كمبيوتر السيراتو كوري ممكن تغيير اللغة ؟؟؟؟؟؟؟

[gmgoom]

السلام عليكم ورحمة الله وبركاته

واحد قريبي جاب نيو سيراتو كوري حتي مكتوب عليها فورتي "forte" الصراحة العربية جامدة ما شاء الله
هي كاملة كل حاجة ما عدا الكامير الخلفية بتاعت الركن
فتحة سقف وسخانات في الكراسي ومراة حساسة للضوء وبلوتوث
بس في مشكلة بايخة جدا الكمبيوتربتاع العربية اللي بين العدادات لغته كوري مش انجليزي يا ريت لوحد يعرف ازاي ممكن نحول انجليزي حتى لو هينزل ليه سوفت يقوللي

وكمان في فلاشة بتركب في المرايا او كارت ميموري لو حد يعرف ممكن نجيبه منين يا ريت ما يبخلش عليا ويقولي

وجزاكم الله خيرا

[Amr A.salam]

ما جربتش تسأل في التوكيل على موضوع اللغة ؟؟؟

وبعدين ممكن حضرتك توضح هو قريبك كان في كوريا ونزل العربية مصر ولا ايه بالضبط ؟؟؟؟

ويارييييييييييييييت معلومات مفصلة شوية عن امكانياتها وكمالياتها

[Ahmed R08]

ما جربتش تسأل في التوكيل على موضوع اللغة ؟؟؟

وبعدين ممكن حضرتك توضح هو قريبك كان في كوريا ونزل العربية مصر ولا ايه بالضبط ؟؟؟؟

ويارييييييييييييييت معلومات مفصلة شوية عن امكانياتها وكمالياتها

+1

عشان لو الموضوع دة سهل انا اعرف ناس كتير هتدى التوكيل ب ال ...............

وتستورد من كوريا على طول

[gmgoom]

السلام عليكم ورحمة الله وبركاته

العربية كاملة كل حاجة تقريبا

فيها ستيب ترونيك - تكييف او سخانات للكراسي - سمارت كي - فتحة سقف - النور والمساحات اتوماتيك -البلوتوث - مرايات ضم -المرايا الوسطى ذاتية التعتيم للضوء العالي - حساسات ركن خلفية ----- هو قالى ان المرايا اللي في الوسط ممكن تشغل فيديو بس محتاجة فلاشة او ميموري من نوع معين بس وبيقول ان الراجل بتاع المعرض وراها له بس انا مشفتش بعيني (عشان محدش يقول عليا بافشر ;) )

تقريبا دي كل حاجة

العربية هو جايبها من معرض في مصر ومكتوب عليها من ورا forte

سعرها 136000

بيقول اني في واحدة اعلى منها تفرق عنها الفين جنيه فيهل زيادة كاميرا للرؤية الخلفية بتعرض على جزء من المرايا اللي في الوسط

ده كل اللي انا اعرفه

[Beeso]

ماشالله بس أنا حاولت أبعت emails لكوريا عشان أحاول استورد وحدة فعلاً فيها كل حاجة بس للأسف محدش رد عليا بس هي ماشالله تعتوبر فيها كل حجة فعلاً مشألة

هي كمان ممكن يكون فيها SIRUS Satellite Radio كمان لو مكتوب على الكاست من فؤ جمب MP3 وبيثيئلي ده كمان حتكون EPS (Electric Power Steering ) ياريت الصور كدة وتقرير كدة على الفرق وكماً ياريت معلومات أكتر عن إسم المعرض ونمر تلفونه والعنوان عشان عوز أرح اتفرج عليها

بس انشالله متقلقش موضوع تغيير اللغة ده ان شاء الله له حل ونة ححاول أدورلك كدة على حل

ألف مبروك لصاحبك وكل سنة ونت طيبين جمعاً

[gmgoom]

شكرا يا بيسو باشا على الاهتمام وجزاك الله خيرا

ان شاء الله لما اقابله هاخد لها كام صورة كده وانزلهم هنا

وياريت لو حد عنده معلومات عن الكمبيوتر ده يفيدنا

[M7amD_7amDy]

الموضوع سخن اوى
الحقونا بالتفاصيل والصور ومبروك لصاحب العربيه :)

[VAN_XP]

ياريت بقى لو اسم ورقم تليفون المعرض اللى جابت منة العربية يمكن يكون عندة تانى والواحد يلحق