كيا خليجى نصيحة لوجه الله

[hemo007]

أنا بقالى أكتر من شهرين حيران أشترى أيه و مش عارف و بعد تدقيق دقيق فى كل الماركات اللى حوالى 100 ألف نويت أجيب سيراتو و روحت التوكيل قالى الاستلام بعد 5 شهور و روحت عند محمد ذكى قالى مافيش قسط كله كاش لفيت فى كذا معرض و شوفت مية نوع فى الخليجى و بقيت متنيل و محتار المهم لاقيت معرض عند المواصفات دى علما بأن العربية خليجى
جنوط 16 abs تكييف تاتش و كاسيت عريض من غير سنسور بارك كل ده ب 110 ألف و نص و الراجل لما سالته على الضمان قالى ممكن تضمنها عند شركات كتير ب 1000 جنيه فى السنة و 1600 ف السنتين أنا محتار و مش عارف أعمل ايه أتوكل على الله و لا حد عنده معرض تانى بسعر أقل و يكون مضمون و لا أستنى التوكيل 5 شهور علما بأنى هشترى قسط مش كاش و موضوع الأوفر برايس ده أنا مش قده

[Beeso]

في ناس كتير إشتق من موضوع AAA دة إلي هو يعني تشتري الضمان زي مرجل بتاع المعرض ألك عشان دة شبه ناصبيا يعني بس بيتهيئلي في ناس كتير معهوم خليجي مشتكش منه خالص لحد دلوئتي ماشالله
هو الموضوع فالأول والأخر نفسي فصلي استخارة وربنا يعملك إلي فيه الخير

على فكرة ممكن تقسط برد من عند التوكيل تابعة كونتاكت أو أي بنك بردو

ياريت أصحاب ال-cerato الخليجي يفدك لو في حاجة عكس كلامي هما أدرى عشان أنا معايا وكيل بعد أربع شوهور حجز

[m_s_h_a]

أنا بقالى أكتر من شهرين حيران أشترى أيه و مش عارف و بعد تدقيق دقيق فى كل الماركات اللى حوالى 100 ألف نويت أجيب سيراتو و روحت التوكيل قالى الاستلام بعد 5 شهور و روحت عند محمد ذكى قالى مافيش قسط كله كاش لفيت فى كذا معرض و شوفت مية نوع فى الخليجى و بقيت متنيل و محتار المهم لاقيت معرض عند المواصفات دى علما بأن العربية خليجى
جنوط 16 abs تكييف تاتش و كاسيت عريض من غير سنسور بارك كل ده ب 110 ألف و نص و الراجل لما سالته على الضمان قالى ممكن تضمنها عند شركات كتير ب 1000 جنيه فى السنة و 1600 ف السنتين أنا محتار و مش عارف أعمل ايه أتوكل على الله و لا حد عنده معرض تانى بسعر أقل و يكون مضمون و لا أستنى التوكيل 5 شهور علما بأنى هشترى قسط مش كاش و موضوع الأوفر برايس ده أنا مش قده

الوكيل بالرغم من نقص حاجات عن الخليجى لكنه فى النهايه اضمن واامن وعلى فكره محمد زكى بيبيع قسط مع كونتاكت بس بيزود الف ونص علشان الفاتوره وبيسلم بسرعه استخير

[sherifahmed]

لما سالته على الضمان قالى ممكن تضمنها عند شركات كتير ب 1000 جنيه فى السنة و 1600 ف السنتين

مفيش حاجة اسمها ضمان من شركة تانية
دا اسمه نصب و خداع
بالعقل كدا يعنى ايه شركة تدى ضمان على انتاج شركة تانية
الراجل الباياع عايز يلبسك و خلاص
و بالنسبة للاعضاء اللى عاندهم "ضمان" من شركة تانية فمحدش فيهم لغاية دلوقتى احتاج يصلح عربيته
ولو احتاجوا الشركة هاتصلح فى ورشة تباعها مش فى التوكيل
يعنى عمال و قطع غيار ربنا اعلم بيهم

[wookiee]

أنا الراجح تجيب من كنتكت تبع الوكيل أو محمد ذكي وبلاش المش مضمون

[tamermagdy]

خليك مع الوكيل - و دة افضل اختيار

[Ahmed Samy]

الخليجي مافيهوش عيوب عن الوكيل

العربية ما انتشرش عناها عيب قاتل او مشهور

هاتجيب خليجي يبقى انسى الضمان ....

و\الحقيقة مش شايف ضرورة ليه مادام العربية سمعتها كويسة

بس طبعا لو تعرف تجيب وكيل يبقى تنما مطمن اكتر

لو جبت خليجي مش هاتنام قلقان برضه

[hemo007]

أنا جبت الخليجى

أولا و قبل أى شى بجد بشكر كل واحد رد و ثانيا انتوا ما تعرفوش المنتدى ده أفادنى اد ايه ربنا يبارك فيكو كلكم و أخيرا أنا النهاردة حجزت العربية و اتوكلت على الله و أشتريت خليجى أنا هاقولكم على المواصفات و السعر و ياريت حد يقولى أنا اضحك عليا و لا لا علما بانى واحد حبيبى خدمنى
المواصفات جنوط 16 abs سنسور بارك أصلى عدادت رياضية تكييف تاتش كمبيوتر رحلات و فتحة سقف و الباقى أنتوا عارفينه ده كله ب 119 الف قسط يا ترى كده أنا اتخدمت ة لا ايه

[eslamrace]

هى الخليجى ايه اخبارها مع موضوع ضعف فبر الابواب والاجزاء اللى بتسخن فى التابلوه هل زى الوكيل ولا ايه

[sherifahmed]

سنسور بارك أصلى

ياريت تصور السنسور بارك عشان نقدر نحكم اذا كان اصلى ولا لا

[Beeso]

أل لنك ده فيها صورة عربية ب-original parking sensors ذي ماهو بين انهم داخلين لجو الكسدم مش ذي الي بركب طالعين لبرة

http://www.kia-world.net/wp-......./uploads/2008/07/35_leejk4u.jpg

وكماً في حاجة إن العدد بيكون sports وبيبن فال-LCD مسافة الحاجة إلي ورق باللشرط والسفارة أول متغيب Reverse وتقرب من حاجة في ديه برد حاجة كمان تتأكد بها إذا كان راكب ولا لأ
لو متركب يبئة مش حيبان فالتبلوو

شكراً

[hemo007]

أنا هاستلم العربية كمان يومين و دى أول مرة أسوق أتوماتيك أنا كان معايا 128 و بصراحة مرعوب و خايف على العربية موت ممكن حد يقولى أيه اللى أهم الارشادات للحفاظ على العربية و كمان أرشادات للسواقة الأتوماتيك

[ahmedrashad]

ربنا يباركلك فيها ان شاء الله من فضلك ممكن عنوان المعرض وممكن تقولينا نظام التقسيط ايه