للأسف... احذروا من النيوسيراتو...!!!!

[ghazy12]

يا جماعه انا زهقت من العينه دي من الناس..!!!! مش ممكن الكلام الفاضي اللي بيتقال ده

و بعدين واحد مايعرفكش ولا عمرك سمعت عنه و لا تعرف ده مين أصلا, و يقولك انت السبب في اللي حصل..!!!

و يزودها و يقولك ان العربيه هي السبب انك عايش و انت مدين ليها..!!!!!!!!! يا أخي أتقي الله, حراااام عليك

ربنا هو الحافظ و لولا الله وحده و عنايته, لما كنت على قيد الحياه.... تقوللي العربيه هي السبب!!!!!!

و بعدين انا قفلت الموضوع علشان خاطر كل الأعضاء في المنتدى و مراعاة لشعور أصدقائي و أخواتي المحترمين
فجأه تلاقي واحد بعد ما الموضوع خلص و خلاص اتقفل, يطلع يخرف بكلمتين ملهومش لازمه
و يتكلم عليا و معايا كأنه (إبن خالتي) مثلا, و بدون أي احترام..!!!!!!! أسكت ازاي؟؟؟

و بعدين انا قفلت الموضوع و امتنعت عن الرد يوم (7\1\2010) و الموضوع نزل للصفحة التانيه...
أول رد ليا بعدها النهارده (21\1\2010) بعد الكلام السخيف ده...!!!!!!!!!!!!!
الراجل ده جايب الموضوع من الصفحه التانيه علشان يقول الكلمتين الفاضيين دول..!!!!!!!

و يقوللي موضوعك مش هيأثر على الانتشار أو المبيعات..!!!!!!!!!! مش كلام يضحك بالله عليكم

أستغفر الله العظيم من كل ذنب عظيم على الصبح... شكراا على الردود و معلش يا جماعه لو انفعلت

[ghost1900]

هدي أعصابك يا غازى باشا، المهم حمد الله على سلامتك و ربنا يعوضك خيرا منها الف مره ويكملك شفائك على خير فى أقرب وقت.

[Eng.Sameh]

هدي نفسك يا هندسة ، ده بوقين فاضيين من واحد بياكل عيش من ورا العربية ، ولا تشغل نفسك لأنه اسلوبه اصلا صريح جدا وناقص يمضي باسم التوكيل ، سيبك انت وشد حيلك كده عشان نختارلك عربية حلوة ومحترمة تركبها وانت مطمن وربنا هو الحافظ

[jimmybmw]

10000000000000000 سلامه عليك يا بشمهندس غازي و ربنه يعوضك عن صحتك اولا و عربيتك ثانيا و فداك 100000000000000 عربيه بوجاتي مش سيراتو و متزعلش نفسك من الردود السخيفه و كلنا بنحبك و بنحترمك لانك قدمت معلومات حقيقيه عن مشكله في العربيه و كنت محايد و خليت ناس كتير تستفيد بتجربتك.

اخوك Jimmy BMW

[alhamza]

الف سلامه وانا اعتقد انك كنت مستعجل زمان اول مشتريتها في الرد علي اللي كانو بينتقدوا العربية اصل انا مهتم بمشاركاتك جدا علشان منظمه بس الحمدلله انا ربنا وفقني وجبت التيدا وربنا يكملك الشفاء ان شاء الله

[Atrees]

ايه يا عم غازي ------ انا بقول يا عم اهو عشان تفك من النرفزة دي وتمسك فيا انا ---- هههههههههه انا بهرج معاك اهو

فكك بقي من كلام اي حد وبعدين انت قولت اللي عندك - واحد مش عاجبة قال رائية -- خلاص سيبة متردش علية وفي ناس كتير حترد بدالك - سيبك يا راجل من كل دة بقي وشوف دنيتك وشغلك و صحتك اهم من كل دة


اهم حاجة عشان تخرس اي لسان بخصوص الموضوع دة ياريت تمشي في موضوع التقرير الفني بتاع الحادثة والرجوع علي التوكيل بالاضرار زلو وصلت لاننا نخاطي كوريا انا معاك ولية الحمد لله خبرة في المواضيع بتاعت الشكاوي دي - بس المهم انك تركز في الموضوع دة عشان تاخد حقك - دة شقي عمرك وفلوسك وصحتك

وصدقني طول مهو المضوع بتاعك دة موجود علي السيرفر حتلاقي ردود كتير مش حتعجبك فا احسن حاجة تطنش او تخرسهم بتقرير يقول ان الحادث فعلا بسبب ضعف في العربية وانا معاك ولو العربية فعلا زبالة انا اول وحد حبيعها وكمان حعملهم فضيحة في الجرائد


روق بقي ---- وادي شويت علامات تعجب من اللي انت بتحبهم !!!!!!!!!!!!!!!!!!!!!!!!!!!

صباحك فل

[ahmed-moga]

يابشمهندس محمد ولا يهمك من اللي اتقال دول كلمتين اتقالوا من واحد كل همة انة يولعها حريقة ويستفزك تاني متحطهوش في دماغك واعتبر مشاركتة كأن لم تكن وطمنا علي صحتك دلوقتي اية اخبارك وصلت لحد فين في العلاج ربنا يتم شفائك علي خير وجة بأذن الله

[M_Nabil]

ألف سلامة عليك يا باشمهندس وربنا يتمم شفائك على خير ويعوض عليك خيراً منها أن شاء الله

[vedodido]

الف حمد لله على سلامتك
وربنا يعوض عليك خير

[morasystem]

أولا الف حمد الله على سلامتك يا بشمهندس و فداك مكوك فضائى مش عربية بس

ثانيا انا شفت العربية دى بعينى بعد الحادثة لأنى بعدى كتيير من عند الشارع اللى ورا قسم 6 اكتوبر .... حتى كنت لسة مشتريتش السيراتو بس ده مغيرش رأيى فى السيراتو و لسة رأيى متغيرش .... انا كمان عامل بيها لحد دلوقتى 5000 كيلو و لسة معملتش صيانة ال1000 حتى (لظروف الامتحانات) بس بجدالعربية دى ممتازة لو اتعاملت معاها زى أى عربية عادية لأن الجنط 16 - 17 و العفشة بتاعها مش معمولة لبلدنا اللى مليانة من الحفر و المطبات و الكلام ده

ثالثا الأرض اللى فيها العربية دى انا بشوف فيها بى ام و مرسيديسات كل يوم يا جماعة مش سيراتو هاى لاين ... يا جماعة عفشة السيراتو بإختصار شديد لا تتحمل (زى اى عربية سيدان اسيوية) ظروف الحفر و المطبات داخل المدن على السرعات العالية ... العربية فيها فرامل معززة و abs علشان نفرمل بقسوة قبل المطب ... مفيهاش حاجة لو فرملت جامد قبل لمطب بس المهم تضمن سلامة العربية و اللى راكبين فيها ... و الله العربية دى فراملها لوحدها كفيلة بتغطية نشوفية عفشتها ... انا فى مرة على الصحراوى 130 و فجأة لقيت مطب يمكن على بعد 100 متر و انا معنديش abs و فرملت قبل ما أوصل المطب و الله و الله و الله ما حد حس بحاجة ولا اتحرك من مكانه

رابعا اللى عايز يجرى بالسيراتو ممكن يجرى على الطريق و مش أى طريق ولا فى أى ظروف ... العربية بإختصار عايزة ليونة فى معاملتها لأن كل الناس فاكرة انها شارية بى إم ... إنما اللى عايز أقوله إن العربية دى مش منظر بس ولا موتور بس ولا رفاهية و بس .... لأ العربية دى قوية بجد و حلوة بجد و اللى هيتعامل معاها على إنها زى عفشة العربيات الألمانى هتزعله .... طول عمرى بركب كورى و المانى و الحمد لله عمرى ما اشتكيت من ده ولا من ده .... و اليابانى مهوش احسن من الكورى ولا حاجة بالعكس ده طلع العن و اضل خصوصا بعد العيب بتاع التويوتا .... اسف للإطالة و ربنا يكفيكوا شر الطريق

و لو رجع بيا الزمن أو لو وقعت عليا قفة مليانة فلوس هشترى السيراتو تانى و تالت و رابع و مليون

[م.محمد مختار]

انا كدة اترعبت انا حاجز وهستلم يوم الاحد بس انا برضه شايف انها حالة فردية انا زميلى اتقلب بكورولا 2005 وكان ماشى على 120 والعربية اتعجنت

يا أخي العزيز العبرة مش انه انقلب أو انها اتعجنت....

أي عربية في الكون ممكن تنقلب لو الظرف خطير... لكن المشكلة انها انقلبت بسبب هايف لا يفترض أن يسبب ما حدث..
أما ان العربية اتعجنت فده برضه مش مهم لأن السيارات الحديثة تصمم بحيث يكون تأثير الصدمة موجه لجسم السيارة فيمتص الصدمة و يحمي الركاب...

[SAMEH_FOUAD]

ياجماعة فعلا العربية مش مظبوطة خالص ,حتى اصحابها بيحسسوا عليها وخايفين يجروا بيها الا لما بيكونوا متاكدين ان الطريق كويس جدا جدا لان العربية دية الغلطة فيها بتضيع وربنا يستر علينا
وحمد لله على سلامتك يابشمهندس وسيبك من الناس اللى بتدافع عن حاجة غلط ,اكيد اى عربية ليها مساؤيها ومميزاتها بس لما تكون احد عيوبها مشكلة خطيرة زى دية يبقى الغنى عنها احسن

[م.محمد مختار]

كلام حضرتك مظبوط مية المية وانا بضم صوتي لصوتك وبستأذن الأدارة انها تطلب من جميع الأعضاء انهم ميكتبوش باللغة الأجنبية وأكيد المشاركات اللي مكتوبة بالأنجلش دية لو اترجمت بالعربي هنلاقي فيها سخرية ونقد لاذع لن ترضي بة ادارة المنتدي ان يكون موجود علي صفاحتها واكيد باردو هايكون في معلومات مفيدة بتبخلوا علينا بيها انا اتولدت مصري ولغتي هيا العربية او حتي العامية بس بعتز بيها جدا فياريت من كل الأعضاءالمصريين والعرب اللي بيكتبوا بالأنجلش يعتزوا بيها هما كمان وشكرا جزيلا لكم

+11111111111111111111111111

[Atrees]

ياجماعة فعلا العربية مش مظبوطة خالص ,حتى اصحابها بيحسسوا عليها وخايفين يجروا بيها الا لما بيكونوا متاكدين ان الطريق كويس جدا جدا لان العربية دية الغلطة فيها بتضيع وربنا يستر علينا
وحمد لله على سلامتك يابشمهندس وسيبك من الناس اللى بتدافع عن حاجة غلط ,اكيد اى عربية ليها مساؤيها ومميزاتها بس لما تكون احد عيوبها مشكلة خطيرة زى دية يبقى الغنى عنها احسن

مع احترامي الشديد لراي حضرتك - انت حر فية - ومع ان حضرتك راكب هوندا سيفيك (بدون الخوض في انها بقت شركة من الشركات اللي بتنتج عربيات فيها عيب صناعة ) لكن بردوا الهوندا تحترم

لكن المهم هوا ان 95% من اصحاب السيراتو واللي جربوها راضيين عنها بنفس النسبة وشايفين انها ركمنت عربيات كتير علي جنب وخطفت الاضواء من عربيات كتير مش بس بشكلها انما باحترام الناس لقدراتها مقابل سعرها - واذا كنت زي ما قولت الغني عنها احسن !!! فلو سمحت احنا قتلنا بحثا في مصداقية العربية ومع ذلك السيارة في انتشار ومطلوبة وملفتة وتعتبر سيارة العام في مصر واللي معندوش سيراتوا نفسة يركبها


ورغم كل ما قيل سابقا - موضوع الهجوم علي السيارة اصبح موضوع عفي علية الزمن والناس اصبحت اكثر استيعابا للهجوم واكثر دراية - وكمان بعد اختبار السيارة طول الفترة السابقة اكدة انها تستحق التقدير


عموما ياباشا شكرا علي النصيحة وخليلنا العربيات المضروبة اللي ماشين نحسس عليها وخايفين من الطريق زي ما قولت - واركب انت العربيات اللي بتجري وطالما لم تضيف معلومة مؤكدة تعيب العربية فلا داعي للاضافة هجوم جديد


احنا مبسوطين بيها وحاسين ان احنا راكبين العربية الجامدة - انت مدايق لية بقي ؟

وشكرا ليك واتمني ميكنش كلامي في اي حاجة تدايقك

[abou_ruqi]

السيارت المنتشرة = السيارات الرخيصة
السيارات الرخيصة = جودة أقل

إذا
السيارات المنتشرة = جودة أقل

ودي أبسط قاعدة إقتصادية معروفة لكل من درس الإقتصاد وهي أن المنتج السيئ يطرد المنتج الجيد من الأسواق

لو كان الإنتشار يعني الجودة

فهذا يعني أن الفيرنا جودتها أعلى من الأودي تي تي !!
وأن جودة هيونداي (صاحبة المبيعات المرتفعة عالمياً) أعلى من جودة فولفو الشركة الخاسرة !!

فيا جماعة الخير

بالله عليكم تخلصوا من ثقافة التجار وسواقين التاكسيات
عند الحديث عن الجودة , لا يصح أن نعتد بالمبيعات والإنتشار , فالمبيعات -كما تبين- غالباً هي ضد الجودة إلا فيما ندر !