صيانة ال :1000 كم للنيو سيراتو ؟

[wookiee]

اصدقائي الاعزاء ,

كنت عوز أعرف إيه أفضل مركز ل صيانة النيو سيراتو ؟
أبورواش , القطامية , روكسي ؟

مع العلم إن أنا عندي الزوايا بايظة وبتحدف شمال , ...
وانا عارف إن الكاتمية مفيهاش ظبط زوايا .

[YaSSerwIN]

يبقا خليك فى أبو رواش علشان روكسى مش بيعملو حاجة

[NoRmAl]

كان فى عضو هنا قال ان لو بتحدف شمال اظبط الضغط على 32

[ldsaklf]

نصيحة لوجة الله اوعي تروح القطامية انا لسة عامل صيانة الالف في القطامية عالم تعبانة جدا كان عندي كرسي السواق بيزيق خفيف شكلو عايز ربط والشبكة كمان عايزة ربط مساميرها فاكة ولا اتعمل في العربية حاجة لم يتم فقط غير تغيير الزيت بطريقة اقل ما يقال عنها طريقة زبالة لاني لقيت نقطة زيت علي الغط بتاع وش السلندر وممسحتوش لحد دلوقتي عشان هعمل مشكلة للناس دي بجد

[wookiee]

يبقى خلاص خلينا فالابو رأواش

[new]

روح ابو رواش اوعى تروح روكسى تعبانين جدا و مفيش نظام

[wookiee]

ألف شكر يا جماعة

[sherif2net]

خليك فى ابو رواش ....
قولى هتروح امتى عشان انا رايح أعمل صيانة ال 10000...
ممكن نظبط ونتقابل هناك....

[wookiee]

شريف باشا :)
أنا إن شاء الله أروح الأسبوع ده , هو لازم حجز ولا إيه ؟
لو مفيش حجز ممكن أروح يوم الإتنين أو التلات إيه رأيك ؟

[sherif2net]

بصراحة يستحسن تكون حاجز قبل ما تروح...
بس الاثنين او الثلاثاء دول صعب قوى ... قبل العيد بقى كل سنة و انت طيب و الشغل على ودنه...

[khaledmontero]

ابورواش افضل

[wookiee]

أنا حاروح إن شاء الله يوم الأرْبع 8 صباحا

[Beeso]

wooookie باشا ممكن أعرف إذا كنت إنت جربت تعمل ذي مؤلتلك وتنقل الكوتش إلي أدم مكان بعدو ولا لأ ؟؟؟؟؟؟؟؟؟؟؟؟؟

[Tayer]

ابو رواش الأفضل