نعم هناك حرب على السيراتو بسسب انتشارها

[dr_k]

كلامك مظبوط بس احب اوضح كام حاجة..

اولا: انا بشييك على الكوتش قبل مركب كل مره (مفيش اي بلالين خااالص)

ثانيا: العربيه حدفت يمين عشان النقره كانت شمال و انا بفاديها فخدت يميني حاجة بسيطة و اكبر دليل اني ملفتش الدركسيون بغشومية اني لبست النقره فعلا, بعدها بمسافة العربية عومت (بعد النقره بمسافة)... الفرامل معملتش حاجة و موقفتش العربية و الدريكسيون مش بيوجه الكوتش... انا شايف من وجهة نظري المتواضعة ده مقص اتكسر, لأني مسمعتش صوت كوتش بيفرقع خالص, و الكوتش المهوي اللي في الصوره ده بعد ما اتقلبت و الفردتين اللي قدام مهويين على فكره...

اول ما اجيب التقرير حعرف, بس التوكيل مش بيقول سبب الحادث ايه على فكره, انا سألت و قالوا مش بنعمل تقرير كده خالص, الأضرار اللي في العربية و تكلفة تصليحها فقط...

طيب ممكن توضح الاسباب اللى خلتك تقول انها متور ومنظر فى نقط محددة لان الاوضوع لو مقص انكسر يبقى حالة فردية كمان ده يرجع لعمق وحجم النقرة فيه نقر عاملة زى البلاعة المفتوحة تكسر مقص اجدع عربية
انا عن نفسى اعرف ان عندنا هنا فى شبين الكوم كانوا عاملين مطبات جديدة الحديد اللى بتبقى تركيب و فى مكان المفروض انه زحمة ومهما كانت سرعتك مش هتعدى 40 او 50 بالكتير وواحد معدى بهيونداى ومش واخد باله المقصين اللى قدام انكسرو والعجلتين طارو بعيد
يعنى ممكن نقول ان الحادثة سببها الطريق وده ممكن يحصل فى اى عربية
وبكدة لازم نكون حذرين فى السواقة و مش معنى ان الطريق فاضى اننا نجرى لازم نعمل حساب غلطاط الطريق وبعدين انا هنا فى مصر لا اثق فى اى طريق حتى لو كان حرير خصوصا بعد الموضوع ده
فيه حاجة كمان تبين ان الطريق له دور كبير جدا انا مرة فى السعودية كنت ماشى بعربيتنا مرسيدس 280s قديمة وماشة 40 وخدت نقرة جامدة شوية لقيت نفسى جارر الشكمان ع الارض

والف سلامة عليك

[CryptonX]

شكل حضرتك مافهمتنيش وبعدين اية خلصونا دية ياريت نتكلم باسلوب احسن من كدة شوية
احنا هنا فى منتدى كيا ولينا الحق المشروع اننا نتكلم فى كل كبيرة وصغيرة عن منتج كيا انا مجيتش حطيت الموضوع دة فى اى قسم اخر وبعدين اعتقد ان الموضوع يخص الى عندهم العربية بس مش اى حد تانى ودة لهدف معين وبعدين مش حضرتك الى تحكم ان الناس تهاجمنى ولا لاء
انا هنا مش بفرض راى على حد انا بقول راى وبكل امانة وموضوعية
وياريت اخيرا اسلوب الكلام يكون احسن من كدة

دة لو انت عندك سيارة من سيارات كيا اما لو انت داخل تتسلى يبقى موضوع تانى
سلااااااااااااااااااااااااااااااااااااااااااام:b4_ 388:

معرفش حضترك مبتقراش كلامي كويس .. او بتدافع على طول وخلاص ! و انا موجهلتكش كلام اصلا !

لاحظ في كلامي انا ذكرت اكثر من مرة الاتي :
( انا بتكلم عامة ) و ( مش حضرتك شحصيا انا بتكلم عامة ).


انت مقرتش الكلام كويس بقى واخدتوا على نفسك دي شيء تاني .. انا بتلكم عامة على مواضيع التاييد و كره السيراتو الي انتشرت و حتنتشر و لم اعيب السيارة او حضرتك في شيء ..

كونك بقى فهمت الكلام خطأ ده مش ذنبي انا .

يا سيدي انا معنديش عربية كيا و مش حجيبها ان شاء الله .. علشان احنا مش قد الحاجات الجامدة دي .. و ذي منت كتب موضوعك في منتدى " مفتوح " للجميع .. يبقى من حقي اتكلم انا كمان مش لازم اشتري كيا يعني علشان ارد عليك !

اسلوبي مش عاجبك ؟ هو ماكنش موهجلك اصلا و ذكرت كدة قبل كدة ..

اتسلى ؟ انا اسف اني حاولت افهمك راي ... و الف مبروك عليك عربيتك و شكرا .

ربنا يهدينا جميعا !

[tamermagdy]

انا بصراحة مش عارف الموضوع دة اتقلب خناقة اوي كدة لية
اولا حمدللة علي سلامتك بعد الحادث المؤسف اللي انت وصفتة و احب اقولك انك رامي كل اللوم علي العربية و ان انت مش غلطان و انك كنت بتعمل كل حاجة متاحة ليك و العربية هي اللي وحشة و مش مرضية ليك بالمرة علي الرغم انك اكيد قبل الحادث كنت راضي عنها و الا كنت تفكر انك تبعها.
ثانيا احب اقولك ان ليا صديق توفي في حادث علي سرعة 90 علي طريق مصر اسكندرية الصحراوي بمرسيدس s500 .... اشكر ربك انك سليم و خلي بالك من نفسك و انت سايق اي عربية كوري ..ياباني ... اوربي ...حتي لو هندي
ثالثا انا متفق معاك ان الجنط الـ 17 غير ملائم لشوارعنا الغريبة (و اللي ربنا يرحمنا ونبقي من الدول الحلوة الجميلة) لكن دة مش معناة ان مقاس الجنط غير ملائم لعفشة السيارة و ردا علي الاستاذ اللي بيقول انا اول مرة اشوف عربية بتنزل باكتر من مقاس للجنط و الكاوتش احب اقولة لاتوجد سيارة في العالم لايوجد بها 3 مقاسات مختلة للجنط و الكاوتش و ممكن تتأكد من كلامي انك تنزل اي معرض سيارات و افتح اي عربية تعجبك و افتح باب السائق و شوف مكتوب علي القائم اية..........!!!!
رابعا موضوع الحدفة الشمال انا مش عارف اساسها اية من الصحة لكن احب اقول في النهاية مبروك لكل واحد اشتري اي عربية و ربنا يباركلة فيها و ياريت نخلي بالنا من نفسنا و من شوارعنا......

[KSA2011]

باشمهندس محمد غازى
انا بتمنى من حضرتك تبطل ترد على اى حد بخصوص العربيه
اول ما العربيه نزلت كنت اكتر واحد بتشكر فيها و اقنعت الناس بيها لدرجه انه فيه ناس اتهمت انك شغال فى التوكيل و لما سقتها قلت تجربتك و الحمد لله على كل شىء
ما تتعبش نفسك وتقعد ترد وتتعب نفسك انا والله تعبت من الردود عليك
يا جدعان الى عجباه العربيه دى ينزل يشتريها ويريح دماغك ودماغنا وبلاش الحده فى الكلام مع راجل ماحدش عارف نفسيته عامله ازاى
وحتى لو العربيه كويسه المفروض يبقى فيه شويه احساس بظروف الناس
وياريت الاداره تقفل الموضوع ده
الى عايز يتكلم يتكلم عن العربيه وبس لكن ما يوجهش كلام لحد ويقول ده قال وده عاد

[KSA2011]

معرفش حضترك مبتقراش كلامي كويس .. او بتدافع على طول وخلاص ! و انا موجهلتكش كلام اصلا !

لاحظ في كلامي انا ذكرت اكثر من مرة الاتي :
( انا بتكلم عامة ) و ( مش حضرتك شحصيا انا بتكلم عامة ).


انت مقرتش الكلام كويس بقى واخدتوا على نفسك دي شيء تاني .. انا بتلكم عامة على مواضيع التاييد و كره السيراتو الي انتشرت و حتنتشر و لم اعيب السيارة او حضرتك في شيء ..

كونك بقى فهمت الكلام خطأ ده مش ذنبي انا .

يا سيدي انا معنديش عربية كيا و مش حجيبها ان شاء الله .. علشان احنا مش قد الحاجات الجامدة دي .. و ذي منت كتب موضوعك في منتدى " مفتوح " للجميع .. يبقى من حقي اتكلم انا كمان مش لازم اشتري كيا يعني علشان ارد عليك !

اسلوبي مش عاجبك ؟ هو ماكنش موهجلك اصلا و ذكرت كدة قبل كدة ..

اتسلى ؟ انا اسف اني حاولت افهمك راي ... و الف مبروك عليك عربيتك و شكرا .

ربنا يهدينا جميعا !

يا باشا ما تتاسفش لحد
العربيه زباله و سيئه جداا
كل واحد يقول وجهه نظره زى ما هو عايز
اه بالمناسبه بقى للناس الى بتقول على التوكيل توكيل محترم ؟ هو التوكيل المحترم لما تروح تساله على العربيه يقولك عشان تستلم تدفع 6 الاف زياده عن تمن العربيه

[KSA2011]

انا بطلب طلب اخير من كريم باشا منير يكشف الاى بيهات فى الموضوع ده ويشوف اذا فيه اكونتات مكرر لنفس الشخص ولا لا وشكرااا

[mastr_n]

[QUOTE=CryptonX;3872172994]معرفش حضترك مبتقراش كلامي كويس .. او بتدافع على طول وخلاص ! و انا موجهلتكش كلام اصلا !

لاحظ في كلامي انا ذكرت اكثر من مرة الاتي :
( انا بتكلم عامة ) و ( مش حضرتك شحصيا انا بتكلم عامة ).


انت مقرتش الكلام كويس بقى واخدتوا على نفسك دي شيء تاني .. انا بتلكم عامة على مواضيع التاييد و كره السيراتو الي انتشرت و حتنتشر و لم اعيب السيارة او حضرتك في شيء ..

كونك بقى فهمت الكلام خطأ ده مش ذنبي انا .

يا سيدي انا معنديش عربية كيا و مش حجيبها ان شاء الله .. علشان احنا مش قد الحاجات الجامدة دي .. و ذي منت كتب موضوعك في منتدى " مفتوح " للجميع .. يبقى من حقي اتكلم انا كمان مش لازم اشتري كيا يعني علشان ارد عليك !

اسلوبي مش عاجبك ؟ هو ماكنش موهجلك اصلا و ذكرت كدة قبل كدة ..

اتسلى ؟ انا اسف اني حاولت افهمك راي ... و الف مبروك عليك عربيتك و شكرا .

ربنا يهدينا جميعا !
اللة يبارك فيك يا سيدى ويزيدك من نعيمة وربنا يهدى الجميع ااامين

[mastr_n]

اااااااااااااامين وربنا يهدى الجميع يارب

[m_s_h_a]

يا باشا ما تتاسفش لحد
العربيه زباله و سيئه جداا
كل واحد يقول وجهه نظره زى ما هو عايز
اه بالمناسبه بقى للناس الى بتقول على التوكيل توكيل محترم ؟ هو التوكيل المحترم لما تروح تساله على العربيه يقولك عشان تستلم تدفع 6 الاف زياده عن تمن العربيه

مين اللى قالك التوكيل بيقولك هات 6000 جنيه زياده عن تمن العربيه المعلومه اللى عند خضرتك غلط تماما ولازم اصلحهالك لانك من الواضح انك متعرفش حاجه عن العربيه وبتقول اى كلام التوكيل بيبيع بالسعر الرسمى وبدون جنيه زياده فى السعر

[CryptonX]

انا مقولتش حاجة واحد في حق العربية !

انا بتكلم على المواضيع الي بتصاحب انطلاق اي سيارة جديدة مشهورة في هذه الفئة !

كون بقى العربية وحشة حلوة .. الله اعلم ! انا كل الي عملته اني قعتد في تابلوها !
لا قلت عليها وحشة و لا قلت انها ممتازة !

---

السيارة الوحيدة الجديدة الي جربتها في الفئة دي كانت الكروز ال topline و بصراحة عجبتني جدا من جوا عن السيراتو ماعدا فرش و البلاستيك بتاع الابواب ( الخلفية خاصة ) حاسته خاماته تعبانة جدا عن السيراتو . فقط !

[KSA2011]

مين اللى قالك التوكيل بيقولك هات 6000 جنيه زياده عن تمن العربيه المعلومه اللى عند خضرتك غلط تماما ولازم اصلحهالك لانك من الواضح انك متعرفش حاجه عن العربيه وبتقول اى كلام التوكيل بيبيع بالسعر الرسمى وبدون جنيه زياده فى السعر

عيب يا باشا لما تقولى بتقول اى كلام
وبعدين انا مش بتكلم معاك

[KSA2011]

بالنسبه للكلام الى قلته روحوا على توكيل كيا فى المنصوره عند العيسى او الشركه المصريه واسألوه عايزين كيا سيراتو شوفوا رده هيكون ايه ؟

[gundal]

لا حول ولا قوة إلا بالله

يا جماعة اللي جاب العربية مبروك عليه واللي مجبهاش يستنى شوية يشوف اللي جابوها عملوا بيها ايه !!

بس انا عن نفسي شخصيا موضوع السيراتو شاكك فيه شوية !!

يعني اه الانسر ولا الكورولا ولا السيفيك ميختلفش عليهم اتنين لانهم تاريخ عريق !!


بس سيراتو وكروز عربيات جديدة .. صحيح كويسين بس الصبر فيهم كويس قبل الندم


انا اللي مشككني في السيراتو
كل الكماليات دي خصوصا فتحة سقف وجنوط 17 وب 126 الف بس

اه سعر تنافسي وفل أوي بس يا خوفي تكون طعم !!

يعني العربية متسواش بصلة حطولها كل الكماليات دي عشان جر الرجلين وأنا مع الاخ الفاضل اللي قال

جنوط 17 على 1600 كوري !! مش منطقية

صحيح اللي رد قال انها عشان ممكن تغليها في السعر !!

طب قولي شمعنى السيفيك الكاملة اللي ب 185 الف منزلتش بالحنط ال 17 مينفعش هنا بقى اقول عشان ميغلاش سعرها !!

اللي هيهون عليه يدفع المبلغ ده مش هتفرق على كام ألف تانيين عشان تبقى جنوط 17 واهي سيفيك بأقوى المحركات في فئتها ..

بس لأن الكل متفق 1600 سي سي وجنط 17 مينفعوش مع بعض

ودي وجهة نظر .. وشكرا للجميع

[dr_k]

بالنسبه للكلام الى قلته روحوا على توكيل كيا فى المنصوره عند العيسى او الشركه المصريه واسألوه عايزين كيا سيراتو شوفوا رده هيكون ايه ؟

دول معارض او موزعين مش التوكيل
التوكيل فى القاهرة بس
اما الموزعين فعلا بيزودو بس ده لان التسليم فورى
انا لسة شارى واحدة ودافع الفين اوفر برايس من عند القصراوى فى طنطا ودى اقل زيادة شفتها الصراحة

[dr_k]

لا حول ولا قوة إلا بالله

يا جماعة اللي جاب العربية مبروك عليه واللي مجبهاش يستنى شوية يشوف اللي جابوها عملوا بيها ايه !!

بس انا عن نفسي شخصيا موضوع السيراتو شاكك فيه شوية !!

يعني اه الانسر ولا الكورولا ولا السيفيك ميختلفش عليهم اتنين لانهم تاريخ عريق !!


بس سيراتو وكروز عربيات جديدة .. صحيح كويسين بس الصبر فيهم كويس قبل الندم


انا اللي مشككني في السيراتو
كل الكماليات دي خصوصا فتحة سقف وجنوط 17 وب 126 الف بس

اه سعر تنافسي وفل أوي بس يا خوفي تكون طعم !!

يعني العربية متسواش بصلة حطولها كل الكماليات دي عشان جر الرجلين وأنا مع الاخ الفاضل اللي قال

جنوط 17 على 1600 كوري !! مش منطقية

صحيح اللي رد قال انها عشان ممكن تغليها في السعر !!

طب قولي شمعنى السيفيك الكاملة اللي ب 185 الف منزلتش بالحنط ال 17 مينفعش هنا بقى اقول عشان ميغلاش سعرها !!

اللي هيهون عليه يدفع المبلغ ده مش هتفرق على كام ألف تانيين عشان تبقى جنوط 17 واهي سيفيك بأقوى المحركات في فئتها ..

بس لأن الكل متفق 1600 سي سي وجنط 17 مينفعوش مع بعض

ودي وجهة نظر .. وشكرا للجميع

ما تنساش ان اليابانى هنا فى مصر بصفة عامة اغلى من الكورى
وخلى بالك ان الكماليات هى اللى بتغلى العربية جامد وبصفة عامة الكماليات بتبقى غالية يعنى اليابانى لو اتحط فيه كماليات عالية كدة الشعب المصر هيبعد عنها
وبعدين العربيات اللى بتنزل اوروبا وامريكا بتنزل بكماليات اعلى من اللى هنا فى مصر عشان فيه فلوس وما فيش جمارك
اما بالنسبة للكورى فارخص عشان برضه عوامل كتير منها رخص الايد العاملة والضرايب واسعار الخامات وخلافه
وعايزك تفكر شوية الكورولا الجديدة فيها نفس الكماليات بتاعة السيراتو بس عشان تنزل بسعر رخيص صنعها فى جنوب افريقيا فى حيث ان اليابانى منها (الخليجى)بكماليات اقل بكتير واغلى يعنى الكورولا بالكماليات دى لويابانى توصل 190 او 200 الف بالمستريح وهى معمولة انها عربية اقتصادية يعنى لازم يوفقها على مقاس كل بلد
وبعدين انا لو هدفع 190 200 الف هجيب اوروبى جيتا او باسات او اكتافيا
وبعدين قارن المورى بالكورى يعنى قارنها بالالنترا فى السعر يعنى مثلا شوف اعلى حاجة فى الالنترا بكام وشوف ايه اللى يوافقها من الكماليات فى السيراتو وشوف السعر
وبعدين الناس ماسكة فى حكاية جنط 17 على فكرة فرق السعر بين ال16 وال 17 لا يذكر
انا كنت سالت عليه فى السعودية الاتنين بنفس السعر
طيب ليه جنط 17 لانها نازلة للشباب اكتر خصوصا مع الشكل اللى ليه طابع رياضى
وفى الاخر وجهات نظر العربيات كلها وجهات نظر والا كان فيه عربيات هتتباع وعربيات لا
وتقبل تحياتى