للأسف... احذروا من النيوسيراتو...!!!!

[ha_ali20052000]

حمد لله على سلامتك
اتفق مع الاخوة الاعزاء انه لابد من كل الى يمتلك سيراتو وبها نفس المشكله ان يجتمعوا ويبلغوا التوكيل
ومش لازم نتحامل على الكورى من غيره ولكن المفروض ان نتحامل على التوكيل الذى يحدد المواصفات الفقيرة التى يحضها الى مصر
والدليل على ذلك اختلاف جميع السيارات سواء الكورى او اليابانى او الالمانى وغيرها عن الموصفات الموجوده فى غير مصر
والحمد لله ان الله مع هذا الشعب

[salehgharib]

يعني البي ام والمرسيدس ذات جودة رديئة ؟
دول اكتر من الهوندا السيفيك في الشارع - معني كدة ان الهوندا اعلي جودة ؟؟؟

انا اللي مش عارف انت جبت النظرية دي منين

الانتشار ناتج عن الطلب والطلب ناتج عن اعجاب المستهلك بابضاعة والسعر والقيمة

يعني كدا مثلا نقول ان التيدا مثلا اعلي جودة من البي ام لانها اقل انتشارا ؟؟؟؟؟؟؟

انت حر في رايك واقتناعك لكن مظنش حد في المنتدي كله حيوافق علية

وصباح الفل

الله ينور عليك
المشكلة ان العضو بيحك فى علم الإقتصاد
والإقتصاد غير كدا خالص

[salehgharib]

أحب أقولك إن اسبيرانزا كانت واحدة من الشركات الأعلى مبيعا في مصر سنة 2009
سلملي على الجودة

صدقني من غير عصبية , بص على الشارع المصري بنظرة موضوعية
حتلاقي الأقل جودة هو الأكثر إنتشارا لإنه رخيص
والأعلى جودة هو الأقل إنتشارا لإنه أغلى

وده طبيعي جدا , أنا مش فاهم أنا بشرح في إيه ؟؟؟؟؟

مين قال لك إن الإسبرنزا من الشركات الأعلى مبيعا فى السوق المصرى
واذا كان الكلام ده عام 2009
طيب الكلام ده راح فين دلوقتى

على فكرة إنت بتثبت خطأ ما تقول
أو بمعنى اصح بتجيب امثلة بتثبت إن الكلام الى انت بتقولة مش مظبوط
الإسبرنزا تعتبر رخيصة مش منتشرة بالدرجة الى انت متخيلها
كنت عاوز اعرف انت خريج ايه بالضبط

[wael2518]

الف سلامه

الف سلامه والحمد لله انك كويس وفداك الف عربية المهم انك كويس

[samcar]

الله ينور عليك
المشكلة ان العضو بيحك فى علم الإقتصاد
والإقتصاد غير كدا خالص

ب ام ومرسيدس ايه اللى اكتر انتشار؟
غالبا انت ساكن فى منطقه غنيه شويه - علشان كده بتشوف العربيات دى كتير - معلش لو عندك بيان باعدلد العربيات دى يبقى كلامك منطقى
وبعدين دى عربيات تمنها فوق ال 300 الف - عايز الحكومه تقول ايه - ارحمونا دى حكومه بتتسلبط

[mahmoudalmasre]

بصراحة الكلام دة كلام فاضي والسيراتو بصراحة عربية محترمة ومفيهاش ولا حدف لمين ولا شمال والعربية معايا من خمس شهور والسيارة خليجي سعودي ودي افضل من الوكيل بكتير

[egycome]

وزي ما قلتها قبل كده اللي راكب سيراتو لو كان ميزانيته تسمح كان جاب سيفيك
واللي راكب سيفيك لو كانت ميزانيته تسمح كان ركب باسات
بديل
إنه لو كانت السيراتو بتمن السيفيك مكانتش كيا باعت عربية واحدة
ولو كانت الباسات بتمن السيفيك مكنتش هوندا باعت عربية واحد في مصر !!!

الله ينور عليك يا هندسة
انت جبت الخلاصة بجد

[mummy_47]

ب ام ومرسيدس ايه اللى اكتر انتشار؟
غالبا انت ساكن فى منطقه غنيه شويه - علشان كده بتشوف العربيات دى كتير - معلش لو عندك بيان باعدلد العربيات دى يبقى كلامك منطقى
وبعدين دى عربيات تمنها فوق ال 300 الف - عايز الحكومه تقول ايه - ارحمونا دى حكومه بتتسلبط

يا جماعة الموضوع بسيط...
سبب انتشار سلعة او انحسارها راجع للعرض والطلب الذي يتأثر واذواق المستهلكين وثقافتهم وافكارهم وايضا بثمن السلعة..
يعني في الوضع الطبيعي كلما زاد الطلب على سلعة ما مع ثبات المعروض منها فان ذلك يؤدي الى غلو ثمنها..والعكس صحيح كلما قل الطلب مع ازدياد المعروض فان ذلك يؤدي الى رخص السلعة..

لكن مثل ما قلت في اول كلامي اذواق المستهلكين وثقافتهم تؤثر على نظرية العرض والطلب ...
يعني في ناس بتفضل السيارات الكورية عن اليابانية
وفي ناس يتفضل الياباني والامريكي عن الالماني تبعا لذوقهم زي دول الخليج واللي راحها من حضراتكم هيلاقي المرسيدس والبي ام قليل جدا...لانهم بيحبوا الياباني ومتنسوش ان في ياباني بينافس المرسيدس زي ال ليكزس واللاند كروزر وايضا الكامري والهوندا اككورد وطبعا في ماركات من الامريكي بتنافس بل بتتفوق عن المرسيدس زي الكاديلاك ومحدش يقولي ان دول الخليج ممعاش فلوس تشتري البي ام بل ان احيانا تلك الانواع تكون اغلى من المرسيدس ....

نرجع لمصر..عندنا السوق بيتاثر باذواقنا وافكارنا ازاي:
اللي يقدر يجيب مرسيدس او باسات بيجبها من واقع الفشخرة والتفاخر يعني مش بيبص على الامكانيات والعملية بتاعة السيارة كل اللي يهمه انه يتقال عليه راكب عربية غالية وخلاص
بالنسبة للطبقة المتوسطة من الشعب فانه بيبحث عن الشكل والسعر الاقل في مقابل جودة معقولة وده برضه سبب انتشار الاسبيرانزا..والكيا سيراتو وغيرهم يعني شريحة من 60 الف : 120 الف جنيه
في شريحة اخرى لا تتنازل عن الجودة في مقابل السعر.. مثال ..لو انت معاك 120 الف تجيب سيراتو زيرو ولا مرسيدس موديل 1996 ؟

ولولا اختلاف الاذواق لفسدت السلع..
وافكركم كده بفترة الستعينات او من قبلها شوية لما كانت الاوبل فيكترا منتشرة بشكل بشع وكان من قبلها الهوندا سيفك وكان من قبلهم الهيونداي اكسيل ..

دليل اخر عن الجوده لسيت المقياس: عدم انتشار السيارات والانجليزيةمثل الجاجور والرولزرويس والبنتلي والرانج روفر نفس سعر المرسيدس بل اغلى واجود تقريبا لان الناس ذوقها وفكرها واقف عند ان المرسيدس مفيش احسن منها مهما قلت وعدت..

يعني الخلاصة من الكلام ...ان انتشار ماركة او عدم انتشارها لايعني ابدا جودتها من عدمه...

[gazzar91]

ياجماعه انتو سبتوا الموضوع ومسكتوا فى السيراتو والكورى وطلعتوه زى الصينى

وان خلاص اى واحد معاه عربيه كورى بمجرد مايعدى 100 هايتقلب

والله العظيم انا ليا صديق شخصى اعرفه كويس ( تجربه شخصيه مش سمعت قصه من واحد وجاى احكيلكم )

كان معاه اوبل فيكترا 2007 واتقلب بيها على الصحراوى على سرعه أقل من 100 !!!!

والعربيه اتدمرت واتباعت total lose

الحوادث دى نصيب وقضاء وقدر بغض النظر عن نوع العربيه

واسف لصديقى بشمهندس غازى لخروجى عن الموضوع

على فكرة الأوبترا دي عربية كوري...... دايو نوبيرا 3

http://www.extremegttuning.com/autoliefhebber/Deawoo/Daewoo%20Nubira.jpg

و على العموم ألف سلامة يا باشمهندس

[Hosam_Optrawy]

على فكرة الأوبترا دي عربية كوري...... دايو نوبيرا 3

http://www.extremegttuning.com/autoliefhebber/deawoo/daewoo%20nubira.jpg

و على العموم ألف سلامة يا باشمهندس

معلش مش فاهم

ايه علاقة الاوبترا بالموضوع

مش فاهم معنى ردك دا

[bukla]

يا جماعة الموضوع بسيط...
سبب انتشار سلعة او انحسارها راجع للعرض والطلب الذي يتأثر واذواق المستهلكين وثقافتهم وافكارهم وايضا بثمن السلعة..
يعني في الوضع الطبيعي كلما زاد الطلب على سلعة ما مع ثبات المعروض منها فان ذلك يؤدي الى غلو ثمنها..والعكس صحيح كلما قل الطلب مع ازدياد المعروض فان ذلك يؤدي الى رخص السلعة..

لكن مثل ما قلت في اول كلامي اذواق المستهلكين وثقافتهم تؤثر على نظرية العرض والطلب ...
يعني في ناس بتفضل السيارات الكورية عن اليابانية
وفي ناس يتفضل الياباني والامريكي عن الالماني تبعا لذوقهم زي دول الخليج واللي راحها من حضراتكم هيلاقي المرسيدس والبي ام قليل جدا...لانهم بيحبوا الياباني ومتنسوش ان في ياباني بينافس المرسيدس زي ال ليكزس واللاند كروزر وايضا الكامري والهوندا اككورد وطبعا في ماركات من الامريكي بتنافس بل بتتفوق عن المرسيدس زي الكاديلاك ومحدش يقولي ان دول الخليج ممعاش فلوس تشتري البي ام بل ان احيانا تلك الانواع تكون اغلى من المرسيدس ....

نرجع لمصر..عندنا السوق بيتاثر باذواقنا وافكارنا ازاي:
اللي يقدر يجيب مرسيدس او باسات بيجبها من واقع الفشخرة والتفاخر يعني مش بيبص على الامكانيات والعملية بتاعة السيارة كل اللي يهمه انه يتقال عليه راكب عربية غالية وخلاص
بالنسبة للطبقة المتوسطة من الشعب فانه بيبحث عن الشكل والسعر الاقل في مقابل جودة معقولة وده برضه سبب انتشار الاسبيرانزا..والكيا سيراتو وغيرهم يعني شريحة من 60 الف : 120 الف جنيه
في شريحة اخرى لا تتنازل عن الجودة في مقابل السعر.. مثال ..لو انت معاك 120 الف تجيب سيراتو زيرو ولا مرسيدس موديل 1996 ؟

ولولا اختلاف الاذواق لفسدت السلع..
وافكركم كده بفترة الستعينات او من قبلها شوية لما كانت الاوبل فيكترا منتشرة بشكل بشع وكان من قبلها الهوندا سيفك وكان من قبلهم الهيونداي اكسيل ..

دليل اخر عن الجوده لسيت المقياس: عدم انتشار السيارات والانجليزيةمثل الجاجور والرولزرويس والبنتلي والرانج روفر نفس سعر المرسيدس بل اغلى واجود تقريبا لان الناس ذوقها وفكرها واقف عند ان المرسيدس مفيش احسن منها مهما قلت وعدت..

يعني الخلاصة من الكلام ...ان انتشار ماركة او عدم انتشارها لايعني ابدا جودتها من عدمه...

انا معاك فى كل كلمة قولتها بس انت نسيت عامل مهم قوى و هو التوكيل و قوتة فى خدمة ما بعد البيع انا اعتقد ان دة من اقوى العوامل اللى بتاثر على مدى انتشار العربية و اقتناع الناس بيها

[abou_ruqi]

انا معاك فى كل كلمة قولتها بس انت نسيت عامل مهم قوى و هو التوكيل و قوتة فى خدمة ما بعد البيع انا اعتقد ان دة من اقوى العوامل اللى بتاثر على مدى انتشار العربية و اقتناع الناس بيها

مع إحترامي لرأيك , أنا شايف العكس

العربيات الأكثر مبيعاً في مصر هي الأسوأ توكيلا مثل غبور (هيونداي) ومنصور (شيفورليه واوبل) وأبو الفتوح (اسبيرانزا)

بينما التوكيلات الأفضل على الإطلاق هي أقل حظا من السابقين
مثل الجميل (دايهاتسو) الفطيم (هوندا) سعود (نيسان و سوزوكي)



صدقني هاتها يمين أو جبها شمال , سعر العربية هو المعيار الذي يهم الشعب
الناس يهمها العربية الأكثر إمكانيات والأكبر حجما بس بأقل سعر ممكن

في عامل أخر بس أصغر بكتير من السعر , اللي هو روح القطيع والتقليد الأعمى , كل واحد عاوز يركب زي جاره و مايشغلش نفسه بالتفكير معتقدا بإن جاره بيفهم عنه فحيفكر وراه ليه ؟؟
أو بيسأل تاجر عربيات أو ميكانيكي صحبه , وغالبا التاجر مابيعرفش ينطق اسماء العربيات أصلا وأكيد مايعرفش الفرق بين الـ abs و الـ gps

[Atrees]

مع إحترامي لرأيك , أنا شايف العكس

العربيات الأكثر مبيعاً في مصر هي الأسوأ توكيلا مثل غبور (هيونداي) ومنصور (شيفورليه واوبل) وأبو الفتوح (اسبيرانزا)

بينما التوكيلات الأفضل على الإطلاق هي أقل حظا من السابقين
مثل الجميل (دايهاتسو) الفطيم (هوندا) سعود (نيسان و سوزوكي)



صدقني هاتها يمين أو جبها شمال , سعر العربية هو المعيار الذي يهم الشعب
الناس يهمها العربية الأكثر إمكانيات والأكبر حجما بس بأقل سعر ممكن

في عامل أخر بس أصغر بكتير من السعر , اللي هو روح القطيع والتقليد الأعمى , كل واحد عاوز يركب زي جاره و مايشغلش نفسه بالتفكير معتقدا بإن جاره بيفهم عنه فحيفكر وراه ليه ؟؟
أو بيسأل تاجر عربيات أو ميكانيكي صحبه , وغالبا التاجر مابيعرفش ينطق اسماء العربيات أصلا وأكيد مايعرفش الفرق بين الـ abs و الـ gps

ليه افترضت ان كل الافتراضات دي ومنها سياسة القطيع اللي انا متاكد انها لاتتعدي 1 % من سياسة المستهلك المصري اللي اصلا صعب يضحك علية - غير انك بتقلل من ثقافتة حتي لو محدودة بامكانياتة

انا شايف ان العربية بتبيع اكتر لانها بتحقق مطالب المستهلك في حدود امكانياتة والعربيات دي لو وحشة فعلا او زي ما انت بتقول سياسة قطيع ما كانتش نجحت وباعت في كل حتة في العالم رغم اختلاف الاذواق وطريقة التفكير والثقافة - ومع ذلك الاكثر مبيعا في العالم

انا مش عارف انت ليه مصمم علي نظرية الاجود هوا الاندر رغم ان تقريبا 80% من الناس سواء كانو دارسين الاقتصاد او غيرة معارضين لرايك !!!!!!!!!!!!

الاعتراف باحق فضيلة وليست فضيحة :)

سؤال شخصي معلش - هوا حضرتك عندك كام سنة وبتسوق بقالك اد اية وما هية انواع السيارات اللي حضرتك ركبتاها ؟

وشكرا ليك

[abou_ruqi]

ليه افترضت ان كل الافتراضات دي ومنها سياسة القطيع اللي انا متاكد انها لاتتعدي 1 % من سياسة المستهلك المصري اللي اصلا صعب يضحك علية - غير انك بتقلل من ثقافتة حتي لو محدودة بامكانياتة

انا شايف ان العربية بتبيع اكتر لانها بتحقق مطالب المستهلك في حدود امكانياتة والعربيات دي لو وحشة فعلا او زي ما انت بتقول سياسة قطيع ما كانتش نجحت وباعت في كل حتة في العالم رغم اختلاف الاذواق وطريقة التفكير والثقافة - ومع ذلك الاكثر مبيعا في العالم

انا مش عارف انت ليه مصمم علي نظرية الاجود هوا الاندر رغم ان تقريبا 80% من الناس سواء كانو دارسين الاقتصاد او غيرة معارضين لرايك !!!!!!!!!!!!

الاعتراف باحق فضيلة وليست فضيحة :)

سؤال شخصي معلش - هوا حضرتك عندك كام سنة وبتسوق بقالك اد اية وما هية انواع السيارات اللي حضرتك ركبتاها ؟

وشكرا ليك

عندي 37 سنة وعندي و لد وبنت , ماجستير إدارة نظم معلومات , وجاري التحضير للدكتوراه في الجودة بالأكاديمة العربية , وبشتغل في هيئة سياسية ومركز مسؤليتي في نيابة رئاسة الهيئة

وأمتلكت فورد ميركوري جراند ماركيز 1996 و أفيو و فيات و نصر ده غير التيدا طبعا


يعني كان عندي اميريكاني و اسيوي وياباني و أوروبي

أما بقه ركبت إيه فأنا نفسي معرفش أحصرهم معظم اللي نزلوا مصر

ويمكنك التأكد من صحة المعلومات من كذا عضو يعرفوني معرفة شخصية زي شنوري و محمد الطويل وناس تانية كتير

ها أنفع ؟؟؟

أه نسيت أقولك إن زرت أوروبا وأسيا


يا ترى مؤهلاتي تسمحلي بالكلام معاك وألا لما أخلص الدكتوراه ؟؟؟

[Atrees]

عندي 37 سنة وعندي و لد وبنت , ماجستير إدارة نظم معلومات , وجاري التحضير للدكتوراه في الجودة بالأكاديمة العربية , وبشتغل في هيئة سياسية ومركز مسؤليتي في نيابة رئاسة الهيئة

وأمتلكت فورد ميركوري جراند ماركيز 1996 و أفيو و فيات و نصر ده غير التيدا طبعا


يعني كان عندي اميريكاني و اسيوي وياباني و أوروبي

أما بقه ركبت إيه فأنا نفسي معرفش أحصرهم معظم اللي نزلوا مصر

ويمكنك التأكد من صحة المعلومات من كذا عضو يعرفوني معرفة شخصية زي شنوري و محمد الطويل وناس تانية كتير

ها أنفع ؟؟؟

أه نسيت أقولك إن زرت أوروبا وأسيا


يا ترى مؤهلاتي تسمحلي بالكلام معاك وألا لما أخلص الدكتوراه ؟؟؟

هلا وسهلا بيك - وعلي فكرة انا لم اقصد لالاستخفاف بيك خالص - ودة ممكن تتاكد منة من ناس كتير في المنتدي

وكان سؤالي بسيط ودة عشان اتعرف علي خلفيه ثقافتك وخبراتك في الحياة عشان نقدر نتكلم بشكل موضوعي - ودة لان المنتدي في تفاوت في الاعمار والخبرات وبالتالي قبل ما ادخل في نقاش احب اكون علي دراية ولو بسيطة عن خلفية المتحدث عشان ميحصلش تصادم ملوش لازمة -

الشرح الوافي لخلفيتك و خبراتك يخليني بس اتسائل عن التشبت برايك دة سببة اية - واضح انك تقدر تتفهم الراي الاخر وانك تناقش علي اساس علمي وعملي وبالتالي حيكون في فرصة انك تراجع نفسك لو في خطا

يعني احنا كلنا بنسال عن الخلفية العلمية اللي انت استندت ليها في رايك دة - لان الخبرة العملية وتجاربك مع انواع السيارات دي كلها ممكن تكون تجربة فردية برضوا - مبينة علي ظروف كتير وبالتالي نلجاء للحل العلمي اللي هوا حيبقي فيصل في الحوار - يعني ممكن الندرة تساوي الجودة في حاجات وحاجات - لكن احنا بنتكلم علي واقع سيارات - يعني مينفعش نربط الجودة بالانتشار لكن ممكن نربطها بالسعر اللي هوا ممكن ياثر علي انتشار العربية ( ودة مش ثابت ) لان في سيارات كتير ليست منتشرة رغم سوء جودتها

اتمني يكون مفهومي وصللك - ودة مالوش علاقة خالص بانك تنفع للحوار الا بعد الكتوراة لا لاء :)

عموما لو انت لا تصلح للحوار انا مكنتش عملت مداخلة معاك - لكن انا بفرض حسن النية الاول