للأسف... احذروا من النيوسيراتو...!!!!

[Eng.Sameh]

بس بكل سهوله على 130 و انت طالع في عربيه بثبات وهمي لو اخدت غرزه متهوره شويه ممكن العربيه تلقيها عرضت في الشارع....بس من الصعب اوي اوي اوي انك تعمل كده بعربيه فيها esp

وبعدين ازاي المطبات ملاهاش علاقه؟ مش لما العجله تنزل في الحفره بتبقى بتدور بسرعه زيده عن باقي العجل؟ زي لما يكون عندك تيل فرامل واحد عايز يتغير بتلاقي اه؟ العربيه بتحدف....لو تخيلنا نفس الموقف وانت ماشي على 100

يا باشا أنا أخدت غرزة ضيقة جداً بعربيتي وكانت المسافة يا دوب تعدي العربية بالعافية وعلى سرعة 160 والحمد لله ولا الهوا .. وكنت عاملها للتجربة فقط .. وأنا معنديش esp ولكن طبعاً فيها ABS و EBD وطبعا دول ملهومش علاقة بالغرز لكن يفرقو لو انت لقيت حاجة قدامك وفرملت ، ساعتها العربية مش هتلف منك ، ولكن اللي فرق معايا نظام تعليق هو أفضل نظم التعليق في العالم وعلى مستوى فئتها والفئات الأعلى ، أضف على ذالك أن مركز ثقل العربية بيأثر وتصميمها وتقلها بردو بيأثر ،

لكن ال esp ده ينفعك لما تكون بتاخد ملف حاد جداً بشكل مفاجئ على سرعة عالية وأرض زلقة .. يعني أصلا بيكون مهم في البلاد اللي فيها مطر كتير وتلج .. لكن النقر والمطبات والكلام ده .. اللي يفرق فيه نظام التعليق .

[esp]

تخيل بدل ما المقطوره تكسر على الراجل....كان في حفره في الارض و كان بيحاول يتفداها
[youtube]http://www.youtube.com/watch?v=8JTLzLRNRRs[/youtube]

[wawoo]

تخيل بدل ما المقطوره تكسر على الراجل....كان في حفره في الارض و كان بيحاول يتفداها
[youtube][/youtube]

جميل يا اخ اى اس بى الفديو دة ...بس احب اقولك ان مناورة زى اللى اخدتها العربية وراء المقطورة دى مناورة عادية جدا و اى سيارة تصممها الهندسى سليم و فيها انظمة فرامل و اتزان اخرى ممكن جدا تاخد هذة المناورة بسهولة بدون اى اس بى.

طبعا مش محتاج افكرك ان دة فيدو جرافيك و طبعا اللى عملاة الشركة المصممة لنظام ال اى اس بى نفسة ,,و هى فى الفيلم دة شركة بوش ..يعنى اقصد ان فى مبالغة كبيرة فى اظهار تاثير النظام و دة لاسباب الدعاية مش اكتر .

و لو اخدت بالك من التعليق الصوتى للرجل فى نهاية الفيلم بيقولك ان النظام دة مش حيغير قوانين الفيزياء ..هو مجرد نظام مساعد مش اكتر و لكن السائق لازم يكون حزر .

هذا النظام مهم لا شك فى ذلك ..لكن عدم وجودة مش بالضرورة يعنى ان اتزان السيارة اصبح فاشل وان السيارت الى تعمل بدونة فى خطر ..يمكن فى حالة سيارت معينة زى السيراتو مثلا النظام مطلوب اكثر من سيارات اخرى و دة لمعالجة و تغطية قصورة فى هندسة السيارة نفسها .

[nokiy]

لا حول ولا قوة الا بالله
الحمد لله علي سلامتك

[maghnom]

مع احترامى لنظرية حضرتك ..انما كل الكلام دة مش سليم .

انت مصور الطرق المصرية و كانها طرق فى الادغل ...بالرغم ان الطرق المصرية مش على المستوى القياسى فى كتير منها ..لكن هى مش طرق زبمابوى او طرق الصومال يعنى ..

الطرق المصرية جيدة فى كتير منها .. و اى سيارة محترمة فى تصممها حتكون مجهزة لتحمل طرق اسوء من الطرق المصرية بمراحل .و اجتياز اى نقرة او حتى حفرة بنجاح و دى اختبرات انا شوفتها فى تجارب احد السيارت ..

يبقى السبب الرئيسى فى الحادث ان هذة السيارة لم تمر بهذة التجارب و لم يتم تصممها بالعناية الكافية لتخطى اى مشاكل قد تكون مفاجئة فى الطريق ..او ان خامات و مكونات السيارة لم تتحمل و انهارت مع اول اختبار حقيقى لمستوها .

استاذي الفاضل
لو انت بتاع سفر و بتلف دول سواء كانت فقيرة او غنية هتعرف ان الطرق المصرية هي الأسوأ عى مستوى العالم و نفسك هتصعب عليك مع شوارع اول دولة تسافرها
و طبعا انا مش بشبه الطرق المصرية بالأدغال زي ما حضرتك قلت
الأدغال فيها شجر و زرع بس حفر ملهاش معنى و كسور اعمال حفر غاز و مجاري مفيش
الأدغال احسن بكتير من الطرق المصرية

و بمناسبة انك اتكلمت على طرق الصومال و زيمبابوي بدون علم - فقط على اساس انها دول تعبانة
انصحك بالفرجة على قناة National Geographic Adventure و شوف برنامج الأتنين اللي بيلفوا قارة افريقيا كلها على موتسيكلات و ابقى شوف الطرق في الدول التعبانة دي عاملة ازاي بالنسبة لمصر

و بالنسبة لأن السيراتو ما اتعملهاش اختبارات - على اي اساس قلت كده؟ تعرف حد شغال في الشركة الأم في قسم مراقبة الجودة؟ رجاء يا أخي بلاش افتراضات منحازة بدون علم يقين, و يا ريت ترجع لمشاركتي الاولي اللي انت عقبت عليها و تشوف اني نزلت بالسيراتو بتاعتي في حفر اعمق بسرعات اعلى و العربية كأن شيئا لم يكن

تحياتي لك و و انا مش قصدي اختلف معاك بس فعلا احنا مظلومين مع شوارع مصر و كفاية اني اعرف اسرة من اب و ام و طفلين صغيرين اتعجنوا في عربية و طلعوا كلهم اشلاء بسبب حفرة بلاعة في منزل عند اولاد رجب المقطم بعدي من جنبها كل يوم - و لسة موجودة و محدش اتحرك - خلي بالك مش كل الناس تقدر تجيب عربيات تفوت في الحديد - مع اني لسة عند رايي ان كل العربيات حتى الهامر بتتضرر من شوارع مصر و حفرها لأن مهما كان الأرض اقوى من اي عربية

[otefa]

يا باشا أنا أخدت غرزة ضيقة جداً بعربيتي وكانت المسافة يا دوب تعدي العربية بالعافية وعلى سرعة 160 والحمد لله ولا الهوا .. وكنت عاملها للتجربة فقط .. وأنا معنديش esp ولكن طبعاً فيها abs و ebd وطبعا دول ملهومش علاقة بالغرز لكن يفرقو لو انت لقيت حاجة قدامك وفرملت ، ساعتها العربية مش هتلف منك ، ولكن اللي فرق معايا نظام تعليق هو أفضل نظم التعليق في العالم وعلى مستوى فئتها والفئات الأعلى ، أضف على ذالك أن مركز ثقل العربية بيأثر وتصميمها وتقلها بردو بيأثر ،

لكن ال esp ده ينفعك لما تكون بتاخد ملف حاد جداً بشكل مفاجئ على سرعة عالية وأرض زلقة .. يعني أصلا بيكون مهم في البلاد اللي فيها مطر كتير وتلج .. لكن النقر والمطبات والكلام ده .. اللي يفرق فيه نظام التعليق .

+11111111111111

[otefa]

قددر الله ولطف......الف حمد الله علي السلامة.

[otefa]

بالنسبة للطرق في الاغلب لو صنفناها......هاتبقي من اسوء 50 علي مستوي العالم....هو احنا عندنا اي معاير ولا مواصفات للجودة تقريبا بكل المجالات ....اشمعني يعني الطرق الي هايكون ليها!!!!
ميزة الطرق في مصر حتي انظف الطرق ....يبقي الطريق لسة متسفلت بس فول اوبشن ....عالي واطي عالي ....دلع المواطن ومرجحه شوية.....فينيشينج من اسوء مايكون........ده غير التراب الي في كل حتة في الشارع ماهو مش مبلطين الارصفة......ولا بردورة الرصيف (الحربية الدفاعية) حاجة تخلع الي مايتخلع لو نازل ولا طالع عليه برجلك

[makavelimorsy]

تحياتي لك و و انا مش قصدي اختلف معاك بس فعلا احنا مظلومين مع شوارع مصر و كفاية اني اعرف اسرة من اب و ام و طفلين صغيرين اتعجنوا في عربية و طلعوا كلهم اشلاء بسبب حفرة بلاعة في منزل عند اولاد رجب المقطم بعدي من جنبها كل يوم - و لسة موجودة و محدش اتحرك - خلي بالك مش كل الناس تقدر تجيب عربيات تفوت في الحديد - مع اني لسة عند رايي ان كل العربيات حتى الهامر بتتضرر من شوارع مصر و حفرها لأن مهما كان الأرض اقوى من اي عربية

انا فاكر الحادثه ديه كانت في 2007 صح؟؟؟؟ و كان كل الشارع و السواقين بيعيطوا عياط من المنظر؟؟كانو خبطوا فحيطه و كان الفجر..بس السمعتو ان السواق نام....الله يرحمهم جميعا

[maghnom]

انا فاكر الحادثه ديه كانت في 2007 صح؟؟؟؟ و كان كل الشارع و السواقين بيعيطوا عياط من المنظر؟؟كانو خبطوا فحيطه و كان الفجر..بس السمعتو ان السواق نام....الله يرحمهم جميعا

لا يا باشا الحادثة اللي انا بتكلم عنها كانت اسرة راكبين عربية و نازلين بيها في شارع 9 المقطم الاتجاه اللي بيودي مدينة نصر و في المنزل اللي عند اولاد رجب في بلاعة حفرة وقعوا فيها العربية اتقلبت على المنزل و اتحولت لعجين و الناس اللي جوة لاشلاء - اب و ام و طفلين بتاع سنتين و تلاتة - ربنا يعفينا
انا ساكن في المقطم و الحفرة دي بعدي من جنبها كل يوم - هي بعد نص الشارع بشوية ناحية اليمين

مش فاكر بصراحة نوع العربية بس كانت تقريبا حاجة صغيرة
ربنا يحفظنا و يرحمهم

[m_s_azzam]

الحمد الله على كل شئ

[egycome]

ربنا يعوض عليك والف سلامة ليك يا هندسة والحمد لله انك بخير
انا فعلا كنت حاسس ان العربية دى فيها مشكلة بشوفها وهى على الطريق بحس ان الخلفية بتاعتها مش متزنة ومش متناسبة مع مقدمتها وخاسس ان فيها حاجة مش مظبوطة
لكن هذا هو السوق المصرى الناس بتجرى على اى حاجة فيها كاسيت وفتحة سقف وجنوط ولا احد يعير اهتمام للسلامة والامان وحاسس ان سعرها مبالغ فيه جدا لا اصدق انها اغلى من الياريس والبومة !!!!!

[osamason]

الحمد لله ربنا يعوضك خير انت انسان محترم وبجد الحمد لله انك بخير

[egycome]

ربنا يعوض عليك والف سلامة ليك يا هندسة والحمد لله انك بخير
طمنا عليك يا هندسة واخر اخبارك مع التامين
من فترة وانت منقطع عساك بخير ان شاء الله

[fadola]

حمدالله علي سلامتك وفداك100عربيه والحمد لله انك نورتني
لأني كنت ناوي أجيبها وناس برده حزروني منها بس كان عاجبني شكلها بس انتي كده حسمت الموضوع وسأتجه للنيسان ان شاء الله وربنا يعافيك