للأسف... احذروا من النيوسيراتو...!!!!

[yyy]

حمدا لله علي سلامتك و فداك العربيه


بجد الحادثه علي 100 ؟


كده ممكن تكون العفشه فعلا فيها عيوب زي ما قريت في مواضيع هنا قبل كده زي ده

http://www.nilemotors.net/Nile/3872139525-post9.html

http://www.nilemotors.net/Nile/86180-a.html


اهم حاجه انك طلعت منها الحمد لله

[ghazy12]

حمدا لله علي سلامتك و فداك العربيه


بجد الحادثه علي 100 ؟


كده ممكن تكون العفشه فعلا فيها عيوب زي ما قريت في مواضيع هنا قبل كده زي ده

http://www.nilemotors.net/nile/3872139525-post9.html

http://www.nilemotors.net/nile/86180-a.html


اهم حاجه انك طلعت منها الحمد لله

الله يسلمك يا باشا... حضرتك قرأت في مواضيع ان النيوسيراتو عفشتها فيها مشكلة... انا بقوول لحضرتك و انا مجرب بنفسي... العفشة فيها كاااارثة 100% و بكل المقاييس... انا عمري ما شفت مساعديين بتزييق بعد 6000 كم..!!!!!! و لا مقص يتكسر بعد 9000كم..!!!! و لا عربية خارجة بشوكها من التوكييل و فيها حدفة شمال و مش بترووح و بيضحكوا على الناس و يقولو ضغط الكوتش هو السبب و الناس بتصدق... و كنت بقول للناس الكوتش مالوش دعوه والله....

الحمد لله على كل شئ...

[Hesham_91]

الف حمد لله على سلامتك و في داهية مية عربية زيها و ربنا يعوض عليك ... بالنسبة للعربية انا حبيت بس اقول ان العربية عاملة معايا دلوقتي اكتر من 20 الف كيلو في 5 شهور و مطلع عينها لا فيها حدفة شمال ولا تزييق في مساعدين ولا اي حاجة الحمد لله .. اهم حاجة حمد لله على سلامتك و متسيبش حقك مع التأمين !!

[ezzatfox]

حمد الله على السلامة و ربنا يتم شفاك .. الحمد لله اوى انها جت على كدة .. العربية شكلها ميوحيش ان اللى سايقها لسة عايش لحد دلوقتى .. الحمد لله و قدر الله و ما شاء فعل .

[Eng.Geo]

تروح الفلوس في ستين داهية بتتعوض باذن الله
المهم سلامتك
الف سلامة عليك
ده منظر العربية يقطع

[ghazy12]

الف حمد لله على سلامتك و في داهية مية عربية زيها و ربنا يعوض عليك ... بالنسبة للعربية انا حبيت بس اقول ان العربية عاملة معايا دلوقتي اكتر من 20 الف كيلو في 5 شهور و مطلع عينها لا فيها حدفة شمال ولا تزييق في مساعدين ولا اي حاجة الحمد لله .. اهم حاجة حمد لله على سلامتك و متسيبش حقك مع التأمين !!

الله يسلمك يا باشا...

اولا: ربنا يباركلك فيها و تفضل معاك كده على طوول..

ثانيا: انا مش بطلب من الناس متشترييش او اللي اشترى يبيع اكييد, بس بطلب ان محدش يستنى من العربية دي كتيير او يقرص عليها قوي علشان سلامة الناس مش اكتر والله

ثالثا: انا عرفت من التأمين ان لسة مديين لواحد 88000 جنيه عشان عربيته توتال لوس برده و اتقلبت بيه و السبب المقص اتكسر... و فيه اكتر من مطالبة على عربيات نيوسيراتو عندهم حوادث عادية... الكلام ده من واحد في شركة التأمين نفسها..

ربنا يحفظ كل اللي راكب عربية ايا كانت اكييد.. و شكراا لحضرتك

[M.Osman]

ألف ألف حمد لله على السلامة يا باشا و ربنا يعوضك

منظر العربية بجد يقطع القلب :( :(

[enas75]

الف حمدالله علي السلامه يابشمهندس .....والله الواحد كان قلقان من غيابك
يالله فداك الف عربيه ويتمم شفاك علي خير

[NoRmAl]

الحمد لله على سلامه حضرتك
قدر الله وما شاء فعل

[GasDealer]

حمد الله على السلامة و ربنا يتم شفاك .. الحمد لله اوى انها جت على كدة

[hemahom]

حمد لله على سلامتك دي اهم حاجه وقدر الله ماشاء فعل وربنا يعوض عليك ان شاء الله

[Ralliart]

الحمد لله انك سليم وطريق الشيخ زايد دايماً عليه حوادث كتير بسبب ان الطريق بيبقى حرير ومره واحده تلاقي نقره انا عارف واحد اتقلب عليه بالانترا 2009 وقدر الله ما شاء فعل
بس حضرتك لازم ترفع قضيه كمان ان الايرباجز فتحت من غير حزام لان دي مصيبه لان ممكن واحد لاقدر الله يكون ماشي على 50 ويعمل حادثه بسيطه والايرباجز تفتح في وشه وممكن تموته او تصيبه باصابات خطيره دا غير مصيبة العفشة دي كمان !
ربنا يقومك بالسلامه والحمد لله على كل شيئ

[tarekabosdera]

قال تعالى ( ولنبلونكم بشئ من الخوف والجوع ونقص من الاموال والانفس والثمرات ). صدق الله العظيم .

اعلم اخي في الله ان الله يبتلى خير خلقه وأكثرهم صلاحا .

وأسأل الله ان يكون هذا الابتلاء رفعا لدرجتك في الجنة ان شاء الله .

أحب اسأل حضرتك بس سؤال من باب توخي الحذر .
انا من سكان الشيخ زايد فياريت حضرتك تقوللي عملت الحادثة فين عشان نتجنب حفرة زي . ولو السؤال ثقيل عليك مفيش داعي للاجابة عليه.

أحب اعلق بس على السيراتو : ان قد تكون هذه الحالة فردية وقد لا تكون فردية .

أما اذا لم تكن فردية : فقد يكون السبب سوء المواد المستخدمة في العفشة مما أدى الى كسرها عند تعرضها لضغط شديد .
او بسبب سوء تصميم العفشة مما أدى الى انفلات السيارة عند وجود عائق شديد .

أما اذا كانت فردية : فقد يكون بسبب سوء تقفيل في العفشة مما أدى الى انفراطها عند الضغط الشديد عليها .

والله أعلم ... بس في كل الحالات ده نقطة سوداء في نظام كيا لصناعة السيارات وأرجو محدش يدخل هيونداي في الموضوع لان لكل شركة كيان خاص للصناعة و التصميم والتقفيل ليس في مصانع موحدة انما كلا على حدا . انما التشابه بيكون فقط في بعض قطع الغيار .

[aboomarr]

الف حمدالله على سلامتك والله تغور الف عربية بلاش قرف من الصينى لللكورى يا قلبى لا تحزن والله لسه كنت ماشى احجزها بكرة ولا بعده بس والله ممعتبها ---انا اساسا لسه مفوقتش من صدمة ال 25 الف اللى خسرتهم فالاسبيرانزل التيجو قطيعة تقطع التيجو على السيراتو على اى عربية شبههم والف حمدالله على سلامتك تانى

[Moh.Fahmy]

الف الف حمدا لله علي سلامتك و المفروض ان حضرتك تسعد و لا تحزن لان طبعا ما فيش حد بينكتبله عمر جديد انما مجازا حضرتك اتكتبلك عمر جديد و نصيحتي ليك انك تدبح و تعمل وليمة و تأكل الفقراء و المساكين و اكثر من عمل الخيرات
طبعا هو قضاء الله و لا دخل للسيراتو به و حتي لو كنت سيادتك راكب بي ام او مرسيدس كان حيحصل الموضوع ده
انما انا لي رأي فني ..... يعني مثلا انا كنت شاهدت كليب لشركة ميتسوبيشي علي الاختبارات التي تجري علي اللانسر فوجدت اختبارات غاية في التعقيد يعني مثلا بالنسبة للعفشة بيخلوا العربية تمشي في طريق كله مطبات و نقر غبية جدا و مستحيلة يعني مش ممكن تشوفها حتي في مصر و بعدين يحطوا العربية علي وحدة يتم تثبيت العجلات الاربع عليها و القواعد اللي تحت العجل تتحرك بشكل منفصل بحيث كل عجلة تتحرك اعلي و اسفل بشكل منفصل عن العجلة الاخري
و بعد كده يحطوا العربية داخل تلاجة و يسلطوا عليها كمية اتربة و شوائب بشكل مستحيل يحدث في الواقع ابدا عشان يختبروا قدرة تحمل العربية و بعد ذلك يحطوها داخل فرن درجة حرارته 60 درجة مئوية و يشغلوا العربية
الكليب ده شوفته عند صديق داخل مركز صيانة مجدي شاهين باسكندرية فانا اعتقد ان الكوريين مش ممكن يكونوا بيعملوا الاختبارات دي كلها لذلك دايما تلاقي فيه فخر بالياباني و الاوربي عن الكوري و الصيني
يا جماعة معيايير الجودة عند اليابانيين و الاوربيين عالية جدا و الكوريين ما بيهتموش بالمواضيع دي غير علي ما اعتقد في الموديلات العالية جدا
لازم يا بشمهندس تاخد اجراء ضد هذا الاهمال الجسيم و انا مصر ان ده اهمال لان حضرتك كنت ملاحظ الحاجات الغريبة دي قبل الحادث و انا بصراحة متغاظ جدا جدا ازاي عربية زيرو و يحصل فيها البلاوي دي كلها ده اكيد اكيد مافيش اي نظم جودة او مراقبة جودة لان ازاي عربية زي دي تخرج من المصنع بالشكل ده - ماعهلش يا جماعة اعذروني لان سبب الحادثة تافه جدا ده الواحد كل يوم بيقابل نقر و حفر و هو علي 120 و اكتر
و ياريت اخوانا السيراتوية ما يزعلوش و ياخدوا الموضوع بحساسية لان ده قضية فردية و ربنا يستر


محمد فهمي