ملمس السيارة خشن( سيراتو)

[ghareebaa]

استلمت مؤخرا سيراتو ex وبعد غسيل السارة فى المحطة و ازالة الورق الاصق تم غسل الاجزاء
مكان الاصق بالسولار ولكن لاحظت ان ملمس السارة خشن فى بعض المناطق حتى بعد الغسيل المتكرر بعد ذلك.

نصحنى البعض بعمل تلميع للسيارة بواسطة معجون البولش فهل استخدام البوليش يؤثر على الدهان وهوفى حالتة الجديدة

عندى سؤال اخر, سامحهم اللة من قادوا السيارة الى المعرض فقد لاحظت وجود خرابيش دائرية (تجريح) فى زجاج السيارة الامامى ولللاسف لم الحظة عند الاستلام فاستنتجت ان حدهم قام بمسح الزجاج وهو خشن او فى وجود بعض الاتربة والرمال الصغيرة فاحدثت هذة الخدوش التى لم تزل بالغسيل الجيد فهل هناك حل لمثل هذة الخدوش ؟؟

[NoRmAl]

ايه اللغه العربيه دى:)
بص يا سيدى موضوع الخرابيش دى فى ناس بتوع زجاج السيارات بيعلجوها و انا كنت صلحت زجاج عربيتى قبل كده من الخرابيش دى
وكان سببها دايما الرمل الى بيقع من عربيات النقل و هى بتجرى

[ghareebaa]

ايه اللغه العربيه دى:)
بص يا سيدى موضوع الخرابيش دى فى ناس بتوع زجاج السيارات بيعلجوها و انا كنت صلحت زجاج عربيتى قبل كده من الخرابيش دى
وكان سببها دايما الرمل الى بيقع من عربيات النقل و هى بتجرى

الف شكر ياباشا (لغة عامية اهة)
لكن بخصوص البولش اعمل اية

[NoRmAl]

العفو يا باشا
والله مقدرش افيدك فى موضوع البولش
ان شاء الله الاعضاء يقدروا يفيدوك

[ghareebaa]

اية ياجماعة محدش عايز يرد علية لية؟؟

[sgm66]

البولش اه كويس مش هيضر بحاجة للعربية اعملها بالبولش واتوكل على الله

[Abdo_Eldesokey]

انت بتقول فيه خشانة ... يعني البوليش مش هيعمل حاجة لأنه للتلميع فقط

الكومباوند هو الي بيعالج الخشانة .. بس العربية لسة جديدة حرام يتعمل لها كومباوند

استنى رأي باقي الأخوة

[Tayer]

بلاش كومبوند

[khalidelsheikh]

go to abo rawash service center at 8 am from sunday to thursday and ask for the service manager he will solve it for you for free in 45 min remember 8 am

[aymanyouness]

بلاش تتسرع

اسال التوكيل الاول المفروض الدهان تابع للضمان
المفروض العربية وهية حارجة من المصنع يكون عليها طبقة من الشمع للحفاظ على الدهان اثناء الشحن اسال التوكيل لو مفيش حد افادك اسال واحدة متخصص فى الدهان بحيث يجرب النوع التلميع على جز مش ظاهر اولا وبعد ما يتاكد يتوكل على الله ويلمع العربية خذ وقتك ولا تتسرع

[Sameh]

البوليش مش هيعمل حاجة ، الكومبوند هو اللى هيشتغل لأنه بيدوب البوية على بسيط ويجيب العالى فى الواطى فيدارى الخشونة أو الخرابيش
بس حرام كدة والعربية جديدة :(

[KSA2011]

ايه اللغه العربيه دى:)
بص يا سيدى موضوع الخرابيش دى فى ناس بتوع زجاج السيارات بيعلجوها و انا كنت صلحت زجاج عربيتى قبل كده من الخرابيش دى
وكان سببها دايما الرمل الى بيقع من عربيات النقل و هى بتجرى

واتحلت يا باشا الخرابيش وراحت تمام ؟

[bassemforever]

فى حاجة اسمها واكس واحسن نوع هوا فرميولا هوا يعتبر زى البوليش لكن البوليش بيلمع وبيطلع مع الغسيل المتكرر لكن الواكس الاصلى دة بحافظ على الصاج من الخدوش ومش بيطلع بسهولة مع الغسيل العادى ومكتوب على العلبة اصلا انه بيستمر 12 شهر :) طبعا فى الواقع اخره 4 شهور لو بتغسل العربية كل اسبوعين ولا حاجة بس هوا فعلا بيدى لمعة للعربية وبتحس انها عليها طبقة شمع خفيفة ودة بيخلى التراب والطين ميلزقش ويتنظف بسهولة وفى الكتالوج بتاع العربية بينصحوا بيه على النواكل الى زى مثلا فى علامة العربية والشبكة القدام لانه بيحافظ عليها انا جربته وهوا فعلا مفيد
بلاش كومباوند غير لو عندك حتة اتحكت او اتخربشت من عربية تانية مثلا بيشيل اللون الى لزق عندك فى العربية وبيدوب البوية على خفيف اوى ويخليها تدخل فى بعض علشان لو فى مكان مخدوش بس لازم تسخدمه بحذر وفى المناطق المخدوشة بس مش تعمل بيه العربية كلها زى البوليش

[xShadow]

بص يا سيدي،

- مبدئياً، بالنسبة للكمبوند اوعااا تحطو خدها نصيحة مني، هيبوزلك لون البويا، أنا كان عندي حكة بسيطة الراجل عملهالي بالكمبوند من غير ميؤلي لاقيت لونها إفتح..

- بالنسبة للبولش فهو مش مضر تماماً، أنا جربتو و محستش بفرق كبير لأن العربية بتلمع و هي جديدة فمش هيفرق جامد.. و نصيحة ليك تدهن العربية طبقة شمع و هي لسة جديدة عشان يحافظ على البوية بتاعتها.. أنا أعرف نوعين نضاف للوكس واحد اسمو formula1 علبتو صفرة .. بس أنا دة مش متأكد هو وكس والله بولش، والتاني اسمو turtle wax علبة خضرة، الاتنين هتلائيهم فالبنزينات النضيفة .. والاتنين أمريكاني.. والاتنين بينعمو ملمس العربية و بيشيلو الخرابيش البسيطة أوي

يرب أكون أفدتك، و إن شاء الله الخشونة تروح

[KSA2011]

طب خرابيش الزجاج يا جماعه ؟