صيانة ال 1000 للسيراتو...مريبة

[maghnom]

يا جماعة حد يفيدني يمكن اكون انا شكاك او جديد على موضوع الصيانات الدورية ده
انا معايا كيا سيراتو 2010 [overline]خليجي[/overline] مشتريها من معرض الطارق للسيارات (اللي بيقدم خدمة انه بعد البيع يحجزلك الصيانات و يبعتلك مندوب يستلم منك العربية و يوديها الصيانة أو يروح معاك مركز الخدمة)

المهم انا رحت اعمل صيانة الألف مع المندوب و فوجئت ان مركز الخدمة اللي واخدني عليه اسمه أولاد صبحي سند في طريق المطار و مش متخصص في كيا هو تويوتا شغال فورد شغال ميتسوبيشي شغال و كمان هيونداي و كيا و دي حاجة خلتني مارتحتش من الأول (حدد يصححني لو انا غلطان)

اول حاجة ما شفتش العربية بيحصل فيها ايه داخل المركز لا بشاشة في مكان استراحة العميل كما اسمع عن مركز محمد زكي مثلا و لا حتى خرم في حيطة تشوف منه العربية بعملولها صيانة اصلا ولا بينصبوا عليك

ثانيا: تم تغير الزيت بموبيل 1 (مش شل هيليكس زي ما موصى المصنّع) و [overline]بدون تغيير الفلتر[/overline] (دي اكتر حاجة قالقاني في الموضوع كله يا ريت ردود الأخوة تركز على النقطة دي)

الباقي كان "على حسب ما مكتوب في الفاتورة" تربيط عفشة و ضبط اطارات و كشف على البطارية و الأنوار و الهلس ده

ثالثا: لم يتم ختم كتيب الضمان و الصيانة مع العلم ان العربية مالهاش ضمان علشان خليجي بس معاها الكتيب - اكتفوا بفاتورة و ايصال بال 300 جنيه اللي دفعتهم (235 موبيل 1 و 65 مصنعيات) و الفاتورة و الايصال موقعين بس بدون أختام!

رابعا: قالولي الصيانة الجاية عند ال 10000 مفيش صيانة عند ال 5000


اتصلت بشركة الطارق بعد ما الشك كلني قالي مركز أولاد صبحي سند ده هو اللي شغال في السيراتو الخليجي و باسعار معقولة على خلاف التوكيل اللي بيزود في تمن صيانة الخليجي (بس على فكرة عربيتي كانت السيراتو الوحيدة في المركز و الباقي ماركات أخرى - انا كنت خايف تبقى اول سيراتو يعملوها صيانة و دايما الخوف من "بتاع كله" ده)

مش عارف هل كل ده طبيعي و انا مزودها و لا في حاجة او حاجات غلط و العمة ادككتلي لحد عنيا
يا ريت اللي عنده اجابة او حتى تعليق على الكلام ده ما يبخلش عليا بالرد و انا شاكر جدا لكل الردود

[ahmed_su]

اولا مبروك على العربية

تانيا الخطير فى الموضوع عدم تغير الفلتر وده بصراحة كان يجب انك ماتسكتش عليه خاصة انك مش ضايف نفس نوع الزيت

تغير الزيت من شيل الى موبيل وان مش بالخطورة اللى تخوف بس ابقى راعى التغير لشيل فى المرة القادمة

خلينى اقترح عليك اقتراح : الصيانة الاولى كانت فى كيا عند الـ5000 كم
نفترض ان الفلتر ممكن يقعد كمان 4000 كم او اكثر فمعلش ممكن تضحى بالزيت الحالى
وبعدين روح لمركز كيا بالعامرية (لو انت فى الاسكندرية)افضلك من وجهة نظرى وقم بتغير الزيت والفلتر
ممكن تكون المصنعية اغلى حاجة بسيط بس تبقى مطمن

[A.Saad]

سعر الصيانة فى التوكيل قريب للسعر اللى دفعته
5000 فيها تربيط عفشة وتشييك على العربية
وبعدين حجز الصاينة مش صعب
هيا المشكلة القعدة لحد ما تخلص
بقت اخد كتاب اقراه والتوكيل فى ابو رواش فيه wi-fi
المشكلة بس فى الوقت
وما افضلش موضوع ان حد ياخد عربيتك يعملها صيانة
لانك ما تعرفش هيمشى بيها ازاى
ولا هيعمل بيها ايه
موضوع الفلتر : مش عارفه

[NoRmAl]

انا رأى حتى لو النوكيل اغلى حبتين فهو احسن و اضمن
والناس هناك فاهمين بيعملوا ايه
فكك ملى رحتله ده وروح صيانه ال5000 فى التوكيل

[Beeso]

أنا رأي انك تروح التوكيل هو أكيد أدري بالعربية من أي حتة مع العلم إن مش فرئ في أول صيانة (1000km) عشان ده فعلن زيت وفالتر
المهم أنا رأي انك أدامك حل مل اتنين يائمة تخليك بالزيت والفلتر لحد ال-5000km يائمة تضحي بال-٣٥٠-٤٠٠ جنيه وغير فلتر وأكيد الزيت بالمرة هاتو باءة شل
أحمد باشا سينت النيو cerato عند 1000km وبعدين ال-10000km مش ذي الموديل إلي إبله مش عرف اشمعنى

[ahmed_su]

أحمد باشا سينت النيو cerato عند 1000km وبعدين ال-10000km مش ذي الموديل إلي إبله مش عرف اشمعنى

انا عارف ياباشا علشان كده بقوله كانت قبل كده فى اول 5000 والموضوع كان على كل عربيات التوكيل
مش مرتبطة بموديل معين والمقصود ان ممكن يكمل بالفلتر لحد الـ5000 كم - ده المغزى من الكلام

[د.محمود صلاح]

التوكيل أفضل طبعا حتى لو اغلى حبتين

[Mshawky]

ادى العيش لخبازه ولو هياكل نصه
وحرام العربيه لسه زيرو مضحيش بيها لى حساب 100 ولا 200 جنيه زياده فى سبيل العربيته هتتفحت من جوا من ايد صنايعيه مش فاهمين حاجه وهتخش فى متاهات ملهاش لازمه ومتهنش العربيه حرام

روح التوكيل وانت مغمض والناس هناك بيعملو كل يوم مليون عربيه كيا غير اللى انت بتقول عليه ده مفيش غير عربيتك الكيا اللى هناك

فطبعا ده مش صح ونصيحه اعمل زى مالاخوه نصحوك وتوكل على الله

[Beeso]

ياباشا معلش أنا إلي فهمتك غلط احنا برد منقدرش نعدل عليك :)

[maghnom]

خدمات التأمين لشركة الطارق اتصلوا بيا يسالوني الصيانة عجبتك رحت مهزقهم و قلتلهم انتو موديني لمركز خدمة مش معتمد من كيا قالولي يعني كده ولا تدفع اكتر في التوكيل علشان عربيتك خليجي قلتلهم انا شاري عربية مش رخيصة اكيد مش عشان 100 او حتى 200 جنيه زيادة هبهدل العربية البت قالتلي خلاص طالما الفلوس مش فارقة معاك احنا ممكن نعملك الصيانة بتاعة ال 1000 تاني في مركز خدمة تابع للوكيل, قلتلهم على حسابكو قالتلي لا على حسابك مش الفلوس مش فارقة معاك؟ قلتلها نعم ياختي مش فارقة معايا لو هدفع فلوس اكتر في الاول ماشي مش ارمي 300 جنيه على الارض و اروح ادفع كمان 500 تاني قالتلي طيب هخلي مدير خدمات الصيانة يكلمك

كلمني مدير خدمات الصيانة اسمه عادل قعد يقاوح معايا و قعد يحلفلي بأغلظ الأيمان بالآتي:

1- ان التوكيل نفسه بيغير زيت للكيا سيراتو موبيل 1
2- ان عدم تغيير فلتر الزيت عادي جدا و دي حاجة تابعة لرؤية المهندس (خلي بالكو ده غير من شل لموبيل و ما غيرش الفلتر و بصراحة انا شاكك ان ماكنش عندهم فلتر للسيراتو اصلا)
3- ان صيانة النيو سيراتو 2010 بتبقى عند ال 1000 و ال 10000 و مفيش 5000

قالي اللي بيقول غير كده ما بيفهمش

المهم شدينا مع بعض و كان ناقص نسب لبعض
قفلت معاه و انا كاره نفسي و العربية و البلد ده غير ان كل ده كنت مزنوق في زحمة الدائري بتاعة امبارح

المهم بعد ما نزلت من العربية خدت بالي لاول مرة ان بتوع خدمة الصيانة التعبانة لازقينلي على الشنطة ستيكر ما بيطلعش بالطبل البلدي مكتوب عليه اسمهم و عنوانهم و عيالهم (بدون اذني)

و افتكرت دلوقتي حالا و انا بشوف مواضيع المنتدى ان انا كمان عندي بالونة في الكاوتش (انا جنط 17) و محدش جاب سيرتها في الصيانة مع انها من فترة طويلة

طلعت البيت و انا حاسس اني عايز اشجع الجزائر في الماتش الجاي (مع اني متعصب جدا لمصر)
انا مش عايز اعقد حد بس بجد انا شفتش راحة البال من ساعة ما اشتريت العربية و دي اول عربية اشتريها لنفسي في حياتي و كنت معتقد ان الدنيا هتضحكلي اول ما اركبها!
الواحد ما بيلاقيش العزاء غير في الفضفضة مع الناس في المنتدى هنا

[Deshahcoka]

ايه حوار بلونة في الكاوتش ده ؟

[A.Saad]

خدمات التأمين لشركة الطارق اتصلوا بيا يسالوني الصيانة عجبتك رحت مهزقهم و قلتلهم انتو موديني لمركز خدمة مش معتمد من كيا قالولي يعني كده ولا تدفع اكتر في التوكيل علشان عربيتك خليجي قلتلهم انا شاري عربية مش رخيصة اكيد مش عشان 100 او حتى 200 جنيه زيادة هبهدل العربية البت قالتلي خلاص طالما الفلوس مش فارقة معاك احنا ممكن نعملك الصيانة بتاعة ال 1000 تاني في مركز خدمة تابع للوكيل, قلتلهم على حسابكو قالتلي لا على حسابك مش الفلوس مش فارقة معاك؟ قلتلها نعم ياختي مش فارقة معايا لو هدفع فلوس اكتر في الاول ماشي مش ارمي 300 جنيه على الارض و اروح ادفع كمان 500 تاني قالتلي طيب هخلي مدير خدمات الصيانة يكلمك

كلمني مدير خدمات الصيانة اسمه عادل قعد يقاوح معايا و قعد يحلفلي بأغلظ الأيمان بالآتي:

1- ان التوكيل نفسه بيغير زيت للكيا سيراتو موبيل 1
2- ان عدم تغيير فلتر الزيت عادي جدا و دي حاجة تابعة لرؤية المهندس (خلي بالكو ده غير من شل لموبيل و ما غيرش الفلتر و بصراحة انا شاكك ان ماكنش عندهم فلتر للسيراتو اصلا)
3- ان صيانة النيو سيراتو 2010 بتبقى عند ال 1000 و ال 10000 و مفيش 5000

قالي اللي بيقول غير كده ما بيفهمش

المهم شدينا مع بعض و كان ناقص نسب لبعض
قفلت معاه و انا كاره نفسي و العربية و البلد ده غير ان كل ده كنت مزنوق في زحمة الدائري بتاعة امبارح

المهم بعد ما نزلت من العربية خدت بالي لاول مرة ان بتوع خدمة الصيانة التعبانة لازقينلي على الشنطة ستيكر ما بيطلعش بالطبل البلدي مكتوب عليه اسمهم و عنوانهم و عيالهم (بدون اذني)

و افتكرت دلوقتي حالا و انا بشوف مواضيع المنتدى ان انا كمان عندي بالونة في الكاوتش (انا جنط 17) و محدش جاب سيرتها في الصيانة مع انها من فترة طويلة

طلعت البيت و انا حاسس اني عايز اشجع الجزائر في الماتش الجاي (مع اني متعصب جدا لمصر)
انا مش عايز اعقد حد بس بجد انا شفتش راحة البال من ساعة ما اشتريت العربية و دي اول عربية اشتريها لنفسي في حياتي و كنت معتقد ان الدنيا هتضحكلي اول ما اركبها!
الواحد ما بيلاقيش العزاء غير في الفضفضة مع الناس في المنتدى هنا

ده موضوع عن الجنط 17

http://www.nilemotors.net/Nile/105878-a.html

اللى شايفه انك لو لقيت حاجة فى ورق الشرا مكتوب فيها ان الصيانة فى مراكز خدمة معتمدة ممكن تقرفهم

بس شوف الورق اللى معاك مكتوب فيه ايه
الاستيكر ما تحرقش دمك فيه
اكيد له طريقة يتشال بيها
خلاص
اعتبرها صيانة وعدت
وبعدين ماحنا كمان بنروح التوكيل بنتقرف
كفاية محل الكفتة اللى فاتحينه فى روكسى


ولو زهقت
خد البيكانتو وهات السييراتو
اهى ضمان توكيل

[sigma]

يا عم الباشا ولاتزعل نفسك كل إللى شفته أو حتشوفه فى الصيانات سواء توكيل أو غير توكيل نصب فى نصب
أنا كنت زيك من 10 سنين لما جبت لانوس وكنت باروح موضوع التوكيل ده بإنتظام بس أنا كنت عامل للعربيه ملف على الكمبيوتر فييه كل كبيره وصغيره عن العربيه وحكاية كل مسمار إتفك فيها سببه إيه وإتعمل عند مين وبكام وعلى فكره ده فادنى جدا لما بعت العربيه لإن إللى أخدها أخدها وهو مغمض أول ماشاف الملف ده
المهم لما بعد عشر سنين جبنا عربيه أفيو للبيت رحت أول صيانه فى أبو رواش فقط لأن العجل كان فيه رفه جامدهومرضتش أرصصه بره هما عملوه ببلاش لكن بعد كده وحياتك العربيه بقالها والحمد لله سنتين لم أذهب فيهم للتوكيل وأقوم بعمل نفس الصيانات عند صديقى إللى عنده ورشة ميكانيكا وهو مهندس وعمره ما هيغشنى
الخلاصه إن التوكيل إنت بتروحه وبتدفع الإتاوه بس علشان الضمان ميسقطش لكن حتى الزيت وفلتره ممكن تغيره بنفسك فى محطة البنزين وتنقى الجركن بنفسك
وخدها نصيحه أنا شفت مره بعينى فى التوكيل عربيه بيتعملها سرفيس لتيل الفرامل وكانت الورشه فيها شباك يبين للزباين الشغل وهو بتعمل والله أنا شفت العامل بيسرفس على العجل إللى ناحية شباك الورشه لكن العجل الغير ظاهر للزبزن إللى واقف فى الشباك إنضرب عليه طناش
علشان كده ثق تماما إن ما حك جلدك إلا ظفرك ،إهتم بنفسك وإعمل الحاجه بإيدك أو تحث بصرك وما تخافش الألف أو حتى الخمس تلاف كيلو ما بيحتاجوش صيانه إلا لو إنت شايف عيب ظاهر أما التربيط والفوانيس والبالونات سيبك من ده كله وبالتوفيق

[All_New_Cerato]

يا جماعة حد يفيدني يمكن اكون انا شكاك او جديد على موضوع الصيانات الدورية ده
انا معايا كيا سيراتو 2010 [overline]خليجي[/overline] مشتريها من معرض الطارق للسيارات (اللي بيقدم خدمة انه بعد البيع يحجزلك الصيانات و يبعتلك مندوب يستلم منك العربية و يوديها الصيانة أو يروح معاك مركز الخدمة)

المهم انا رحت اعمل صيانة الألف مع المندوب و فوجئت ان مركز الخدمة اللي واخدني عليه اسمه أولاد صبحي سند في طريق المطار و مش متخصص في كيا هو تويوتا شغال فورد شغال ميتسوبيشي شغال و كمان هيونداي و كيا و دي حاجة خلتني مارتحتش من الأول (حدد يصححني لو انا غلطان)

اول حاجة ما شفتش العربية بيحصل فيها ايه داخل المركز لا بشاشة في مكان استراحة العميل كما اسمع عن مركز محمد زكي مثلا و لا حتى خرم في حيطة تشوف منه العربية بعملولها صيانة اصلا ولا بينصبوا عليك

ثانيا: تم تغير الزيت بموبيل 1 (مش شل هيليكس زي ما موصى المصنّع) و [overline]بدون تغيير الفلتر[/overline] (دي اكتر حاجة قالقاني في الموضوع كله يا ريت ردود الأخوة تركز على النقطة دي)

الباقي كان "على حسب ما مكتوب في الفاتورة" تربيط عفشة و ضبط اطارات و كشف على البطارية و الأنوار و الهلس ده

ثالثا: لم يتم ختم كتيب الضمان و الصيانة مع العلم ان العربية مالهاش ضمان علشان خليجي بس معاها الكتيب - اكتفوا بفاتورة و ايصال بال 300 جنيه اللي دفعتهم (235 موبيل 1 و 65 مصنعيات) و الفاتورة و الايصال موقعين بس بدون أختام!

رابعا: قالولي الصيانة الجاية عند ال 10000 مفيش صيانة عند ال 5000


اتصلت بشركة الطارق بعد ما الشك كلني قالي مركز أولاد صبحي سند ده هو اللي شغال في السيراتو الخليجي و باسعار معقولة على خلاف التوكيل اللي بيزود في تمن صيانة الخليجي (بس على فكرة عربيتي كانت السيراتو الوحيدة في المركز و الباقي ماركات أخرى - انا كنت خايف تبقى اول سيراتو يعملوها صيانة و دايما الخوف من "بتاع كله" ده)

مش عارف هل كل ده طبيعي و انا مزودها و لا في حاجة او حاجات غلط و العمة ادككتلي لحد عنيا
يا ريت اللي عنده اجابة او حتى تعليق على الكلام ده ما يبخلش عليا بالرد و انا شاكر جدا لكل الردود

اولا مبروك عال العربية

بس ياريت تغير الزيت بعد كده ....l Helix مش بس لانه المرشح من كيا, ده لانه الافضل

لازم (الافضل) انك كنت غيرت الفلتر كمان

مفيش ضيانه للخمس تلاف, انا لما رحت صيانة الالف لزقولي ورقه عال العربية ان الصيانة الجايه عند 10000 (و هي فعلا كل 10000) شوف اللينك ده http://www.nilemotors.net/Nile/81729-e-i-t.html

بعد ماتشوف جدول الصيانات ده هتعرف انك مش لازم تروح للتوكيل في غيار الزيت و الفلتر , اي بنزينة نضيفه هتوفي بالغرض

روح التوكيل بس عند تغيير تيل الفرامل او البوجيهات او السيور اضمن.

[ldsaklf]

متزعلش يا باشا انتا بس بعد كدة اعمل صياناتك في التوكيل وحكاية الكاوتش دي حتي لو عربيتك ضمان مش هيغيروه علي حسابهم ونصيحتي ليك عشان جنطك 17 ظبط هوا الكواتش كل اسوبع وان شاء الله مش هيكون في مشاكل