للأسف... احذروا من النيوسيراتو...!!!!

[waleed_1]

حمد لله على سلامتك وفداك مليون عربية

[waleed_1]

حمد للة على سلامتك و فداك مليون عربية

[dr.amr]

الموضوع ده باين عليه زي مستر اكس مالوش نهايه
مستر اكس never die

[maghnom]

من الواضح اني دخلت على الموضوع ده متأخر جدا - بس اصلي مستخدم سعيد للنيو سيراتو و معنديش مشاكل و ده سبب اهمالي لدخول للمنتدى من فترة

أستاذ غازي الحمد لله على سلامتك و ربنا يحفظنا جميعا من شر الطرق - المصرية بصفة خاصة و الملغمة بحفر و مطبات و بروز و كسور و افاشيخ (عذرا بس في حاجات ملهاش تعريف) كأنها عوائق في لعبة كمبيوتر و ليست شوارع حقيقية في بلد... محترمة

اسمحولي بابداء رأيي

نظريتي
كل السيارات زبالة كوري ياباني الماني انجليزي صيني هندي أمريكي سيراتو تويوتا مرسيدس بي ام هامر - اذا تم الحكم عليها من خلال الاستخدام في مصر لأنها ببساطة سيارات صنعت لتمشي على طرق - نحن في مصر نحتاج لسيارات طائرة حتى نقيمها في ظروف مكافئة في ظل وجود حفر بعمق خمسين سم في طرق سريعة - مع الاعتذار لكلمة طرق التي لا تصف ما عندنا

اقسم بالله حتى سيارات الدفع الرباعي تتضرر من شوارع مصر لانها صممت لتتعامل مع الطرق غير الممهدة في احضان الطبيعة - لكن ليس السقوط في حفر صريحة من صنع أو اهمال بني آدمين فاسدي الضمير- موضوع الحفر ده مش موجود في الطبيعة الجبلية او الغابات أو الصحراء فقط و بلا فخر في الشوارع المصرية

يا جماعة
الموضوع كله بصفحاته الي داخلة على خمسين صفحة بسبب حفرة و ليس بسبب نوع سيارة

ثانيا: انا من ملاك السيراتو sx جنوط 17 من شهر نوفمبر الماضي - من وقتها استعمال يومي و عامل بيها حوالي 7000 كم
سافرت بيها السويس و رجعت مرتين و اسكندرية مرة رايح جاي
في القاهرة نزلت في حفرة تكفي لدفن حصان على سرعة 90 و كانت كلها على الفردة الشمال
في طريق اسكندرية نزلت في حفرة ماركة خدني بس ما تتخضش على سرعة 130 و ايضا كله على الفردة الشمال - السقطة كانت مرعبة لدرجة اني ركنت عند بوابات اسكندرية و شيكت على العجل
العربية ما حصلهاش اي حاجة و الحمد لله
و لا فيها ما يشير انها اتعرضت للسقطتين دول
لا اختلاف في الاداء و لا احساس بضرر و لو جزئي و لا حدفة يمين و لا شمال و لا اي مشكلة
انا بصراحة اتعجبت من كم العيوب اللي لقيتها الناس هنا بتقول عليها لدرجة اني شكيت اني راكب عربية تانية

بس في حاجة لازم اقولها
انا اشتريت العربية من سمير ريان على اساس انها خليجي
واتضح لاحقا انها مش مصنعة بمواصفات خليجي و إن كانت واخدة نفس الشكل اللي كان نازل وقتها على اساس انه خليجي - اكر نيكل مقابض داخلية و طارة جلد و شكمان نيكل مع جنوط 17
العربية اتضح انها متصدرة لليمن و سمير ريان مستوردها من هناك - لكن السيل المعدني تحت الباب مكتوب عليه بالكوري و مش مكتوب عليه ان دي مواصفات لبلد معين - مفيش سيل مكتوب عليه بالعربي ان دي مواصفات القياسية السعودية مثلا- يعني من الآخر مواصفات عادية بس متصدرة لليمن

يعني اتنصب عليا - بس شكاوي الناس هنا برضه شككتني ان العربية اللي بتروح مصر هي فعلا الفرز العاشر من اي ماركة - و يمكن زي بعض شركات الكمبيوتر زي فيو سونيك - بيقولوا ان لما شاشة تتطلع فيها عيب بتتصدر لدول العالم الثالث و الدول اللي مفهاش حماية مستهلك نشطة

وجهة نظر تانية - السيراتو بقت بأعداد كبيرة جدا في مصر لدرجة اني مرة كنت ماشي بيها في الشارع و عربيتين اتنين واحدة جنبي وواحدة ورايا سيراتو نفس اللون و حجم الجنوط - لو فيها العيوب دي كان كل يوم نسمع عن حادثة و شركات التامين تتهرب من التامين عليها - لحد دلوقتي اللي عامل القلبان ده كله حادثة واحدة لاستاذ غازي ربنا ينجيه و ينجينا من كل مكروه - و اعتقد ان الحفرة دي هتعمل نفس الموضوع في أي عربية و برضه على سرعة 100 بس

اللي زي حالاتي العربية مريحاه و مش عاملة معاه مشاكل خالص مش بيدخل عالمنتدى كتير - دايما اللي بيدخل اللي عنده مشكلة او سمع عن مشكلة و ده بيدي ايحاء ان في ناس كتير عندها مشاكل في حين ان ناس اكتر معندهاش بس مش مسموعين علشان مش موجودة في المنتدى اصلا

مفيش شك ان اكبر ميزة في السيراتو هي الثبات , و ابعادها و عرض الجنوط اكبر و تجربة ناس كتير انا منهم هي اكبر دليل - انا اصلا حريص جدا و مش بتاع لعب بالعربيات - بس العربية دي ادتني بثباتها ثقة اني اعمل حاجات عمري ما كنت احلم اني اعملها

في النهاية ما انصحش حد بالسرعة و يمكن الناس اللي اتعرضت لحوادث غير حادثة استاذ غازي طمعت شوية بسبب امكانيات العربية لدرجة المبالغة و المخاطرة الفجة

آخر حاجة زي أول حاجة
الطرق المصرية هي السبب
الهامر لو خدت حفرة كبيرة على سرعة عالية هي اللي هتتكسر مش الطريق
بس مش معنى كده انها عربية زبالة
الهامر عربية حربية في الأساس و بينزل منها موديلات ازازها ضد الرصاص
[OVERLINE]بس اقسم بالله في حفر في مصر تبوظها!![/OVERLINE]

ربنا يحميك و يحمينا يا استاذ غازي
آسف للإطالة

[hussein20777]

حمدلله على سلامتك

اولا اذا خرجت سليم من هذه الحادثه
فهذا دليل على امان السياره بالنسبه لركبها

[MOSTAFABASAL]

الف سلامه عليك و الحمد لله انها جت على اد كده
ربنا يخليك لوالدك و والدتك و على رأي المثل الليبي الشهير" ماداما جيت في الحديد باهي صار خير"

[abou_ruqi]

اولا اذا خرجت سليم من هذه الحادثه
فهذا دليل على امان السياره بالنسبه لركبها

ده بالنسبة لركبها اللي جوه الكابينة و الا اللي طاروا من البربريز ؟؟
الباشمهندس غازي كان بره العربية , لإنه طار منها علشان مكنش رابط الحزام , فإزاي ده دليل إن العربية هي اللي حافظت على سلامته مع إنه كان خارجها !!!!

[3ateef]

يا باشا فى المال ولا فى العيال
الف حمد وشكر لله على سلامتك وربنا يعوضك خير...

[wawoo]

نظريتي
كل السيارات زبالة كوري ياباني الماني انجليزي صيني هندي أمريكي سيراتو تويوتا مرسيدس بي ام هامر - اذا تم الحكم عليها من خلال الاستخدام في مصر لأنها ببساطة سيارات صنعت لتمشي على طرق - نحن في مصر نحتاج لسيارات طائرة حتى نقيمها في ظروف مكافئة في ظل وجود حفر بعمق خمسين سم في طرق سريعة - مع الاعتذار لكلمة طرق التي لا تصف ما عندنا

اقسم بالله حتى سيارات الدفع الرباعي تتضرر من شوارع مصر لانها صممت لتتعامل مع الطرق غير الممهدة في احضان الطبيعة - لكن ليس السقوط في حفر صريحة من صنع أو اهمال بني آدمين فاسدي الضمير- موضوع الحفر ده مش موجود في الطبيعة الجبلية او الغابات أو الصحراء فقط و بلا فخر في الشوارع المصرية
ة

مع احترامى لنظرية حضرتك ..انما كل الكلام دة مش سليم .

انت مصور الطرق المصرية و كانها طرق فى الادغل ...بالرغم ان الطرق المصرية مش على المستوى القياسى فى كتير منها ..لكن هى مش طرق زبمابوى او طرق الصومال يعنى ..

الطرق المصرية جيدة فى كتير منها .. و اى سيارة محترمة فى تصممها حتكون مجهزة لتحمل طرق اسوء من الطرق المصرية بمراحل .و اجتياز اى نقرة او حتى حفرة بنجاح و دى اختبرات انا شوفتها فى تجارب احد السيارت ..

يبقى السبب الرئيسى فى الحادث ان هذة السيارة لم تمر بهذة التجارب و لم يتم تصممها بالعناية الكافية لتخطى اى مشاكل قد تكون مفاجئة فى الطريق ..او ان خامات و مكونات السيارة لم تتحمل و انهارت مع اول اختبار حقيقى لمستوها .

[elamerstar]

حمد لله على سلامتك وفداك مليون عربية ياباشا

[Eng.Sameh]

مع احترامى لنظرية حضرتك ..انما كل الكلام دة مش سليم .

انت مصور الطرق المصرية و كانها طرق فى الادغل ...بالرغم ان الطرق المصرية مش على المستوى القياسى فى كتير منها ..لكن هى مش طرق زبمابوى او طرق الصومال يعنى ..

الطرق المصرية جيدة فى كتير منها .. و اى سيارة محترمة فى تصممها حتكون مجهزة لتحمل طرق اسوء من الطرق المصرية بمراحل .و اجتياز اى نقرة او حتى حفرة بنجاح و دى اختبرات انا شوفتها فى تجارب احد السيارت ..

يبقى السبب الرئيسى فى الحادث ان هذة السيارة لم تمر بهذة التجارب و لم يتم تصممها بالعناية الكافية لتخطى اى مشاكل قد تكون مفاجئة فى الطريق ..او ان خامات و مكونات السيارة لم تتحمل و انهارت مع اول اختبار حقيقى لمستوها .

+111111111111

[esp]

اول و اهم حاجه: حمدالله على سلامه الاستاذ غازي

اسمحوا لي....

في رأي الشخصي, سبب الحادث هو عدم وجود نظام الesp في العربيه....دي مش عيب لا في العربيه ولا الوكيل....ده عيب في توكيلات العربيات المصريه كلها....انها مبتنزلش النظام ده الا في العربيات ال150 الف وانت طالع (زي الاربياجز كده)...مع ان كل وساءل الامان بتزل شى اساسي وليس اختياري و طبعا البركه في اول توكيل عمل العمله المهببه دي هو عمو غبور....يشيل الاربياجز و abs esp و يركبلك فوج لايت و يقولك كامله المواصفات (وحياه ....*؟!)

انا معنديش العربيه بس كفايه بقى علشان انت زعلتوا الناس الدفعوا دم قلبهم في العربيه....طبعا كل واحد فاكر هوا قعد اد اه في حيره و تفكير شديد قبل ما يشتري عربيته سواء جديده او مستعمله....

[Eng.Sameh]

اول و اهم حاجه: حمدالله على سلامه الاستاذ غازي

اسمحوا لي....

في رأي الشخصي, سبب الحادث هو عدم وجود نظام الesp في العربيه....دي مش عيب لا في العربيه ولا الوكيل....ده عيب في توكيلات العربيات المصريه كلها....انها مبتنزلش النظام ده الا في العربيات ال150 الف وانت طالع (زي الاربياجز كده)...مع ان كل وساءل الامان بتزل شى اساسي وليس اختياري و طبعا البركه في اول توكيل عمل العمله المهببه دي هو عمو غبور....يشيل الاربياجز و abs esp و يركبلك فوج لايت و يقولك كامله المواصفات (وحياه ....*؟!)

انا معنديش العربيه بس كفايه بقى علشان انت زعلتوا الناس الدفعوا دم قلبهم في العربيه....طبعا كل واحد فاكر هوا قعد اد اه في حيره و تفكير شديد قبل ما يشتري عربيته سواء جديده او مستعمله....

يا باشا يعني هو كل العربيات نازل فيها esp ، ما فيه عربيات كتيرة مشهود لها بالثبات والأداء ومن غير esp ، واصلا ال esp ملوش اي علاقة بالمطبات والنقر والكلام ده كله .. وعندك الأوكتافيا a5 والمازدا3 بردو ما شاء اله تحفة في الثبات والهاندلينج والسيفيك وغيرهم ، وكلهم مفيهومش esp ..

مشكلة العربية دي نظام التعليق سيئ جداً .. لكن الموضوع ملوش اي علاقة بال esp !!!!!!!!

[am79]

حمدالله على سلامتك ياباشا
وقدر الله ومشاء فعل
ربنا يعوض عليك

يا باشا يعني هو كل العربيات نازل فيها esp ، ما فيه عربيات كتيرة مشهود لها بالثبات والأداء ومن غير esp ، واصلا ال esp ملوش اي علاقة بالمطبات والنقر والكلام ده كله ..

تأكيدا لكلام الباشا
انا في مره من المرات طلعت بالعربيه bmw علي رصيف والعجلتين اليمين امامي وخلفي وكنت تقريبا ماشي علي 80 والحمد لله نزلت عادي من علي الرصيف
بس فردتين الكاوتش اليمين امامي وخلفي هما ضربوا فقط لا غير

[esp]

بس بكل سهوله على 130 و انت طالع في عربيه بثبات وهمي لو اخدت غرزه متهوره شويه ممكن العربيه تلقيها عرضت في الشارع....بس من الصعب اوي اوي اوي انك تعمل كده بعربيه فيها esp

وبعدين ازاي المطبات ملاهاش علاقه؟ مش لما العجله تنزل في الحفره بتبقى بتدور بسرعه زيده عن باقي العجل؟ زي لما يكون عندك تيل فرامل واحد عايز يتغير بتلاقي اه؟ العربيه بتحدف....لو تخيلنا نفس الموقف وانت ماشي على 100