزه تتحرك وده بيبين عزم الفتيس..

اعتقد ان الفرامل ممكن تكون محمله وده اللي مكتف العربيه في الاول وسبب في رائحة التيل اللي حضرتك بتشمها..

انا بقترح ان حضرتك برضه تجرب تركب اي عربيه تانيه من نفس الموديل علشان تطمن..

[د.محمود صلاح]

طيب ممكن تقوللى

عربيتك انهى فئه Ex - Sx - Sx Sunroof - Sx Highline ؟

اشترتها بكام ؟

كمالياتها ايه ؟

ولو ممكن صوره لكتيب الضمان اللى معاك

وعموما برضه العربيات الخليجى بيبقى عليها ال لابل دا



تطابق هذه السياره جميع المواصفات القياسيه الخليجيه

جميلة جدا عبارة خصيصا لنايل موتورز هههههههه

[khaledlithy]

طيب ممكن تقوللى

عربيتك انهى فئه Ex - Sx - Sx Sunroof - Sx Highline ؟

اشترتها بكام ؟

كمالياتها ايه ؟

ولو ممكن صوره لكتيب الضمان اللى معاك

وعموما برضه العربيات الخليجى بيبقى عليها ال لابل دا



تطابق هذه السياره جميع المواصفات القياسيه الخليجيه

العربية SX Sunroof اللى هية كاملة ماعدا الجنوط 16 بدلا من 17 ومفيهاش سمارت كى بس فيها كل حاجة الحمد لله سنسور ومرايات تعتيم وفتحة سقف وتكييف تتش وكله - انا بس بعدت عن الجنط ال 17 عشان سمعت انه بيدبدب مع العفشة - سعر السيارة كان 126 وجبتها بعد جدال ب 123 والراجل قاللى لو توكيل هتكون اغلى - بالنسبة لللابل موجود على باب السائق بس بالانجليزى والمرايات مكتوب عليها بالانجليزى وانا مش لاقى الللابل العربى ده فى حتة - قريبا هصور كتيب الضمان

[khaledlithy]

علي حد علمي العربيه المفروض تتحرك بمجرد رفع رجلك من علي الفرامل لان انت اول ما بتدي الd وانت دايس فرامل بتحس ان العربيه عايزه تتحرك وده بيبين عزم الفتيس..

اعتقد ان الفرامل ممكن تكون محمله وده اللي مكتف العربيه في الاول وسبب في رائحة التيل اللي حضرتك بتشمها..

انا بقترح ان حضرتك برضه تجرب تركب اي عربيه تانيه من نفس الموديل علشان تطمن..

انا فكرت فى كلامك قبل ما تقوله بس انا لما اجيب ال n العربية مبتكونش محملة خالص وتروح مع مستوى ميل الشارع حتى لو كان ميل خفيف وده دليل على عدم احتكاك الفرامل كمان وانا ماشى مش بسمع صوت سفارة او احتكاك كده من العجل خالص والحمد لله

[khaledlithy]

ارجو مِن كل مَن يملك النيو سيراتو يفيدنى ويجاوب على اسئلتى لانى خلاص هتجنن

[Amr A.salam]

أولاً عربية حضرتك خليجي .......علشان المواصفة دي التوكيل ما بينزلهاش (جنط 16 - فتحة سقف .....)
وكدة كدة الوكيل ما عندوش أي مواصفة فيها مراية صالون ذاتية التعتيم حتى الهاي لاين

موضوع كتيب الضمان ...أنا شفت قبل كدة عربية خليجي معاها كتيب ضمان خمس سنين بس شكله غريب فيتهيألي أن العربيات دي ليها ضمان بس في بلدها

ثانياً من حق أي عربية خليجي تعمل صيانة في أي مركز صيانة عادي جداً
صيانة الألف كلفتني 400 جنيه في فرع أبو رواش وعربيتي خليجي وفيها تغيير زيت 10000 كم وفلاتر وتربيط عفشة و..........

ان شاء الله في صيانة عربيتك للألف كيلو (أنصحك تعملها في أبو رواش ) حضرتك قول لهم على أي حاجة ملاحظها في العربية أو أي مشكلة فنية وحضرتك بتسلمها لهم وهم هيظبطوها ان شاء الله

[khaledlithy]

أولاً عربية حضرتك خليجي .......علشان المواصفة دي التوكيل ما بينزلهاش (جنط 16 - فتحة سقف .....)
وكدة كدة الوكيل ما عندوش أي مواصفة فيها مراية صالون ذاتية التعتيم حتى الهاي لاين

موضوع كتيب الضمان ...أنا شفت قبل كدة عربية خليجي معاها كتيب ضمان خمس سنين بس شكله غريب فيتهيألي أن العربيات دي ليها ضمان بس في بلدها

ثانياً من حق أي عربية خليجي تعمل صيانة في أي مركز صيانة عادي جداً
صيانة الألف كلفتني 400 جنيه في فرع أبو رواش وعربيتي خليجي وفيها تغيير زيت 10000 كم وفلاتر وتربيط عفشة و..........

ان شاء الله في صيانة عربيتك للألف كيلو (أنصحك تعملها في أبو رواش ) حضرتك قول لهم على أي حاجة ملاحظها في العربية أو أي مشكلة فنية وحضرتك بتسلمها لهم وهم هيظبطوها ان شاء الله

الف شكر على معلوماتك وجزاك الله خيرا وفعلا شكلك واثق من كلامك لانك من مالكى السيراتو والف شكر ليك مرة تانية

[dr_k]

انتوا شايفين الخليجى احسن؟طيب ايه مشاكل الجنط ال17؟وايه اسعار الخليجى الهاى لاين والاقيها فين؟ وشكرا للافبدة