السيراتو اتدمرت

[Ahmad Aboul Fotouh]

ممكن تكون اخدت عين بما ان العربيه جديدة
الحسد ممكن يعمل اي حاجه

[a_tharwat]

ممكن تكون اخدت عين بما ان العربيه جديدة
الحسد ممكن يعمل اي حاجه

X2

[zezmograby]

والله العربية دي كبرت في نظري
لو كانت هيونداي كان زمان السقف وقع والقوايم اكسرت والعربية بقت عبارة عن بودرة بلاستيك في الارض
يالا قدر الله وماشاء فعل

[wawoo]

ايه حكاية السيراتو دى يا جماعة ؟؟؟؟ ده تقريباً شبه اللى حصل مع المهندس محمود غازى شفاه الله وعافاه

لا بقى كدة كتير كتير قوى ....

العربية دى فى حاجة غلط فى الثبات بتاعها ...مش معقولة كل الحوادث دى صدفة و كلها تتعلق بالثبات ..

-ممكن يكون فى حاجة مثلا فى نوعية الكاوتش بتاع العربية
- ممكن يكون نظام التعليق برضو فى حاجة مش مفهومة
- ممكن جسم السيارة نفسة بالرغم انة طويل و عريض يكون توزيع الاوزان فية فى حاجة مش سليمة .

العربية دى محتاجة يتعملها كونسلتو اختبارات توازن على يد محترفين ..و يظهر العيب فين من التقرير اللى حيطلع .

نصيحة لكل ملاك السيراتو الجديدة دى بكل فئتها ...خد بالك من الكوتش و بلاش اى سرعة عالية و بلاش اى منورات فجائية " لحد ما نكتشف اية حكاية الحوادث دى "

على فكرة محدش يستغرب لو طلع فى مشكلة فى ثبات العربية دى فى تصميمها ..
قبل كدة مرسيدس بجلالة قدرها نزلت عربية فيها مشكلة ثبات والصحف الالمانية كشفت الموضوع و كانت فضيحة و مصيبة كبيرة "ازى شركة زى مرسيدس تنزل عربية كدة"

ياريت لو كل اصحاب السيراتو اللى حصلهم حادث متعلق بالثبات ..يتجمعو كدة و يطلعو على حماية المستهلك ..اعتقد كدة ممكن كيا تتحرك و تتحرى الموضوع دة

[أبو عبدالله]

لا بقى كدة كتير كتير قوى ....

العربية دى فى حاجة غلط فى الثبات بتاعها ...مش معقولة كل الحوادث دى صدفة و كلها تتعلق بالثبات ..

-ممكن يكون فى حاجة مثلا فى نوعية الكاوتش بتاع العربية
- ممكن يكون نظام التعليق برضو فى حاجة مش مفهومة
- ممكن جسم السيارة نفسة بالرغم انة طويل و عريض يكون توزيع الاوزان فية فى حاجة مش سليمة .

العربية دى محتاجة يتعملها كونسلتو اختبارات توازن على يد محترفين ..و يظهر العيب فين من التقرير اللى حيطلع .

نصيحة لكل ملاك السيراتو الجديدة دى بكل فئتها ...خد بالك من الكوتش و بلاش اى سرعة عالية و بلاش اى منورات فجائية " لحد ما نكتشف اية حكاية الحوادث دى "

على فكرة محدش يستغرب لو طلع فى مشكلة فى ثبات العربية دى فى تصميمها ..
قبل كدة مرسيدس بجلالة قدرها نزلت عربية فيها مشكلة ثبات والصحف الالمانية كشفت الموضوع و كانت فضيحة و مصيبة كبيرة "ازى شركة زى مرسيدس تنزل عربية كدة"

ياريت لو كل اصحاب السيراتو اللى حصلهم حادث متعلق بالثبات ..يتجمعو كدة و يطلعو على حماية المستهلك ..اعتقد كدة ممكن كيا تتحرك و تتحرى الموضوع دة

والله يا أخي قولنا الكلام ده
ولكن اتهمنى البعض بحاجات كده مش عارف ايه
المهم
توثيقاً لهذا الكلام وعدد حوادث السيراتو بتاعت الأنقلاب
وانا ماشي النهارده في شارع الترعة بالمنصورة في اوله لقيت العربيه دي راكنه على اليمين فصورتها بسرعه معلشي الصورة مش اد كده ولكن انا كنت ماشي ولحقت
طبعا مش عاوز اقولكم ان العربيه معدتش عربيه لأنها مقلوبة وبرضه مقلوبة من وشها يعني من ناحية الكبوت ايضا وهذا اغرب شئ في الموضوع

ياريت بقه نكون واقعيين ونبحث الموضوع بجديه ويبقى في تكاتف لعمل حملة على شركة كيا بجد والله
لأن فعلا الموضوع لازم يدرس جيدا
مش معقولة كله مقلوب من وشه كده
ما باقي العربيات ماشيه ميه ميه
والعيال بتجري على سرعات وبياخدوا نقر وبيعملوا كل حاجه بس مشوفتش كمية القلبات دي في عربيه واحده وبنفس الشكل

[hobiko]

أنا عايز بس أفهم هو فين إلي كتير أوي

أنا كل إلي شفته في المنتدى حادثتين

واحدة م / غازي و واحدة د. أحمد سامي

م/ غازي لام على العربية (دي وجهة نظره و تحترم)

و د.أحمد سامي مالمش على العربية في حاجة بل شكر فيها رغم إنه اتقلب بيها و أكد إن ظروف الحادث تقلب أي عربية في الدنيا

لكن كل ما نشوف حادثة لعربية cerato نمسك فيها و نصورها و نبدأ نروج إن العربية بتتقلب لوحدها و على وشها و احنا ولا شفنا الحادثة ولا نعرف عنها حاجة

و كل دة و احنا مش ملاك العربية

بأمانة شديدة

احنا لازم نبدأ نغير شوية من القوالب الثابتة إلي في دماغنا و نشوف العالم حولنا بيتكلم في إيه دلوقتي

[Abdo_Eldesokey]

السيراتو فعلاً أنا حاسس إن فيها مشكلة

أنا عمري ما شفت نسبة حوادث في عربية زي السيراتو

كل ما أنزل المجزر في المنصورة بلاقي كمية عربيات سيراتو بتتسمكر ، وفيه منها بتبقى لسه بورقها

ما هو حاجة من الاتنين :
- يا العربية بتتحسد عشان شكلها الجامد
- يا إما فيه مشكلة في عفشة العربية

[wawoo]

لكن كل ما نشوف حادثة لعربية cerato نمسك فيها و نصورها و نبدأ نروج إن العربية بتتقلب لوحدها و على وشها و احنا ولا شفنا الحادثة ولا نعرف عنها حاجة

يا هوبيكو ...انا مقدر ان معاك العربية و مش حتقبل بسهولة اى نقد او هجوم و خلاص .

و انا مش بقولك ان العربية بتتقلب لوحدها ..انا بقولك انها فيها حاجة "اية هى بالضبط الله اعلم "..
صحيح انا مش متخصص ..و صحيح انا مشوفتش حوادث و معرفش عنها حاجة ...لكن هو دة اللى انا بقولة لازم يكون فى لجنة من متخصصين يدرسو العربية دى كويس و يطلعو تقرير بحلاتها ..

انت مثلا كواحد من الملاك ..اعتقد لازم تكون اول المشجعين لخطوة زى دى ..اولا عشان تكون مطمن وانت سايق ..ثانيا عشان تسكت اى هجوم و خلاص بيحصل على العربية دى ..

و المفروض ان مشكلة فتيس التويوت تكون مثل امامك..لان برضو ملاك التويوتا رفضو انهم يقتنعو فى البداية ان فى مشكلة فعلا فى الفتيس ..و اقتنعو من كلام الوكيل انها "مشكلة قيادة " لحد ما المشكلة كبريت وفعلا تاكد انة عيب حقيقيى و حيتم تعديلة او اصلاحة .


مشكلة المرسيدس اللى حكتلك عليها كانت بسبب ان العربية المرسيدس دى اتقلبت بواحد صحفى اثناء تجربتها .و دى كانت عربية واحدة و كانت خلاص بتتباع فى الاسواق ..

ازى العربية اتقلبت فى اختبرات عادية على يد صحفى ..و المفروض ان مرسيدس بتعمل اقصى اختبرات ممكنة على اى عربية ..الكلام دة حصل من يجيى عشر سنين كدة و كانت النتيجة انهم وقفو انتاج السيارة تمام و تم سحب باقى المودلات من السوق وتم تعديل انظمة التعليق فى جميع السيارات المباعة .

تخيل بقى معاية نفس الصحفى دة لو عمل نفس الاختبار مثلا فى اى عربية فى مصر و ظهر فيها مشكلة ..حتلاقى الشركة فتحت علية ابواب جهنم و يمكن ميكتبش بعد كدة تانى..

هو دة الفرق بينا و بينهم ..هما اهتمو بالمشكلة اللى حصلت و اهتمو باصلاحها رغم انهم حصلت فى اختبرات ,و فى عربية واحدة ,لكن مش عيب ان شركة كبيرة تعترف بوجود مشكلة ..لكن العيب انها تبرر عيب موجود تحت حجة الحفاظ على اسمها و سمعتها ....

[wawoo]

كل ما أنزل المجزر في المنصورة بلاقي كمية عربيات سيراتو بتتسمكر ، وفيه منها بتبقى لسه بورقها

او المشكلة بقى ممكن تكون فى المنصورة نفسها
" بما ان اغلب المشاكل بتحصل هناك..

[Terrible_DaRsH]

ربنا يقوم صاحبك بالسلامة ..

النيو سيراتو بقت شبح ولا ايه :)

الاخ اللى بيقول لو كانت هيونداى كانت اتدمرت , كيا و هيونداى مفيش فرق كبير بينهم خصوصا انهم بيتعاونوا مع بعض , و بصراحة حوادث الالنترا اقل من النيو سيراتو ..

ربنا يستر على الجميع و بلاش سرعة يا جماعة .

[hobiko]

يا هوبيكو ...انا مقدر ان معاك العربية و مش حتقبل بسهولة اى نقد او هجوم و خلاص .

و انا مش بقولك ان العربية بتتقلب لوحدها ..انا بقولك انها فيها حاجة "اية هى بالضبط الله اعلم "..
صحيح انا مش متخصص ..و صحيح انا مشوفتش حوادث و معرفش عنها حاجة ...لكن هو دة اللى انا بقولة لازم يكون فى لجنة من متخصصين يدرسو العربية دى كويس و يطلعو تقرير بحلاتها ..

انت مثلا كواحد من الملاك ..اعتقد لازم تكون اول المشجعين لخطوة زى دى ..اولا عشان تكون مطمن وانت سايق ..ثانيا عشان تسكت اى هجوم و خلاص بيحصل على العربية دى ..

و المفروض ان مشكلة فتيس التويوت تكون مثل امامك..لان برضو ملاك التويوتا رفضو انهم يقتنعو فى البداية ان فى مشكلة فعلا فى الفتيس ..و اقتنعو من كلام الوكيل انها "مشكلة قيادة " لحد ما المشكلة كبريت وفعلا تاكد انة عيب حقيقيى و حيتم تعديلة او اصلاحة .


مشكلة المرسيدس اللى حكتلك عليها كانت بسبب ان العربية المرسيدس دى اتقلبت بواحد صحفى اثناء تجربتها .و دى كانت عربية واحدة و كانت خلاص بتتباع فى الاسواق ..

ازى العربية اتقلبت فى اختبرات عادية على يد صحفى ..و المفروض ان مرسيدس بتعمل اقصى اختبرات ممكنة على اى عربية ..الكلام دة حصل من يجيى عشر سنين كدة و كانت النتيجة انهم وقفو انتاج السيارة تمام و تم سحب باقى المودلات من السوق وتم تعديل انظمة التعليق فى جميع السيارات المباعة .

تخيل بقى معاية نفس الصحفى دة لو عمل نفس الاختبار مثلا فى اى عربية فى مصر و ظهر فيها مشكلة ..حتلاقى الشركة فتحت علية ابواب جهنم و يمكن ميكتبش بعد كدة تانى..

هو دة الفرق بينا و بينهم ..هما اهتمو بالمشكلة اللى حصلت و اهتمو باصلاحها رغم انهم حصلت فى اختبرات ,و فى عربية واحدة ,لكن مش عيب ان شركة كبيرة تعترف بوجود مشكلة ..لكن العيب انها تبرر عيب موجود تحت حجة الحفاظ على اسمها و سمعتها ....

عندك حق يا فندم تماماً

أنا كواحد من الملاك لازم أبقى مطمن و أنا سايق

و عايز أقول أنا لو إتأكدت إن العربية فيها مشكلة أنا مش عارف أقولك أنا ممكن أعمل إيه في التوكيل

بس فيه حاجتين

١) أنا بسوق العربية كتير و بروح بيها في كل حتة بجد و بأمانة عشان الكلمة مسؤلية أدام ربنا أنا مش لاقي المشكلة إلي تتحسسني إن العربية في عيب صناعة في عفشتها أو ثباتها (المتفوق أصلاً)

أنا مش عارف أروح اشتكي أقول إيه بس

٢) أنا بدخل على المنتدى من زمان من قبل ما تنزل نيو cerato أصلاً يمكن من أيام ما كانت لسة ال-cerato الشكل القديم هي إلي ناس بتكلم عليها

أيامها كان فيه كم واحد بيدخل قسم كيا لو وصلو ٢٠ يبقى إنجاز

بص دلوأتي على قسم كيا أكتر قسم فيه أعضاء أنا شفت إن فيه مرة القسم وصلنا ل-١٠٠ متواجدين في القسم

دة بسبب النيو cerato و انتشارها الرهيب

ناس كتير أوي اشتريت العربية و فيهوم شباب كتير فاكرين بسبب شكل العربية الهجومي و الجنوط العريضة انهم راكبين فيراري و بيطير بيها في شوارع أصلاً تدمر أحسن عربية

دي ضريبة الإنتشار

[ahmdmagdy]

اكيد الكاوتش فيه عيوب صناعه

[أبو عبدالله]

السيراتو فعلاً أنا حاسس إن فيها مشكلة

أنا عمري ما شفت نسبة حوادث في عربية زي السيراتو

كل ما أنزل المجزر في المنصورة بلاقي كمية عربيات سيراتو بتتسمكر ، وفيه منها بتبقى لسه بورقها

ما هو حاجة من الاتنين :
- يا العربية بتتحسد عشان شكلها الجامد
- يا إما فيه مشكلة في عفشة العربية

بالظبط كده وده اللي بسمعه وبشوفه برضه
وعلى فكره انا سمعت ولست متأكد ان فيه عربيه اتقلبت ايضا امام مديرية الأمن من فتره في المنصورة برضه

ثانيا ياريت بلاش نحجر على بعض في الرأي
يعني انت مشوفتش او سمعت عن حوادث للعربية مش مشكلتي انا بقه انك تشكك في كلامي او تنفيه
انا شوفت وسمعت واديت دليل
ومش معقولة الحوادث كلها قلب ومن ناحية الكبوت دي كلها صدفة
ومحدش مننا قال ولا يقدر يقول ان العربيه بتتقلب لوحدها
ولكن فيه لكل شئ ظروف واسباب ولكن لما تبقى بالشكل ده والتماثل ده
لازم يبقى هناك وقفه وبحث في الموضوع
احنا ولا بنهول ولا بننفي
ولكن هناك من يريد النفي حتى لو هناك اشياء تدعوا للبحث واضحه زي الشمس

اكيد الكاوتش فيه عيوب صناعه

ده احتمال ومش مستبعد اكيد وهو ده اللي عاوزين نشوفه علشان ننصح الأخرين به
مش ننفي وخلاص واللي يحصله حاجه هو ونصيبه
يبقى المنتدى مالوش لازمة في تبدال الخبرات والأراء

وياريت الناس تتقبل الأراء بصدر رحب ولا تحجر على رأي احد حتى لو مش مقتنع به

[wawoo]

١) أنا بسوق العربية كتير و بروح بيها في كل حتة بجد و بأمانة عشان الكلمة مسؤلية أدام ربنا أنا مش لاقي المشكلة إلي تتحسسني إن العربية في عيب صناعة في عفشتها أو ثباتها (المتفوق أصلاً)

تمام يا هوبيكو ...الحمد للة ان العربية تمام معاك ..و هو دة هدفنا كلنا ..اننا نتبادل الراى ..و ياريت اصحاب الحوادث دى يشركو برئيهم ..و نشوف هل فى حاجة فعلا ولا الحوادث دى كلها اسببها بشرية او بسبب السرعة او غيرة .

[hobiko]

كل واحد من حقه يقول رأيه ذي ما هو عايز

بس ربنا عرفوه بالعقل

لما أمسك في عربية و ركز معها و كل ماشوف واحدة عاملة حادثة أنزل اصورها و أقول أهو عربية قلابة و الدليل صورة لعربية عاملة حادثة

ولا أنا أعرف ظروف الحادثة ولا أنا أعرف إلي عمل الحادثة ولا أنا حتى من ملاك العربية

دة يبقى إسمه دليل

لما يجي أصحاب العربية و ملاكها يشكرو فيها أقول لأ دول بيحجرو على رأينا أنا من حقي أقول انها عربية فيها عيب في تصميمها و فيها عيب صناعة

الناس ترد تقول فين الدليل يقلك أهو صور عربيات مقلوبة

دة يبقى إسمه دليل

لما شركة عالمية تطلع تقول أنا غلط و حسحب العربيات إلي فيها مشاكل و بعتذر عن كل دة و أنا عندي فعلاً عيوب صناعة و فضلت الكم عن الجودة

الناس تعلق على الكلام دة بإن فعلاً جودة عربيات الشركة دي كدة فعلاً قلت كتير

اعترض و أقول لأ العربيات عندنا في مصر زي الفل و الكلام دة مؤامرة ضد الشركة و واحد تاني يطلع يقول من الأخر إلي معاه العربية يتكلم و فيها مشاكل هوة دة إلي يتكلم غير كدة محدش يتكلم و يجي يقولي سمعت من إبن خالة جدة عمي

يبقى مين بيحجر على رأي مين و مين بيدفن رأسه في الرمل