للأسف... احذروا من النيوسيراتو...!!!!

[د.اسماعيل النجار]

الف سلامة ياباشمهندس وربنا يتمم شفاك ويعافيك
احب اعرفك انى بعد ماقريت الموضوع دا وكمان موضوع عن حادثة لعربية كورولا تقريبا بنفس الملابسات فعملت موضوع فى المنتدى العام عن التعليق الخلفى للسيارة ومدى علاقتة بثبات ومن ثم المان السيارة والركاب وياريت حضرتك تشرف الموضوع وتفيدنا براىك ومرة تانية ادعو الله من كل قلبى ان يتم عليك نعمة الشفاء ودا رابط الموضوع

http://www.nilemotors.net/Nile/116351-a.html

[makavelimorsy]

ألف سلامة عليك وأهم حاجة انك رجعتلنا بالسلامة ....أنا عرف متأخرة أوي بس والله أول مرة أشوف الموضوع .. وعرف انك قلت مش هترد .. بس إنت بجد بعيداً عن كل د إنت لازم تبقى فخور انك فعلاً شخص بايين من ردودك انك محترم جداً و على خلق أتمنلك الشفاء العاجل إن شاء الله ...... وربنا يديك الاحسن منها ١٠٠٠٠٠ مرة .. وبإذن الله قريب أوي أبراكلك عل bmw وعلى أدان الفجر كدا ربنا يستجيب إن شاء الله لانك فالعاً تستحق كل خير على امانتك وخلقك

[myr999]

الف مليون سلامة اشعر بالذنب اسفففففففففففففففففففففففففففففففففففففففففيارب ترجع لنا بالسلامة

[M.Osama]

الف سلامه عليك يا بشمهندس المهم انك خرجت منها سليم الحمدلله

[powerofhelll]

لاحول لا قوه الا بالله
الحمد لله علي كل حال
قدر الله و مشاء فعل

[aelhossan]

انا ملاحظ ان الكلام كتر اوي عن العربيه دي

[kalmah]

انا لسة شايف حادثة لها من يومين
علي كوبري الميرغني الاتجاة رايح علي كلية البنات
واحد داخل رشق في الرصيف و العفشة و الكبوت بقيء ع الارض فشكلها كدة العربية فعلن فيها حاجة غلط

[arafahafez]

ياباشمهندس محمد غازى انت مع مين بالضبط ... كل كام يوم يطلع علينا موضوع الحادث الذى وقع لك وبدل ما تحمد ربنا على خروجك من الحادث ببعض الاضرار ... واقسم لك ان هذا الحادث لو بسيارة اخرى لاختفت معالمها ... ارجو ان تحمد الله على سلامتك التى تدين بها للسيراتو لانها قامت بحمايتك من مصيبة اكبر ويرد عليك نتائج اختبارات التصادم من الامام والخلف والجوانب الواردة بالموقع وبلاش تحسسنا ان مفيش غيرك تعرض لحادث واكرر رايى السابق انك انت سبب الحادث لقيادتك المتهورة ولولا ستر الله ومتانة السيارة لكانت العواقب وخيمة ... واخيرا ارجو الا يطالعنا موضوعك هذا مرة اخرى على المنتدى ولو قمت بحذفه سنكون لك من الشاكرين ولاتتوقع ان يؤثر موضوعك فى انتشار السيراتو لان العالم كله مقتنع بها الا مصرى وحيد اسمه / محمد غازى .

[Hosam_Optrawy]

ياباشمهندس محمد غازى انت مع مين بالضبط ... كل كام يوم يطلع علينا موضوع الحادث الذى وقع لك وبدل ما تحمد ربنا على خروجك من الحادث ببعض الاضرار ... واقسم لك ان هذا الحادث لو بسيارة اخرى لاختفت معالمها ... ارجو ان تحمد الله على سلامتك التى تدين بها للسيراتو لانها قامت بحمايتك من مصيبة اكبر ويرد عليك نتائج اختبارات التصادم من الامام والخلف والجوانب الواردة بالموقع وبلاش تحسسنا ان مفيش غيرك تعرض لحادث واكرر رايى السابق انك انت سبب الحادث لقيادتك المتهورة ولولا ستر الله ومتانة السيارة لكانت العواقب وخيمة ... واخيرا ارجو الا يطالعنا موضوعك هذا مرة اخرى على المنتدى ولو قمت بحذفه سنكون لك من الشاكرين ولاتتوقع ان يؤثر موضوعك فى انتشار السيراتو لان العالم كله مقتنع بها الا مصرى وحيد اسمه / محمد غازى .:_alshmokh08[1]::_alshmokh08[1]::_alshmokh08[1]:

حضرتك متحامل اوى على البشمهندس غازى

البشمهندس غازى من اول الاعضاء فى المنتدى اللى كنت معجبه بالسيراتو وبتشجع الناس تجيبها

وبالفعل هو اول واحد اشتراها

وعمل عنها بدل التقرير اتنين وقال بكل امانه العيوب والمميزات

ولما حصل له الحادث وربنا نجاه الحمد لله

شاف ان العربيه يتخاف منها ودى وجهة نظره

وبيحذرنا من حاجات معينه

مش من النوع اللى بيهاجم او عايز يشوه عربيه او يقلل مبيعاتها

مش هو دا خالص

امال تقول ايه للاعضاء اللى مجربتش السيراتو ولا شاقوهاا ولا يعرفوا عنها حاجه

ويادوب بس سمعوا انها عملت حادثه او اتقلبت او يشوفوا صوره ليها وهى عامله حادثه

ويقعدوا بقى يقولوا عليها كلام غير صحيح بالمره

انما البشمهندس بيتكلم من واقع تجربته وفى الاخر مبيقولش العربيه وحشه

بيقول ماتنتظروش منها اكتر من تمنها وبيحذرنا من نقط معينه هو شايف انها عيب او ماتنفعش فى بلدنا ( العفشه ونظام التعليق الخلفى + الجنط ال 17 )

فأرجو انك ماتكونش متحامل على البشمهندس غازى لانك لو كنت تعرفه كويس زى مافى اعضاء كتير تعرفه فى المنتدى ماكنتش هاتقول الكلام دا

[NoRmAl]

حضرتك متحامل اوى على البشمهندس غازى

البشمهندس غازى من اول الاعضاء فى المنتدى اللى كنت معجبه بالسيراتو وبتشجع الناس تجيبها

وبالفعل هو اول واحد اشتراها

وعمل عنها بدل التقرير اتنين وقال بكل امانه العيوب والمميزات

ولما حصل له الحادث وربنا نجاه الحمد لله

شاف ان العربيه يتخاف منها ودى وجهة نظره

وبيحذرنا من حاجات معينه

مش من النوع اللى بيهاجم او عايز يشوه عربيه او يقلل مبيعاتها

مش هو دا خالص

امال تقول ايه للاعضاء اللى مجربتش السيراتو ولا شاقوهاا ولا يعرفوا عنها حاجه

ويادوب بس سمعوا انها عملت حادثه او اتقلبت او يشوفوا صوره ليها وهى عامله حادثه

ويقعدوا بقى يقولوا عليها كلام غير صحيح بالمره

انما البشمهندس بيتكلم من واقع تجربته وفى الاخر مبيقولش العربيه وحشه

بيقول ماتنتظروش منها اكتر من تمنها وبيحذرنا من نقط معينه هو شايف انها عيب او ماتنفعش فى بلدنا ( العفشه ونظام التعليق الخلفى + الجنط ال 17 )

فأرجو انك ماتكونش متحامل على البشمهندس غازى لانك لو كنت تعرفه كويس زى مافى اعضاء كتير تعرفه فى المنتدى ماكنتش هاتقول الكلام دا

+1111
زائد انى فعلا مشفتش الراجل بيهاجم العربيه فى الحقيقه!
اتصور لو أى حد مكانه كان ممكن يقول بالفوم المليان دى عربيه كذا و كذا و محدش يشتريها
وكان هيبقى ليه عذره على فكره و محدش يقدر يقله تلت التلاته كام
انما هو معملش كده
أخيرا
البشمهندس غازى مالك للعربيه
وتقيمه للعربيه يكون على مزاجه
يعنى لو قال مثلا مثلا انها عربيه وحشه
متقدرش تحجر على رأيه - ومع ذلك هو مقلش على فكره -
مابالك بقى زى ما بيقلك حسام
ان فى ناس لا هم ملاك ولا حتى ركبوا العربيه و بيشنعوا عليها
فى الاخير متنساش انت حضرتك نفسك مش مالك للعربيه!!!!

[ghazy12]

ياباشمهندس محمد غازى انت مع مين بالضبط ... كل كام يوم يطلع علينا موضوع الحادث الذى وقع لك وبدل ما تحمد ربنا على خروجك من الحادث ببعض الاضرار ... واقسم لك ان هذا الحادث لو بسيارة اخرى لاختفت معالمها ... ارجو ان تحمد الله على سلامتك التى تدين بها للسيراتو لانها قامت بحمايتك من مصيبة اكبر ويرد عليك نتائج اختبارات التصادم من الامام والخلف والجوانب الواردة بالموقع وبلاش تحسسنا ان مفيش غيرك تعرض لحادث واكرر رايى السابق انك انت سبب الحادث لقيادتك المتهورة ولولا ستر الله ومتانة السيارة لكانت العواقب وخيمة ... واخيرا ارجو الا يطالعنا موضوعك هذا مرة اخرى على المنتدى ولو قمت بحذفه سنكون لك من الشاكرين ولاتتوقع ان يؤثر موضوعك فى انتشار السيراتو لان العالم كله مقتنع بها الا مصرى وحيد اسمه / محمد غازى .

طيب انا قلت اني قفلت الموضوع ده, و مش هرد على المشاركات اللي فيه...
بس عشان خاطر كلامك السخيف هنفتح الموضوع كمان مره...

أولا: أنا لا أدين لأي شئ أو حد على وجه الأرض بخروجي من هذا الحادث غير الله سبحانه و تعالى فقط...

ثانيا: انت تعرف منين انا قيادتي متهوره ولا غيره؟؟؟ بتضرب الودع زي الناس اللي بنشوفهم في الشارع؟؟؟

ثالثا: انت تعرف منين سبب الحادث يا أستاذ (شرلوك هولمز)؟؟؟

رابعا: انا كنت مالك للعربيه و بتكلم عليها, انت بتتكلم على أي أساس؟؟؟؟

خامسا: لو الموضوع مضايقك متدخلش لأني مش عايز أشوف تعليقاتك (اللطيفه) فيه...

سادسا: انت ايه اللي عامل فيك كده بس؟؟؟ انا خايف عليك لا يجيلك الضغط ولا حاجه
اهدى و خف على نفسك علشان تعرف تعيش, و ماتقلقش على مبيعات العربيه قوي كده
و بلاش تشغل نفسك بموضوعي علشان مش هتلاقي آخر والله العظيم (إنسى و عيش)

سابعا: لما تتكلم معايا اسمي (مهندس محمد غازي) و مش مسموح لك بغير ده و تتكلم بأدب و احترام..
انا مش بلعب معاك في الشارع, و لا قاعد معاك على القهوه... أعقل

و عربية ايه دي اللي حمتني, و متينه و فظيعه و الكلام اللي يضحك ده, خالينا ساكتين و بلاش نتكلم
الحافظ هو الله, و لا شئ بعده أبدااا و لا حتى العربيه الـ.......... اللي كنت راكبها

طبعا انت قلتلك كلمتين في شوية مواضيع كنت عاملهم و مسميهم (سيراتاوي)
و يااااا ريت الكلام مظبوط او ليه أساس حتى, ده غير انك مش بترد على الأعضاء
و لا على الأسئله, و لا قلت للناس انت شغال فين, و بتقول كلام نصه أو أكتر غلط
و كل همك مبيعات العربيه متتهزش, و الوحيد اللي رديت عليه كنت بتديله رقم تليفون الموزع
محمد زكي, و اسم مسؤل المبيعات اللي هناك... مش حاجه تضحك دي بردو

انا زهقت من عينتك و عينة الناس اللي بالشكل ده, و الموضوع هيفضل في وشك
علشان تتقي الله شويه في الناس اللي بتحاول تروج العربيه بينهم... اتقي الله يا بني آدم

و طول ما انت بتقول للناس (أي كلام) في مواضيعك مش هسكت و هيبقى شكلك وحش
أوعى تضحك على عقول الناس بكلام مالوش معنى و متخيل ان الناس هتصدقك
و كفايه انك ضحكت عليك الناس بكلامك و تعليقاتك اللي ملهومش معنى فعلا..!!!!

و أوعدك اني مش هسكت على أي حاجه فيها (استخفاف) بعقول الناس
و أحب أقولك بحكم اصابتي اني فاضي اليومين دول و معاك 3-4 شهور كده
ربنا معاك و يعينك والله...

شكراا جزيلا للأعضاء اللي ردو غيبتي (أستاذ حسام و normal باشا)...

[x_gomgom]

يا ريت يا باشمهندس غازي تهدي الاعضاء من العينه دب كترت بطريقه غريبه....
و يا ريت لو تفضي دماغك منهم كفايه انك حبيت تنقل تجربتك بشفافيه من ساعه الشراء الى يوم الحادث و جزاك الله كل خير و جعله الله في ميزان حسناتك.....
و يا ريت تقدم فيه شكوي لإداره المنتدي لان دا اقل جزاء .......
والف سلامه على حضرتك

[cameeron]

ياباشمهندس محمد غازى انت مع مين بالضبط ... كل كام يوم يطلع علينا موضوع الحادث الذى وقع لك وبدل ما تحمد ربنا على خروجك من الحادث ببعض الاضرار ... واقسم لك ان هذا الحادث لو بسيارة اخرى لاختفت معالمها ... ارجو ان تحمد الله على سلامتك التى تدين بها للسيراتو لانها قامت بحمايتك من مصيبة اكبر ويرد عليك نتائج اختبارات التصادم من الامام والخلف والجوانب الواردة بالموقع وبلاش تحسسنا ان مفيش غيرك تعرض لحادث واكرر رايى السابق انك انت سبب الحادث لقيادتك المتهورة ولولا ستر الله ومتانة السيارة لكانت العواقب وخيمة ... واخيرا ارجو الا يطالعنا موضوعك هذا مرة اخرى على المنتدى ولو قمت بحذفه سنكون لك من الشاكرين ولاتتوقع ان يؤثر موضوعك فى انتشار السيراتو لان العالم كله مقتنع بها الا مصرى وحيد اسمه / محمد غازى .:_alshmokh08[1]::_alshmokh08[1]::_alshmokh08[1]:

نداء رقم 3 على السادة العاملين فى التوكيل عدم الدخول و سيب الناس تقول رايها بصراحة

[KoDaK_Gti]

نداء رقم 3 على السادة العاملين فى التوكيل عدم الدخول و سيب الناس تقول رايها بصراحة

هههههههههههههه
روق يا بشمهندس غازى

[softyeg]

حمد الله على السلامه يابشمهندس غازى
و ربنا يعوضك خيرا منها الف مره و يكملك شفائك على خير فى اقرب وقت

ياجماعه هو ليه احنا دايما يامصريين مش بنحب نسمع راى التانى الراجل قال انه كان معجب بالعربيه و لكن مطلعتيش زى ماكان متوقع منها فيها اه و الناس زعلانه و بتهاجم ده حق طبيعى له ده رايه احنا هنا مش فى الحزب الوطنى دا منتدى للناس المهتمه بالسيارات مش ساحه قتال كل واحد شايل سيفه و نازل يجاهد عشان يثبت ان عربيته احسن عربيه فى الدنيا

و بعدين نفكر بموضعيه اكتر هى العربيه ده نزله من السما يعنى استغفر الله العظيم
ده عربيه عملها بشر زى و زيك ببيعمل الصح و الغلط ممكن كل العربيات من النوع ده ميه ميه بس عربيه المهندس غازى الراجل اللى قفلها و لا المكنه اللى كانت بتلحم المساعدين حصلها عطل فى اللحظه ده او الراجل بتاع قسم متابعه الجوده كانت مراته مدياله شبيشبين ابل ماينزل او العيال عاوزه مصاريف المدرسه و خد عندك مليون احتمال متعدش

بس لازم نبص للراى الراجل بأعتبار و خصوصا ان الراجل اتكلم بموضوعيه و نكون عقلانين و نفكر فى كلام الناس اللى قدمنا

و مش نهاجم و بس عشان راينا هو اللى صح و الباقى غلط و هو ده اللى جايبنا وره

معلش بس الموضوع بتاع المهندس غازى كان لازم نعالجه باكتر من كلام و هجوم
يابشمهندس غالى لو فعلا حضرتك شاكك او شبه متاكد من ان فيه عيب صناعه فى عربيتك يبقى لازم تقدم شكوه فى جهاز حمايه المستهللك و تطالب بندب لجنه من كليه هندسه القاهره او عين شمس و يكشوفوا على العربيه و يشوفوا اه سبب الحدثه ده و لو فعلا المساعدين اكسرو بسبب الشد او الاجهاد او الحمل الزائد عليهم او انه في عيب فى لحام المساعد او اى ماكان فى اجهزه موجوده فى المعامل فى مصر بتقيس الكلام ده و هتقول الحقيقه على طول و بكده حضرتك تعرف
و تقدر تاخد حقك من الوكيل او الشركه المصنعه و نعرف الحقيقه
و لو طلع عيب فعلا نقدمه للشركه و نطلب التاكد من الكلام ده و لو هو فعلا حقيقى اكيد فى ناس عارفه ممكن تكمل الطريق ده ازاى

انا عارف انى مجبتش التاهيه و لاحاجه بس انا مجرد حبيت الفت النظر للموضوع ده و ليه محصلش و بس مش اكتر من كده

و اخيرا يابشمهندس غازى ربنا يقومك بالسلامه و ترجع تانى لحياتك الطبيعيه و متخليش حد يخليك تغلط باللسان لمجرد انه نرفزك بكلمتين فاضين
خلى بالك لايدخل الجنه من كان فى قلبه ذره من كبر و انا عارف انها زله لسان بس لازم نستغفر ربنا و ربنا غفور رحيم